Viv li chas lênhx nênhs tâu cxax yuôx vắc xin phax moz Covid-19 nhoz Sơn La tax tâu kis?

          Muôx thax tsav đar, tsôngv box nhoz tsi chêx chôngk, tsôngv box muk têx tỉnh txơưr uô hâux lưv chôngz, lok six lax trâu hâux lưv qênhz yuôx, sâu bê têx lênhx nênhs cxax yuôx; txơưv li ntơư, huyện Thuận Châu (Sơn La) tưz nzor sâu cxix cxuô bê têx lênhx nênhs txix 18 shông hnuz nhôngs tror sâu chiê tsưr tsix cxax yuôx. Txos nhiv no, huyện tưz cxax tâu 34 cxênhz 400 côngz yuôx trâu tsôngv box, hâur co côngz tiv 1 zos 26 cxênhz 800 ntâu lênhx. Zơưv Đinh Mạnh Hùng, Phưv Chủ tịch UB huyện Thuận Châu puz pâuz, hâux lưv cxax yuôx vắc xin phax moz Covid-19 tưz tâu huyện krêz uô taz por, trơưk six hơưv, tsưr ziv, taz por trơưk Bộ y tế li heik kriê lok cxax yuôx phax moz. Taz sik, têx lênhx nênhs tâu cxax yuôx phax moz Covid-19 sâuv thax tsav huyện tsênhv tax tâu kis, nhiv kruôr tâu 22% ntâu zos viv chor yuôx huyện tâu muôz tsuôk muôx bâuv li ntơư:

          “Lơưr thôngz sâu, nhiv no huyện Thuận Châu muôx zuôr xar 100 cxênhz lênhx nênhs txix 18 shông ndê muk muôx zoz qơưx tâu cxax yuôx. Hâur ntu zuôr txos, huyện xar njôngr tâu Ban chox kriê phax tar moz Covid-19 tỉnh, cux xưk li têx chiz coaz chuyên môn tỉnh muôz yuôx vắc xin trâu huyện chiê huyện tsưr tsix cxax yuôx trâu tsôngv box, taz por tsôngv box tâu phax moz jông”.

          Ntơưv huyện Quỳnh Nhai, hâur tas nro 47 cxênhz ntâu lênhx nênhs txưv 18 shông hnuz nhôngs ndê muk zos têx lênhx nênhs zuôr trâus cxax yuôx, txos nhiv no nhiv kruôr muôx 10 cxênhz 800 ntâu lênhx nênhs tâu cxax côngz tiv 1, tax 23% ntâu. Lơưr zơưv Lò Thanh Thủy, Phưv Chủ tịch UB huyện, ntu đhâu, Quỳnh Nhai môngr jông tsi muôx lênhx nênhs tưs trâus cik moz hâur côngv thôngx; viv li, chor yuôx vắc xin phax moz tâu muôz khênhr muôz lơưr kaz têx tiv phaz muôx moz huôv xênhz li Phù Yên, Vân Hồ, Sông Mã, Mường La....Taz sik, chiê cxơưz tiês hâux lưv cxax yuôx, huyện thâuv tưs cux chuv tôngv sâu bê lênhx nênhs cxax yuôx thiêz bax cxuô zav chiê phưx vưv cxax yuôx thâuv muôx yuôx vắc xin lok txos huyện:

          “ Têx xã tưz chuv tôngv muôx ekip chiê cxax yuôx vắc xin phax moz ntơưv têx xã. Hâur ntu cxax yuôx mak huyện li tuêv côngz xưv chơưv paz cux chuv tôngv muk lok têx xã chiê uô hâux lưv. Đros lênhx nênhs tsi tâu txưv 18 shông, nhiv no UB huyện tưz chox kriê têx qơư y tế sik côngv đros UB têx xã thiêz taz viv tsêr cơưv ntơưr, tiv zix zos Tsênhv qơư y tế huyện zos chiz coaz thường trực zuôr sâu bê thiêz krêz uô tsưr ziv chiê thâuv muôx yuôx vắc xin mak cxax ciês tâu”.

          Thôngz sâu hâur tas nro tỉnh Sơn La, xav txos hnuz 12/11, têx lênhx nênhs txix 18 shông hnuz nhôngs tror sâu tưz tâu cxax côngz tiv 1 zos 348 cxênhz ntâu lênhx nênhs, tax tâu 38% ntâu; nênhs cxax txâuk 2 côngz zos 10% ntâu. Đros số laov no, Sơn La zos iz hâur têx tỉnh, thành phố muôx lênhx nênhs tâu cxax yuôx tax tâu kis hâur tas nro têz qơưk. Heik lok njiêz luv no, zơưv Nguyễn Hữu Hùng, Phưv Giám đốc Sở y tế tỉnh Sơn La heik:

          “ Pir đros iz cxiê tỉnh nhoz buôk no mak tỉnh Sơn La njuôs xav moz Covid-19 huôv xênhz kis. Chênhr viv li têx tiv phaz li Điện Biên, Yên Bái thiêz iz cxiê tiv phaz txơưr tưz tâu Bộ y tế, cux xưk li Ban chox kriê phax tar moz Covid-19 Trung ương muôz yuôx vắc xin ntâu đuô. Viv li, lênhx nênhs tâu cxax yuôx phax moz nhoz Sơn La thiêx tax tâu kis, xav txos nhiv no, tỉnh tưz jênhv tas nro Trung ương li 26 jiês yuôx vắc xin, đros tas nro 427 cxênhz 970 côngz. Tas nro têx jiês muôz yuôx vắc xin, Ban chox kriê tỉnh thiêz Sở y tế tưz muôz trâu têx huyện, thành phố tsưr tsix krêz uô hâux lưv cxax yuôx phax moz trơưk six hơưv”

          Lơưr luôs hâux lưv tso tơưv, tas shông 2021 no, Sơn La zuôr cxax yuôx vắc xin phax moz cov tax tâu 70% ntâu hâur tas nro 905 cxênhz ntâu lênhx nênhs txix 18 shông tror sâu; txos tas 3 luz hlik hâur shôngk shông 2022 zuôr cxax cov tax tâu 80%. Chiê uô tâu tiêr luôs hâux lưv  tso tơưv, tiv phaz xar njôngr tror tâu Bộ y tế tsov cưv, paz txưv cungz yuôx vắc xin phax moz Covid-19./.

(Thu Thùy-Txâur Vax cxeik nhênhv)

Ntâu tsênhv chei muôx liv lok ntơưr Bảo hiểm y tế trâu shux xênhz shông cơưv 2021-2022

Trơưk li cui tinhv, shông cơưv 2021-2022, shux xênhz chor nhiêx thêv zuôr ntơưr BHYT niêx luz hlik bâuv 4,5% têx nhiêx hli ntơưv qơư (tsênhz đuô zos 4,5%  x 1.490.000 = 67.050 đeiv iz lênhx shux xênhz iz hlik thiêz iz shông zos 804.600 đeiv). Hâur co, nhiêx têz qơưk paz thêv 30%, shux xênhz tsuôk thêv 70%, viv li chor nhiêx tsênhz tiês mak iz lênhx shux xênhz zuôr tâu thêv zos 46.935 đeiv  iz hlik, bâuv li 563.220 đeiv iz shôngk.

Shux xênhz niêv txir, chor nhuôv shux xênhz muôx têx xeir tsưr ziv chiê thêv têx nhiêx zuôr ntơưr BHYT 3 luz hlik iz jiês, 6 luz hlik iz jiês lok sik 12 luz hlik thiêz đas cir zuôr têx ntơưr BHYT co ntơưv qơư zoz zux, tsêr cơưv ntơưr mak lênhx shux xênhz ntơư tsênhv cơưv.

Chor shux xênhz cux tâu sơưv ntâu kror jông thâuv zuôr têx ntơưr BHYT: Côngz ntơưr BHYT trơưk li tus sôr BHXH; tsoz phưz đas jos xuz thơưx ntơưv tsêr cơưv ntơưr lok sik qơư y tế trơưk cui tinhv; tâu ntơưr BHYT paz thêv têx nhiêx seiz njuôk shuôs kho moz thâuv seiz njuôk shuôs, kho moz hâur thax tsav zuk đas cir thiêz têx phênhv tâu sơưv; xeir thiêz hlôngr qơư đas cir  seiz njuôk shuôs kho moz xuz thơưx trơưk cui tinhv lok luz hlik uô ntêx thâuv zuôr chor ntơư co; tâu cơ quan BHXH heik kriê, paz max, phênhz mênhx lok BHYT cux li têx tsi jông, uô cxâuv chei têz qơưk lol BHYT.

Thâuv shux xênhz muk seiz njuôk shuôs kho moz ntơưv qơư y tế muôx đas cir seiz njuôk shuôs kho moz BHYT, lênhx nênhs muk seiz njuôk kho moz trơưk cui tinhv thiêz muôx cxix cxuô têx ntâuz ntơưr, shux xênhz muôx ntơưr BHYT sôr 4 mak tâu sơưv 80% nhiêx khiêz seiz njuôk shuôs kho moz.

Zos têx lênhx muk seiz njuôk shuôs kho moz tsi trơưk cui tinhv, tsi muôx ntơưr hâur qơư y tế đas cir seiz njuôk shuôs kho moz xa trâu tsêr kho moz thênhv siêz taz sik muôx cxix cxuô têx ntâuz ntơưr seiz njuôk shuôs kho moz BHYT, cux zuôr tâu cuiv nhiêx BHYT paz thêv têx nhiêx khiêz seiz njuôk shuôs kho moz, phênhv tâu paz thiêz cui tinhv (100% thâuv seiz njuôk shuôs kho moz tsi nhoz pư hâur tsêr kho moz huyện; 100% thâuv seiz njuôk shuôs kho moz nhoz pư chơưv kho moz gênhk hâur tsêr kho moz huyện thiêz tỉnh’ 40% thâuv seiz njuôk shuôs kho moz nhoz pư chơưv kho moz gênhk hâur tsêr kho moz T.Ư). Zos muôx tsi cxix têx ntâuz ntơưr seiz njuôk shuôs kho moz li heik sâuv lok sik muk seiz njuôk shuôs kho moz ntơưv qơư y tế tsi đas cir seiz njuôk shuôs kho moz txix ntơưr BHYT tâu cơ quan BHXH buôk ti thêv nhiêx khiêz seiz njuôk shuôs kho moz BHYT, chor shux xênhz zuôr tâu cơ quan BHXH buôk ti thêv nhiêx khiêz seiz njuôk shuôs kho moz trơưk li hâur thax tsav, phênhv tâu sơưv thiêz cui tinhv tsênhz mênhx trơưk li têx lênhx nênhs tâu cui tinhv hâur Chei BHYT.

Zos têx lênhx trâul moz hnhar, shux xênhz seiz njuôk shuôs kho moz kror qơư tưs lok cux tâu hur si, thiêz tsuv muôx ntơưr BHYT đros trâu têx ntâuz ntơưr uz no cik txos muôx lo đuôz, uô ntêx thâuv zuôr tơưv tsêr kho moz chiê tâu sơưv BHYT têx chei paz trơưk cui tinhv.

Six hơưv đhâu, đros thiêz txơưx jênhv tsưr tsix, uô lơưr chei BHYT, ngênhx BHXH Việt Nam tưz thiêz tsênhv sir jos uô jông hâux lưv cov taz por tâu sơưv chei BHYT têx paz max trâu shux xênhz; sir jos uô hlôngr yiêz thiêz zôngx ziv têx ntâuz ntơưr trâu shux xênhz thâuv uô têx ntâuz ntơưr zuôr BHYT, sir zôngv ntơưr BHYT thâuv muk seiz njuôk shuôs kho moz….. Lar heik, txix hli 6/2021, lênhx nênhs zuôr ntơưr BHYT (hâur co muôx têx nhuôs shux xênhz) muôx têx sir zôngv đeiv ntơưr BHYT sâuv ứng dụng VssID-BHXH sôr hlôngr trâu ntơưr BHYT, chiê muk seiz njuôk shuôs kho moz gênhk txix ntơưr BHYT ntơưv têx qơư y tế.

Shux xênhz li niêv txir, shux xênhz muôx têx krêz seiz lok six hơưv, hnuz nhôngs sir zôngv ntơưr BHYT trơưk li đrav kaz: Krêz hâur Cổng thông tin điện tử BHXH Việt Nam lơưr qơư: htts://baohiemxahoi.gov.vn; nhắn tin trơưk li heik kriê BH THE “mã thẻ BHYT” xa 8079; hu xor tôngx trâu BHXH Việt Nam Tổng đài 1900.9068 chiê tâu heik kriê thiêz paz max./.

(Thu Thùy-Riê Lâux cxik, nhênhv)