Jax sâu thưr 6 hnuz 17/3/2017

Chiềng Đen hlôngr yiêz txix tsaz yênhx cxiv tsa jêx jok yiêz

     Xã Chiềng Đen, thành phố Sơn La muôx 14 luz jok, 5.700 ntâu lênhx nênhs, 6 hêir nênhs sik đros uô nênhx nhoz. Xưk li ntâu xã tox siêz txơưr đuô, hâur têx shông uô ntêx, Chiềng Đen zos iz hâur chor xã tsênhv yuôr ntâu txov nhêv, cxuô zav tsik tâu muôx cxuô, tsik muôx jông cêr muk lok trâu jêx jok, chêix ntux nas cux tsik zôngv ziv muk lok đhâu, uô kinh tế kôngz nuv pôngz kaz.

Taz sik, hâur oz pêz shông đhâu lok no, khov muôx cấp ủy, chính quyền đros pêx xênhv tiv phaz li sir jos, xã Chiềng Đen tưz pov muôx ntâu hlôngr yiêz; vênhx huôv xã hội tâu tsov cưv txos huôv tsar, pêx xênhv luz nênhx cxuô zav tâu gra siêz, iz thênhv jux juk cxuôv yêiz thiv pluôs. Zơưv Quàng Văn Nhung nhoz xã Chiềng Đen, thành phố Sơn La shir phaz puz pâuz:

   “Thâuv ntêx no mak cêr muk lok haur jêx jok txos chêix ntux nas muk lok loz six phiv liv, thiêz yêz muk lok cux tsik zôngx ziv. Nhiv no muôx cêr yiêz li no mak pox nhuôs hâur jok cux lok six shir phaz”.

     Chiềng Đen hâur têx hnuz no, zos chor tsêr lơưx vor vuôk liêz truôx jông đros chor tsêr cxiv uô lox jông. Chor cêr muk lok hâur jêx jok tâu uô txix bê tông, oz saz ntus cêr zos chor têz cà phê, txir khơưz. Đhâu tsưr ziv uô kinh tế yiêz li: Chos cà phê, txir khơưz đuz, tu zus tsiêx cxu, kêiz ol…Lơưr co tưz muôx yưv ntâu ziv chuôz zis uô kinh tế hênhr, pox nhuôs cxuô mênhx cxưx luz nênhx tâu gra siêz đuô, phênhv sâu tâu xar 19 triệu đêiv iz lênhx nênhs iz shông, chor chuôz zis pluôs tâu txo grêk tsơưs txos yuôr 100 ntâu ziv. Niêv tix Tòng Thị Hậu, iz hâur chor ziv chuôz zis uô kinh tế nhoz xã Chiềng Đen hêik:

    “Kinh tế chuôz zis phênhv ntâu zos cà phê, tu zus nhux đas, xav tas cxuô zav mak cux sâu tâu 100 triệu đêiv, kinh tế chuôz zis cux truôx tuk, têx tuz nhuôs cơưv ntơưr cxix cxuô. Chuôz zis lok six shir phaz”.

Đros trâu huôv tsar kinh tế, xã Chiềng Đen cux uô jông luôs hâux lưv cxiv tsa tsik jêx jok yiêz thiêz muôx 50 ntâu ziv chuôz zis muôz ar uô cêr muk lok. Txos nhiv no tas nro xã tưz muôx 10 ntâuv cêik cêr bê tông muk trâu jêx jok. Nhiv no xã Chiềng Đen tưz uô tâu 14/19 luôs hâux lưv cxiv tsa jêx jok yiêz. Chiê tuôr truôx têx kror tưz uô tâu thiêz uô tiêr chor luôs hâux lưv tsênhv yuôr, xã cux xav jênhv zôngv têx kror liv lok kôngz nuv chiê paz cxơưz cxiz huôv tsar kinh tế, xã hội tiv phaz. Lơưr co hlôngr yiêz kinh tế kôngz nuv lơưr saz jông đuô, txo grêk tsơưs chos kôngz lôngk, chuôz ndê jôngr nuv, tu zus tsiêx cxu, uô cxiv luôs jêx jok lơưr hlôngr yiêz. Zơưv Tòng Văn Pâng, Bí thư Đảng ủy xã Chiềng Đen, thành phố Sơn La puz pâuz:

    “Xã mak sir jos chiê tuôr chiê tâu têx luôs hâux lưv tưz uô tâu, tiv oz zos tror yax kriê hêik pêx xênhv uô chor luôs hâux lưv tsênhv yuôr. Thiêz huiz tôngv têx pênhr jos muôx hâur pêx xênhv lơưr đas jos paz chiê taz por uô tâu tsênhz mênhx, ndax ndênhk hâur six hơưv uô”.

   Xã Chiềng Đen li cxuô qơư tsênhv jux juk hlôngr yiêz txix têx cêr bê tông, têx luz tsêr yiêz tâu cxiv uô. Hlôngr yiêz no zos  kror chiê pox nhuôs sik đros côngv siêz cxiv tsa yênhx côngz thành phố Sơn La li luôs hâux lưv cxiv tsa jêx jok yiêz./.

       (Hoàng Long-Lik Thox cxêik nhênhv)

Phênhv thưr 6.17.3.2017:

PHÊNHV TSÊNHV CHEI THIÊZ LUZ NÊNHX (2)

Ntâu tsênhv chei yiêz muôx txux zôngv cxôngx hli 3/2017

          50 ceik cêr mul chênhr tsuv muôx iz qơư chơưv paz:

          Bộ y tế li thông tư số 49/2016 cui tênhv lok tsưr tsix thiêz huôx tôngv chơưv paz txiêz nanv zoz thôngz sâuv cêr mul chênhr.

          Lơưr co, huôx tôngv chơưv paz txiêz nanv zoz thôngz tsuv taz por sei đrơưv, muôx chêx cuk chiê chơưv paz thiêz thâux nênhs trâus nanv mul qơư seiz njuôs thiêz kho moz jê tiv zix.

          Cxix luôk qơư phưx vưv huôx tôngv chơưv paz sâuv cêr mul chênhr muôx têx qơư chơưv paz, tâu tsưr tsix li no:

          Qơư chơưv paz tâu tsưr tsix uô đros qơư seiz njuôs thiêz kho moz muôx sâuv cêr mul chênhr hâur co muôx qơư y tế xã, phường; tsênhv qơư y tế quận, huyện muôx txơưx jênhv seiz njuôs thiêz kho moz; tsênhv qơư chơưv paz 115; tsêr kho moz têz qơưk thiêz tsêr kho moz tư nhân.

          Tsơưs tiv zix, 50 cei cêr mul chênhr tsuv muôx iz qơư chơưv paz. Thông tư no muôx txux zôngv cxôngx hnuz xiêz 1/3.

          Bảo hiểm tâu uô sâuv điện tử

          Cxôngx hnuz xiêz 1/3, Nghị định 166/ CP lok uô sâuv điện tử hâur vênhv thix bảo hiểm xã hội, bảo hiểm y tế ( thiêz bảo hiểm tsi muôx hâux lưv uô) qir muôx txux zôngv. Tsôngv box đăng cir cxaz chuôz sâuv điện tử zos cxaz chuôz bảo hiểm; cungz ntơưr; car chêx, thêv têx chế độ bảo hiểm; seiz car, thêv grê nhiêx seiz njuôs moz, kho moz BHYT thiêz hâux lưv thôngz xor mông muôx lênhx coaz txos uô chế độ bảo hiểm.

          Nghị định cux quy tênhv têx têx lênhx nênhs khiêz ntâuz ntơưr BHXH điện tử tâu uô đhâu BHXH Việt Nam lok sik tsưr tsix I-VAN li cổng thôngz xor mông điện tử 24 six hơưv hâur hnuz thiêz 7 hnuz hâur ciêz. Chiz coaz tos jênhv zuôr xa thôngz pov xav jênhv tưz jênhv tâu ntâuz ntơưr BHXH điện tử tuôx txos nênhs khiêz li ntơưr điện tử kênhz tiv zix 15 phênhz six hơưv thâuv jênhv tâu.

          Xeir zuôr cơưv đại học

          Lơưr Bộ zaoz zux thiêz thox cxov li thông tư 04/2017 lok quy chế thik THPT, xeir côngz jênhv cơưv tiêr THPT thiêz thông tư 05/2017 lok cui chế xeir zuôr shux xênhz cơưv Đại học hệ chính quy, xeir zuôr shux xênhz cao đẳng hâur nganhx thox cxov hệ chính quy muôx txux zôngv cxôngx hnuz xiêz 10/3, cui chế thik THPT thiêz xeir zuôr Đại học hâur shông 2017 muôx têx kror yiêz tsuv tsov cưv li: Hlôngr yiêz lok số lươngv jax thik THPT, 5 jax thik hlôngr trâu 8 môn thik li thâuv ntêx.

          Tsênhz mênhx, 3 jax thik Toán, Ngoại ngữ, Văn. Oz jax thik hâur co muôx iz jax thik khoa học tự nhiên muôx têx môn: Vật Lý, Hóa học, Sinh học; iz jax thik khoa học xã hội muôx têx môn: lịch sử, Địa lý, Giáo dục công dân đros shux xênhz cơưv tsaz yênhx THPT; Têx môn Lịch sử, Địa lý đros shux xênhz tsaz yênhx zaoz zux yax six cấp THPT.

          Hâur co, Thông tư 05 cui tênhv shux xênhz đăng cir xeir zuôr cơưv Đại học tsi cui tênhv hor ntâu tsêr cơưv thiêz siêz xar uô lơưr tsov cưv cxôngx siêz txos kis.

          Đrâuv co, iz cxiê cui tênhv lok paz txưv yưr lir uô cxâuv hành chính, bê têx moz gênhs tsuv kho lêx ntêr...cux muôx txux zôngv cxôngx hli 3/2017./.

                      (Thanh Thủy- Txâur Vax cxeik nhênhv)