Lào Cai zuôr “truôx tuk” zos hâux lưv zov chênhr đhâu têx txuz ndêx trôngx vas vâu, meir nzuôx chuô tu pôngz hâur tsêr lớp cơưv ntơưr

Truôx tuk zoz thôngz, truôx tuk zav nox, truôx tuk hâur tưr thik ntơưr, truôx tuk ntux nas chuô, phax tar trâul pôngz đêx, tir thêir têx tsi jông hâur tsêr cơưv ntơưr, tir thêir têx nênhs fêv hâuz nziêk đas, nhiês zuôr muôs lênhx nênhs…. No zos têx hâux lưv zov chênhr, tsuv tâu moz siêz txos thiêz fuô uô hâur niêx hnuz, niêx hli, niêx shông trâu hur tiz si cxuô luz tsêr cơưv ntơưr nhoz tỉnh Lào Cai hâur shông cơưv 2021-2022.

Lar heik, thâuv tưs tưz moz siêz txos luôs hâux lưv tsưx phưv truôx tuk trâu sđ hâur ntu muôx moz Covid-19 ziv hnuz ziv huôv xênhz phiv liv li nhiv no. Txơưv tiêk tsênhv zos thax tsav tsi tâu muôx lênhx nênhs tưs trâul cik Covid-19, taz sik têx luôs hâux lưv uô phax tir thêir  moz gênhk nhoz cxuô luz tsêr cơưv hâur thax tsav no puôr lênhx uô tâu truôx jông thiêz zôngx ziv seiz pov txix saz đrâuv trôngx vas lok hâur tsêr cơưv. Pos Nguyễn Thị Lan Anh, thơưx seiz car tsêr cơưv cxênhx iz Hoàng Văn Thụ, TP Lào Cai heik pâuz: “Tsêr cơưv tưz yax kriê, xa têx lul heik pâuz txos tas nro shux xênhz li têx lênhx uô niêv uô txir chiê uô jông trơưk têx tsưr ziv, cui tinhv lok tir thêir moz gênhk thâuv sđ xa, tok têx mê nhuôv.  Ntơưv yar tiêx tsêr cơưv cux muôx hur si qơư kriê têx nhuôs shux xênhz iz tus nhoz kuôk đêz iz tus, thâuv muk hâur lớp, tâu chor cưk kriê ntơưr tok thiêz chox cêr iz lớp jux juk”.

Txơưv lênhx tưs cux ndo njôngr hâur siêz tsi plox, thâuv kuôk no iz shông, ntơưv tsêr cơưv jok Phung, xã Khánh Yên Thượng, huyện Văn Bàn tưz muôx iz txuz ndêx trôngx vas poz vâu, uô 6 lênhx nhuôv shux xênhz cxênhx nhuôs zâu thiêz cxênhx iz trâul saz thiêz trâus tuôs ciês hnuz xuz thơưx tuôx muk tsêr cơưv, cơưv ntơưr. Txuôk lơưr co cux muôx têx txuz li: Meir nzuôx chuô pôngz lok trâul têx nhuôv shux xênhz hâur lớp cơưv, shux xênhz niêv txir muk hâur qơư cơưv ntơưr ntâuk luôs lưv tus mê nhuôv muôx 2 shông nhoz Lào Cai tưz iz jiês thiêz tror heik trâu sđ lok sâuv tsưx phưv truôx tuk, txiv ngaz hâur tsêr cơưv ntơưr.

Uô ntêx ntơư, Lào Cai zos qơư sđ heik ntâu txos hâur têx txuz: Cưk kriê ntơưr ntâuk tsiv shux xênhz nhoz Bát Xát, cưk kriê ntơưr txir nênhx zuôv shux xênhz lớp 8 nhoz Bảo Yên uô đaz uô tuôs, lok sik txuz hâuz nziêk đas shux xênhz chox muk muôs đhâu ntus đriv…..

Đhâu têx txuz li heik sâuv, shông no Bộ trưởng Bộ zoz zux Chỉ thị sôr 800, Chủ tịch Ủy ban tỉnh Lào Cai Chỉ thị sôr 16, Sở Zoz zux tỉnh Lào Cai tưz nzor tso tơưv ntâuz ntơưr fuô kriê uô têx hâux lưv zov chênhr phax tir thêir têx tsi jông li heik tas co hâur shông cơưv yiêz chiê tsưx phưv truôx tuk trâu têx tuz nhuôs shux xênhz. Pos Dương Bích Nguyệt, Giám đốc Sở zoz zux tỉnh Lào Cai heik pâuz: “Pêz cux chox kriê cxuô luz tsêr cơưv thiêz nhênhz chơưv trâu Ủy ban tỉnh muôx ntâuz ntơưr heik cxuô huyện, thành phố qênhz shuôs hur tiz si cxuô zav, têx hâux lưv uz no hâur shông cơưv, co zos: Têx chuôz zênhx, qơư nhoz kriê thiêz cơưv ntơưr, têx shôngz ntông, xor tênhv….hâur têx qơư nhoz thiêz cơưv ntơưr hâur tsêr cơưv. Hâur cheix ntux sor, sở cux đros Tỉnh đoanx Lào Cai uô têx jiês yax kriê, pheiz têx ntơưr heik trâu shux xênhz pâuz lok sâuv taz por txiv ngaz, truôx tuk hâur tsêr cơưv ntơưr”.

Uô ntêx, cux tsênhv zos ntu tsênhv muôx ntux nas chuô lox, chênhr viv li luôs hâux lưv phax tir thêir, txar jav têx tsi jông tiv ntux têz uô ruôr hiêv tsi so tâu ngênhx zoz zux ntơưv qơư heik txos hâur têx xor mông, fuô kriê trâu sđ. Đros njiêz luk “Viv têx nhuôs shux xênhz; cxiv tsa tsêr cơưv truôx jông, shir phaz; hlôngr yiêz thiêz sik côngv”, vav chiê siêz tiêk shông cơưv yiêz nhoz Lào Cai zuôr taz por truôx tuk, tsi yuôr têx cêr cxơưx thiêz tsik yuôr têx cêr pôngz siêz li heik tas sâuv./.

                                     (An Kiên-Riê Lâux cxeik, nhênhv)

Paz trâu chor nhuôs zâu muôx luz nênhx txov nhêv nhoz Sơn La

  4 lênhx nhuôs tâu jênhv tu zus ntơưv Công an tỉnh Sơn La, txix nhiv no, chor nhuôs zuôr muôx tâu iz luz nênhx yiêz, iz luz tsêr tiv oz nhoz đros chor niêv nzơưv, txir nzơưv Công an. Cxuô zav đros chor nhuôs cux tsênhv zos yiêz, taz sik cux zos tập thể cán bộ, chiến sỹ Công an tỉnh Sơn La li cêr hluz đros siêz xar paz trâu chor nhuôs muôx tâu iz luz nênhx jông, muôx txux chi, pâuz sir jos uô nox thiêz zov chênhr đuô zos paz trâu luz nênhx tâu hlôngr yiêz đuô. Đại úy Mai Nguyễn Ngọc Huyền, Chủ tịch Hôiv pox niêv, Công an tỉnh Sơn La puz pâuz: “Kriz uô Ban Thường vụ Đảng ủy li tsưr ziv tsoz phưz, tu zus chor nhuôs muôx luz nênhx txov nhêv tiv zix sâuv thax tsav tỉnh, Ban Giám đốc Công an tỉnh, chor taz viv thường trực tưz piz uô têx hâux lưv, ntâuz ntơưr huv chêi chiê txêik tok chor nhuôs lok tu zus thiêz paz nhiêx txiêx trâu chor nhuôs li chuôz zis. No zos iz kror hâux lưv yiêz, taz sik pêz cux tsik so sir jos uô cov tiêr jông thiêz paz cov muôx ntâu cêr siz hluz, tror muôx chôngz đuô chor nhuôs tâu hluz thiêz tu zus đuô”.

Đros tsưr ziv paz trâu chor nhuôs muôx tâu iz luz nênhx truôx tuk, cxix cxuô lok vax tsêr, cxuô zav, txix ciês thâuv tâu choz jênhv vưv, chor taz viv hâur Công an tỉnh Sơn La tưz qêz suô, kho đuô têx qơư nox, nhoz trâu chor nhuôs, chiê cov paz muôx tâu têx qơư nhoz hur jông thiêz muôx cxix cxuô zav jông tiv zix. Têx chêr tsôngk yo yiêz thiêz chor ntâuz ntơưr cơưv yiêz chênhr zos têx kror paz trâu chor nhuôs hla trâu iz shông cơưv yiêz tso siêz đuô. Trung tá Hoàng Mạnh Dũng, Phưv trưởng phòng Cảnh sát Cơ động, Công an tỉnh Sơn La puz pâuz:“Tâu txêik tok chor nhuôs lok ntơưv no, pêz xav jênhv no cux zos iz kror hâux lưv lax uô, uô ntêx hâur ntu zuôr txos, pêz zuôr paz trâu chor nhuôs uô nênhx sưv đros trâu hâur taz viv, paz trâu chor nhuôs cơưv shâuv, cơưv ntơưr xưk li zos têx lênhx chiến sĩ zâu hâur taz viv. Zuôr chiê chor nhuôs cơưv shâuv uô thể dục thể thao yênhx hnuz đros chor cán bộ chiến sỹ chiê chor nhuôs huôv tsar tâu cxix cxuô hâur luz nênhx; chiê chor nhuôs tov kaz no zos chor nênhs muôx liv trâu chuôz zis thiêz xar hôiv”.

Iz chas uô nênhx cov sưv đros trâu tênhv qơư yiêz, sưv đros trâu chor niêv nzơưv, txir nzơưv công an, 4 lênhx nhuôs nhiv no tưz tâu muk cơưv ntơưr ntơưv têx tsêr cơưv Cxênhx iz, Cxênhx oz sâuv thax tsav thành phố Sơn La.

Cưk kriê ntơưr đros trâu sđ sik paz hluz, lar hêik zos cán bộ, chiến sỹ Công an Sơn La li têx siêz hluz zuôr paz trâu chor nhuôs cơưv tâu tiêr ntơưr, yênhx nênhs jông, uô tâu hâux lưv muôx liv trâu xar hôiv. Công an Sơn La li hâux lưv tsoz phưz, tu zus chor nhuôs zâu muôx luz nênhx txov nhêv iz jiês thiêz hêik tơưv mênhx cxưx Việt Nam li cêr siz hluz, siz paz, sđ muôx luz nênhx truôx tuk tsâu sor./.

(TTTB-Lik Thox cxêik nhênhv)