Tsuv tror cxiv kho đuô têx njưs thêir đêx trâus puôk tsuôx, đhâu jiês ntux nas uô ruôr hiêv nhoz Yên Bái

          Ntơưv jos Cầu Thia, xã Phù Nham, huyện Văn Chấn, đêx nas cuôr yôngz tas ntu njưs tar đêx ntêr 500 yiv ntâu thiêz txox cêr bê tông đros tsôngv box li ntâu luz tsêr nhoz. Chuôz zis zơưv Lò Văn Chiền trâus đêx cuôr poz tas hur si nja tsêr, cuôr lơưv ntâu chuôz zênhx chuôz tas. Nhoz uô nênhx jê ntus đêx ntêr lol no, tsi tâu muôx jiês tưs zơưv Chiền pov đêx nas ruôr hiêv hnhar li co. Nhiv no njưs tar đêx trâus puôk tsuôx, zơưv chuôz zis thiêz ntâu chuôz zis txơưr hâur jos lok six cxơưx, tsi tso siêz nhoz uô nênhx:

          “ Nhiv no tsêr traus poz li no, xar njôngr tâu têz qơưk paz iz đeiv ar chiê txar mul nhoz. Tov kaz no têz qơưk tsuv kho đuô njưs tar đêx chiê tsôngv box thax tsav nhoz ngaz tul. Zos têz qơưk tsi ciêr chênhr uô mak tas nro jêx jos zuôr tsir mul tas”.

          Chiê tir tar ar poz nhoz ntus tul đêx Thia, tuôr truôx ar têz chiê paz tsôngv box tso siêz nhoz uô nênhx, têx shôngk đhâu têz qơưk tưz yưv pênhr cxiv tsa cxix luôk njưs tar đêx truôx tul. Taz sik jê ntơưv no, têx jiês đêx nas lox tsi so ntưs lol uô ruôr hiêv hnhar têx côngz tsinhx no. Lơưr UB xã Phù Nham, huyện Văn Chấn li pov cov, hâur 2 jiês đêx cuôr yôngz lox shông 2016 thiêz 2017 tưz muôx zuôr xar 2 cei cêr njưs đêx sâuv thax tsav xã trâus ruôr hiêv; đros yênhx puôk yưv cêr bê tông lơưr tul đêx Thia cux trâus đêx cuôr yôngz...Zos tsi yưv pênhr chiê uô njưs tar đêx mak ar poz zuôr uô ruôr hiêv txos qơư tsôngv box nhoz uô nênhx, ar uô kôngz nuv; uô riêz nênhs txos yênhx puôk ziv chuôz zis. Zơưv Lò Tiến Hoàn, Phưv chủ tịch UB xã Phù Nham, huyện Văn Chấn, tỉnh Yên Bái heik:

          “ Pêz cux xar njôngr Đangv, têz qơưk tsov cưv kho đuô, cxiv tsa njưs tar đêx sâuv tul đêx Thia chiê pox nhuôs nhoz thax tsav no tso siêz đuô”.

          Ntơưv thị xã Nghĩa Lộ, lol nas cux uô poz, puôk tsuôx 3 cei cêr ntâu njưs tar đêx ntơưv tul đêx Nung. Tiv zix, muôx nhos 1 cei cêr njưk tar tul đêx Thia trâus cuôr yôngz, tsôngv box li 4 luz tsêr thiêz 1 luz tsêr vênhx huôv nhoz tuêv 1 phường Cầu Thia. Poz yênhx puôk yiv ar uô 5 luz tsêr tsuv txar qơư nhoz yiêz. Pos Lò Thị Huân, bí thư thị ủy Nghĩa Lộ, tỉnh Yên Bái puz pâuz:

          “ Nhiv no pox nhuôs tsôngv box lok six cxơưx. Hâux lưv no pêz cux tưz thix ziv đros tỉnh. Chinhr phủ tsov cưv, taz sik nhiv no tsi tâu muôx nhiêx txiêx khưx phưx”.

          Lơưr têx huyện Văn Chấn, Trạm Tấu thiêz thị xã Nghĩa Lộ li thôngz sâu, đêx nas tưz uô poz, puôk tsuôx zuôr xar 4,7 cei cêr njưs tar đêx Thia, 3,1 cei cêr njưs tar đêx Nung. Ntơưv tul đêx Cò Noong zos 600 yiv, tul đêx Ngòi Nhì 325 yiv, tul đêx Ngòi Hát zuôr xar 1cei cêr....Tas nro nhiêx txiêx chiê khưx phưx njuôs xav ndê txos zuôr xar 550 tỷ đeiv. Zơưv Trần Thế Hùng, giám đốc Sở kôngz nuv thiêz huôv tsar nôngx cxênhz tỉnh Yên Bái puz pâuz:

          “ Lok njưs tar đêx Nung thiêz đêx Thia zos tsi tâu kho đuô mak zuôr uô zênhr shar thiêz riêz nênhs txos zuôrxar 8000 ziv chuôz zis huyện Văn Chấn thiêz thị xã Nghĩa Lộ. Nhiêx txiêx tiv phaz mak lok six phêv liv, pêz thix ziv têx Bộ, nganhx, chinhr phuv paz txưv nhiêx txiêx chiê tiv phaz khưx phưx”.

          Ciêr chênhr khưx phưx têx côngz tsinhx njưs tar đêx tiv ntux nas ruôr hiêv ntơưv têx huyện, thị xã faz Tây tỉnh Yên Bái; cxiv tsa cxaz têx njuwss tar đêx chiê por vêv ar uô xênhz yar kôngz nuv, taz por trâu têx qơư tsôngv box nhoz uô nênhx zos jênhv vưv zuôr trâus nhiv no tsuv ciêr chênhr uô./.

(Đinh Tuấn- Txâur Vax cxeik nhênhv)

Kôngz nuv nôngx cxênhz

1.Txơưv lênhx tưs cux txeik tâu tsêr nhiêx kôngz nuv têx pênhr nhiêx?

Cxuô lênhx nênhs Việt Nam zos: Xiz nênhs, têx chuôz zis, tổ hợp tác, doanh nghiệp xiz nênhs, công ty......thiêz cxuô lênhx zos nênhs saz têz qơưk đrâuv.

2.Chiê txeik tâu têx pênhr nhiêx ntơư tsuv muôx têx tuk tsi?

Đros thiêz tsôngv kruô zos nênhs Việt Nam: Muôx txâuk têx ntâuz ntơưr, vax huôv trơưk chei têz qơưk cui tinhv; Muôx tsưr ziv zôngv têx pênhr txeik co huv chei thiêz thêv tâuk têx nhiêx txeik trơưk li 2 tos tưz siz chos thôngx ziv, cir ntơưr nhav tsês; Muôx tsưr ziv uô têx nuv lox zuôr trâus txos têx pênhr txeik ntơư chiê cxiv uô cov tiêr; uô lơưr têx cui tinhv lok taz por nhiêx txeik trơưk chính phủ, tsêr nhiêx kôngz nuv cui tinhv thiêz AGRIBANK têx heik kriê.

*Têx lênhx tsôngv kruô nênhs saz têz qơưk đrâuv:

Kruô txeik pênhr nhiêx zos nênhs saz têz qơưk đrâuv tsuv muôx vax huôv thiêz chei trơưk têz qơưk mak lênhx nênhs co muôx ntâuz ntơưr zos đrêiv cui tinhv, zos chei têz qơưk ntơư, tâu chêi têz qơưk VN, VN têx ntâuz ntơưr chei têz qơưk txơưr đuô cui tinhv lok sik tâu cui tinhv ntiêx têz mak têz qơưk VN cir lok sik cxaz chuôz cui tinhv.

3.Têx ntâuz ntơưr kir txeik nhiêx, têx pênhr nhiêx muôz txeik thiêz six hơưv hnuz nhôngs kir txeik  zos li chas?

Cxuô lênhx px sđ, doanh nghiệp xiz nênhs, công ty têx ntâuz ntơưr uô txeik nhiêx:

Doanh nghiệp têx ntâuz ntơưr zuôr trâus txos trơưk chei, cui tinhv; tsưr ziv uô nox, uô têx nuv tuk tsi; ntơưr thor tâu txeik nhiêx; têx ntâuz ntơưr cik txos thâuv kêr txeik nhiêx; ntơưr lok sâuv tâu vax huôv zôngv, seiz car chiê ntâuk grê kêr txeik têx pênhr nhiêx ntơư.

Phênhv tso txeik đros thiêz cxuô lênhx sđ, doanh nghiệp xiz nênhs, công ty:

Tsêr nhiêx kôngz nuv AGRIBANK, qơư tso txeik quyết tinhv phênhv pênhr muôz trâu txeik seiz lok sâuv lênhx kruô co li zos qơưx kêr txeik, têx chuôz zênhx muôz ntâuk grê trâu chor nhiêx txeik thiêz lênhx kruô kir txêik co pênhr xưv thêv tâuk têx nhiêx txeik ntơư trâu tsêr nhiêx.

Kruô txeik nhiêx nưk tsuv bax muôx nưk tsês iz kro pênhr nhiêx chiê muôz đros uô têx hâux lưv zuk xar uô ntơư li đrav kaz:

Đros thiêz têx pênhr nhiêx txeik lur hnuz nhôngs mak kruô tsuv bax tsês nưk muôx nưk iz kro pênhr nhiêx tsơưs tsơưs 10% pir li hur si têx pênhr nhiêx zuôr trâus txos chiê uô luôs hâux lưv co.

Đros thiêz kêr txeik ntêr hnuz nhôngs mak lênhx kruô co tsuv bax nưk muôx nưk tsês iz kro pênhr tsơưs tsơưs 20% pir li hur si têx pênhr zuôr trâus txos chiê uô zav nuv ntơư./.

(Hồng Việt-Riê Lâux cxeik, nhênhv)