Jax sâu thưr 5.17.11.2016:

Tsênhv chei têz qơưs hêik lok ntơưr bảo hiểm xã hội, bảo hiểm y tế txos tsôngv box thax tsav ntus đriv Sơn La

          Huyện Vân Hồ, tỉnh Sơn La muôx chôngz tsôngv box mênhx cxưx nhoz uô nênhx, jênhv pâuz kis, hâux lưv pâuz thôngz têx chế độ tsênhv chei muôx lênhx coaz txos bảo hiểm xã hội, bảo hiểm y tế tsênhv tsơưs, viv li yênhx luz hlik, yênhx quý Bảo hiểm xã hội huyện puôr lênhx muôx tsưr ziv tsưr tsix mul yax mông. Zơưv Khương Văn Hữu, giám đốc Bảo hiểm xã hội huyện Vân Hồ, tỉnh Sơn La puz pâuz:

          “ Pêz chêx chôngk mul têx jêx jos, tiểu khu đhâu têx phêv ziv njiz têx tsar jos thiêz tsar tiểu khu chiê heik lơưr yax mông txos têx xênhv nênhs thiêz pox nhuôs hâur jos, chiê tsôngv box zôngx ziv jênhv pâuz thôngz”.

          Thôngz đhâu têx jiês yax mông thiêz têx jiês têz nus đros cán bộ bảo hiểm, ntâu chuôz zis tưz pâuz thôngz đuô lok liv zix thâuv cxaz chuôz bảo hiểm y tế txưv zênhv. Niêv lâuk Nguyễn Thị Hà, xã Vân Hồ, huyện Vân Hồ heik         

           " Thâuv ntêx thâuv tsi tâu cxaz chuôz Bảo hiểm y tế thâuv mul seiz njuôs moz cur tsuv thêv lok six ntâu nhiêx phir, cxôngx thâuv cxaz chuôz bảo hiểm y tế mak thâuv seiz njuôs thiêz kho moz cur tsuôk thêv 20% xưz, yuôr 80% mak bảo hiểm thêv"

          Yuôr tix lâuk Nhí Văn Hưng xã Vân Hồ, huyện Vân Hồ puz pâuz:

          “ Cur pov bảo hiểm xã hội txưv zênhv chox lol liv zix jông trâu cur thiêz cur lênhx nênhs cxênhz jê thâuv cxaz chuôz bảo hiểm xã hội, thiêz tov kaz no lâus cur zuôr tâu sơưv nhiêx shar thiêz thâuv so lâus cur tsênhv tâu cungz ntơưr bảo hiểm y tế”.

          Khov côngz xưv yax mông muôx chêx cuk mak tas quý III shông 2016, tas nro tỉnh Sơn la tưz muôx 1 tsov ntâu lênhx nênhs cxaz chuôz Bảo hiểm xã hội, bảo hiểm y tế, hâur co lênhx nênhs cxaz chuôz bảo hiểm y tế tax 90% ntâu jênh số. No tâu seiz zos chêx cuk jông thâuv uô tsênhv chei Bảo hiểm xã hội, bảo hiểm y tế. Zơưv Thiều Quang Ngãi, Phưv giám đốc Bảo hiểm xã hội tỉnh Sơn La heik:

          “ Hâux lưv cxaz chuôz Bảo hiểm y tế chox lol lok six ntâu liv zix tsênhv tsênhz trâu tsôngv box, tiv zix zos têx chuôz zis muôx phênhv sâu kis. Bảo hiểm y tế chox lol côngz fênhx hâur tsoz phưz đas jos trâu cxuô lênhx nênhs, tiv zix zos nênhs pluôs, lênhx nênhs zuôr xar pluôs, tsôngv box têx mênhx cxưx tsơưs nênhs”.

          Tsôngv box nhoz ntux đriv, tsôngv box mênhx cxưx tsơưs nênhs nhiv no tsi tâu pâuz thôngz lok têx tsênhv chei muôx lênhx coaz txos bảo hiểm xã hội, bảo hiểm y tế. Hâux lưv chuôz tsar mul ciês têx jêx jos chiê yax mông tưz chox lol chêx cuk tsênhv tsênhz, paz tsôngv box pâuz thôngz đuô zuk li qênhx liv, tiv zix zos thâuv mul têx qơư y tế seiz njuôs thiêz kho moz./.

                      (Thanh Thủy- Txâur Vax cxeik nhênhv)

Phênhv thưr 5 hnuz 17/11/2016

Hluôk nênhs uô lơưr zơưv Hloz Hôx

     Nguyênr Văn Hungx, zos doanh nhân hluôk, uô Tôngv giamr đôz công ty Công nghêv CNC, tinhv Binhx Dương-lênhx nênhs uô ntêx hlo hâur cơ khir, tưz uô tâu yênhx côngz, paz muôx hâux lưv uô trâu yênhx cxênhz lênhx lox tôngv, phênhv sâu iz shông yênhx puô tiv đêiv.

     Tsov cưv đros hloz Hôx lo luk hêik “Hêik tsơưs uô ntâu”, “Kror tưs phiv liv mak muôx hluôk nênhs”, shông 2007, đhâu thâuv cơưv tiêr đaiv hov, Nguyênr Văn Hungx thor uô hâux lưv hâur cơ khir, kror hâux lưv yiêz chiê muôs trâu têz qơưk Myr. Txix têx cơưv shâuv tâu hâur tsênhv tsênhz, hli 10/2008 tix lâus yênhx lix Công ty Côv phânx Giav phpaz Công nghêv CNC. Shông 2012 nênx kinh têr ntiêx têz piz hlôngr yiêz jông, ntâu lênhx nênhs zuôr txix Nhâtk Banv li: Denso, Toyota, Mitsumi…tưz paz trâu công ty CNC ntâu tsar tov uô nox uô hâuk. Đhâu têx sir jos, txos nhiv no, tix lâus Hungx li cxiv luôs tưz muôx 5 Công ty thanhx viên đros phênhv sâu njuôk xav muôx 200 tiv đêiv, paz muôx hâux lưv uô trâu 200 ntâu lênhx nênhs. Tsưr ziv txos shông 2020 tas nro cxiv luôs sâu tâu muôx 2000 tv đêiv. Tix lâus Nguyênr Văn hungx hêik:

       “Lok six shir phaz thâuv zuk zos iz hâur chor têiv plor tâu cxaz chuôz Đaiv hôiv hluôk nênhs uô tâu hâux lưv jông lơưr zơưv hloz Hôx. Cir jông siêz hênhr viv no cux zos tsar tov chiê tâu njiz chor hluôk nênhs, đhâu co zuk zuôr đros phêiz kênh tâu têx sir jos uô nox uô hâuk. Cur vav tiêk cxênhx hluôk zuôr sir jos đuô chiê zos yênhx têz qơưk kriz uô nox uô hâuk”.

      Hok cưk kriê ntơưr hluôk Trương Anh Nguyêtk, shông 2010 cơưv tiêr tsêr cơưv Cao đăngv sư phamv Lăngv Sơn, txơưv tiêk tâu chiê kriê ntơưr ntơưv thanhx phôr, taz sik Trương Thiv Nguyêtk cux sâu ntơưr thor tâu lok uô hâux lưv ntơưv tsêr cơưv cxênhx oz Lungr Vax-tsêr cơưv thax tsav 2-iz luz tsêr cơưv nhoz jê ntus đriv huyênv Văn Langr. Đros tsar tov kinh têr txov nhêv, cêr muk lok đêz, chor uô niêv, uô txir nhoz no lok cux tsuôk chiê mê nhuôs cơưv txos lơpz 6, 7 chêk cux zos pâuz ntơưr lơưv tso so ntơưr. Viv li, đhâu iz jiês kriê ntơưr, cưk kriê Nguyêtk thiêz chor cưk kriê hâur tsêr cơưv tsuv muk yênhx luz tsêr chiê hêik niêv txir pâuz tsik chiê mê nhuôs so ntơưr. Cêr nhoz tox siêz muk lok phiv liv, ntâu jiê tsuv muk thâuv tsâuk ntux, txov nhêv, taz sik đros sir jos, cưk kriê Nguyêtk tưz hêik tâu chôngz lênhx shux xênhz tror tuôx tsêr cơưv. Hâur 4 shông uô côngz xưv, cưk kriê nguyêtk ntâu shông zos cưk kriê ntơưr hênhr câpz huyênv, 2 shông zos chiênr sir sik tưr nganhx zoz zux huyênv, tâu công đoanx nganhx zoz zux-thox cxov thiêz liên đoanx lox tôngv tinhv Langv Sơn khơưk kruôk, zos têiv plor hluôk nênhs uô hâux lưv jông lơưr zơưv Hloz Hôx nhoz tinhv 2 shông sik lơưr liês. Trương Anhr Nguyêtk puz pâuz:

      “Hmôngr jông tâu zos iz hâur chor hluôk nênhs uô lơưr zơưv hloz hôx, Cxaz chuôz Đaiv hôiv tâu sik njiz chor hluôk nênhs nhoz cxuô qơư hâur têz qơưk pov zuk têx uô tâu tsênhv tsơưs, zuk tsuv sir jos đuô hâur cơưv shâuv uô lơưr zơưv hjloz Hôx. Vav tiêk, Đangv thiêz têz qơưk zuôr tsov cưv đuô txos têx chêi paz trâu cưk kriê ntơưr tox siêz, yưv pênhr ntâu đuô trâu zoz zux thax stav ntus đriv chiê chor nhuôs tso siêz tuôx cơưv ntơưr”.

      Chor hluôk nênhs no paz gra siêz đuô canr bôv, hluôk nênhs, nhuôs zâu iz huôv têz qơưk li jênhv pâuz hâur cơưv shâuv thiêz uô lơưr zơưv hloz Hôx li cêr uô nênhx jông./.

(TTT-Lik Thox cxêik nhênhv)