Huôv tsar tu zus shuôz njêl nhoz Tường Phong

Đros muôx thax tsav pak đêx huv đros, Xar Tường Phong tưz yax kriê pox nhuôs sir zôngv muôx 300 ntâu ha đêx chiê tu zus thiêz ntâuk muôz shuôz njêl.

Hli 10/2015, hợp tác xã shuôz njêk Tường Phong tâu yênhx lix, muôx 102 lênhx hôiv viên. Đhâu ciês thâuv yênhx lix, chor nênhs đros uô tưz yưv pênhr nhiêx txix 10 txos 15 triệu đêiv chiê zuôr tơưz, uô vax thêir zus njêl hâur đêx, zuôr nôngz thiêz zav nox zus njêl…Txix têx tsưr ziv uô qơư thêir tu zus njêl sâuv pak đêx, tsôngv px hâur thax tsav ntơư tưz muôx phênhv sâu tâu cxaz nzir nhiêx txiêx. Đros ntơư, tsôngv px Sơưr đơưk cux tâu cán bộ cxơưz cxiz uô kôngz xar kriê tsưr ziv tu zus, tsoz phưz, por vêv trâu chor njêl…khov co hâux lưv tu zus njêl nhoz no tưz tâu pox nhuôs huôv tsar tâu truôx, phênhv sâu tâu muôx 50 triệu đêiv iz luz kror qơư thêir lok zos vax zus njêl iz shông.

Tix lâus Hà Văn Mạnh, nhoz jok Hạ Lương, xar Tường Phong-lênhx nênhs uô đros hợp tác xã hêik: Thâuv ntêx, tix lâus chuôz zis cux tsuôk chos poz cưk thiêz kok ntông, phênhv sâu tâu tsơưs. Thâuv tâu xar yax kriê, hêik pâuz, shông 2016, tix lâus chuôz zis tưz muôz pênhr nhiêx zuôr oz luz tơưz zus njêl. Tâu têz qơưk paz txêik pênhr, tix lâus tưz sir jos yưv pênhr uô nzir thiêz txos nhiv no chuôz zis tưz muôx 4 luz tơưz zus njêl, đros chor njêl zus ntâu zos njêl nox jâuz, njêl lăng, njê rô phi…Iz chas cơưv shâuv têx fôngx zưs tsưr ziv tu zus, tix lâus tsênhv tâu đros cơưv cxuô lớp kriê cơưv tsưr ziv tu zus, tsoz phưz, por vêv, phax tar moz ơưk trâu njêl, viv li chuôz zis chor njêl ziv hnuz ziv vav ntâu, paz sâu tâu xar muôx 200 triệu đêiv iz shông. Tix lâus Mạnh hêik:

“Thâuv ntêx mak muôx têx jiês txov nhêv hênhr, ntâu kror uô tsik tâu trơưk li zuk siêz xar, tsuôk zos pâuz uô kôngz hâur têx liêx têz xưz. Txix thâuv zus njêl li no mak cur pov luz nênhx cux jông đuô, truôx tuk đuô pir li thâuv ntêx, nhiv no mak cur pov shir phaz hênhr lơưv”.

Chiê zus njêl hâur tơưz huôv tsar tâu truôx, 3 shông tror lok no, Đảng ủy xar Tường Phong tưz tso têx tsưr ziv tu zus njêl hâur tơưz trâu hâur six cxiv li nghị quyết thiêz nghị quyết hâur yênhx shông; chox kriê chính quyền tiv phaz tso tơưv têx tsưr ziv tsênhv tsênhz; paz chi bộ têx jêx jok njuôk xav, paz trâu pêx xênhv huôv tsar tu zus njêl sâuv pak đêx…Khov co, tưz tsik zos gra siêz lok tsơưr lươngv mak chor tơưz zus njêl cux chuôz ndê ntâu. Txos nhiv no, tas nro xar tưz muôx 10 ha zus shuôz njêl hâur tơưz, đros muôx 351 luz tơưz, vax zus njêl; chor njêl zus mak cux chuôz ndê lơưr yênhx shông, ciês shông 2018 tâu muôx 100 ntâu tânz njêl. Hâur shông 2019, xar sir jos huôv star nzir 50 luz tơưz, vax zus njêl. Zơưv Hà Văn Du, Bí thư Đảng ủy xar Tường Phong puz pâuz:

“Hợp tác xã shuôz njêl thiêz chor thành viên hưpj tác xã shuôz njêl mak tâu Phù Yên lok six tsov cưv txos. Yênhx shông, chox ban sêiz car hợp tác xã shuôz njêl thiêz chor nênhs hâur hợp tác xã muk ndis shuôk têx tsưr ziv tu zus nhoz têx thax tsav txơưr, nhoz têx tỉnh jêx jok, muk shuôk nhoz tỉnh Hải Dương thiêz têx tỉnh qơư kik lok tsưr ziv tu zú snjêl hâur tơưz, vax thêir muôx chêr cur kinh têr siêz”.

Taz sik, hâux lưv tu zus shuôz njêl nhoz Tường Phong nhiv no cux tsênhv yuôr ntâu phiv liv li: têx tơưz, vax zus njêl zôngx ziv trâus đêx cuôr yôngz hâur chêix ntux nas; tsik so tsuv txar chor tơưz, vax zus njêl trâu têx qơư txơưr, thâuv đêx grêk; njêl trâus tuôs….Đros co, ntu jê lok no, chor chuôz zis tu zus shuôz njêl hâur thax tsav xar tsênhv njiz ntâu phiv liv lok chor njêl nôngz. Viv li, chiê zus njêl hâur tơưz, vax thêir huôv tsar truôx, hâu nov ntơưv qơư thiêz pêx xênhv nhoz no cux tok njôngr cxuô cấp, nganhx zuôr muôx tsưr ziv paz trâu chor hợp tác xã, tiv zix zos hâur qênhz yuôx nriêr pâuz qơư, tsơưr lươngv chor njêl nôngz; muôx tsưr ziv cxiv uô qơư zus nôngz njêl ntơưv thax tsav qơư nhoz chiê chor chuôz zis tu zus shuôz njêl muôx tâu qơư truôx zuôr nôngz njêl lok zus./.

(Đắc Thanh-Lik Thox cxêik nhênhv)

Têx phênhv xưv bluô uô cxâuv zaoz thôngz 2019 lơưr Nghị định 46

Nus: Iz cxiê phênhv xưv bluô uô cxâuv zaoz thôngz cêr ar 2019 khênhr njiz trâus tiv zix đros nênhs tsar yêz meir tâu cui tênhv ntơưv Nghị định 46 li chas?

Têz: Iz cxiê phênhv xưv bluô uô cxâuv zaoz thôngz cêr ar 2019 khênhr njiz trâus tiv zix đros nênhs tsar yêz meir tâu cui tênhv ntơưv Nghị định 46 tsênhz mênhx li no:

          1. Tsi ntông mov por vêv tâuz hâu

          Nênhs tsar yêz meir, jâuv sâuv yêz meir tsi ntông mov por vêv tâuz hâu lok sik ntông mov taz sik tsi khi hluô trơưk cui tênhv mak trâus xưv bluô cxôngx 100 cxênhz txos 200 cxênhz.

          2. Thâux lênhx nênhs tsi trơưk cui tênhv.

          Nênhs tsar yêz meir tsuôk tâu thâux 1 lênhx nênhs sâuv yêz. Zos thâux 2 lênhx nênhs mak trâus xưv phuôv cxôngx 100 cxênhz txos 200 cxênhz; zos thâux lênhx nênhs muk chơưv kho moz, mê nhuôs tsi tâu nto 14 shông hnuz nhôngs lok sik thâux lênhx nênhs phamv cxâuv mak tsi trâus xưv phuôv.

          Zos thâux cxôngx 3 lênhx nênhs ndê muk sâuv yêz trâus xưv bluô cxôngx 300 cxênhz txos 400 cxênhz.

          3. Tsar yêz thâuv tưz hâuk chơưr bia.

          NJuôs siv pov hâuk ntâu chơưr hla đhâu phênhv cui tênhv mak trâus xưv bluô cxôngx 1 txos 4 tsov đeiv.

Nhạc cắt

          Nus: Iz cxiê phênhv xưv bluô uô cxâuv chêi zaoz thôngz cêr ar 2019 khênhr njiz trâus tiv zix đros lênhx nênhs tsar yêz ô tô tâu cui tênhv ntơưv Nghị định 46 zos li chas?

          Têz: Iz cxiê phênhv xưv bluô uô cxâuv chêi zaoz thôngz cêr ar 2019 khênhr njiz trâus tiv zix đros lênhx nênhs tsar yêz ô tô tâu cui tênhv ntơưv Nghị định 46 tsênhz mênhx li no:

          1. Tsar yêz thâuv hâuk chơưr bia.

          Chơưr muôx hâur nyar tsi hla đhâu phênhv cui tênhv, lơưr yênhx  cấp mak xưv bluô cxôngx 2 tsov txos 18 tsov.

          2. Tsar yêz muk tsi trơưk cui tênhv.

          Tsar yêz muk chênhr tsi trơưk cui tênhv, đros têx cei cêr txơưr mak trâus xưv bluô cxôngx 600 txos 3 tsov đeiv;

          Tsar yêz muk chênhr đhâu 20 cei cêr iz six hơưv txos 35 cei cêr iz six hơưv trâus xưv bluô nhiêx cxôngx 5 txos 6 tsov đeiv; thôngx cxix trâus sâu tsês ntơưr tso chei tsar yêz 1 luz hlik.

          Tsar yêz muk chênhr đhâu phênhv cui tênhv uô muôx txiêz nanv zaoz thôngz tsuv trâus bluô cxôngx 7-8 tsov đeiv; muk chênhr đhâu phênhv cui tênhv 35 cei cêr iz six hơưv tsuv trâus bluô cxôngx 7-8 tsov đeiv; thôngx cxix sâu tsês ntơưr tso chei tsar yêz 2 luz hlik./.

(B.Thủy- Txâur Vax cxeik nhênhv)