QUẢNG NINH: CHUÔZ TSAR COAR LIK TAZ POR VÊV XÊNHZ ZAV NOX HÂUR VÊNHV THIX KÔNGZ NUV

Lơưr Sở kôngz nuv thiêz phuôv tsar nôngx cxênhz li thôngz sâu, tas nro tỉnh Quảng Ninh nhiv no muôx zuôr xar 1.600 qơư tsiv uô chuôz zênhx uô kôngz nuv, xiv huv kôngz, jôngr, đêx nuv tâu thôngz sâu. Iz chas têx qơư tưz tâu thôngz sâu, nhiv no sâuv thax tsav tỉnh tsênhv yuôr ntâu qơư tsiv uô zav nox hâur vênhv thix kôngz nuv mê, tsi muôx ntơưr tsiv uô, muôv muôs thiêz ntâu xiv huv kôngz nuv thâuv tuôx txos tsôngv box sir zôngv, tsi taz por vêv xênhz zav nox, tsi pâuz tsênhz qơư tsiv uô...

          Xav txix hli 10 shông 2015 txos nhiv no, Sở kôngz nuv thiêz phuôv tsar nôngx cxênhz tỉnh Quảng Ninh tưz seiz car, qênhz yuôx zuôr xar 160 qơư, tsưr tsix, lênhx nênhs tsiv uô chuôz zênhx kôngz nuv, đros Sở công thương qênhz yuôx 400 ntâu qơư tsiv uô, muôv muôs zav nox. Đhâu têx jiês qênhz yuôx, Sở kôngz nuv thiêz phuôv tsar nôngx cxênhz tỉnh Quảng Ninh tưz muôx ntâuz ntơưr xa trâu têx tiv phaz muôx lênhx coaz tsưr tsix bluô thiêz tik cêr cxâuv trâu têx qơư tsiv uô cxuô zav tsik trơưk chêi; đros têx taz viv sâu tsês thiêz muôz por tsês ntâu hax huv tsi pâuz tsênhz qơư tsiv uô, hax huv muôx tsơưr trâus txưr...Zơưv Ngô Duy Ái, chi cục tsar chi cục thú y tỉnh Quảng Ninh heik: “Iz kror phêv liv lox đros pêz chiz coaz zos hâux lưv qênhz yuôx tsơưr trâus txưr viv iz cxiê qơư, doanh nghiệp tu zus lok six lox, hâur co lưx lươngv thú y mak tsơưs. Pêz xar njôngr tsuv reik têx qơư feik tuô tsiêx cxu li txơưx jênhv đros nênhs sâu zuôr xiv huv. Zos pov qơư tưs zôngv tsơưr trâus txưr mak lênhx tsưr hax huv co tsuv taz txơưx jênhv thiêz thôngx cxix hâux lưv no tsuv uô nhoz tas nro têx tiv phaz thiêx muôx txux zôngv. Zos tsuôk nhoz iz tiv phaz mak pê zxar tiêk cux tir tar tsi muôx chêx cuk”.

          Iz chas côngz xưv qênhz yuôx, seiz car, hâux lưv qênhz yuôx, xeir têx qơư taz por vêv xênhz zav nox thiêz heik têx tiv phaz tsưr tsix cir ntơưr tsiv uô zav nox taz por thiêz sir jos tsi uô zav nox kiês nênhs. Sở kôngz nuv thiêz phuôv tsar nôngx cxênhz tỉnh Quảng Ninh tsênhv sir jos uô hâur six hơưv zuôr txos chiê têx qơư tsiv uô, muôv muôs kôngz, jôngr, đêx nuv tâu qênhz yuôx tax zoz qơưx thiêz taz por zav nox chuôz ndê 10% pir li shông 2015. Zơưv Nguyễn Hữu Giang, giám đốc Sở kôngz nuv thiêz phuôv tsar nôngx cxênhz puz pâuz: “Hâur coar lik vêv xênhz taz por zav nox hâur vênhv thix kôngz nuv, hâux lưv seiz car tas nro têx qơư tsiv uô nhoz thax tsav tsiv uô chêx chôngk, têx thax tsav lox mak pêz nganhx tsov cưv uô ntêx. Têx qơư mê mak pêz đros têx tiv phaz , tiv zix zos têx tiv phaz tsuv tsov cưv tiv zix uô li chas chiê heik kriê tsôngv box sir jos uô trơưk cui tênhv lok tsiv uô, muôv muôs xiv huv. Tiv 2 zos uô trơưk tsưr ziv sir zôngv têx zav yuôx chiê lênhx nênhs sir zôngv sir zôngv têx xiv huv hâur vênhv thix kôngz nuv tsi taz por vêv xênhz mak no zos nganhx li têx kror tsênhv cxơưx...”

          Chiê tso tsês têx zav nox tsi taz por vêv xênhz mak tsi zos iz nganhx sir jos, tsuv muôx têx chiz coaz muôx txơưx jênhv, tiv phaz sik đros uô, muôx tsưr ziv tso tơưv chêi chiê bluô têx qơư, tsưr tsix, tiz nênhs tsiv uô, muôv muôs uô cxâuv lok taz por vêv xênhz zav nox hâur vênhv thix kôngz nuv./.

PHÊNHV TSÊNHV CHEI THIÊZ LUZ NÊNHX

Muôz pênhr nhiêx kir txêik txo grêk yeiz pluôs

Trơưk li Phưv Thủ tướng Vương Đình Huệ heik kriê ntơưv thôngz pov số 160/TB-VPCP, chiê têz qơưs têx nhiêx txiêx tsênhv chei XH tror zos tsưr ziv jông hâur luôs hâux lưv uô txo grêk yeiz pluôs truôx vênhk, cxiv tsa jêx jok yiêz thiêz uô cov tâu zos Đảng, têz qơưs hâux lưv txiv ngaz XH, hâur six hơưv zuôr txos, Hội đôngx quản trị zênhx hax tsênhv chei XH tsuv nhênhz chơưv, uô cov tâu truôx cxuô luôs hâux lưv bax tâu tsưr ziv, phênhz côngz, phênhz hâux lưv, vax huôv hâur huiz tôngv têx pênhr jos XH…paz trâu zênhx hax tsênhv chei XH.

Zênhx hax tsênhv chei XH nhênhz chơưv, qênhz shuôs têx chei, cui tinhv tsi tâu tsênhz mênhx, uô tsi tiêr chiê cxiv kho, cxaz nzir cov  huv đros tsênhv tsênhz ( lar heik zos têx tsênhv chei trâu têx chuôz zis tsôngv box heir nênhs tsơưs) chiê uô tâu jông reik đros tsaz yênhx cxiv tsa jêx jok yiêz. Nhênhz chơưv chêx tsôngk thiêz chuôz tsar tso txeik pênhr têx tsaz yênhx lok sâuv zok nriêr hâux lưv uô, muk uô hâux lưv saz đrâuv luôs 2 chas têz qơưs, tso txeik pênhr nhiêx ziv chuôz zis pluôs, tso txeik lơưr dưv anr….chiê huôv tsar uô nox uô hâuk ntơưv qơư.

Đros trâu têx luôs hâux lưv li heik sâuv, hâu nov têx thax tsav, cxuô cấp cux tsuv sir jos uô jông hâux lưv phênhz têx nhiêx txiêx ntơưv qơư thiêz têx pênhr nhiêx txơưr đuô trâu zênhx hax tsênhv chei XH chiê cxaz nzir pênhr trâu têx ziv chuôz zis pluôs thiêz têx lênhx nênhs tâu sơưv têz qơưs têx chei paz txơưr đuô hâur thax tsav kêr txeik; paz lok sâuv chuôz zênhx chuôz tas, qơư nhoz, yêz cheix muk lok uô hâux lưv….chiê gra siêz zênhx hax tsênhv chei XH luôs hâux lưv uô.

Cxuô tỉnh, TP tso tơưv cui tinhv lok chor ziv chuôz zis pluôs, tsuv phênhz pênhr, lênhx nênhs fiv đros chiê uô tâu trơưk li Ban Bí thư T.Ư Đảng chỉ thị 40-CT/TW fuô kriê; tsi so qênhz yuôx, qênhz shuôs, thôngz sâu, xav jênhv têx ziv chuôz zis pluôs, chuôz zis zuôr xar pluôs thiêz têx lênhx tâu sơưv têz qơưs têx chei paz txơưr đuô chiê muôz jông six hơưv trâu lơưr nzor tâu kêr txeik têx nhiêx têz qơưs lok huôv tsar uô nox.

Hâur têx shông đhâu, zênhx hax tsênhv chei XH zos qơư chi cax thiêz uô ntêx nyuôs hâur luôs hâux lưv uô trơưk tsênhv chei cxuz cêr yeiz pluôs thiêz têx tsênhv chei XH txơưr đuô, tsi tiêk paz uô tâu jông hâux lưv huôv tsar kinh tế-XH mak tsênhv paz truôx tuk chính trị, ngaz tuk XH, lar heik zos thax tsav tox siêz đêz đrôngs, thax tsav tsôngv box heir nênhs tsơưs./.