Jax sâu thưr 2 hnuz 17/10/2016

Huôv tsar txix trôngx đriv nhiêx tỷ đô

Tror tis njiê hâur 20 shông đhâu lok, đhâu thâuv oz têz qơưk Việt Nam-Trung Quốc uô jông cer coangz siv mak tỉnh Lào Cai tâu yênhx lix. Thâuv co sik côngv ntus đriv nhoz Lào Cai thiêz Vân Nam-Trun Quốc nhiv kruôr tâu uô txix muk lok đhâu qox hồ kiều 1 trâu hli 5/1993. Chêx cur sik côngv shông xuz thơưx ciês tưz paz muôx tsiv gri muôl muôs tơưv saz đrâuv têz qơưk 1,4 triệu USD, no zos iz kror shir phaz trâu Lào Cai haur chor hnuz xuz thơưx tror tâu yênhx lix. Taz sik tsơưs nênhs thiêx xav tâu tiêk, nhiv no, cux kror qơư co zos iz kror trôngx đriv muôx nhiêx tỷ đô.

Txix 1,4 triệu USD xuz thơưx, 10 shông tov kaz shông 2011 ndê 1,6 tỷ USD. Txix co txos nhiv no, trôngx đriv Lào Cai thâuv tưs cux sâu ntâu đuô nhiêx tỷ đô la, shông 2015 tax tâu 2,2 tỷ USD, ntâu đuô yênhx cxênhz jiês pir li xuz thơưx. Têx chêx cur co muôx tâu tsuv hêik txos tas nro cxiv luôs chính trị txix Đảng bộ, Chính quyênx txos tas nro pêx xênhv cxuô mênhx cxưx hâur tỉnh. Zơưv Đỗ Trường Giang, Giám đốc sở Công thương tỉnh Lào Cai puz pâuz:

 “Đảng bộ tỉnh Lào Cai hâur 2 shông đhâu six cxiv Đại hội jiês tiv 13 thiêz 14 tưz xav jênhv  kinh tế trôngx đriv zos kror chênhr chiê huôv star. Nhiv kruôr đhâu, Đại hội Đảng jiês tiv 15 tỉnh  tror xav jênhv thương mại trôngx đriv, dịch vụ, du lịch zos muôx ywuv hâur huôv star. Đros co zos muôx trung ương paz tưz uô trâu phênhv sâu txix trôngx đriv Lào Cai huôv tsar hênhr”.

Tuôx trâu Lào Cai hnuz no, pov tâu 1 hâur 9 qơư kinh tế trôngx đriv zov chênhr thôngz têz qơưk đros gơưv trôngx đriv ntiêx tez tiv zix nhoz hâur thành phố hluôk muôx ntâu kror huôv tsar co-iz thành phố  muôx cxix cxuô zav vận tải paz trâu oz saz muôl muôs zôngx ziv đuô xưk li cêr hlâu, cêr muk chênhr, cêr đêx thiêz tsuôk oz pêz shông zuôr txos mak muôx cêr yêz za thiêz. Njiês thax tsav kinh tế Bắc Sơn (Hà Khẩu-Vân Nam-Trung Quốc) zos trôngx đriv ntiêx têz cêr ar số II Kim Thành Lào Cai lox jông. Đhâu tỉnh li têx sir jos hlôngr yiêz, txos nhiv no, chor doanh nghiệp li têx hax huv muk lok đhâu trôngx đriv tâu uô zôngx ziv đuô, hax huv kôngz nuv cux tưz tâu chiê muk đhâu sêi thiêz iz cxiê hax huv tsênhv tâu uô ntâuz ntơưr muk lok txos 10 six iz tas hmo…Zơưv Nguyễn Văn Hãnh, hlôngr njêx muôs công ty cổ phần cơ khí công nghiệp Bắc Hà puz pâuz:

 “iz oz shông lok no, Lào Cai tưz sir zôngv công nghệ điện tử trâu hêik pâuz ntâuz ntơưr hải quan, khov co paz zôngx ziv  trâu doanh nghiệp truz lur đuô six hơưv hêik pâuz cux xưk li muk lok đhâu”.

Chor hnuz xuz thơưx nhiv kruôr kriz uô trôngx đriv, nhiv kruôr muôx oz pêz châuv doanh nghiệp yưv pênhr kinh doanh, phênhv ntâu zos muôl muôs zâu đhâu ntus đriv iz cxiê hax huv chênhr. Txos nhiv no, chor doanh nghiệp cxaz chuôz muôl muôs đhâu trôngx đriv tưz ndê xar muôx 1.000 kror, uô trâu trôngx đriv chôngz nênhs, lov jêv đuô. Đros co, yênhx puô doanh nghiệp hâur thiêz đrâuv têz qơưk cux yưv pênhr trâu chor qơư công nghiệp nhoz thax tsav kinh tế trôngx đriv, sir jos huôv tsar iz cxiê dịch vụ lav muôl muôs uô ntêx…chor doanh nghiệp yiêz chuôz ndê sêi hêik tơưv Lào Cai li tsênhv chêi zaz zâuv yưv pênhr lok six jông.

Đros tas nro cxiv luôs chính trị li sir jos siêz, shông 2002 txos nhiv no, xar muôx 100 cơ quan hành chính tỉnh tưz tâu yêv lok trâu qơư yiêz. Đô thị kuz thâuv ntêx tsês tas nro trâu thương mại, dịch vụ đros yênhx puô tsêr kruô, qơư nox hâuk, tsênhv qơư muôl muôs hax huv, qơư uô si. Iz shông, trôngx đriv Lào Cai zaz zâuv xar muôx 2 triệu  lênhx nêhs thiêz xar muôx 100 cxênhz yêz muk lok đhâu, paz muôx tsar tov lox tôngv đros phênhv sâu truôx trâu 4.000-5.000 lênhx nênhs…Zơưv Tô Ngọc Liễn, phưv chủ tịch UBND thành phố Lào Cai puz pâuz:

 “Xav jênhv thax tsav kinh tế nhoz hâur thax qơư phố kuz, pêz tsêx tsung kho đuô đô thị. Tiv zix zos phưx vưv trâu zoz qơưx dịch vụ chiê huôv tsar thax tsav kinh tế trôngx đriv taz por jông, phuôx huiz tâu têx tsiv gri lok đô thị cux xưk li chêx cur huôv star kinh tế xã hội thành phố thiêz tỉnh”.

Nhiv kruôr no, hnuz 22/9/2016, Thủ tướng Chính Phủ tưz cir cuêz tênhv kriz đar thax tsav kinh tế trôngx đriv Lào Cai ndê xar muôx 16.000 hec ta, siêz đuô oz jiês pir li thâuv ntêx. Lơưr co, thax tsav kinh tế trôngx đriv yiêz zuôr muox 26 xã, phường ntus đriv, nhoz 5 huyện , thành phố hâur tỉnh. Zuôr txos no, thâuv cxuô zav tâu yưv pênhr, thâuv têx phiv liv lok tsênhv chêi nhoz oz têz qơưk tâu uô zongx ziv đuô mak đros oz trôngx đriv ntiêx têz, 5 trôngx đriv phưv, Lào Cai zuôr kriz uô tâu cxix cxuô têx kror liv nhoz 200 cêik cêr ntus đriv. Txix co kriz tơưv iz kror yiêz, paz trâu trôngx đriv Lào Cai huôv tsar đuô./.

                            (An Kiên-Lik Thox cxêik nhênhv)

Phênhv thưr 2, hnuz 17/10/2016:

Tsuv tso tơưv Nghị quyết lok cxiv kho Đảng

Phưv Giáo sư, Tiến sỹ Phạm Minh Tân, Phưv Chủ tịch Liên hiệp hôiv khoa học kỹ thuật TP HCM heik, tir thêir, txo grêk tsơưs têx tsưr ziv, siêz xar tsi jông lok sâuv cêr uô nênhx zos hâux lưv zov chênhr, zuôr trâus txos thâuv tưs tưz tâu Đảng pêz moz siêz txos. Hâux lưv no ziv zov chênhr đuô hâur ntu ntiêx têz muôx ntâu txơưr txar phiv liv, uô tsôngv box sđ tsi yuô chiê siêz thiêz njênhs Đảng….. Đảng xav tinhv, tsi tsơưs iz cxiê lênhx đảng viên, hâur ntơư muôx hur si canr bôv đảng viên uô nov lox muôx tsưr ziv, siêz xar tsi jông lok cêr uô nênhx. Lok qir tiv nox nhiêx têz qơưs, lơưr Tiến sỹ Phan Minh Tân, ntơư zos liv zôngv zuk vax huôv, hâux lưv uô chiê nox nhiêx têz qơưs. Viv li, têx vax huôv, hâux lưv co tsuv tâu qênhz shuôs truôx jông:

“ Pêz seiz ntơư tsi zos tsơưs, chênhr viv li tsuv uô jông hâux lưv phax tir thêir thiêz txo grêk tsơưs qênhx shênhx nox nhiêx têz qơưs. Co zos iz hâux lưv mak pêz tsuv sir jos uô cov tâu. Nhiv no tsênhv muôx yưv ntâu kror tsi jông hâur XH thiêz, trơưk cur, Hội nghị T.Ư jâuv no tsuv tiz jông seiz lax lok sâuv têx tsưr ziv tir thêir, txo grêk tsơưs qênhx shênhx nox nhiêx têz qơưs, uô têx nuv tsi jông trâu px”.

Tror heik txos Chủ tịch HCM têx ntơưr sâu tsês kriê sđ cêr uô nênhx, zơưv Đặng Xuân Định, Chủ tịch Hội bôv đôiv lâuk Quận 1, TP HCM ndo njôngr Lâuk Hôx têx luk choz kriê, ntơư zos đhâu thâuv tir ntâuk zênhx trok châuz, têz qơưs tiêx tuk mak pêz Đảng tsuv cxiv kho đuô. Lơưr zơưv Định, ntơư zos Lâuk Hôx iz tsưr ziv tuôr xav tâu thiêz lok six jông tsês chiê trâu pêz chor đảng cxênhx hluôk tov kaz no. Zos lênhx tuz lênhv zơưv Hloz Hôx, zơưv Định cux khênhr heik trâu chor tuz lênhv sđ: pêz tsuv tsưx phưv têz qơưs viv tsôngv px, viv sđ luz nênhx. Zos pêz tsi moz siêz, tsi thôngx ziv mak zuôr uô tsi tâu hâux lưv cxiv tsa đảng truôx thiêz hur jông. Txix têx muôx tsênhz, ntâu lênhx canr bôv đảng viên uô trâu zuk pôngz vax huôv, viv têx tsưr ziv, siêz xar tsi jông li heik sâuv, zơưv Đặng Xuân Định heik:

“ Uô li chas pêz têx đôngx chir canr bôv tsuv sir jos uô nênhx jông. Muôx têx hâux lưv uô tsênhv tsênhz chiê trâu px sđ seiz pov, lơưr thiêx njênhs thiêz pâuz tâu. Uô li ntơư chor đôngx chir canr bôv têx nuv uô tâu thiêx txâuk tsôngv px njênhs”.

Zơưv Lương Văn Tác đros ntâu lênhx đảng viên nhoz jok 1, phường 3, quận Bình Thạnh, TP HCM cxơưx li no, zos pêz tsi cxiv kho đảng mak iz hâur têx tsi jông zôngx ziv muôx yưv, đrav ntêx pêz Đại hội Đảng tưz xav tinhv-ntơư zos têx tsưr ziv, siêz xar tsi jông uô ruôr hiêv txos sđ, uô trâu têz qơưs tsi truôx tuk. Pêz Đảng zos đảng tuôr vax huôv, Đảng chox car; zos muôx têx tsi jông li heik sâuv, zuôr uô truôx cxuô luôs hâux lưv cxiv tsa têz qơưs. Zơưv Lương Văn Tác heik ziv chênhv:

“ Chiê uô tâu jông, pêz muôx têx ziv chênhv li no: Tiv iz zos T.Ư tsuv sir jos, têx lênhx nênhs uô cxâuv mak tsuv tik cêr cxâuv txos  qơư. Tiv 2 zos tsuv muôx chei, cui tinhv truôx jông…..”.

Têx canr bôv đảng viên, tsôngv box sđ lok six chiê siêz, njênhs njôngr trâu T.Ư Đảng hâux lưv cxiv tsa, cxiv kho đảng txix cxuô luôs hâux lưv uô tưz uô đhâu thiêz tsênhv taz tov bax uô li: tror xơưz xưv têx txuz plâuz lox cik txos ntâu lênhx canr bôv đảng viên. BCH T.Ư seiz lax Nghị quyết txuôk lơưr co chiê cxiv kho đảng, uô trâu Đảng truôx jông, gra siêz Đảng luôs hâux lưv uô, zos Đảng tsưr ziv uô-huv tsôngv px siêz./.

                                   (TTTPHCM-Riê Lâux cxeik, nhênhv)