Ntâu chuôz zis tsôngv box nhoz jok Co Sáy, Sơn La cux tsênhv tso siêz thâuv trâus đêr vưv tov

Lênhx nhuôv Nụ Tông Xênhv Shôngx nhoz jok Co Sáy, xã Chiềng Hặc, huyện Yên Châu, tỉnh Sơn La tưz trâul tuôs đhâu 3 luz hlik trâus đêr tov. Taz sik tix lâus Zênhz Xênhv Shôngx nhoz đros jok, cux trâus tuk đêr co tov cux lok six tso siêz thâuv txos iz jiês no, tsi pov uô chas thiêz luz kror cxaz đêr tov ntơư tưz jông hur. Tix lâus Zênhz tsi pâuz đêr tov li chas, mak txix đhâu 3-5 luz hlik thiêx huôv moz. Tix lâus Zênhz Xênhv Shôngx heik:

“Cur xar tiêk grêix tsi to, têx jâuv tsi uô chas viv li cur tsi muk cxax yuôx phax tar moz vưv, taz sik cur muôz đêx cuô njêr lok nzuôr kror đêr tov, nzuôr đêx cuô njêr tas, mav muôz yuôx lok krưr trâu”.

Jok Co Sáy, xã Chiềng Hặc zos jok txov nhêv hâur huyện Yên Châu, tỉnh Sơn La. Tsôngv box luz nênhx phênhv ntâu zos uô liêx têz, chênhr viv li, kho moz thâuv trâus đêr tov tas ntâu nhiêx zos iz kro phiv liv trâu tsôngv box nhoz no. Txơưv tiêk tưz tâu canr bôv kho moz tsiêx cxu xã, hâur jok yax kriê, vênhv tôngv cov cxax yuôx phax moz trâu têx tsiêx tu zus tsuôk tas 10 cxênhz đeiv iz jâuk cxax, taz sik tsôngv box tsi moz siêz txos thiêz cux tsênhv xar tiêk: Đêr zos zav tsiêx iz txưv sưv đros lênhx nênhs, cux tsênhv tso têx đêr lav yar, tsi muôz khi thiêz cơư, seiz co zos tsi muôx đaz tsi zov chênhr, viv li tsi tas cxax yuôx phax moz. Tix lâus Zis Xênhv Muôk, tsar jok Co sáy heik pâuz:

“Thâuv ntêx mak hâux lưv cxax yuôx phax tar moz vưv trâu đêr, ban seiz car jok thiêz canr bôv kho moz tsiêx cxu tưz yax kriê ntâu jiês trâu tsôngv box taz sik muôx kênh lênhx lơưr cux cxax yuôx, têx lênhx mak cux tsi cxax yuôx phax tar moz trâu têx đêr. Tsôngv box lơưr six heik tiêk, iz txưv thâuv ntêx lok chor lâuk tsês thiêz zus njôngr tax txos nhiv no, tưz tsi pov lênhx nênhs tưl zuôr trâul tuôs viv đêr tov hlo. Pêz cux heik tsôngv px sđ tiêk, têz qơưk tưz fuô kriê mak sđ cux tsuv cxax yuôx phax tar moz vưv trâu têx đêr, pâuz tsi tâu tsav trâus đêr tov, mak cux zuôr uô tsi jông txos zuk đas jos”.

Trơưk li thôngz sâu tsi tâu cxix cxuô, nhiv no jok Co Sáy cux tsênhv yuôr lênhx nênhs trâul đêr tov, taz sik cux tso siêz, tsi muk cxax yuôx phax tar moz vưv. Iz phênhv cux zos jok txov nhêv tsi tâu muôx tênhv tênhz tơưk pov cêr, viv li luôs hâux lưv yax kriê tsôngv box chiê pâuz tsênhz txos moz vưv têx tsi jông mak tsênhv tsơưs; iz phênhv viv thax tsav đar, tsôngv px sđ nhoz tsi uô cê thiêz tsi yuô tâu muôx txux chi tsưr ziv jênhv pâuz, thiêx pâuz tsi cxuô lok moz vưv têx tsi jông. Iz phênhv thiêz zos tsôngv box luz nênhx txov nhêv, zos chơưv kho moz vưv tas nhiêx txiêx ntâu mak tsôngv box chơưv kho tsi tâuk. Chênhr li heik ntơư, huyện Yên Châu zuôr paz tas nro nhiêx txiêx cxax yuôx phax tar moz vưv trâu lênhx nênhs trâul đêr tov ntơưv jok Co Sáy, iz chas ntơư tso canr bôv Y tế muk txos ciês ntơưv qơư chiê chơưv kho moz trâu tsôngv box. Zơưv Hà Như Huệ, Chủ tịch Ủy ban huyện Yên Châu, tỉnh Sơn La heik pâuz:

“Hâux lưv chiê tâu bảo hiểm lok cxax yuôx phax tar moz no mak nhiv nor chor nênhs tsuv tâu cxax li heik sâuv tsi muôx, viv li tsôngv box cux njiz trâus ntâu phiv liv. Chênhr li co, zos chiê paz tsôngv box cov tsi yuô trâus txov mak cux heik ngênhx Bảo hiểm cux li cxuô cấp, cxuô ngênhx, hâu nov nhênhz chơưv chiê cxax yuôx phax tar moz vưv trâu têx lênhx tsôngv box tâu paz, cov lơưr tsi yuô txov nhêv”.

 Chiê taz por truôx tuk, zos lênhx nênhs trâul đêr tov, tsi pâuz shor đêr vưv lok tsi vưv, tsuv cxax yuôx phax tar moz nzor hâur 2 hnuz thâuv trâus đêr tov mak jông đuô hur si, zos cxax tâu kênhz mak tsi yuô jông. Thiêz zov chênhr đuô zos chiê phax tar moz, lênhx nênhs tu zus tsi cxoz muôz têx đêr tso. Zos tưz zus đêr mak tsuv cxax yuôx phax moz thiêz muôz têx đêr cơư, khi; Tso têx đêr tâus cêr tsuv muôz tơưz lôngx kror ndâux. Têx lênhx nênhs buôk ti, nhoz jê têx đêr, yưk lol zos mir vưv thiêz chor nênhs trâul đêr tov, mir vưv tov mak tsuv chox ciês muk cxax yuôx phax tar moz vưv ziv nzor ziv jông./.

(Trấn Long-Riê Lâux xceik, nhênhv)

Hội viên nôngx mênhx hêir nênhs Hmôngz txơưx uô kinh ter

Tsôngv pox nhuôs sơưr đơưk hmor yuô! Piz txix chuôz zis uô kôngz lôngk, hâur yênhx shông khưr uô liêx têz, taz sik luz nênhx cux fênhx six txov nhêv. Zơưv Zax A Chống nhoz jok Phiêng Ban, xar Mường Giàng, huyện Quỳnh Nhai, tỉnh Sơn La tưz hlôngr yiêz tsưr ziv xar thiêz uô, sir jos yưv pênhr chos cxuô zav tsoz chos thiêz tsiêx tu zus  tsiv grê chiê huôv tsar kinh têr chuôz zis.

(Hlôngr suôz)

Shông 2013, pov tâu đêx ar thiêz qiv hơưv ntơưv zuk qơư nhoz huv đros chor tsoz chos muôx tsuv gri kinh têr siêz, zơưv sir zôngv chuôz zis 5.000 yiv ndis ar tox trôngz chiê yưv pênhr chos txir hơưk. Khov sir zôngv muôx chêx cur têx tsưr ziv tsoz phưz viv li txos shông 2016 zơưv chuôz zis chos txir hơưk tưz huôv star hloz lox jông, hlar câuk sêi, tsik trâus tuôs thiêz thax tsav tâu kriz đar txos muôx 5 ha, sâu tâu 2 tấn iz shông. Txir hơưk mak tuôx jông hâur têx har jôngr, viv li zơưv chuôz zis tưz xêir tsov têx qơư tox trôngz chiê chos.

Zơưv hêik: Shông 2016, 5 hec ta txir hơưv paz sâu tâu 7 puô cir txir nhôngk, đros gri muôs zos 120 cxênhz đêiv iz cir, đhâu thâuv yưx tas cxuô zav sâu tâu muôx 70 triệu đêiv ntâu. Txir hơưk paz muôx tâu chêx cur kinh têr siêz đuô chos blêx, tưz paz trâu zơưv chuôz zis hla đhâu cêr pluôs. Thâuv ntêx chuôz zis cux txov nhêv hênhr, tâu Hội nôngx mênhx xar paz, cur txêik tâu 5 triệu đêiv chiê zuôr nhux đas lok zus huôv tsar kinh têr, đhâu iz ntu chor nhux hloz lox thiêz huôv tsar jông cur muôz muôs chiê muôx nzir nhiêx txiêx yưv pênhr huôv star kinh têr. Thâuv txox cêr lox 279 muk đhâu mak cur thiêz tror chos poz cưk, iz shông sâu tâu 60-70 tấn thiêz chos txir hơưk”.

Nhạc cắt

Muôx pênhr thiêz chênhz zênhv hâur tu zus thiêz chos kôngz lôngk, zơưv tror yưv pênhr muôx 50 triệu đêiv zuôr 4 tuk nhux đas thiêz chos poz cưk, poz cưk sâu tâu muôx 7 tấn iz ha. Zôngv muôx 1 ha ntâu ar chiê chos blêx thiêz chos tâux cov muôx nzir zav nox trâu tu zus nhux đas thiêz zus nzir buô, kêiz, ol chiê paz muôx nzir phênhv sâu trâu chuôz zis. Têx tsưr ziv uô co tưz paz trâu zơưv chuôz zis sâu tâu muôx 200 triệu đêiv iz shông. Đros co, zơưv tsênhv sir jos phêiz kênh têx chênhz zênhv jông hâur uô xênhz yar trâu pox nhuôs hâur jêx jok pâuz sik đros huôv tsar kinh têr gra siêz luz nênhx. Zơưv Thox A Dia, Phưv chủ tịch Hôiv nôngx mênhx xar Mường Giàng, huyện Quỳnh Nhai, tỉnh Sơn La khav tênhv: No zos iz lênhx nênhs txơưx uô nox pêzz zuôr sir jos chiê tas nro chor hôiv viên hâur xar cơưv shâuv uô trơưk”.

Hlôngr suôz

Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đaix TNVN iz suôv faz Bắc sik côngv đros tsênhv qơư cxiz uô kôngz têz qơưk uô./.

(Lik Thox cxêik nhênhv)