Ok om bok-ntênhs txi côngv hli, tsôngv box Khmer Nam bộ txux chi vênhx huôv jông

Têx chei txi côngv hli tâu uô lok hmo hli đra 15/10 ntơư, thâuv luz hlik nhiv kruôr tuôx siêz đhâu têx njik ntông. Têx zav muôz lok txi zos têx kôngz tsôngv box uô, chos tâu  li: Kok tsư ha, kok ntông, txir tsơưz....., cux seiz chuôz zis tưs muôx đaz tsi muôz đaz tsi lok txi, taz sik thâuv tưs tưz zuôr tsuv muôx têx blêx tsi yuô tâu siêr jông, mak muôz lêis lok ciz cov gis, jov cxur, uô mor. Zơưv Àcha Kim Hơn (lênhx nênhs muôx ntâu shông cơưv shâuv, pâuz tâu thôngz lok heir nênhs Khmer têx txux chi vênhx huôv) nhoz huyện Châu Thành heik pâuz: “Têx zav zov chênhr yax hâur ntênhs txi no zos têx mor blêx yiêz li heik sâuv. Iz chas co tsênhv muôx têx kôngz uô, sâu tâu chiê txi côngv hli thiêz. Hok blôngx pênhz hlaz mak ntơư zos gra têx hmôngr jông hâur hmo co tuôx, thâuv cxuô lênhx cxuô tuk thor cov uô nênhx nhoz tsi muôx moz gênhs, uô kôngz sâu tâu nju, tu zus tsiêx cxu tâu trơưk têl”.

Thâuv hli tuôx siêz đhâu têx njik ntông, kêiv hli đris pov cêr co, lênhx txi côngv-khênhr zos lênhx lâuk nênhs tâu iz chuôz xênhv njênhs njôngr, qir hlơưr shaz, tơưk kuôr chiêz, trâu đêx yuôx zêx txi hu đaz hli. Txi tas, lênhx lâuk no jâuv tis trâu saz hli tuôx, muôz têx mor blêx yiêz thiêz têx zav jâuz mor txi, iz zav iz kro mê njik juôx uô têx thông mê muôz trâu chor nhuôs zâu, cxeik têl tov buôx, flưs chor nhuôv đrâuz kâuv, heik kriê têx nhuôs cêr uô nênhx tsiv txiêx, tsuv ciêz mnôngs luk, cơưv ntơưr txơưx chiê tov kaz no yênhx nênhs jông, muôx liv trâu XH.... Uô suôx câuv, cxuô lênhx sđ shir phaz lus siz chos phôngv côngz hmôngr, nox nhoz luôs nxi, tsi muôx moz gênhs, uô tâu nox tâu hâuk. Zơưv Àcha Lâm Phi nhoz Trà Cú tuôx heik: “Chei txi côngv hli no, txos cheix mak tsôngv box Khmer chuôz zis tưs cux uô. Đros thiêz pêz tsôngv box tsưr ziv, siêz xar zos uô tsâus txos pox sâuz zơưv sâuz tưz paz trâu tsôngv px sđ uô tâu nox tâu hnar, đhâu iz shông uô tâu têx kôngz đaz tsi mak thor cov paz por hưv tror huôv tsar uô tâu trơưk tsưr ziv, siêz xar, chuôz zis tsi muôx moz gênhs...., tâu têx lâuk lơưr iz txưv uô đreiv thâuv ntêx tax txos nhiv no viv li shông tưs cux tsuv uô”.

Iz chas muôz têx kôngz, zav nox li heik sâuv trâu đaz car hli car hnuz, ciês hâur hmo hli đra ntơư tsênhv muôx iz cxiêx txux chi txơưr li: tso tênhz chis hâur đêx.... thiêz. Tênhz tso chis hâur đêx, thâuv ntêx chor lâuk muôz car tsơưz lok uô, đê têx pax uz no lok rêik trâu cov jông jav xưk li iz luz tsêr mnov, sâuv trur đei qix, taz sik jux juk tov kaz no khênhr tâu muôz têx zav uz no siz chox lok uô lơưv xưz.

Txux chi uô no zos chiê uô tsâus txos têx đaz car đêx car ar, xênhz têz xênhz qơư đhâu iz shông khưr huôv tsar uô nox, sâu tâu kôngz....cux li muôz cêr uô nênhx trâu tsôngv px sđ sâuv ntiêx têz. Têx chi cax, pov cêr txix blêiv tênhz chis ntaz sâuv blêiv đêx trơưk đêx hâur hmo hội cux zos chiê heik sđ tsuv siz chos por hưv têx đêx, qơư nox nhoz, chiv xênhz đrox tsuôs cov jông. Zơưv Acha Sơn Sol nhoz huyện Trà Cú heik pâuz lok txux chi no têx jông li đrav kaz: “Tso pax tênhz chis ntaz mul trơưk blêiv đêx li sâuv zos chiê uô tsâus txos têx đaz xênhz têz xênhz qơư, car đêx car ar viv cxuô tsar zav sâuv ntiêx têz no tâu xênhz txơưv, muôx cxuô, chênhr đêx ar paz trâu têx chiv xênhz đrox tsuôs hloz lox tâuk, paz trâu lênhx nênhs muôx qơư nox nhoz..... Chênhr zos li ntơư, iz chas txux chi txi côngv hli-por hưv têx kôngz lôngk, chor lâuk thâuv ntêx thâuv tưs tưz ndo njôngr uô tsâus, hu txos têx đaz xênhz têz xênhz qơư, car đêx car ar, xênhz txưs, xênhz lâus, jêz txưs jêz lâus....lok đros nox đros hâuk, đros por hưv trâu tsôngv lax px sđ”.

Đros thiêz tsôngv box Khmer, hâur luz nênhx, hli muôx liv lok six zov chênhr. Nênhs Khmer lơưr xar tiêk, hli paz muôx tâu ntux yar ntux nas jông trâu tsôngv px uô kôngz thiêz txux chi txi côngv hli chênhr zos six hơưv chiê ndo txos, pâux txiêx njis gâux hnuz, đrâul hli têx côngz lox lok hmo hli đra 15/10, cux zos cheix sâu têx kôngz hâur shông. Trơưk li Thượng tọa Thạch Oai, lênhx thơưx hâur tsêr mnov Kom Long, TP Trà Vinh, thâuv ntêx tsôngv box Khmer phênhv ntâu zos uô liêx têz, khov lok ntux paz max, viv li txi côngv hli chiê uô tsâus txos ntux tưz paz muôx ntux yar ntux nas jông trâu tsôngv px uô kôngz sâu tâu nju đhâu sâu têx kôngz tas, thor cov shông tov kaz ntux tror paz, sđ huôv tsar uô tâu kôngz lôngk. “Trơưk li têx lênhx nhoz hâur tsêr mnov, muôx iz tuk zơưv sâuz, lok hnuz hli đra 15/10, nưk tưz gra têx muôx liv, đros paz chơưv têx lênhx nênhs zuôr tuôs yeiz, mor tsi muôx nox. Huôz têik kâuv ntux pov têx nuv uô co jông thiêz muôx liv, Huôz têik tưz txiê uô lênhx nênhs thor nox chiê siv tuk zơưv sâuz co siêz seiz pok zos nênhs jông tiês, zơưv sâuz tưz đhiê hlo trâu hâur chuz tơưs chiê cov siêr trâu lênhx nênhs thor nox co nox. Zơưv sâuz cêr paz chơưv yeiz co tưz yênhx iz kro jông trâu sđ kruôs txos thiêz yênhx nuv uô jông trâu zar tov kaz no”.

Nhiv no ntênhs hội Ok om bok-Txi côngv hli tưz yênhx tas nro iz thax tsav txux chi vênhx huôv jông hâur luz nênhx xênhz huôx, tsi tiêk zos tsôngv box Khmer ntênhs hội, mak zos tas nro hur si côngv thôngx cxuô heir nênhs sik đros uô nênhx nhoz uô cê li ntênhs hội txi côngv./.

(VOVĐBSCL-Riê Lâux cxeik, nhênhv)