Việt Dân (Quảng Ninh) zos xã nôngx cxênhz yiêz, huôv tsar chos cxuô zav tsoz chos trơưk VietGap

          Đhâu thâuv tâu côngz jênhv uô tiêr hâux lưv cxiv tsa nôngx cxênhz yiêz lok shông 2013, xã Việt Dân tror chuôz ndê ploz tsênhr cxiv tsa nôngx cxênhz yiêz-huôv tsar chos cxuô zav tsoz chos. Têx ziv chuôz zis tâu heik kriê thiêz paz txưv chos txir na, zos tsoz chos tsênhv hâur tiv phaz lơưr ploz tsênhr VietGap, chos uô trơưk công nghệ thiêz lo ntơưr nriêr pâuz qơư uô, sik côngv sâu zuôr. Pos Chu Thị Đua, nhoz jos Tân Thành muôx vax đar 12 cxênhz yiv ndis. Pos Chu Thị Đua shir phaz heik:

          “Côngz jênhv VietGap mak tâu tsov cưv, viv li pox nhuôs uô cux muôx chêx cuk đuô têx shông tov ntêx. Niêx shông txir na muôs tâu 30 cxênhz đeiv iz cir xưz, nhiv no muôx têx thâuv muôs tâu 50 cxênhz đeiv iz cir, txir jông gâux, muôs tâu grê đuô. Cur chuôz zis cxôngx thâuv uô VietGap txos nhiv no sâu tâu siêz đuô, phênhv sâu zos 700 tsov đeiv ntâu iz shông, viv li jông siêz hênhr”.

          Zos xã kôngz nuv tox siêz, Việt Dân tưz hlôngr yiêz tsoz chos, njuôs xav thax tsav tsêz chos chêx chôngk đros 300 hecta chos blêx tsơưr lươngv siêz, 200 hecta txir na ploz tsênhr VietGap, 45 hecta tsoz txir thênhx caz, txir lưk jôngr, uô tiêr cxix luôk zưs đêx. Cxôngx phênhv sâu lênhx nênhs zos 27 tsov đeiv iz shôngk lok shông 2013, txos nhiv no tsôngv box li phênhv sâu siêz đuô 2 jiês- zuôr xar 56 tsov đeiv iz shông. Tas nro xã tsi yuôr chuôz zis pluôs. Pos Nguyễn Thị Minh Tư, Bí thư chi bộ, tsar jos Phúc Thị puz pâuz:

          “Têx cêr pheiz trâu têx thax tsav qơư seiz car, uô ntêx zos cán bộ đảng viên, têx đoanx thêv tsuv uô uô ntêx, chos ntông, uô vêv xênhz tênhx qơư, hu grus tsôngv box sik đros uô. Jux jus yênhx cêr cor cav, têx thax tsav qơư nhoz chiv chir coar lik, tsôngv box chiv chir uô zuk li pưs txux, uô jông thiêz hur zos uô trâu zuk, viv li lênhx tưs cux jông siêz cxaz chuôz”

          Hli 7/2019, UB tỉnh Quảng Ninh tưz tso tơưv cuiz tênhv côngz jênhv Việt Dân tax ploz tsênhr xã Nôngx cxênhz yiêz muôz siêz lơưr Chính phuv li Cuiz tênhv 691, zos xã nôngx cxênhz yiêz muôz siêz xuz thơưx tỉnh Quảng Ninh, thiêz cux zos xuz thơưx hâur tas nro têz qơưk. Zơưv Nguyễn Ngọc Tiên, Phưv chủ tịch UB xã Việt Dân puz pâuz, yênhx tix no muôx tâu zos khov cêr sik côngv siêz cxôngx cán bộ txos tsôngv box, xã txos jêx jos li chox kriê uô jông, chuôz tsar tsôngv pox nhuôs li cêr niêv côngv siêz thiêz txưv zênhv sir jos uô. Cxôngx shông 2017-2018, nhiêx txiêx cxiv tsa nôngx cxênhz yiêz zos 67 tỷ đeuv mak tưz muôx 41 tỷ đeiv zos cxôngx tsôngv box li gôngr côngv:

          “Tsôngv box tưz thôngx ziv mak đas jos tsôngv box zos lok six lox. Tiv zix, pêz phuôx huiz tâu chêx cuk sik côngv siêz têx tuêv, sik côngv cxiv tsa têx lênhx nênhs jông, ziv chuôz zis jông, têx cêr jông, gôngr côngv cơ sở cxuô zav cxiv tsa tsêr vênhx huôv jêx jos. Thâuv luz nênhx tâu muôz siêz mak chinhz yênhx thiêz têx vênhx huôv cux tâu muôz siêz”.

          Cxôngx Việt Dân li yênhx tix uô tâu lok cxiv tsa nôngx cxênhz yiêz muôz siêz, txos hli 10/2020, thị xã Đông Triều tâu côngz jênhv niêv đrôngs hov 3, thiêz muôx cxaz 7 xã tâu côngz jênhv tax nôngx cxênhz yiêz muôz siêz./.

(VOVĐB-Txâur Vax cxeik nhênhv)

Sir jos tir tar moz Covid-19 tsik chiê cik lok đhâu ntus đriv

Nhiv no, Bôv Tư lệnh Bôv đôiv Pênhz phax tsênhv uô truôx jông 1.600 ntâu qơư sêiz jor đros muôx 7.500 ntâu lênhx cán bộ, chiến sĩ, sik côngv đros 3.000 lênhx nênhs nhoz têx lưx lươngv txơưr đuô uô hâux lưv; Thôngx cxix, tsưr tsix ntâu jiês yax kriê phax tar caz moz Covid-19 sâuv tas nro thax tsav ntus đriv đros muôx 6.000 ntâu jiês trâu zuôr xar 1 triệu lênhx nênhs pâuz; cungz xar muôx 1 triệu ntâuz ntơưr đros 2.700 fâu ntơưr nus têz lok caz moz Covid-19, cux xưk li phax, tar muk lok đhâu ntus đriv tsik zos chêi. Đuô li, chor chuôz zênhx thôngz xor mông cux đros cxuô thax tsav qơư yax kriê zuôr xar 6.000 xor mông lok qênhx shênhx caz moz, tsưr ziv phax tar txos trâu chôngz tsôngv box thiêz pêx xênhv pâuz.

Lơưr Thiếu tướng Lê Đức Thái-Tư lệnh Bôv đôiv Pênhz phax, txix hâur shôngk shông txos nhiv no, Bôv đôiv Pênhz phax tưz pov, xưv lik zuôr xar 14.000 lênhx nênhs lok tsik zos chêi trâu hâur têz qơưk Việt Nam, paz tsik tsơưs trâu côngz xưv phax, tar, txo grêk tsơưs caz moz Covid-19 cik  tâu lok đhâu thax tsav ntus đriv pêz têz qơưk:

“Txos nhiv no tưz muôx iz shông ntâu, cán bộ chiến sĩ bôv đôiv Pênhz phax đros cxuô lưx lươngv, cxuô thax tsav qơư sâuv thax tsav ntus đriv kriz uô hâux lưv sêiz car, por vêv ntus đriv thiêz phax, tar muk lok đhâu ntus đriv tsik zos chêi, đros phax tar caz moz. Tsuv hêik tiêk sơưr đơưk tưz lok six sir jos chiê uô zuk têx hâux lưv thâuv muôx ntâu kror phiv liv, xav tas nro lok nox nhoz, xênhz huôx, ntux yar ntux nas, lok côngz xưv taz por trâu luz nênhx thiêz cxuô zav”.

Hâur sir jos tir tar caz moz Covid-19 cik lok đhâu ntus đriv, ntu zuôr txos, Bôv đôiv Pênhz phax chuôz cxaz uô côngz xưv qênhz yuôx, sêiz jor ntơưv têx trrôngx đriv, cêr zâu muk lok sâuv thax tsav ntus đriv, đêx hiêr, tsêx trung trâu ntơưv têx qơư zov chênhr, phiv liv.

Đros co, chuôz cxaz sik côngv ntiêx têz, đối ngoại pênhz phax; sik thav, phêiz kênh xor mông đros lưx lươngv por vêv ntus đriv têx têz qơưk iz ndis chiê thôngx ziv tsưr ziv tir tar, xưv lik cov huv zos cui tênhv. Đại tá trần Tiến Hiền, Phưv Chỉ huy trưởng Bôv Chỉ huy Bôv đôiv Pênhz phax tỉnh Quảng Nam hêik:

“Đros qênhx shênhx ntus đriv Việt Nam-Lào, tiv zix zos saz Lào txơưr txar phiv liv, Bôv Chỉ huy tưz chox kriê cxuô taz viv, tiv zix zos tso nzir têx lưx lươngv sâuv đêx hiêr muk trâu thax tsav ntus đriv chiê phax tar caz moz. Uô jông têx qơư sêiz jor, sêiz shuôk jông têx cêr zâu, qênhz yuôx cxuô qơư chiê tir tar qênhx shênhx muk lok đhâu ntus đriv tsik zos chêi trâu hâur Việt Nam. Yax kriê, hêik pêx xênhv moz siêz, hêik pâuz chor nênhs txơưr, nênhs lok hâur têz qơưk tsik zos chêi trâu lưx lươngv muôx vax huôv pâuz thiêz cxov tsês chox muk cêv kuôk, xưv lik trơưk cui tênhv”.

Hâur jiês uô côngz xưv ntơưv tỉnh An Giang nhiv kruôr đhâu, Phưv Chủ tịch têz qơưk Võ Thị Ánh Xuân khav tênhv: têx tỉnh, thành faz Nam, tiv zix zos An Giang muôx ntus đriv buôs ti đros têx têz qơưk txơưr muôx qênhx shênhx caz moz txơưr txar phiv liv, viv li hâux lưv qênhz yuôx ntus đriv, phax, tar caz moz muôx tsiv gri lok six lo txos trâu côngz xưv phax, tar caz moz hâur têz qơưk. Phưv Chủ tịch têz qơưk Võ Thị Ánh Xuân hêik mênhx:

“Ntu zuôr txos, sơưr đơưk tsuv uô jông lơưr Đảng têz qơưk chox kriê, jê no tiv zix zos Thủ tướng chinhr phuv li Chỉ thị lok hâux lưv cê phax tar tâu jông caz moz, cê huôv tsar tâu kinh têr-xar hôiv. Đros hâux lưv phax tar caz moz mak uô jông lơưr têx tsưr ziv tưz tâu hêik kriê thiêz yuôx vắc xin. Tiv caz moz tsênhv txơưr txar lok six phiv liv, đros muôx Bôv tư lệnh bôv đôiv Pênhz phax, Bôv Tư lệnh Quân khu 9 li chox kriê, tror sêiz jor truôx jông ntus đriv, tsik zos phax tar lok hâur têz qơưk tsik zos chêi xưz, mak tsênhv por vêv ntus đriv hâur ntu nhiv no; phax tar zuôr muôs hax huv chuôr thiêz têx chor nênhs fêv txơưr đuô”.

Đros sir jos uô “phax tar caz moz li phax tar tros châuz” thiêz tâu cxaz nzir lưx lươngv, chuôz zênhx, Bôv đôiv pênhz phax zuôr sir jos đros cxuô lưx lươngv, tiv zix zos pox nhuôs cxuô mênhx cxưx uô cov truôx jông côngz xưv phax tar caz moz Covid-19 sâuv thax tsav ntus đriv têz qơưk./.

(VOV4-Lik Thox cxêik nhênhv)