Tây Bắc jông jav chêix ntux yiêz

Tỉnh tox siêz Sơn la li đuôz shav lok muôs tơưv saz đrâuv têz qơưk têx hax huv kôngz nuv shông no ho muôx nzir têx kror yiêz, thauv chor txir ntông lok xoài, nhãn thiêz txir lok tsuôk  tâu chor doanh nghiệp muôs trâu ciêz đrôngs têx têz qơưk li Úc, Mỹ, Pháp. Chêx cur no tưz paz muôx têx kror yiêz hâur huôv tsar kôngz nuv thiêz paz muôx cêr tso siêz, khov vav trâu pêx xênhv thiêz doanh nghiệp nhoz Sơn La.

Txss six hơưv no, tas nro tỉnh Sơn La muôx 41 cxênhz ntâu hec ta ntông nox txir, iz cxiê thax tsav uô kôngz nuv chênhr li ntông nox txir, cà phê, yuôx zêx, kuôr njuôk…đros 47 kror uô xênhz yar ngaz tuk đros hax huv muôs trâu ciêz đrôngs, yênhx shông muôx 7.200 ntâu tấn, tas nro phênhv sâu njuôk xav zuôr xar 195 tiv đêiv. No zos kror paz thơưz muôs tơưv saz đrâuv têz qơưk têx hax huv kôngz nuv nhoz tiv phaz thiêz paz thơưz uô xênhz yar kôngz nuv Sơn La huôv tsar muôx chêx cur, cxuôv yêiz thiv pluôs truôx đrênhk. Zơưv Cầm Ngọc Minh, Chủ tịch UBND tỉnh Sơn la puz pâuz:

“Tỉnh sir jos uô yênhx lix HTX. Thôngz đhâu HTX paz trâu pox nhuôs xêir tsv zuz nôngz thiêz uô huv tsưr ziv taz por tsơưr lươngv Việt Nam thiêz ntiêx têz. No zos iz kror tsuv tâu tsov cưv txos chiê cxơưz cxiz pox nhuôs uô jông đuô taz por tsơưr lươngv thiêz côngz bê têx hax huv pêz tưz muôs tơưv saz đrâuv têz qơưk”.

Shông 2017 zos shông tiv oz tỉnh Yên Bái uô Tsaz yênhx tsưr ziv têz qơưk thiv pluôs truôx đrênhk ntu 2016-2020. Tas nro nhiêx txiêx pênhr jos trâu tsaz yênhx shông 2017 zuôr xar 3.800 tiv đêiv, hâur co nhiêx txiêx txix Trung ương zos 1.019 tiv đêiv ntâu; pênhr tơưr đuô zos 771 tiv đêiv ntâu chiê uô têx tsênhv chêi thiv pluôs li: tsênhv chêi bảo hiểm y tế, zoz zux, paz nhiêx tênhv, paz tsik so trâu chor nênhs tsuv tâu paz txưv xã hôiv. Khov sik côngv uô truôx jông, cxix cxuô đros tsưr ziv huôv tsar kinh tế-xar hôiv yênhx tiv phaz, chor chuôz zis pluôs nhoz huyện nhiv no tsuôk yuôr zuôr xar 22%.

Zơưv Nguyễn Thành Giang, Phưv giám đốc Ban sêiz car dưv anr thiv pluôs ntu 2 tỉnh Yên Bái puz pâuz:

“Tỉnh Yên Bái tưz phuôx huiz lok six muôx chêx cur pênhr yưv uô thôngz đhâu paz ciês trâu pêx xênhv lok kôngz lôngk tsiêx tu zus hâur uô nox, hlôngr yiêz cxuô zav thôngz đhâu yưv pênhr uô cxiv luôs cêr cxuô zav, gra siêz txux chi trâu cán bộ cxuô cấp thiêz pêx xênhv thôngz đhâu kruôz kriê, tơư têk ciês kriê hâux lưv uô, huôv tsar sik côngv uô xênhz yar thiêz paz đhâu thâuv uô kinh doanh”.

Ntux yiêz no, 8.000 ntâu ziv chuôz zis nhoz tỉnh Lào Cai tưz hla đhâu cêr pluôs, bâuv li 5% ntâu. Thiv pluôs nhoz Lào Cai shông 2017 siêz tiv zix hâur 5 tỉnh thax tsav Tây Bắc. kror yưv pênhr trâu tox siêz, thax tsav txov nhêv tiv zix tâu tỉnh Lào Cai tsov cưv txos. Tỉnh tưz muôz pênhr yưv uô txix 65 txos 70% tsênhv njiêz zos 2 tsaz yênhx Jêx jok yiêz thiêz thiv pluôs truôx đrênhk. Zơưv Đặng Xuân Phong, Chủ tịch UBND tỉnh Lào Cai hêik:

“Tỉnh Lào Cai tưz muôx đề án lok cxuôv yêiz thiv pluôs hâur co muôx xav jênhv chor cơ quan, ban nganhx li txơưx jênhv, huiz tôngv tas nro cxiv luôs chính trị đros uô tsik zos tsuôk muôx chor cơ quan ban nganhx mak lok six khov vav txos pêx xênhv thiêz côngv thôngx, doanh nghiệp, têz qơưk sik đros uô”.

Đros têx tsaz yênhx thiv pluôs tưz muôx, shông 2018 thiêz chor shông lơưr co, tsênhv chêi thiv pluôs ntơưv chor tỉnh Tây Bắc tâu xav jênhv ndar txos paz tsar tov chiê nênhs pluôs chiv chir sir jos hla đhâu cêr pluôs, tiv zix zos tsuv muôx têx tsênhv chêi yiêz jông đuô. Thôngx cxix sir jos cxiv tsa cêr muk lok txos trâu têx qơư nhoz đêz, tox siêz, thax tsav txov nhêv chiê khưx phưx têx phiv liv hâur muk lok, cov pâuz tâu ntâu đuô txos têx xor mông, ciêz đrôngs, paz thơưz muôl muôs hax huv hâur xã hôiv.

Têx sir jos hâur côngz xưv cxuôv yêiz thiv pluôs uô trâu Tây Bắc tsênhv uô muôx yưv iz chêix ntux yiêz tsâu sor, shir phaz đuô./.

(Thanh Thủy-Lik Thox cxêik nhênhv)

Nduôr đei poz cưk- tsôngv box Hmôngz Hà Giang li zav nox hâur hnuz tsiêz

          Txos Tsiêz yiêz, tsôngv box Hmôngz nhoz Hà Giang ho bax uô nduôr đei nox hâur hnuz tsiêz. Tsi xưk li têx mênhx cxưx txơưr khênhr uô nduôr blâuv chiê txi côngv pos zơưs hâur hnuz tsiêz, Hmôngz nhoz Hà Giang ho seiz nduôr đei zos zav nox hâur têx hnuz thâuv txos tsiêz yiêz. Tsôngv box xar tiêk, nox nduôr đei paz pâuz tâu lok têx môngr jông lok sik môngr tsi jông hâur shông, hâur hli.   Nduôr đei tâu pox nhuôs qir bax uô thâuv haur hlik hli 12 zênhz lix. Chiê uô nduôr đei poz cưk blâuv tâu kaz, jông thiêz taz por tsi trâus tuox pưv tsuv pôngz lok six ntâu six hơưv uô, tsi xưk li uô nduôr blêx blâuv. Poz cưk blâuv tsuv xeir chor kaz, đhâu co chox mul jov uô xuô, jov tas muôz tsâu đêx muôx nhos 1 luz hlik chiê poz cưk jôngx. Hâur six hơưv tsâu đêx tsuv yax six hlôngr đêx chiê poz cưk tsi trâus kâuz. Thâuv taz por lok six hơưv tsấu, poz cưk chox mul jov yênhx môngr, chox lol tso hâur hnaz ntâuz muôz đei 2-3 hnuz cov xâuk đêx tas thiêx chox lol puôz nduôr uô nox. Thâuv uô nduôr, tsuv trâur tơưk cov jông, đêx bâu ntêr thiêx li tso nduôr trâu hâur lâux câuz đêx tsênhv bâu. Heik lok Hmôngz Hà Giang li tsưr ziv uô nduôr đei poz cưk.

          Nduôr đei poz cưk khênhr tâu tsôngv box Hmôngz nhoz Hà Giang nox đros thax kuôr njuôs. Thâuv hâu siêr, muôz nduôr heik trâu hâur luz ntiv, qeik thax trâu hâur ntiv đo sik shơư thiêz nox. Nduôr tsư kaz poz cưk, jôngx nox đros thiêz cuô thax kaz jiz, uô trâu zav nduôr no lok six kaz mak tsi muôx qơư tưs muôx.

          Cheix ntux yiêz tưz lol txos, hâur têx jêx jos tsôngv box Hmôngz nhoz Hà Giang, chuôz zis tưs cux puôr lênhx uô nduôr đei nox, xar njôngr iz shông yiêz zuôr njiz ntâu môngr jông, luz nênhx tsâu sor, tsi muôx moz tsi muôx gênhs, lênhx tưs cux shir phaz, lov jêv./.

( Vàng Lan- Txâur Vax cxeik nhênhv)