Jax thưr 5, hnuz 17/3/2016:

Têx muôx jông huôv tsar uô kinh tế nhoz thax tsav tox siêz Ngọc Chiến

Ngọc Chiến zos iz hâur têx xã muôx ntâu zav, jông huôv tsar uô nox nhoz thax tsav huyện Mường La. Tas nro xã muôx 2 cxênhz ntâu ziv chuôz zis, 10 cxênhz ntâu lênhx nênhs, hâur ntơư muôx 6 cxênhz ntâu lênhx tsênhv muôx đas jos tsưr ziv huôv tsar cêr uô nox, têx liêx têz tsêz chos kôngz muôx têx chos tâu 1.300 ha. Hâur oz pêz shông đhâu lok no, ntâu ziv chuôz zis tưz hlôngr yiêz tsưr ziv huôv tsar uô kôngz, tu zus tsiêx cxu; txix ntơư, tưz pov njôngr tsôngv px hâur thax tsav xã muôx luz nênhx hlôngr yiêz jux juk thiêz muôx ntâu ziv chuôz zis tưz kêr txeik pênhr nhiêx têz qơưs lok huôv tsar uô nox, sâu tâu yênhx puô tsov đeiv iz shông. Tix lâus Lò Văn Xưng nhoz jok Lất heik: “Thâuv ntêx uô blêx taz  sik têx blêx sâu tsi tâu ntâu pir li têx kôngz txơưr đuô, viv li cur hlôngr chos kuôr njuôk lok zos caz tsiz. Iz thax ar têz li no zos uô blêx, chuôz zis cux sâu tâu 2 puôk blêx, muôs tau iz tsov đeiv ntâu xưz, taz sik zos chos kuôr njuôk mak sâu txiêr tâu iz cxênhz txos 2 cxênhz tsoz, sâu cux tâu xar muôx 10 tsov đeiv. Iz shông xav hur si têx kôngz uô tâu thiêz tu zus tsiêx cxu muôs, chuôz zis sâu tâu muôx 100 tsov đeiv, txix ntơư luz nênhx tưz nhoz khênhr jux juk, muôx phênhv sâu tâu truôx”. Hâur ntu đrav ntêx, tsôngv box hâur thax tsav xã Ngọc Chiến tsik tâu pâuz hlôngr yiêz tsưr ziv tsêz chos kôngz lôngk, sâu tsik tâu nju kôngz, tsôngv box luz nênhx tsênhv njiz ntâu phiv liv thiêz txov nhêv njuôr. Canr bôv cxiz kôngz xã tưz paz kriê tsôngv box sơưr đơưk muôz têx liêx têz uô iz chiv blêx, chos siz shơưk têx kôngz trâu, uô ntâu chiv hâur iz shông, muôx phênhv sâu tâu ntâu kôngz. Tix lâus Lò Văn Long, canr  bôv cxiz kôngz xã Ngọc Chiến, huyện Mường La, tỉnh Sơn La heik: “ Thâuv ntêx tsôngv box hâur xã tsuôk uô iz chiv blêx xưz. Taz sik xar tâu tiêk, chiê muôz chor nôngz cưk G59 lok trâu tsôngv box chos siv 12 ha seiz li chas, đhâu uô iz chiv, tâu tsôngv box tu jông viv li têx poz cưk hloz jông, poz lox siz luôs. Njuôk xav 12 ha zuôr tâu nhos 60 tênhr poz cưk luz, hâur têx shông zuôr txos, pêz zuôr kriê tsôngv box sơưr đơưk hâur xã tror chos, uô ntâu đuô chiv poz cưk ntux tsâus, chiê muôx phênhv sâu tâu truôx trâu tsôngv box hâur tas nro xã”. Hâur têx shông đhâu, chênhr zos pâuz hlôngr tsoz chos, tsiêx tu zus, tsôngv box hâur xã tox siêz Ngọc Chiến luz nênhx tưz hlôngr yiêz jux juk. Têx kôngz uô hâur shông 2015, sâu tâu zuôr xar 5.600 tênhr thiêz txos trâu nhiv no, 100% ziv chuôz zis tsôngv box tâu zôngv têx đêx hur, 75% chuôz zis tâu tơưk tênhv tênhz têz qơưs. Zơưv Lò Văn Say, Phưv Chủ tịch UBND xã Ngọc Chiến, huyện Mường La, tỉnh Sơn La heik pâuz: “Xã tưz chox kriê canr bôv cxiz kôngz tsưr tsix kriê  tsưr ziv uô nox trâu tsôngv box trơưk têx tsưr ziv, tsênhv njiêz mak xã tso tơưv, xã đros têx taz viv li: cxiz kôngz huyện, tỉnh thiêz phòng kôngz nuv kriê tsưr ziv huôv tsar uô nox trâu tsôngv box chiê jux juk truôx tuk luz nênhx thiêz chuôz cxaz phênhv sâu tâu trâu tsôngv pêx xênhv ntu tov kaz no”. Đros tsưr ziv huôv tsar cêr uô nox, tsêz chos kôngz lôngk trơưk têx tsưr ziv yiêz, gra siêz phênhv sâu thiêz xiv huv uô tâu, xã Ngọc Chiến zuôr tror sir jos cxơưz tiês tsôngv px sđ hlôngr yiêz tsưr ziv huôv tsar cêr uô nox, tsêz chos kôngz lôngk chiê gra siêz phênhv sâu thiêz truôx tuk luz nênhx trâu tsôngv box./.

 ( Việt Anh-Riê Lâux cxeik, nhênhv)

Phênhv thưr 5 hnu 17/3/2016:

Chor nênhs muôx suôz bê nhoz jêx jok

Zơưv Shôngx Xênhv Muôk nhoz jok Tấu Dưới, xã Trạm Tấu, huyện Trạm Tấu, tỉnh Yên Bái tưz uô tâu 15 shông lâul jok, tsưr jok, zos lênhx nênhs muôx suôz bê hâur xã. Đros zuk li têx tsưr ziv yax kriê, hêik pox nhuôs uô nênhx zos đrêiv Đảng, têz qơưk têx chêi, zơưv tsik so tâu xêir chiê muk dưv hội nghị hênhr kruôk lâul jok, tsưr jok thiêz tâu cxuô cấp muôz ntâu ntơưr kruôk. Zơưv Shôngx Xênhv Muôk puz pâuz: “Thâuv tưs muk dự hội nghị njiz njêx muôs chor lâul jok, tsưr jok, nênhs muôx suôz bê txơưr đuô cur lok six shir phaz, lok tsêr mak tsuv hêik pox nhuôs sơưr đơưk hâur jok uô jông lơưr Đảng, têz qơưk li têx cêr chêi, hêik pox nhuôs huôv tsar kinh tế chuôz ndê uô xênhz yar, cxuôv yêiz thiv pluôs”. Hát Lừu zos iz hâur huyện Trạm Tấu li chor xã txov nhêv tiv zix, 99% zos tsôngv box mênhx cxưx tsơưs nênhs thiêz tsôngv box mênhx cxưx ntơưv no txux chi tsênhv kik. Chênhr zos li hêik ntơư, hâur ntu đrav ntêx, tưz muôx yưv qênhx shênhx tsir têz qơưk tsik zos chêi; siz zuôr tsik tâu txưv shôngs, chor phongx cxưx phiv liv. Uô ntêx qênhx shênhx no, Zơưv Lò Văn Sùm, iz lênhx nênhs muôx suôz bê hâur xã tưz sik côngv đros chor lưx lươngv công an tuôx yênhx chuôz zis hâur jok chiê yax kriê, hêik pêx xênhv uô nênhs trơưk đrêiv têz qơưs têx chêi tso tơưv, thôngx cxix hêik pêx xênhv truôx siêz huôv tsar cêr uô nox. Zơưv Lò Văn Sùm hêik: “Đros pưk txux zos lâul jk muôx suôz bê hâur jok cur tưz côngv đros chor lưx lươngv công an xã thiêz chor ban nganhx đoanx thể yêx kriê hêik pêx xênhv tsik muôl muôs tsik zos chêi tsơưr zax zênhz, por vêv jôngr…Tiv zix zos yax kriê trâu pox nhuôs tir thêir têx tsêr guôx taz por trâu tsiêx cxu tsik trâus tuôs no…”. Tix lâus Lò Văn Sam jok Hát 1, xã Hát Lừu thav pâuz tiêk: Hâur ntu đrav ntêx, tix lâus pâuz tsik tsênhz lok têz qơưk li têx cuiz tênhv, tâu lâul jok hêik kriê cur tưz pâuz tâu ntâu kror, txix co chiv chir cir jênhv uô nênhx zos đrêiv chêi têz qơưk thiêz tiv phaz li chor cuiz tênhv: “Cir jênhv lơưv, chuôz zis zuôr tsik tsês chiê triêv fov, yuôx tơưs cuz, zuôr hêik chor tuz nhuôs hâur chuôz zis tsik phamv cxâuv pháp luật, tsik tsês chiê triêv fov, chuôz lov tơưs cuz, tsêx tsung huôv tsar kinh tế chuôz zis”. Iz hâur chor lâul jok têx luôs hâux lưv sik đros côngv uô cux zov chênhr cơưs; tsưr jok, nênhs muôx suôz bê nhoz tox siêz Yên Bái zos nzor pâuz tâu qênhx shênhx ngaz tuk sâuv thax tsav, chiv chir cêir chêx têx vuv nuv ciês ntơưv tiv phaz, thôngx cxix hêik pâuz, hêik pâuz trâu lưx lươngv công an ntâu tsưr ziv uô tâu truôx hâur côngz xưv tas nro pêx xênhv por vêv ngaz tuk têz qơưk. Zơưv Por Giang Xênhv lâux, phưv trưởng công an xã Trạm Tấu, huyện trạm tấu puz pâuz: “Thâuv ntêx no mak qênhx shênhx ngaz tuk nhoz xã Trạm Tấu lok six phiv liv. Viv li, hâur chor shông đhâu lưx lươngv công an xã tưz chuv tôngv sik côngv đros chor ban nganhx doanx thêv, tiv zix zos chor lâul jok, tsưr jok, nênhs muôx suôz bê sâuv thax tsav xã yax kriê trâu chor jêx jok, ziv chuôz zis. Kriz uô phongz yaox tas nro pêx xênhv por vêv ngaz tuk têz qơưk, đhâu co hâur ntu no qênhx shênhx ngaz tuk sâuv thax tsav tâu tuôr truôx”. Tỉnh Yên bái nhiv no muôx zuôr xar 1.200 lênhx lâul jok, tsưr jok thiêz nênhs muôx suôz bê hâur thax tsav mênhx cxưx tsơưs nênhs. Lưx lươngv no tưz phuôx huiz pưk txux hâur côngv thôngx, zos qơư txuôk txix Đảng, têz qơưk txos pêx xênhv sơưr đơưk. Thôngx cxix zos tsênhv qơư sik côngv, hêik pêx xênhv sir jos huôv star kinh tế, cxuôv yêiz thiv pluôs, cxiv tsa luz nênhx vênhx huôv. Zơưv Nguyễn Khắc Long, phưv trưởng ban mênhx cxưx tỉnh Yên Bái puz pâuz: “Ntu đhâu, tỉnh Yên Bái lok six tsov cưv, kriz chor lớp thôngz mông hêik lok Đảng, têz qơưk têx cêr chêi chiê lâul jok, tsưr jok, nênhs muôx suôz bê pâuz tâu chiê hêik kriê trâ pêx xênhv hâur jêx jok. Hâur ntu zuôr txos mak pêz tưz muôx tsưr ziv zos yênhx shông tsik so cungz têx xor mông trâu chor nênhs no, paz tsar tov chiê lơưr muk ndis shuôk, cơưv shâuv chor tsưr ziv huôv tsar kinh tế hâur thiêz đrâuv tỉnh chiê lơưr muôx qơư cungz xor mông trâu tsôngv box. Kror tiv oz zos uô cxix cxuô têx tsênhv chêi trâu chor nênhs no”. Chor lâul jok, tsưr jok, nênhs muôx suôz bê hâur thax tsav mênhx cxưx tsơưs nênhs nhoz tỉnh Yên Bái li chor thax tsav tox siêz tsênhv zos jêx jok li chor nênhs uô ntêx hlo; pâuz tâu pêx xênhv li siêz xar, hêik, kruôz kriê pêx xênhv uô nênhx trơưk đrêiv Đảng, têz qơưk têx chêi; huôv tsar truôx cêr thôngx niêv siêz tas nro mênhx cxưx./.

                      (Đinh Tuấn-Lik thox cxêik nhênhv)