Truôx iz siêz muk lơưr Đảng

Đros têx tuz nhuôs tuôx shuôk đuô tuk qox Tà Vài (xar Chiềng Hặc, huyện Yên Châu, tỉnh Sơn La) – qơư yêz za Mỹ tưz tso bôngk lok zos tsuôv tav ntâuk cov qox puôk, chiê txiêr cov tu ntu cêr zoz thôngz tuôx muk trâu Tây Bắc thâuv ntêx, pos  Hà Thị Ín thiêz pos Quàng Thị Ế - 2 hâur 10 lênhx pox niêv dân quân Châu Yên tuô pôngz yêz za Mỹ shông co, nhiv no tsênhv uô nênhx nhoz ntơưv jok Nà Khái, xã Sập Vạt, huyện Yên Châu tror ndo txos ntu thâuv co tsik plox:“Tros châuz Mỹ tuôx tuô hiêv faz Bắc pêz têz qơưk. Đảng, Hloz Hôx hêik tas nro Đảng, sơưr đơưk sơưr ntâuk tros châuz Mỹ chơưv paz têz qơưk. Cur tưz sâu ntơưr thor muk uô dân quân. Đruôz hnuz mak sêiz jor ntâuk tros châuz, txos 4, 5 six mak lok tsêr chiê khưr uô nox”.

“Mỹ chor yêz za xar tuô cov qox puôk tas, tsik muôx cêr muk lok chiê paz cxur, zav nox đros cxuô zav trâu qơư ntâuk tros châuz. Sơưr đơưk lok six sir jos, cê khưr uô nox, cê ntâuk châuv tros châuz, paz trâu hâux lưv ntâuk tros châuz, paz trâu cêr muk lok tâu thôngz”.

Têx shông ntâuk châuv tros châuz Mỹ chơưv paz têz qơưk, qox Tà Vài nhoz thax tsav xar Chiềng Hặc, huyện Yên Châu, tỉnh Sơn La zos iz hâur têx qơư zov chênhr trâus tros châuz ntâuk hiêv chiê txiêr tu txox cêr lox 6, txiêr tu têx paz txix Trung ương trâu thax tsav Tây Bắc, txiêr tu quân thiêz pêx xênhv li têx paz trâu faz Nam. Lơưr Đảng luk hu, 10 lênhx hluôk nxêik Châu Yên thâuv co nhiv kruôr muôx 16, 17 shông tưz cxaz chuôz trâu tiểu đội dân quân, đros hâux lưv chênhr zos por vêv tuk qox cov têx yêz muk lok đhâu. Lơưr tâu cơưv ntâuk têk tơưl, tuô fov thiêz tâu muôz iz lênhx nênhs iz traz fov, zos tiểu đôiv trưởng Quàng Thị Lả sêiz car, cê đros bôv đôiv sêiz jor, cê khưr uô nox paz kôngz krâur trâu qơư ntâuk tros châuz.

Zar hnuz kêix 2-9-1965, yêz za Mỹ tưz tuôx tso bôngk chiê ntâuk cov tuk qox Tà Vài puôk tsuôx. Tas nro tiểu đội tưz đros đrêiv bôv đôiv sêiz jor thiêz tuô têx yêz za chiê por vêv qox thiêz txox cêr trâu yêz muk lok đhâu. Pov tros châuz Mỹ iz luz yêz za tsênhv za muk za lok chiê ntâuk trâu tuk qox thiêz txox cêr, tas nro tiểu đôiv tưz muk trâu qơư gâuv tok chiê tuô luz yêz za no. Thâuv luz yêz za ndax trâu qơư tuô, hnor lênhx tiểu đôiv trưởng hêik cov tuô, tas nro tiểu đội tưz sik đros tuô, luz yêz za tưz trâus muôk txưr thiêz tơưs cuz, pôngz lok trâu hâur ar, chor pox niêv dân quân tưz cxov chiêx tâu lênhx tros châuz tsar yêz za, ntu cêr paz trâu qơư ntâuk tros châuz tâu tuôr truôx jông thiêz muk lok tâu thôngz. Kror ôngz co tưz tâu hêik muk txos trâu cxiê qơư. Thiêz lênhx nênhs sâu gâux Trọng Loan li jax gâux “Nênhs Châu Yên pêz tuô yêz za” tưz tâu sâu tơưv thâuv ntu co, cxơưz cxiz trâu quân thiêz pêx xênhv li sir jos sơưr ntâuk châuv tros châuz. pos Quàng Thị Ế hêik:“Hnuz co mak luz yêz za txix Chiềng Đông lok, za kik hênhr. Nênhs sêiz car hêik cov tuô! Li chêk pêz sơưr đơưk đros tuô. Luz yêz za tưz trâus muôk txưr thiêz cuz hnhiêz”.

Têz qơư tâu tiêx tuk, lơưr Đảng, Hloz Hôx, chor pox niêv dân quân thâuv co ho sik đros têx tuz nhuôs khưr uô nox, cxuôv yêiz thiv pluôs trâu zuk chuôz zis, jêx jok. Đros chính quyền cxuô cấp li moz siêz txos, chor đảng viên li uô ntêx hlo, chor pos, chor niêv sir jos sir zôngv khoa học kỹ thuật trâu uô nox, tsik chiê ar nhoz không, por tox trôngz đo. Nhiv no, chor pos, chor niêv li chuôz zis puôr lênhx muôx luz nênhx jông, txâuk nox txâuk hnar. Muôx chuôz zis li pos Quàng Thị Ế tsênhv zos yênhx chuôz zis bluô nux txix huôv tsar kinh têr lơưr tsưr ziv tổng hợp tu zus, chos ntông nox txir thiêz kinh doanh cxuô zav hax huv ntâuz trâus lâus.

Lơưr zơưv Quàng Văn Chiến, phưv chủ tịch UBND xar Sập Vạt: Nhiv no, txơưv hnuz nhôngs tưz siêz taz sik chor pos, chor niêv cux tsênhv tuôr truôx jông zos têx dân quân Châu Yên thâuv ntêx. Sir jos cxaz chuôz trâu hôiv pox niêv, nênhs lâul hâur jok li têx hâux lưv, chor pos, chor niêv tsik so kruôz kriê têx tuz nhuôs hâur chuôz zis, hâur jêx jok tsuv iz siêz njênhs lơưr Đảng, cách mạng, tsik mnôngs trơưk chor nênhs fêv, sir jos khưr uô nox, sik côngv siêz cxiv tsa jêx jok:“10 lênhx mak 2 lênhx tưz trâus tuôs. Nhiv no chor pos tsênhv nhoz mak cux tsênhv muôx jos, uô nênhx shir phaz đros têx tuz nhuôs sơưr đơưk. Đas jos yuôr txos tưs mak chor pos cux tsênhv paz trâu chor hôiv, đoanx thêv, cux zos chor nênhs sir jos, uô ntêx hlo. Iz cxiê lênhx pos cux tsênhv tror kruôz kriê, paz trâu têx tuz nhuôs huôv tsar kinh têr chuôz zis”.

Đảng, Têz qơưk tưz khơưk kruôk huân chương kháng chiến hov iz, hov oz, pêz chiê côngz jênhv 10 lênhx pox niêv dân quân Châu Yên li têx côngz lox trâu têz qơưk. Taz sik đros chor pos, chor niêv co mak phênhv khơưk kruôk lox tiv zix zos tưz iz siêz njênhs lơưr Đảng, tâu paz zuk đas jos trâu côngz xưv cxiv tsa thiêz por vêv têz qơưk./.

(Bích Thủy-Lik Thox cxêik nhênhv)