Tik tênhv tênhz trâu têx jêx jok trâus nas chuô uô ruôr hiêv

Jok Gia Tè xã Mù Cả, đhâu 10 hnuz têx xor tênhv trâus tu, tsi muôx tênhv tênhz sir zôngv, tsôngv box luz nênhx njiz lok six ntâu phiv liv tiv têx kôngz krâur, zav nox muôs ntơưv têx qơư muôs xiv huv uz no hâur jok tưz tas. Thâuv txox cêr 4H hâur jok muk 2 chas thax tsav tưz pov muôx yênhx puôk ntu trâus xưz poz txos nhiv no cux tsênhv cxiv kho tsi tâu tâu. Ntâu hnuz lok no, 28 chuôz zis tsôngv box hâur jok tưz tsuv siz paz, sik pheiz kênh têx poz mì tôm,  cxur  tsênhv yuôr mê njik nox chiê đhâu ntu txov nhêv.

Zơưv Khoàng A Cồ, iz lênhx tsôngv box Gia Tè hâur jok heik pâuz: Tsi tâu muôx iz jiês tưs txox cêr 4H no trâus puôk tsuôx li ntơư.  Cur pov iz cxiê tuk ndêx tênhv lox tưz kêix, lor, tu xor; yuôr têx ndêx tênhv mê tik xor tênhv tuôx trâu hâur jok mak vâu lor tas trâu hâur đêx lơưv. Nhiv no cux tsi pov kaz uô li chas, viv tsi muôx tênhv chiê jov cxur thiêz tsôngv box tsuv mul lok đhâu têx qơư xưz poz txix ntơưv jok, đêz 8 cêik chiê zuôr mê njik cxur lok nox:

“Cêr mul lok phiv liv, muôx iz tuk tuz, taz sik nưk mul uô tsêr yiêz nhoz Tó Khò , Pắc Ma  lơưv. Tsuôk yuôr 2 niêv txir nhoz tsêr thiêz cux mul lok tsi tâu, tsuôk pâuz muk zuôr 20 thiêr ntâuz tax lok tuôv uô tsêr fênhz suôz chiê nhoz xưz. Têx zav nox cux tsi txâuk, têx blêx, cxur tox xưz poz cux cuôr lơưv tas, nhiv no muk jov cxur tov Gò Cứ mak cêr mul lok phiv liv. Zuk cux muôx meir jov cxur taz sik tsi jông lơưv, sđ muôx blêx muk jov taz sik jov tsi tâu viv tsi muôx tênhv”.

          Nhiv no huyện Mường Tè cux tsênhv yuôr 40 ntâu luz jok nhoz 3 xã trâus pôngz tênhv tiv tox xưz poz, ndêx tênhv vâu, têx xor tu tas. Tênhv tênhz Nậm nhùn, taz viv seiz car têx xor tênhv hâur thax tsav cux tsênhv sir jos phênhz canr bôv, công nhân pheiz uô 3 paz, qênhz shuôs têx qơư muôx xor tênhv tu chiê txuôk kho. Taz sik, luôs hâux lưv côngz tênhv tênhz tsênhv njiz phiv liv viv chiê tênhv muk txos tâu trâu têx jok trâus kuôk cêv tiv ntux nas uô, công nhân ngênhx tênhv tsuv muk tơư yênhx châuv cêik cêr đhâu têx qơư xưz poz lok sik đhâu cưx đês cưx ha zok nriêr, qênhz shuôs têx ntu muôx xor tênhv trâus tu chiê kho. Tix lâus Lý Văn trung, công nhân tênhv tênhz Nậm Nhùn heik pâuz:

“Luôs hâux lưv kho tênhv mak nhiv no zos tsênhv uô trơưk li phênhz côngz, chox kriê, pheiz uô 4 paz chiê muk txuôl kho têx ntu xor tênhv tu. Nhiv no muk tas cêr yêz lox zos tsuv muk tơư cưr thiêz gra têx chuôz zênhx, xor tênhv, muk iz hnuz thiêx muk txos trâu qơư muôx xor tênhv tu. Têx hnuz đhâu, pêz têx công nhân seiz car, kho xor tênhv cux tưz sir jos seiz shuôs chiê ntu tưs tsi muôx tênhv mak kho trâu, cov muôx tênhv tsôngv box tơưk pov cêr”.

Tênhv tênhz Nậm Nhùn nhiv no seiz car têx  xor tênhv hâur 2 huyện Nậm Nhùn thiêz Mường Tè, muôx 800 cêik xor tênhv, zuôr xar 200 qơư tso thiêz tuô tênhv nhoz 25 xã, thị trấn. No cux zos thax tsav têx xor tênhv trâus uô ruôr hiêv, tsi jông tas ntâu hâur jiês đêx nas cuôr yôngz nhiv kruôr đhâu, thâuv tas nro têx xor tênhv hâur thax tsav trâus tsi jông, hâur co muôx 10 xã trâus pôngz tênhv tsi muôx tênhv tơưk.

Zơưv Mai Văn Mạnh, phưv Giám đốc tênhv tênhz Nậm Nhùn heik pâuz: Đhâu hlo thâuv muôx têx tsi jông heik ntơư hâur thax tsav, pêz huiz tôngv 100% canr bôv, công nhân pheiz uô 4 paz muk trâu têx xã chiê kho. Phênhv ntâu têx ntu xor tênhv tu mak pêv têx trôngz siêz, phiv liv mul lok viv li taz viv cux njiz ntâu phiv liv. Zos thâuv têx hnuz ntux yar, zôngx ziv mê njik mal taz viv cux tsuv pôngz 2, 3 hnuz thiêx kho tâu thiêz thiêx muôx tênhv txos trâu têx jêx jok. Yuôr lok sâuv kho têx xor tênhv, ndêx tênhv ntơư truôx thiêz khor ntêr mak cux seiz pok thoz huk tâu têx cêr thôngz chiê zôngx ziv mul xưz:

“Txos nhiv no, taz viv cux tưz sir jos cxiv kho chiê côngz tênhv tâu txos têx tsênhv qơư xã. Taz sik, cux tsênhv yuôr iz cxiê jok nhoz đêz, tiv cêr xưz poz tas, nhiv no tsuôk mul tâu tơư, viv li lok six phiv liv trâu thâux xa têx chuôz zênhx, xor tênhv muk txuôl kho tênhv. Njuôk xav, zos tiêk ntux yar mak hâur 4 hnuz thiêz, taz viv zuôr sir jos kho cov tâu chiê muôx tênhv trâu tsôngv box sđ tơưk pov cêr”.

Muk đhâu cưx đês cưx ha toz, ndê trâu têx trôngz siêz thiêz đhâu têx ntu cêr xưz poz, chor canr bôv, công nhân viên tênhv tênhz Nậm Nhùn tưz niêx hnuz sir jos uô hâux lưv chiê tror côngz tênhv tênhz trâu thax tsav trâus đêx nas uô hiêv Mường Tè. Đros thiêz hâux lưv nzor tror muôx tênhv tênhz trâu tsôngv box tơưk pov cêr, tsôngv box hâur thax tsav, lar heik zos tsôngv px suôv qơư trâus đêx nas cuôr yôngz luz nênhx zuôr tsi yuô txov nhêv./.         

(Khắc Kiên-Riê Lâux cxeik, nhênhv)

Kỷ luật thiêz tik cêr cxâuv trâu canr bộ đangv viên uô cxâuv chêi ziv uô tsôngv box njênhs njôngr txos Đangv

          Ciês thâuv têx xor mông lok hâux lưv kỷ luật têx canr bộ uô cxâuv chêi thiêz tik cêr cxâuv ntâu lênhx nênhs muôx lênhx coaz nhoz Bộ thôngz xor mông, ntâu đangv viên, tsôngv box ntơưv TPHCM thôngx ziv siêz. Viv hâux lưv no tưz muôx yưv nzor, txos nhiv no thiêx li tâu yưr lir txos qơư, hâur co muôx têx canr bộ thênhv siêz. Zơưv Nguyễn Văn Thành, nhoz cêr Nguyễn Đình Chiểu, Quận 3, TP HCM xar li no:

          “ Cur thiêz tsôngv box TPHCM lok six thôngx ziv đros hâux lưv yưr lir canr bộ tsi jông nhoz Mobìphone thiêz kỷ luật Ban cán sự Đảng Bộ thôngz xor mông đhâu hâux lưv Mobiphone muôv muôs đros AVG uô pôngz lok six ntâu têz qơưk li nhiêx txiêx. Cur lok six thôngx ziv đros chiz coaz muôx txơưx jênhv thiêz Đangv, têz qơưk li cêr chei chiê tov kaz no tsi muôx qênhx shênhx canr bộ liv zôngv qênhx liv chiê sâu liv trâu zuk”.

          Zơưv Vũ Ngọc Hoàng nhoz TP Biên Hòa, tỉnh Đồng Nai jênhv tênhv, têx lênhx nênhs trâus yâuz pov li têx uô cxâuv trâus yưr lir kỷ luật thiêz tik cêr cxâuv zos lok six coaz tsôngv. No zos lul canhv pov đros têx lênhx nênhs tsênhv xar uô cxâuv cêr chei, huôz nox nhiêx txiêx. Zơưv cux thix ziv nzor sâu tâu têz qơưk li chor nhiêx txiêx trâus lơưr huôz nox chiê thêv trâu têz qơưk:

          “ Hâux lưv tir tar tâu txuz Mobiphone zuôr AVG zos lok six jông, jav tâu pôngz yênhx cxênhz tỷ đeiv nhiêx txiêx têz qơưk. Taz sik lơưr cur no tsuôk zos iz hâur têx txuz hâux lưv tâu tir tarnzor, tsênhv yuôr lok six ntâu txuz zov chênhr. Taz sik cur cux xar tiêk no zos lul canhv pov đros têx lênhx nênhs tưs muôx siêz xar zuôr lok six sâu liv trâu zuk chiê uô ruôr hiêv nhiêx txiêx têz qơưk”.

          Pos Đàm Vũ Quỳnh Anh, iz công chức nhoz quận Tân Bình, TPHCM xar tiêk: Hâux lưv chiz coaz công an krêz qênhz yuôx, ntês cơư kuz Tổng giám đốc Mobiphone thiêz iz lênhx zos kuz lênhs tov thênhv siêz Bộ thôngz xor mông tưz uô tsôngv box ziv njênhs njôngr đuô txos Đangv. Đhâu co tso pov siêz sir jos hâur côngz xưv tir tar thaz huôz nox nhiêx, cux xưk li Đangv li sir jos uô txos qơư, tsi zos lav heik. Pos Đàm Vũ Quỳnh Anh thix ziv:

          “Xor mông lok hâux lưv Mobiphone zuôr AVG tưz muôx kuôk nor 2 shông, txos nhiv no thiêx li qênhz yuôx tik cêr cxâuv mak muôx njik kênhz taz sik cux zos hâux lưv jông. Chor nhiêx txiêx 7000 tỷ đeiv zos lok six lox, viv li cur xar mak chiê yưr lir trơưk lênhx nênhs, trơưk cêr uô cxâuv tsuv zuôr seiz shuôk tas nro hâux lưv no, têx lênhx nênhs tưz qênhz yuôx mak tsi pov uô cxâuv, tsi zos qênhz yuôx têx lênhx nênhs uô cxâuv xưz”.

          Zơưv Nguyễn Thanh Tịnh, tsôngv box huyện Hàm Thuận Nam, tỉnh Bình Thuận mak xar li no hâux lưv Mobiphone zuôr công ty cổ phần AVG uô lav phêv nhiêx txiêx têz qơưk, zơưv lok six thôngx ziv đros Ban bí thư li cuiz tênhv yưr lir Ban cán sự Đảng Bộ thôngz xor mông li têx uô cxâuv:

          “ Đhâu hâux lưv Mobiphone zuôr AVG tsôngv box lok six tsov cưv txos. Ban bí thư tưz cuiz tênhv yưr lir canhv cáo huv đros tsôngv box li siêz xar, đhâu co kho đuô Bộ thôngz xor mông li têx uô cxâuv”.

          Lơưr Luật sư Nguyễn Văn hậu, Phưv chủ tịch Hội luật gia TPHCM, đhâu hâux lưv yưr lir kỷ luật đangv viên uô cxâuv thiêz tik cêr cxâuv têx lênhx nênhs uô hâu nov viv têx uô cxâuv hâur coar lik Bộ thôngz xor mông li têx uô cxâuv tso pov Đangv li côngz xưv tơưv txênhz tir tar thaz huôz zos uô jông uô thiêz uô zov chênhr txos qơư. Luật sư Nguyễn Văn Hậu thix ziv:

          “ Tsov lơưr Bộ chinhr trị li Cuiz tênhv 102 hnuz 15/12/2017 cui tênhv lok yưr lir kỷ luật đros đangv viên uô cxâuv cur pov tsuv yưr lir txos qơư têx canr bộ liv zôngv qênhx liv, hâu nov lơưr điều lệ Đangv li cui tênhv. Tiv 2 đros lênhx nênhs uô cxâuv cui tênhv cêr chei pir li hâur coar lik thiêz sir zôngv pênhr côngz uô ruôr hiêv zov chênhr nhiêx txiêx têz qơưk mak tsuv yưr lir lơưr Bộ luật hình sự li cui tênhv, tsuv yưr lir txos qơư chiê hâux lưv coar lik têz qơưk li pênhr yưv tsi trâus nhiês huôz nox…”

          Luật sư Nguyễn Văn Hậu xar tiêk: No zos iz jax cơưv hâur coar lik canr bộ đangv viên cux xưk li coar lik pênhr nhiêx têz qơưk ntơưv têx tổng công ty têz qơưk nhiv no./.

              (VOV TPHCM- Txâur Vax cxeik nhênhv)