Jax sâu thưr 6.16.12.2016:

YÊN BÁI: QÊNHX SHÊNHX TUZ SAZ TUZ NHIÊS XIV HUV KÔNGZ NUV CHUÔZ NDÊ HÂUR KAZ SHÔNGK SHÔNG

          Tix lâuk Nguyễn Văn Chính chuôz zis nhoz xã Mậu Đông, huyện Văn Yên li trôngz ciêv fix đros thiêz yênhx cxênhz tsoz tsênhv njuôz jông tưz trâus nênhs fêv nhiês mul têr lok zos lơưk tơưr tas. Tix lâus Chính puz pâuz, txơưv tiêk tsi tâu txos six hơưv sâu, taz sik tiv trâu nênhs fêv têr tas tơưr hâur hâur pâus viv li tsuv txiêr chiê sâu têx tsênhv yuôr, tsi uô li mak ciêv fix zuôr tuôs:

          “ Jiês no zos jiês tiv 3 lơưv, taz sik oz jiês tov ntêx mak nênhs fêv tsuôk têr lơưv muôx nhos 10 tsoz; jiês no mak ntâu đuô, 100 ntâu tsoz. Nhiv no tas nro têz chos ciêv fix trâus têr tơưr tas, tsi yuôr tuk tsi”.

          Têx chuôz zis trâus nênhs fêv nhiês têr tơưr ciêv fix puz pâuz, têx tsoz ciêv fix trâus nhiês têr tơưr txơưv tiêk tưz chos tâu zuôr xar 10 shông, taz sik tsi tâu txos six hơưv sâu. Hâux lưv têr zas hâur pâus zuôr uô tsoz ciêv fix tuôs lơưv jux jus, uô ruôr hiêv lox txos kinh têr. Zơưv Phạm Văn Đức, xã Mậu Đông, huyện Văn Yên cxơưx thiêz heik:

          “ Nhiv no pov nhoz no iz cxiê lênhx nênhs trâus nênhs fêv nhiês têr tơưr ciêv fix lơưv, cur mak tsi tâu, taz sik cux tsuv tsưv ziv. Pir li tsuv mul qênhz yuôx, pov đêr tov mak tsuv ciêr chênhr mul seiz car”.

          Lơưr công an huyện Văn Yên li thôngz sâu, hâur muôx nhos 3 luz hlik tror lol no, qênhx shênhx tuz saz nhiês tsôngv box têx tơưr ntông ciêv fix tsênhv muôx lok six ntâu, đros thiêz muôx nhos 30 txuz tâu pov, chuôz ndê yênhx châuv jiês pir đros tsêz no.

          Lưx lươngv công an tưz mul seiz car thiêz ntês cxov tâu yênhx châuv lênhx nênhs uô tuz saz tuz nhiês, sâu zuôr nênhs fêv li têx xiv huv uô tuz saz tuz nhiês muôs; đhâu co phênhv tưs cux txu grês tâu mê njik zav nênhs phamv cxâuv no. Taz sik chiê tơưv txênhz txos qơư đuô thiêz, iz lênhx tsôngv box cux tsuv chuv tôngv tsưv ziv thiêz sik côngv đros lưx lươngv Công an thâuv zuôr trâus. Trung tá, Nguyễn Trung Kiên- tuêv tsar tuêv qênhz yuôx, Công an huyện Văn Yên heik:

          “ Hâur têx luz hlik kaz shôngk shông, tiv zix zos têx luz hli zuôr xar txos tsiêz, Công an huyện Văn Yên tưz chox kriê tuêv Cảnh sát hình sự muôx tsưr ziv krêz uô đros huyện li têx ban nganhx, tiv zix zos Công an têx xã, thị trấn chuôz tsar yax mông vênhv tôngv tsôngv box, tiv zix zos nhoz tox siêz, têx thax tsav muôx ntâu ciêv fix mak pox nhuôs tsi muôx theox chênhv por coar li nhoz thành phố, đhâu co chiê pox nhuôs muôz siêz jênhv pâuz, tsưv ziv đuô coar lik zuk li têx chuôz zênhx chuôz tas”.

          Nhiv no qênhx shênhx tuz saz tuz nhiês tsênhv muôx yưv ntâu, tiv zix zos six hơưv kaz shôngk shông, zuôr txos tsiêz têz qơưs. Iz chas lưx lươngv muôx txơưx jênhv li côngz xưv phax tar thiêz tik cêr cxâuv, bluôs chor nênhs phamv cxâuv, cxuô lênhx hâu nov ntơưv qơư cux tsuv chuôz tsar côngz xưv yax mông,  heik kriê tsôngv box tsưv ziv por vêv chuôz zênhx chuôz tas, tiv zix zos têx xiv huv li: ciêv fix, kok ntông….tsik chiê tuz saz tuz nhiês uô ruôr hiêv txos./.

( Tuấn Xuân- Txâur Vax cxeik nhênhv)

Phênhv thưr 6, hnuz 16/12/2016:

Phênhv chêi têz qơưs

    Tsôngv…! Hnuz 11/10/2016, Hội đôngx tỉnh Điện Biên tưz tso tơưv quyết tênhv số 26/2016/NQ-Hội đôngx quy tênhv paz phênhv thêv nhiêx bảo hiểm y tế trâu chor ziv chuôz zis zuôr xar pluôs, ziv chuôz zis khưr huôv tsar uô kôngz lôngk, tu zus shuôz njêk tsênhv uô nênhx pluôs thiêz shuv xênhz hâur thax tsav tỉnh Điện Biên. Quy tênhv hêik tsênhz mênhx li đrav kaz:

    1, Lênhx nênhs zos ziv chuôz zis  zuôr xar pluôs (Tsik nhoz trâu quy tênhv ntơưv điểm a; điểm b ntu 1 grê 3 Nghị định số 105/2014/NĐ-CP, hnuz 15/11/2014, Chính phủ quy tênhv, hêik kriê uô trơưk iz cxiê grê chêi bảo hiểm y tế; Paz 100% nhiêx zuôr bảo hiểm y tế trâu chor ziv chuôz zis zuôr xar pluôs; hâur ntơư, Trung ương têx nhiêx têz qơưs muôz paz 70%; tỉnh muôz paz 30%.

    2, Lênhx nênhs zos ziv chuôz zis khưr uô kôngz lôngk, tu zus shuôz njêk tsênhv uô nênhx pluôs trơưk li quyết tênhv số 32/2014/QĐ-TTg, hnuz 27/5/2014 ntơưv thủ tướng Chính phủ hêik lok ziv chuôz zis khưr uô kôngz lôngk, tu zus shuôz njêk, tsênhv uô nênhx pluôs hâur ntu 2014-2015: Têz qơưs têx nhiêx muôz paz zos 50%; hâur ntơư, Trung ương muôz paz 30%, tỉnh muôz paz 20%.

    3, Têx nhiêx têz qơưs muôz paz shuv xênhz zos 50%; hâur ntơư, trung ương muôz paz 30%; tỉnh muôz paz 20%.

    4, Hâurr ntu uô xav txix hnuz xiêz 1/1/2017 txos trâu hnuz 31/12/2020.

    5, Pênhr nhiêx:

    -Nhiêx têz qơưs

    -Nhiêx quiv bảo hiểm y tế

    -Têx nhiêx sđ sik côngv paz thiêz têx pênhr nhiêx txơưr đuô.

Nghị quyết no tâu uô txix hnuz 21/10/2016./.

                  (Tsu cxêik nhênhv-Thu Thuỳ)