Jax thưr 5, hnuz 17/12/2015:
Siz zâuv chuôs tsi chos tsơưz, tsôngv
box Mường Khương sâu tsi tâu liv
Tsênhv zos chei sâu txiêr, ntơưv zơưv Zax Sẩu yar
tiêx, nhoz jok Cốc Phương, xã Bản Lầu,
huyện Mường Khương tso pơưs lus têx txir
tsơưz pur ntiê, taz sik tsi zos chiê muôs, mak zos chiê….puz buô. Têx cuôv txir
tsơưz seiz pur lok six jông thiêz siz luôs jok, taz sik tsi muôx lênhx tưs sâu
zuôr, tsuv txiêr por tsês. Viv li chas ho li ntơư, viv shông no têx txir tsơưz
lok six fênhx zis, iz tâur txir tsơưz jông gâux cux muôs tsi tâu pêk tsơưs
nhiêx. Zơưv Sẩu heik pâuz, grê txir tsơưz ntơưv no tâu têx tuz luôv Trung Quốc
sâu zuôr grê tsi truôx tuk, xưk li nhiv kruôr no fênhx zis yax tsuôk muôs tâu
1.400 đeiv iz cir. Txix thâuv hâur cheix txos nhiv no, têx hnuz tâu grê yax
nhiv kruôr muôs tâu 3 cxênhz ntâu đeiv iz cir, tsi muôs cux tsi pov kaz muôs
trâu kror tưs, zơưv Sẩu heik pâuz:
“ Shông no
tsi tâu grê li shông uô ntêx, cur chuôz zis shông no yưv pênhr tas ntâu mak cux
sâu tsi tâu đaz tsi. Taz sik chuôz zis cux tsuv
muôs xưz, tsi muôs tsi muôx nhiêx, tsi muôx mor nox”.
Kuôk no tsi ntêr zos tix lâus Thắng Xênhv Thox vax
tsơưz cux xưk li ntơư. Chiv tsơưz shông
uô ntêx, xav kror đruôz đraz, iz tâur txir tsơưz cux muôs tâu 300 cxênhz đeiv,
têx hnuz tâu grê muôs tâu xar muôx 500 cxênhz iz tâur txir tsơưz. Sâu tâu liv,
chiv txir tsơưz no tix lâus sir jos yưx 500 tsov đeiv chiê chos tsơưz. Đhâu iz
shông, grê muôs ho li ntơư, nhiv no muôs 2 cxênhz ntâu đeiv iz tâur txir tsơưz
mak nhiv kruôr sâu lok tưz tsi tâu iz đraz têx pênhr yưv uô, viv iz tâur txir
ntơư tâu grê yax cux tsuôk muôs tâu 100 cxênhz đeiv. Tsi tiêk zos tix lâus
Thắng thiêz zơưv Sẩu chuôz zis, mak hur si jok muôx 40 ntâu ziv chuôz zis chos
tsơưz, shông no puôr lênhx xưk iz zav. Tix lâus Thắng heik:
“ Tsi pâuz
shor viv li chas taz sik shông no Trung
Quốc sâu zuôr têx txir tsơưz lok six fênhx zis, tsi tâu grê li cxiê shông. Xã
cux paz tsi tâu tsôngv box li chas. Nhiv no tsôngv box cux tsênhv muôs trâu
Trung Quốc. Pêz xar tiêk têx txir tsơưz tsi tâu grê li no cux zos 1, 2 shông
xưz, tsi zos thâuv tưs cux jông xưk li ntơư. Têx ziv chuôz zis mak cux jông iz
zav, tsuôk pâuz chos tsơưs, iz chas ntơư cux tsi chos poz cưk, uô blêx hlo”.
Lơưr zơưv Dương Hồng Trung, Chủ tịch UBND xã Bản Lầu,
huyện Mường Khương, tỉnh Lào Cai, chor txir tsơưz ntơưv qơư phênhv ntâu zos zav
txir tsơưz tênhv Trung Quốc. Tâu tsôngv box gra lok chos txix shông 1997, jux
juk tâu tsôngv cưr tix nênhx tsa sơưr đơưk siz pheiz kênh chos, uô lơưr Trung
Quốc têx tsưr ziv chos thiêz tu, thiêz qơư sâu zuôr phênhv ntâu cux 100% zos
ciêz Trung Quốc zuôr. Tiv phênhv sâu tâu ntâu đuô 5-10 bâus pir li chos poz
cưk, uô blêx viv li iz shông têx liêx têz chos tsơưz tâu krêz đar jux juk. Nhiv
no, hur si têx têz tsơưz tsênhv muôx txir jông txiêr sâu muôs hâur tas nro thax
tsav xã zos 466 ha, lar heik hâur ntơư muôx 200 ha têx têz tsơưz zos tsôngv box
sơưr đơưk siz zâuv chos ntâu txix kaz shông 2014 lok, viv six hơưv thâuv ntơư
têx txir tsơưz muôs tâu grê zos zuôr xar
25 cxênhz đeiv iz cir. Taz sik ntu jê lok no, grê muôs lok six fênhx zis, tưz
tsi tâu 3 cxênhz đeiv iz cir. Zơưv Dương Hồng Trung, Chủ tịch UBND xã Bản lầu,
huyện Mường Khương, tỉnh Lào Cai heik:
“ Tiv tsêz no
têx txir tsơưz muôs tâu grê viv li tsôngv box siz zâuv chos ntâu, tâu xar muôx
200 ha têz tsơưz, viv li xã cux yax kriê tsôngv box tsi cxoz tror chos ntâu li
ntơư têx txir tsơưz, mak tsuôk tu têx têz tsơưz chos tâu nhiv no xưz. Nhiv no
xã tsưr ziv cux tsuôk zos yax kriê trâu tsôngv box, hu têx doanh nghiệp tuôx
đros sâu zuôr, taz sik cux tsuv uô hâux lưv txix ntơưv têx lênhx tsôngv box
thiêz tsuv muôx ntơưr cir hux thôngx”.
Cux lơưr zơưv Dương Hồng Trung, uô ntêx tas nro xã
muôx 8 cxênhz txos 9 cxênhz tênhr txir tsơưz tsênhv taz tov jông sâu txiêr.
Đrav ntêx, yưx iz cxiê lênhx tuz luôv nênhs VN sâu zuôr muk muôs hâur kaz shông phưx vưv niêv ciêz
tsiêz hâur têz qơưs, yuôr đuô li xã têx txir tsơưz mak puôr lênhx zos saz Trung
Quốc zuôr. Tsôngv box muôs têx txir tsơưz trâu tuz luôv, hur tiz si puôr lênhx
tưz tsi uô ntâuz ntơưr đaz tsi. Viv li,
hu zâuv têx doanh nghiệp VN tuôx đros đơưk têx
phiv liv, zuôr têx txir tsơưz ntơư tsi zos zôngx ziv, iz chas ntơư
tsôngv box ho tsi pâuz uô li chas, tsuôk pâuz nhoz tok seiz pok muôx lênhx
nênhs tưs tuôx sâu zuôr tos têx txir tsơưz.
Jax pêv heik lok têx txir tsơưz grê tsi truôx tuk nhoz
Bản Lầu, Lào Cai tưz tsi zos nhiv kruôr muôx no. Tsôngv box nhoz co, đhâu iz
shông siz zâuv chos ntâu têx tsơưz, krêz đar liêx têz uô, tưz trâus pôngz pênhr
lok six ntâu. Têx nuv uô li no cux zos iz kro uô trâu cxuô thax tsav txơưr đuô
pâuz tsênhz txos hâux lưv taz por qơư sâu zuôr têx xiv huv, truôx tuk phênhv
sâu tâu trâu tsôngv box./.
(An Kiên-Riê Lâux cxeik, nhênhv)
Phênhv thưr 5 hnuz 17/12/2015
Lò thị Tươi-Thể Thao Sơn La li lênhx
nxêik cuz hmôngr jông tâu dự đại hội sik tưr nhiêv têz qơưk
Lò Thị Tươi, mênhx cxưx Thái, zus shông 1994, zos tuk
nxêik nzơưv hâur iz chuôz zis muôx luz nênhx txov nhêv nhoz xã ntus đriv Mường
Hung, huyện Sông Mã, tỉnh Sơn La. Hâur shông 2008, jênhv pâuz Tươi zuôr zos
yênhx iz lênhx vận động viên Pencak Silat xưk li kror siêz, hnhar cir, đas
jos…nênhs Pancak Silat, Trần Huy chox Tươi lok kruôz kriê ntơưv tsênhv qơư thox
cxov vận đônhj viên thể thao tỉnh Sơn La. Hâur qênhx shênhx cơưv shâuv, siêz
nhiêv đros sir jos cơưv shâuv. Tươi tsik so uô jông lơưr cưk kriê kriê. Shông
2009, jiês xuz thơưx ciês cxaz chuôz Giải Vô địch hluôk thôngz têz qơưk, Tươi
tưz tax tâu huy chương nhiêx. Lò Thị Tươi hêik:
Băng: “Thâuv nhiv kruôr tuôx ntơưv no mak cux tsik
tâu pâuz đaz tsi, taz sik iz ntu tov kaz no -mak cux pov nhiêv jux juk, cơưv
shâuv mak cux sưv, lơưr co mak zuk cux muôx siêz nhiêv lơưv, lơưr co cơưv shâuv
tax txos nhiv no”.
Đhâu thâuv sik tưr tax tâu gải ntơưv Giải Vô địch
hluôk thôngz têz qơưk, shông 2011, Lò Thi Tươi tâ chiê nhoz hâur đội hluôk têz
qơưk. Ntơưv no tâu njiz chor vận động viên muôx ntâu chênhz zênhv tưz paz trâu
Tươi gra siêz đuô yênhx tưv, khov co tsik só chor shông 2012 thiêz 2014, Tươi
tưz tax tâu huy chương cuz giải chor câu lạc bộ Pencak Silat thôngz têz qơưk;
Huy chương cuz shông 2013. shông 2014, Tươi tâu tso nhoz hâur đội tuyển Pencak
Silat têz qơưk. Hli 1/2015, cxaz chuôz giải vô địch ntiêx têz môn Pencak Silat
jiês tiv 16 ntơưv Thái Lan, txix tsưr ziv ntâuk, đros sir jos sik tưr, Tươi tưz
tax tâu huy chương cuz thiêz zos lênhx vận động viên pox niêv hâur đội Việt Nam
tax tâu huy chương cuz ntiêx têz nhoz phênhv chor pox niêv hnhar txix 75-90
cir. Lò Thị Tươi puz pâuz:
Băng: “Pov chor uô tix lơưr tsik zênhx mak zuk
muôx njik cxơưx, chuôs li tsuôk khov trâu zuk iz lênhs lơưv xưz. Thâuv sik
tưrmak cur cux lok six sir jos, têx kror tưs chor cưk kriê kriê mak cur sir jos
uô trơưk. Cur tưz tax tâu huy chương cuz, thâuv co mak cur shir phaz thiêz jông
siêz hênhr”.
Tưz tsik zos hâur cơưv shâuv, mak hâur luz nênhx yênhx
hnuz, Tươi zênhx sir jos, uô jông lơưr chor nênhs kruôz kriê hêik kriê, zos
lênhx nênhs uô ntêx hlo chiê chor nênhs hâur đội cơưv shâuv uô trơưk. Zơưv Đỗ
Thế Công, phưv giám đốc tsênhv qơư thox cxov kruôz kriê vận động viên thể thao
tỉnh Sơn La hêik:
Băng: “Tươi lok six uô jông lơưr ban kruôz kriê li
têx cuiz tênhv, thiêz zos iz lênhx nênhs hloz nhoz hâur đội, tsik so sir jos
chiê sơưr đơưk cơưv shâuv. Tas nro cxuô kror chor nênhs kriê hêik cov uô mak
Tươi lok six sir jos uô, têx thâuv tưz uô txauk chor cưk kriê hêik lơưv taz sik
Tươi cux tsênhv sir jos cơưv nzir chiê muôx tâu yênhx tưv li nhiv no”.
Txix têx sir jos, vận động viên Lò Thị Tươi tưz gra
lok trâu Thể thao Sơn La têx huy chương cuz tsiv gri. Tiv zix, đros luz huy
chương cuz tax tâu hâur giải ntiêx têz môn Pencak Silat Việt Nam, vận động viên
Lò Thị Tươi tưz puz sơưr đơưk pov Pencak Silat li kror hloz lox, huôv tsar
yênhx hnuz đros chor têz qơưk hâur thax tsav thiêz ntiêx têz. Lò Thị Tươi cux
zos iz hâur tỉnh Sơn La li 19 lênhx nênhs tâu lok dự đại hội sik tưr nhiêv têz
qơưk thôngz têz qơưk jiês tiv 9./.
(Hoàng Long-Ly Thox cxêik nhênhv)
Viết bình luận