Điện Biên: Sir jos uô luôs hâux lưv phax tar kruôr gis trâu blêx chiv ntux tsâus yiêz

Tiv ntux cuz sor,  kruôr ntêr hnuz, lok nas tsơưs uô trâu muôx tsi txâuk đêx, txix hâur cheix txos chiv nhiv no, zơưv Quàng Văn Dũng, nhoz xã Noong Luống, huyện Điện Biên chuôz zis  tsuv muôz meir gruk đêx ntâu jiês txix cưx đês đêx liêx muk trâu têx liêx chiê cxaz nzir đêx trâu chuôz zis 500 ntâu xưv phaz blêx chiv ntux tsâus yiêz. Txơưv tiêk tas ntâu nhiêx txiêx thiêz côngz đas jos, taz sik trơưk li zơưv Dũng, tsi uô li ntơư mak tsi pov kaz zuôr uô faz tsưr ziv tưs txơưr, viv li tsuv sir jos chiê chơưv paz têx blêx xưz: “Txix thâuv nhiv kruôr tsêz zuz txos nhiv no zos gruk đêx 2, 3 jiês lơưv, nyê zuôr muôx nhos 10 jiês li. Heik cxuô, ntux tsi lok nas mak px txov xưz, tsuv khưx phưx chơưv paz têx kôngz. Zuôr trox lol gruk đêx, zos tsi uô li, ntux tsi lok nas mak têx đêx liêx kruôr sei cơưk”.

Xav txos nhiv no, tỉnh Điện Biên tsênhv muôx nhos 300 ha blêx chiv ntux tsâus yiêz trâul kruôr, njưk, zuôr xar 500 ha blêx tror zôngx ziv trâul kruôr njưk tuôs tas, phênhv ntâu hâur huyện Điện biên. Qir tiv tâu xav zos tiv ntux kruôr ntêr, têx đêx hâur chor pak đêx ntơư grik tas, cưx đês cưx ha lok kruôr krơưr tsi muôx đêx chiê tok lol zưs trâu têx kôngz. Zơưv Bùi Văn Dũng, Phưv Chủ tịch Ủy ban xã Noong Luống, huyện Điện Biên heik pâuz: “Pêz tsênhv muôx tsưr ziv đros công ty đêx liv phênhz gruk đêx txix Công ty qơư gruk thiêz tso đêx lok trâu têx cưx đês đêx pêv tox ntơư thiêz zuôr heik trâu px cov zôngv meir gruk đêx gruk mul zưs têx kôngz cov tsi cxoz kruôr hênhr”.

Txix têx phiv liv lok muôx tsi txâuk đêx zưs trâu têx blêx chiv ntux tsâus yiêz, Phongx Kôngz nuv thiêz huôv tsar tox siêz huyện Điện Biên cux tưz hux jos, kriê Ủy ban cxuô xã qênhz yuôx, qênhz shuôs, thôngz sâu têx liêx têz muôx tsi txâuk đêx uô têx kôngz, tsêz chos tsi tâu hâur yênhx thax tsav xã. Txix ntơư muôz têx liêx têz muôx tsi txâuk đêx uô co hlôngr chos lưv zav tsoz chos txơưr đuô. Txos nhiv no, tas nro huyện tưz muôz 32,5 ha hlôngr chos têx tsoz chos txơưr li: Poz cưk, tâuv pâur, kok liêz, jâuz tâuv.... Zơưv Nguyễn Hồng Thắng , Phưv Phongx Kôngz nuv thiêz huôv tsar tox siêz huyện Điện Biên heik: “Nhiv no luôs hâux lưv muôz têx liêx têz muôx tsi txâuk đêx uô ntơưr hlôngr chos lưv zav kôngz tâu têx xã fuô uô tâu jông, chiê muôx kôngz hâur têx liêx têz tsi muôx đêx uô ntơư tsi trâul tso tsês. Đros thiêz chor liêx têz tâu hlôngr uô lưv zav kôngz no mak hâur iz shông, têx chuôz zis muôx têx uô tâu 2 chiv kôngz thiêz iz chiv blêx, li ntơư cux tsar ndê tâu phênhv sâu trâu tsôngv px, iz chas co têx liêx têz cux uô tâu kôngz trơưk li tsưr ziv tso tơưv”./.

(Vũ Lợi-Riê Lâux cxeik, nhênhv)