Cưk kriê nênhs Cho tsoz phưz 4 tul mê nhuôs tsi muôx qơư

khov vav

          Cưk kriê Bàn Thị Đào luz tsêr nhoz kuôk tsêr cơưv cxênhx 1 thiêz mênhx cxưx niêv txir zus mor Đồng Lâm muôx nhos 100 yiv. Hâur jos lênhx tưs cux pâuz txos cưk kriê Đào viv suôz gâux jông thiêz muôx jiês tâu kruôk txos viv muk heik gâux. Tưz 50 shông ntâu, taz vik cưk kriê Đào njiê mak tsênhv hluôk, thiêz zos nênhs siêz jông. Zos iz hâur têx cưk kriê kriê ntơưr ntêr tiv zix ntơưv tsêr cơưv, cưk kriê tâu choz chuv nhiệm lớp 3 đros tsưr ziv kriê 21 tiết cơưv hâur iz ciêz. Tsêr nhoz jê lớp cơưv, viv li đrâuv six hơưv kriê ntơưr, cưk kriê Đào tsênhv đros têx cưk kriê txơưr seiz shuôk têx mê nhuôs shux xênhz li hâux lưv nox so hâur tsêr cơưv. Viv li, shux xênhz li luz nênhx, chuôz zis li chas cưk kriê cux pâuz tsênhz: “Ntơuv tsêr cơưv phênhv ntâu puôr lênhx zos shux xênhz mênhx cxưx tsơưs nênhs. Cur lớp muôx 22 lênhx shux xênhz. Muôx têx lênhx shux xênhz niêv txir lix phênhz tsi đros nhoz uô cê, muôx têx lênhx chuôz zis luz nênhx lok six txov nênhv. Nhiv no cur jênhv tsoz phưz 4 lênhx mê nhuôs hâur 1 chuôz zis muôx luz nênhx txov nhêv, niêv tsir muk lơưv, txir mak muôx zênhs chơưr moz siêz tsuv muk kho moz, cơưx tsi tâu trâu mê nhuôs. Cur jênhv tsoz phưz xuz thơưx zos 1 tul nhuôv nxeik nhiv kruôr xênhz tâu 3 hnuz, niêv txơưv por tov tsêr kho moz thiêz tsir muk lơưv, cur jênhv tu thiêz uô ntơưr krêz xênhz trâu mê nhuôs, shông no tưz cơưv lớp 2, 3 lênhx tsênhv yuôr cơưv lớp 7, lớp 5 thiêz tul zâu zos tâu 3 shôngk”

          Cưk kriê Đào 2 niêv txir muôx 2 tul nhuôv tuz. Đros iz lênhx cưk kriê li chor nhiêx shar, hâux lưv jênhv tsoz phưz cxaz 4 tul mê nhuôs shux xênhz cux phêv liv. Tiv tsi tâu niêv thiêz txir tu thiêz tsoz phưz, thâuv tos chor mê nhuôs tuôx đros nhoz uô cê, cưk kriê Đào tsuv max mav kriê cxôngx têx hâux lưv mê tiv zix:  “Chor mê nhuôs tuôx mak tsi pâuz hu lênhx tưs, txos thâuv nox mor cux tsi txơưx zâuv, đhâu iz ntu cur kriê mak chor shux xênhz pâuz ntâu tuôx. Nhiv no tưz txơưx đros cur uô hâux lưv hâur tsêr li: nzuôr tưx, qêz tsêr, cxêv jâuz…Qir thơưx chor mê nhuôs khênhr heik cur tso jax gâux heik txos niêv txir, lok pos zơưs, shâuv sâu ntơưr trâu niêv txir. Cxôngx co cur pov, chor mê nhuôs zuôr trâus tul tsi mak cur zuôr tsês trâu chor mê nhuôs têx co”.

          Tâu tsêr cơưv paz, muôz qơư nhoz trâu mê nhuôs shux xênhz cxôngx thưr 2 txos thưr 6 viv li kaz ciêz chor mê nhuôs thiêx li lok cưk kriê Đào tsêr. Txơưv phêv liv, taz sik cưk kriê Đào li pluôs nox hâur hnuz thưr 7 thiêz hnuz ciêz thâuv tưs cux muôx cxix cxuô zav nox chiê chuôz cxaz tsơur pưr trâu mê nhuôs. “Niêv Đào” zos têx mê nhuôs shux xênhz hu cưk kriê Bàn Thị Đào. Shux xênhz Triệu Thị Vân Anh, cơưv lớp 7, Tsêr cơưv phổ thôngz mênhx cxưx niêv txir zus mor cxênhx 1 thiez cxênhx 2 Đồng Lâm 2, tul nhuôv hloz hâur chuôz zis heik:       “Nhoz niêv Đào tsêr, cur tâu nhoz uô nênhx jông thiêz muôx cxix cxuô cxuô zav, tâu niêv tsoz phưz jông. Thâuv cur uô liêv chuôz zênhx hâur tsêr niêv tsiv chêv mak tsuôk kriê cur zuôr chênhz zênhv. Têx chêr tsôngs yo cur hnar puôr lênhx zos niêv Đào zuôr trâu cur, cur nhiêv chêr tưs niêv zuôr chêr co”.

          Cxôngx iz lênhx niêv iz lênhx cưk kriê li siêz jông, cưk kriê Bàn Thị Đào tsi taz kriê ntơưr trâu shux xênhz mak tsênhv kriê mê nhuôs shux xênhz nhoz tox siêz tsuv nhoz uô nênhx jông. Cưk kriê Vũ Hoàng Luân, Hiệu trưởng tsêr cơưv phổ thôngz mênhx cxưx niêv txir zus mor cxênhx 1 thiêz cxênhx 2 Đồng Lâm 2 heik:“Cưk kriê Bàn Thị Đào zos iz lênhx nênhs uô ntêx nyuôk chiê têx cưk kriê txơưr uô lơưr, tâu fôngx zưs, tsôngv box njênhs njôngr. Cưk kriê Đào tsuôk li iz tiêv nhoz kriê ntơưr ntơưv tsêr cơuv no, viv li ntâu cxênhx shux xênhz nhoz tsêr cơưv puôr lênhx tâu cưk kriê Đào kriê ntơur, yênhx lênhx nênhs jông tov kaz no”.

          Cưk kriê Đào li siêz xar njôngr zos pov cxuô lênhx shux xênhz nhoz tox siêz no muôx txâuk nox txâuk hnar, tâu muk cơưv ntơưr thiêz tâu niêv thiêz txir tsov cưv tsoz phưz. Têx mê nhuôs no tov kaz no zuôr hloz tiêr nênhs, zuôr uô tâu tiêr cxuô luôs hâux lưv jông muôx liv trâu têz qơưs thiêz cxuô luôs hâux lưv cưk kriê siêz jông thâuv tưs cux nhoz njôngr hâur lơưr li siêz tsi plox./.

(VOVĐB-Txâur Vax cxeik nhênhv)