Jax sâu thưr 3, hnuz 17/2/2016:

Yên Châu chos jâuz hur, zos faz tsưr ziv uô txo grêk yêiz pluôs

 

 

 

Pos Phạm Thị Hợp nhoz jos Chiềng Phú, xã Chiềng Pằn, huyện Yên Châu, tỉnh Sơn la tưz chos jâuz tâu 10 ntâu shông lok no, taz sik tsuôk chos chox lok nox hâur ziv chuôz zis.

Hâur shông 2015, pos Hợp ziv chuôz zis đros trâu ntaua ziv chuôz zis hâur jos tưz tâu hâu nov hâur xa, huyện tso luk chiê cxiv tsa Hợp tác xã huôv tsar tsêz chos jâuz hur chiê muôs trâu ciêz đrôngl. Txix ntơư, cxuô ziv chuôz zis tưz tau cán bộ cxiz kôngz huyện, xã tuôx kriê tsưr ziv tsêz chos jâuz hur thiêz cxuô ziv chuôz zis sđ tsuv tsêz chos, tsuôs yuôx tuô caz hmoz zos đrêiv tsưr ziv kriê. Trơưk li, pos Phạm Thị Hợp njuôk xav, chos jâuz trơưk li faz tsưr ziv kriê yiêz, sâu tsik yuô  nju, taz sik ho muôs tâu grê đuô. 5 cxênhz thiêr ar tsêz chos jâuz njuôz, chos txir lưv suôr….muôs trâu ciêz đrôngl; hâur iz shông pos Hợp sâu tâu xar  70 triệu nhiêx.  Pos Phạm Thị Hợp hêik pâuz:

 “Hợp tá xã chos jâuz hur no, cán bộ huyện cux moz siêz yax kriê sđ tsêz chos, uô tâu truôx. Nhiv no, pêz xar mak đas jos, lênhx nênhs txox siê zov chênhr cơưs. Iz chas uô trâu zuk ziv chuôz zis nox thiêz tsênhv muôs trâu ciêz đrôngl, muôs trâu cxuô tỉnh li: Hưng Yên, Thanh Hoá, Nghệ An”.

Hâur shông 2015, huyện, xã tso luk chiê cxiv tsa Hợp tác xã tsêz chos jâuz hur Chiềng Phú. Chiê uô cov tâu truôx têx luôs hâux lưv tsêz chos jâuz hur. Ban sêiz car Hợp tác xã tưz tâu huyện, xã chox muk sêiz shuôk cxuô qơư tsêz chos jâuz hur li: Huyện Mộc Châu, Hà Nội….Pov pâuz tsênhz mênhx thiêz tâu cán bộ huyện yax kriê tsưr ziv huôv tsar uô. Txix ntơư, qơư tsêz chos jâuz Chiềng Phú tưz uô tâu truôx thiêz nhiv no hợp hêik ntơư tưz chos 20 ha jâuz hâur yênhx shông; sâu tâu 100 cxênhz tấn cxuô zav jâuz, chox muk muôs trâu cxuô tỉnh li: Hà Nội, Nam Định, Thanh Hoá, Nghệ An…. Zơưv Hà Văn Dự, sêiz car Hợp tác xã  chiềng Phú hêik pâuz:

 “Thâuv nhiv kruôr cxiv tsa tâu Hợp tác xã no, cxuô zav xiv huv uô tâu cux truôx tuk. Hâur ntu đrav ntêx mak lav uô đos đis, uô tsik trơưk tsưr ziv kriê.  Taz sik, trâu cán bộ cxiz kôngz huyện yax kriê tsôngv px sđ huôv tsar uô, cux uô tâu truôx. Nhiv no, muôx ntâu ziv chuôz zis cux tsênhv taz tov cơưv shâuv uô trơưk Hợp tác xã”.

Hlôngr yiêz tsưr ziv huôv tsar uô kinh tế, txo grêk yêiz pluôs ntơưv huyện tox siêz Yên Châu. Hâur 5 shông zuôr txos no, huyện tưz tso tơưv luôs hâux lưv uô chiê chos pax thiêz tsêz chos cxuô zav jâuz hur. Trơưk li zơưv Hà Như Huệ, phó chủ tịch uỷ ban huyện hêik pâuz: Uô ntêx, tsuv huôv tsar uô cov tâu truôx mav li kriz uô đêz đar trâu cxuô qơư hâur thax tsav. Hợp tác xãutseez chos jâuz hur Chiềng Phú, huyện tưz muôz yênhx châuv triệu nhiêx cxiv uô qơư tok đêx chiê zưs cxuô zav jâuz thiêz cxiv uô cêr muk lok.

 “Shông 2015, huyện tưz cxiv tsa tâu 4 Hợp tác xã, hâur ntơư muôx  iz hợp tác xã tsêz chos jâuz hur; iz hợp tác xã cxuô cxuô zav xiv huv; oz hợp tác xã huôv tsả uô thiêz zuôr muôs cxuô zav txir ntông. Nhiv no hợp tác xã chos jâuz hur huôv tsar uô tâu truôx chiê muôs trâu đrôngl Hà Nội thiêz muôs trâu cxuô tỉnh txơưr đuô”.

Yên Châu tsênhv zos iz luz huyện tox siêz, yuôr ntâu phiv liv ntơưv tỉnh Sơn La; taz sik, luôs hâux lưv hlôngr yiêz huôv tsar tsêz chos cxuô zav jâuz hur thiêz kriz qơư uô cxuô zav xiv huv, huôv tsar uô kôngz lôngk, cux zos faz tsưr ziv huôv tsar uô chiê txo grêk yêiz pluôs trâu tsôngv px sđ./.

                                                                         (Thanh Thuỷ-Thuỳ)

 

 

 

 

Phênhv “Đas jos thiêz siv nênhx”, hnuz 17/2/2016:

Tsuv uô li chas chiê txo grêk tsơưs ntux têx uô ruôr hiêv

 

 

Ủy ban lênhx chính phủ lok huôz chuô txơưr txar tưz muôx kênh jâuk heik pâuz thiêz khav tinhv, lênhx nênhs zos têx lênhx uô ruôr hiêv txos ntux têx txơưr txar ntơư thiêz heik txos qênhx shênhx ziv hnuz ntux ziv sor jux juk tuôx.

Têx tsưr ziv njuôk xav thiêz thôngz sâu cux tso pov, ntux têx txơưr txar ntơư zuôr ziv hnuz ziv chuôz ndê thiêz hâur six hơưv zuôr txos zos pêz tsi por hưv jông, tsênhv tror uô ruôr hiêv txos li nhiv no.

Chiê txo grêk têx tsi jông tiv ntux uô thiêz ntux têx txơưr txar, Tổng thư ký tsưr tsix yuô pov ntux yar ntux nas ntiêx têz thôngz yax ndax hnuz uô hâux lưv yuô pov ntux yar ntux nas ntiêx têz shông 2015 muôx njiêz luk “ Huôz chuô:Têx tsưr ziv, hâux lưv uô” thiêz heik mênhx, txux chi jênhv pâuz lok têx huôz chuô txơưr txar hâur têx shông đhâu zos têx txux chi thiêz qơư jông chiê têx cơ quan muôx vax huôv tso tơưv tsưr ziv quyết tinhv uô têx nuv phax tir thêir huôz chuô txơưr txar.

Têx lênhx nênhs nhênhz chơưv khoa học tưz tso tơưv suô luk txix têx hâux lưv phênhz, VN tưz muôx ntâu tsưr ziv  hâur phax tir thêir ntux uô hiêv thiêz cux muôx têx tsưr ziv chiê txo grêk tsơưs ntux têx uô ruôr hiêv txos. Xav kror đruôz đraz iz shông, chor nênhs trâus tuôs thiêz trâus uô hiêv lok kinh tế tiv ntux uô nhoz VN pir li têx têz qơưs txơưr đuô zos lok six ntâu, iz chas ntơư têx uô hiêv tsênhv ziv hnuz ziv muôx ntâu thiêz muôx têx tâu seiz zos huôz chuô txơưr txar li têx uô hiêv txos.

Chor nênhs nhênhz chơưv heik, txơưv ziv hnuz ntux ziv txơưr txar ntâu, phiv liv taz sik zos tâu moz siêz txos zuôr uô txo grêk tsơưs têx trâus uô ruôr hiêv  nhoz thax tsav ntus đêx hiêr, thax tsav tiêx đras, têx TP cux li thax tsav tox siêz, txix tsưr ziv ntâuk grê têx faz tsưr ziv tưz tâu uô chiê txo grêk tsơưs têx trâus uô hiêv tiv ntux uô, lar heik, đhâu têx phênhz tsênhz mênhx lok têx uô hiêv tiv ntux uô tưz  muôx yưv hâur ntu đhâu chiê muôx tsưr ziv fuô uô têx nuv  phax tir thêir ntux têx txơưr txar ziv hnuz ziv phiv liv.

Iz hâur têx tsưr ziv pâuz tâu zos zuôr trâus hâur cxiz tsôngv box sđ moz siêz txos hâur seiz car ntux têx uô ruôr hiêv thiêz tsưr ziv  phax tir thêir huv đros. Gra siêz tsôngv box sđ txux chi, tsưr ziv jênhv pâuz thôngz đhâu zoz zux thiêz fuô kriê uô jông têx nuv phax tir thêir huôz chuô txơưr txar.

Têx tsưr ziv heik ntơư tso pov, đros huôz chuô txơưr txar tsi tiêk chêx tsôngk lok têx tsưr ziv cxiv uô têx côngz trênhx mak tsuv muôx tsôngv box sđ hâux lưv uô, cêr thôngx siêz đros trâu têx tsưr ziv gra siêz sđ txux chi, hu zâuv tas nro cxix luôs chính trị-XH thiêz phênhz hâux lưv uô tsênhv tsênhz trâu yênhx lênhx nênhs, têx cấp. Luôs hâux lưv sik pheiz kênhx, heik pâuz zênhx max lok têx mông zuôr phưx vưv trâu cxiv tsa têx chei, tsưr ziv phax tir thêir tâu fiv đros thiêz jông ntux têx uô ruôr hiêv./.

                                         (Thanh Thủy-Riê Lâux cxeik, nhênhv)