Tày, Nùng nhoz Lạng Sơn li tsưr ziv uô vuôs vor jông jav

Vuôs vor jông jav zos tsôngv box mênhx cxưx Tày, Nùng li iz chuôz zênhx chax chês uô chiê vor tsêr. Hâux lưv uô vuôs pov muôx kuôk nor yênhx puôk shông đhâu lok. Đros muôx 50 ntâu ziv chuôz zis uô zav hâux lưv no, ntơưv thax tsav qơư co, hnuz tưs cux muôx yêz tuôx thâux vuôs cungz trâu niêv ciêz hâur tỉnh thiêz têx tỉnh buôk co. Zơưv Hoàng Công Ngọc (83 shông), tưz muôx 60 shông uô vuôs nhoz xã Long Đống puz pâuz:

          “Thâuv ntêx têx lâus khênhr hu zos vuôs chiêr đêx, tov kaz no thiêx hu uô vuôs âm dương viv muôx têx đeiv tso khưz trưk, têx đeiv tso nzênhr tiêx. Nênhs Tày phênhv ntâu nhiv no tsênhv nhoz tsêr lơưx, tsêr lơưx chax chês mak phênhv ntâu zôngv zav vuôs no uô vor ntov tsi trâus xâu nas, thâuv nyar ntux mak tsi trâus cuz vâuv”.

          Iz qơư tsiv uô khênhr muôx 2-3 chuôz zis hâur iz xênhv nênhs sik côngv uô. Ntu no têx qơư tsiv uô chêx chôngk uô hâur yênhx hnuz. Iz qơư uô cxôngx 40 cxênhz-60 cxênhz đeiv vuôs. Chiê uô cov tâu têx đêiv vuôs jông jav, tsuv xeir têx ar jông, tsi shơư suôz jêz, đhâu co zưs đêx vâuv 20 hnuz chiê ar blâuv, thâuv uô tiêr thiêx tâu zav vuôs jông, truôx khor. Thâuv bax tâu têx ar blâuv co, lênhx nênhs uô tsuv muôz ar tso hâur teik uô vuôs, tok kruôr thiêx chox mul hlơưr. Ntu hlơưr tsuv txơưx hlơưr thiêx uô tâu vuôs jông, truôx khor, zơưv Hoàng Công Ngọc heik:

          “Thâuv hlơưr, tsuv muôz chor vuôs co tso siz khưz uô cê, vuôs thiêx tsik trâus tơưs, khik. Qir thơưx hlơưr tsuv max mav trâur tơưs chis cov tov thơưx tax txos thâuv tas pa đơưz hlôngr trâu pa đax thiêx li trâur tơưs lox jux jus chiê hlơưr”

          Pos Dương Hồng Hạnh, Phưv tsar Phòng thôngz xor mông thiêz vênhx huôv huyện Bắc Sơn, tỉnh Lạng Sơn puz pâuz, tiv phaz xav tênhv, phuôx huiz tuôr tsês jos uô vuôs chax chês thiêz chox jos uô vuôs ntơưv xã Long Đống yênhx xiv huv ju lix hâur ntu zuôr txos:

          “Hâur ntu zuôr txos pêz zuôr tror yax mông chiê tsôngv box pov tâu tsêr lơưx tâu vor vuôs chax chês  cxôngx nzor. Đros co zos pêz heik trâu UB huyện sik côngv đros Sở ngoaị vụ cxiv tsa luôs hâux tuôr tsês phuôx huiz jos hâux lưv uô chax chês tiv phaz, hu grus pênhr yưv chiê uô. Pêz cux zuôr njuôs xav, xar tơưv tsưr ziv huôv tsar ju lix ndis shuôk jos uô vuôs chax chês”.

          Cxôngx côngz tsinhx tsêr lơưx nhoz tsôngv box tox siêz txos têx côngz tsinhx lox, nênhs Tày, Nùng li vuôs chax chês tsênhv tso pov siêz njênhs njôngr lok iz luz nênhx yiêz ngaz tul, tsâu sor thiêz tuôr truôx cêr chax chês jông./.

(TTĐB-Txâur Vax cxeik nhênhv)

Qênhz yuôx, tir thêir moz Covid-19, Du lix Mù cang Chải-muôx kruô chôngz jux juk tror tuôx

Jiês xuz thơưx tuôx trâu Yên Bái ndis shuôk têz qơưs, sêiz shuôk blêx liêx tơư ntêir, niêv lâuk Phương Anh, iz lênhx kruô nhoz Hà Nội tuôx sêiz pov têx tox trôngz câuv har, blêx liêx tơư ntêir jông jav cux shir phaz cơưs.

Tuôx txos Mù cang Chải hâur luz chêix no, sêiz pov tsôngv px Hmôngz hâur thax tsav tsênhv taz tov khưr uô longz lôngk đros trâu tsôngv px têx txux chi, vênhx huôv jông muôx đros đrêiv hâur luz nênhx niêx hnuz.

Băng: “No zos jiês xuz thơưx cur tuôx txoss Mù cang Chải thiêz tâu sêiz pov têx tox trôngz câuv har đros trâu cxuô jêk blêx liêx tơư ntêir jông jav thiêz pêz cux xar njôngr cov ziv hnuz ziv muôx chôngz lênhx kruô tuôx  ndis shuôk têz qơưs txos thax tsav qơư no”

Hâur luz chêix no đros trâu  fét ti va, tso câuk za hâur chêix blêx liêx siêr shông 2020, tsôngv kruô sđ tâu sêiz shuôk thiêz đros nthuôr uô cêr lov jêv ntênhk hội cxôngx nzor. Pir li ntênhk hội grâuv tox, por poz, tuô hnhênhr, tso yik siz đrâuk….thiêz sêiz shuôk cxuô tox trôngz câuv har jông jav hâur thax tsav, uô trâu tsôngv kruô sêiz tsik đhuôr.

Lar hêik zos shông no, zos jiês xuz thơưx, huyện Mù cang Chải đros công ty sêiz car yêz ntux za faz Bắc fuô uô luôs hâux lưv chêix tsar yêz ntux za sêiz shuôk cxuô tox trôngz câuv har, cxuô jêk blêx liêx tơư ntêir jông jav hâur thax tsav huyện Mù Cang Chải. Zơưv Nông Việt Yên, Bí thư huyện uỷ Mù Cang Chải hêik pâuz tiêk: Hâur luz chêix blêx liêx siêr shông no cux zos ndax trâu ntu tsênhv taz tov muôx moz Covid-19 uô phiv liv,huyện cux uô jông luôs hâux lưv chox car huôv tsar kriz cxuô qơư ndis uô si, sêiz shuôk têz qơưs txos trâu cxuô luz xã hâur thax tsav huyện Mù Cang Chải.

Băng: “Shông no, pêz huyện Mù cang Chải tsik kriz nthuôr uô ntâu cêr lov jêv li têx shông uô ntêx, taz sik pêz kriz truz ntêr hnuz nhôngs chiê tsôngv kruô tuôx ndis uô si, sêiz shuôk têz qơưs trâu cxuô thax tsav qơư. Đros co, huyện cux bax tâu cưk yuôx thiêz cxix cxuô chuôz zênhx chơưv kho tir thêir moz Covid-19. Lar hêik zos qênhz yuôx sêiz njuôk shuôk cxuô lênhx kruô muk lok đhâu, sêiz shuôk têz qơưs”

Trơưk li thôngz sâu hâur hli 9 đhâu shông no, huyện Mù cang Chải tưz tok tâu 80 cxênhz lênhx kruô tuôx ndis uô si, sêiz shuôk têz qơưs. Phênhv ntâu zos tsôngv kruô nhoz oz chas têz qơưs./.

                                       (Tsu cxêik nhênhv-Thừa Xuân)