Txưr hâuk chơưr bia tsar yêz: Nênhs tox siêz tso tsês cor cav thiêz thôngx ziv đros

Nhoz chơưv kho hâur tsêr kho moz 3 hli tiv lor poz cxa kaz poz tsêis viv tsar yêz mêr thâuv kâus chơưr, zơưv Quàng Văn Bó, mênhx cxưx Thái nhoz jok Hua Nặm, xar Nặm Păm, huyện Mường La, tỉnh Sơn La nhiv no lok six shir phaz thiêz hêik pâuz zuk zuôr thôngx ziv siêz đros Chính phủ li Nghị định txưr cxuô lênhx nênhs hâuk chơưr bia thâuv tsar yêz cxaz chuôz zoz thôngz:“Cur nyêi hênhr lơưv, hâuk chơưr kâus tsar yêz mak riêz nênhs hênhr. Nhiv no Chính phủ muôx cui tênhv txưr tsar yêz thâuv tưz hâuk chơưr, zos uô cxâuv mak zuôr trâus xưv bluô, cur pov zos hênhr. Uô truôx li co mak txiêz nanv muôx yưv tiv cik txos chơưr bia zuôr tâu txo grêk tsơưs ntâu”.

Niêv tix Quàng Thị Quynh, nhoz đros jok Hua Nặm cux shir phaz hlo: Tâu pâuz txix hnuz 1/1/2020 muôx cui tênhv txưr hâuk chơưr bia tsar yêz mêir, yêz ô tô, niêv tix thiêz cxuô lênhx vir ndâuk sơưr đơưk hâur jok shir phaz hênhr, lênhx tưs cux thôngx ziv đros viv nênhs nhoz tox siêz mak tsik so hâuk chơưr. Đhâu iz hnuz khưr uô nox lok gênhk, chor txir nênhs cux hâuk mê njil chơưr cov luz chêr tsik yuô gênhk. Hok thâuv tưs muôx fôngx zưs tuôx, lok sik têx jiês ntênhk tsiêz, muôx cêr lov jêv uz no…mak chơưr zos kror tsuv muôx chiê sơưr đơưk hâuk hêik txos lênhx tsưr tsêr siêz nhiêv kruô. Muôx tsik tsơưs nênhs cux tưz tsik ndo thâuv hâuk tas tsar yêz li chak lok muk tsêr:“Ntâu jiês nox hâuk tas sơưr đơưk tsênhv chêix yêz muk trâu uz trâu no, lok sik nox hâuk tas chêix yêz lok tsêr, muôx têx thâuv mak kâus chơưr hênhr tưz tsik ndo kaz đaz tsik hlo. Pox niêv mê nhuôv hêik mak tsik mnôngs hlo. Nhiv no tưz zuôr txos tsiêz lơưv, taz sik cui tênhv txưr li co mak têx jâuv sơưr đơưk cux zuôr hâuk tsơưs đuô, jông trâu đas jos, pêz lok six shir phaz”.

Chính phủ li Nghị định 100 tâu uô trơưk txix hnuz 1/1/2020, cui tênhv nênhs tưz hâuk chơưr bia mak tsik tâu tsar yêz, zos uô cxâuv mak zuôr trâus xưv bluô nhiêx txiêx. Phênhv xưv bluô siêz tiv zix trâu nênhs hâuk chơưr bia tsar yêz tuôv zos 600.000 đêiv, nênhs tsar yêz mêir zos 8 triệu đêiv, nênhs tsar yêz ô tô zos 40 triệu đêiv. Đuô li, chor nênhs tsar yêz tsênhv trâus sâu tsês ntơưr tsar yêz ô tô, yêz mêir muôx 24 luz hli. Txơưv pâuz cux tsik zôngx ziv, viv txix ntêr lok tưz zênhx sưv đros zuk tsôngv box li kror vênhx huôv chơưr, taz sik viv ngaz tuk thâuv cxaz chuôz zoz thôngz, chor txir nênhs nhoz Mường La lênhx tưs cux thôngx ziv đros thiêz zuôr sir jos uô trơưk. Thiếu tá Tòng Ngọc Sâm, Đội phưv Đội Cảnh sát zoz thôngz Công an huyện Mường La puz pâuz, hâur 10 hnuz xuz thơưx kriz uô qênhz yuôx thiêz xưv lik uô cxâuv lơưr Chính phủ li Nghị định 100, lưx lươngv Cảnh sát zoz thôngz, Công an huyện Mường La tưz pov thiêz xưv lik 7 lênhx nênhs uô cxâuv, hâur co muôx 2 lênhx nênhs hâuk chơưr bia, tuôr tsês iz luz yêz ô tô, 1 luz yêz mêir:“Sâuv thax tsav huyện Mường La thâuv ntêx no pêx xênhv tsar yêz mak hâuk chơưr bia ntâu, lok sik têx zav tsơưr txơưr đuô, cux xưk li uô trơưk têx cui tênhv txơưr lok nga ztuk zoz thôngz tsênhv tsik tâu truôx jông. Taz sik, đhâu iz ntu uô trơưk Chính phủ li Nghị định 100, pêz pov xuz thơưx pox nhuôs sơưr đơưk cux uô trơưk jông. Chor nênhs uô cxâuv, tiv zix zos cxâuv lok hâuk chơưr bia tâu txo grêk tsơưs ntâu”.

Ntu zuôr txos, chor lưx lươngv txơưx jênhv huyện Mường La zuôr tror sir jos kriz uô ntâu tsưr ziv chiê Nghị định 100 tâu kriz uô truôx jông đuô. Taz sik, shir phaz zos pox nhuôs cxuô mênhx cxưx tưz chiv chir gra siêz jênhv pâuz tsik tsar yêz thâuv tưz hâuk chơưr bia, tas nro viv ngaz tuk zoz thôngz trâu zuk thiêz côngv thôngx thâuv cxaz chuôz zoz thôngz./.

(Thùy Thanh-Lik Thox cxêik nhênhv)

NUS, TÊZ LOK TSAZ YÊNHX CXIV TSA JÊX JOK YIÊZ

1/ Chiê uô tâu luôs hâux lưv lok sâuv cêr mul lok, xã, jêx jok thiêz tsôngv px tsuv uô têx tuk tsi?

Xã, jok tsuv seiz lok têx muôx tsênhz chiê xav tinhv côngz trênhx zuôr trâus uô uô ntêx, tsưr ziv uô fiv đros. Đros thiêz têx cêr mul lok zuôr trâul txos thâuv cxiv uô yiêz mak tsuv uô tâu trơưk li cui tinhv, hok têx cêr tsi yuô zov chênhr, tsi tâu tâu trâul txos mak tsuôl cxok ndêx seiz car trơưk li tsưr ziv, thâuv tưs muôx pênhr, muôx six hơưv, hnuz nhôngs mak mav uô lơưr cui tinhv. Têx cêr tsênhv mul lok: Ntu tưs grêiv, mê krêz uô tsi tâu đar trơưk li cui tinhv mak muôx têx kho, nzaz nzơưv cov tas têx ar 2 saz ntus cêr chiê krêz uô cov đar mê njik, jông mul lok, iz chas ntơư cxaz nzir têx qơư siz jav yêz chiê zôngx ziv trâu têx yêz mul lok tâu đhâu.

Đros thiêz tsưr ziv, têz qơưk thiêz tsôngv px sik đros uô, hâur six hơưv đhâu, phôngz yaox tsôngv px gôngr ar, shôngz ntông uz no...chiê đros têx jêx jok hâur xã uô tiêr luôs hâux lưv uô têx cêr mul lok jêx jok pov muôx ntâu nhoz cxuô thax tsav qơư. Tsôngv px tsi tiêk muôz ar têz, nhiêx txiêx đros uô, mak tsênhv heik têx tuz nhuôs, tsôngv cưr tix nênhx tsa sđ hâur jêx jok sir jos đros uô têx luôs hâux lưv no thiêz.

2/Tsôngv px tsuv uô li chas chiê đros paz ntơưv qơư uô tâu tiêr luôs hâux lưv lok sâuv tsar ndê sđ phênhv sâu tâu?

Hâux lưv cxiv tsa jêx jok yiêz li qơư tsov txos, chênhr zos gra siêz phênhv sâu tâu trâu tsôngv px. Chênhr zos li heik co, iz lênhx tsôngv px tsuv hlôngr yiêz tsưr ziv, siêz xar, sir jos huôv tsar uô bluô nux chiê cxơưz gra luz nênhx vav mênhx trâu zuk, trâu chuôz zis thiêz cux chênhr zos uô jông trâu XH; tsuv sir jos hlôngr yiêz tsưr ziv uô nox , muk uô hâux lưv saz đrâuv luôs 2 chas têz qơưk, sir jos uô trơưk têx tsưr ziv yiêz hâur huôv tsar uô kôngz chiê gra siêz phênhv sâu, têx kôngz uô tâu, txo grêk tsơưs têx tsi jông uô ruôr hiêv.....

Iz chas ntơư, tsôngv px sđ tsuv sir jos đros cxaz chuôz têx lớp cơưv, têx jiês cơưv... cxaz nzir lok txux chi, tsưr ziv uô kôngz, tu zus tsiêx cxu trơưk li ngênhx lês car uô đreiv têx hâux lưv co nhoz hâur huyện hâur tỉnh....chox kriê./.

(Thu Thùy-Riê Lâux cxeik, nhênhv)