A Biu đros siêz nhiêv kruôz kriê ntâuk đruôk tôngx

(Lồng tiếng cồng chiêng)

Tsêr cơưv cxênhx iz Đặng Trần Côn, nhoz xã Ngọc Bay, thành phố Kon Tum muôx zuôr xar 700 lênhx shux xênhz, tas nro puôr lênhx zos shux xênhz tuz nhuôs mênhx cxưx tsơưs nênhs Ba Na. Kror tsuv hêik nhoz luz tsêr cơưv no zos tas nro chor shux xênhz puôr lênhx nhiêv thiêz pâukz ntâuk đruôk tôngx nxêz tôngx, đhiê pax vuôs xoang. Đhâu six hơưv cơưv ntơưr thiêz oz hnuz thưr 7, hnuz ciêz suôz đruôk tôngx ho tâu ntâuk đror nxê ntưk hâur yar tiêx tsêr cơưv ntơưr. Cưk kriê ntơưr Đậu Thị Lan, sêiz car tsêr cơưv ntơưr puz pâuz, cơưv ntâuk đruok tôngx tâu tsêr cơưv kriz uô txix ntâu shông lok no thiêz nênhx muôx pưuk txux zov chênhr hâur kruôz kriê trâu chor shux xênhz zos nghệ nhân A Biu.

“Nghệ nhân A Biu lok six tsov cưv txos zuk mênhx cxưx têx vênhx huôv. Zơưv tưz khơưk chiê têx chor đruôk tôngx, xoang txix thâuv ntêx lok thiêz kriê trâu cxênhx hluôk ntâuk. Viv no cux zos iz kror tsưr ziv jông chiê zaz zâuv chor shux xênhz tuôx cơưv ntơưr”.

Tưz tsik zos kriê trâu chor shux xênhz nhoz tsêr cơưv cxênhx iz Đặng Trần Công cux li chor hluôk nênhs hâur jok, hâur thã xtsav pâuz ntâuk đruôk, đhiê pax vuôs xoang, mak nghệ nhân A Biu tsênhv uô tiz jông kriê lok chax chês thiêz vênhx huôv đruôk tôngx nxêz tôngx trâu sơưr đơưk pâuz chiê tuôr chiê, phuôx huiz mênhx cxưx Ba Na têx tsiv gri vênhx huôv co. Khov tâu nghệ nhân A Biu pov, kruôz kriê, chôngz lênhx nhuôs tưz txơưx ntâuk thiêz tâu cxaz chuôz trâu chor jiês sik tưr ntâuk đruôk tongx nxêz tôngx li Y Việt Hương, shux xênhz lớp 4D, nhuôs A Văn Thỉu, shux xênhz lớp 5C…Tiv zix nhuôs Y Thái Thị Kim Ngân, shux xênhz lớp 6, tsêr cơưv cxênhx oz Hàm Nghi ntâuk tâu chor đruôk muôx 8 luz. Y Thái Thị Kim Ngân hêik:

“Cur cơưv ntâuk đruôk tôngx txix cơưv cxênhx iz thiêz zơưv kriê trâu cur. Jax cur ntâuk zos jax krôngz mê nhuôs. Cux zos zơưv kriê trâu cur thiêz cur ntâuk tâu muôx iz shông lơưv”.

Muôx siêz nhiêv vênhx huôv đruôk tôngx thiêz chiê têx co tâu sơưr đơưk pâuz nhiêv txos, yênhx châuv shông đhâu nghệ nhân A Biu tưz tsês ntâu six hơưv nhênhz cơưv, nriêr pâuz, cơưv shâuv lok đruôk tôngx. Chor đruôk tôngx tsik jông tuôx txos zơưv mak tror tau zơưv kho đuô cov jông….Hêik lok zuk siêz xar, nghệ nhân A Biu puz pâuz:

“Cur xar mak uô chak cov kriê tâu trâu tas nro chor nênhs hâur chuôz zis, hâur jêx jok cux xưk li tsêr cơưv ntơưr. Uô chak cov kriê trâu lơưr pâuz txos tsiv gri iz bộ đruôk. No zos vênhx huôv mênhx cxưx Ba Na. Zos tsênhv muôx jos mak zuôr kriê trâu ziv chôngz nênhs pâuz mak ziv jông”.

Đros A Biu, đruôk tôngx, nxêz tôngx zos hêir nênhs Ba Na li chax chês. Shir phaz cux ntâuk đruôk tôngx, muôx cêr qiv siêz cux ntâuk đruôk…Chiê tuôr chiê, phuôx huiz tâu đruôk tôngx hâur luz nênhx mak cxênhx nênhs tov kaz tsuv nhiêv thiêz tuôr tsês chiê. No cux zos kror mak zơưv A Biu sir jos kruôz kriê trâu cxênhx hluôk./.

(TTTN-Lik Thox cxêik nhênhv)