Tsôngv box Si La nhoz Mường Tè li luz nênhx yiêz

Jok Xì Thâu Chải, xar Can Hồ, huyện Mường Tè, tỉnh Lai Châu thâuv ntêx, zos chor vax tsêr đaz tuôs, nhoz ploz pliês hâur têx har jôngr lâul ntơưv ntus đêx đas saz tir. Tiv nhoz cêv kuôk lok thax tsav, muôx tox trôngz nxaz, viv li pox nhuôs hâur jok cux tsik pâuz txos têx huôv tsar thiêz hlôngr yiêz hâur xar hôiv. Yêiz pluôs đros trâu iz cxiê phôngx cxưx pôngz kaz, hâur co muôx chor tuz nxêik hluôk siz zuôr cxênhz jê, muôx têx ntu tưz uô trâu chor nênhs Si La co tsik huôv tsar.

Uô lơưr tsênhv chêi txar qơư nhoz yiêz uô tsêr mêir đêx tênhv Lai Châu thiêz Đảng, Têz qơưk li iz cxiê tsênhv chêi paz, tsôngv box Si La nhoz jok Xì Thâu Chải tưz tâu txar lok nhoz trâu luz jok yiêz ntơưv ntus đêx đas saz tiv no, jê txox cêr lox 127. Zơưv Hồ Chà. Iz chas muôx tsêr truôx nhôz, muôx đêx muôx ar huôv tsar cêr uô nox, pox nhuôs tsênhv nhoz jê trạm y têr, têx tuz nhuôs tâu muk cơưv ntơưr jê tsêr…Txos nhiv no, cêr muk lok hâur jêx jok tưz tâu uô txix bê tông, 100% chor chuôz zis tâu sir zôngv tênhv tênhz têz qơưk thiêz đêx hur; 90% chor ziv chuôz zis muôx yêz mêir, muôx ti vi.

“Txix thâuv txar lok trâu qơư nhoz yiêz,  tâu têz qơưk paz iz cxiê zav zuz nôngz tsoz chos yiêz li txir mo môngk, cuêv fix, txir suôz câur xiêr, tâu têz qơưk paz nzir nhux đas nông. Khov co, pox nhuôs luz nênhx nhiv no tưz truôx tuk tsâu sor”.

Đros tsênhv chêi paz txar qơư nhoz yiêz chiê uô tsêr mêir tênhv tênhz Lai Châu, Chính phủ li Đề án huôv tsar kinh têr-xar hôiv mênhx cxưx lok six tsơưs nênhs kriz uô hâur têx shông đhâu cux tưz paz trâu tsôngv box Si La muôx luz nênhx hlôngr yiêz jux juk. Lơưr chính quyền ntơưv qơư li thôngz sâu, ntu 2018-2020, pox nhuôs mênhx cxưx Si La nhoz oz luz jok Xì Thâu Chải thiêz Seo Hai (huyện Mường Tè) tưz tâu paz xar muôx 100 tuk nhux đas nôngz, chos tâu muôx 90 ntâu ha txir suôz câur xiêr thiêz ntâu zav ntông nox txir li: txir mo mông, txir lưk jôngr tơưr njuôz… chiê huôv tsar kinh têr.

Zơưv Pờ Chà Dú, Chủ tịch Hôiv Hôiv đôngx xar Can Hồ, huyện Mường Tè puz pâuz: tsôngv box Si La luz nênhx tưz muôx ntâu kror hlôngr yiêz đuô. Ntâu ntênhk hôiv thiêz têx vênhx huôv cxôngx nzor tưz trâus pôngz plox txix ntêr, nhiv no tưz tâu nhênhz chơưv, tror kriz uô tuôr tsês chiê. Luz jok tưs nhiv no cux muôx đôiv vênhx nghệ thiêz pox nhuôs tsik so tsưr tsix đhiê pax vuôs, heik gâux hâur cxuô jiês ntênhk, tsiêz lok sik thâuv hâur jok muôx cêr lov jêv shir phaz:

“Thâuv txar lok qơư nhoz yiêz mak tiv iz zos muôx ar nhoz, ar têz huv đros trâu jêx jok yiêz. Pox nhuôs chor vax tsêr cux lox jông đuô, muk lok zôngx ziv đuô. Txix co pox nhuôs tu zus tsiêx cxu cux tâu đuô. Dự án paz trâu Si La nhux đas nôngz, txix thâuv paz txos nhiv no mak chor nhux đas tưz sha mê nhuôv lơưv. Khov co, pox nhuôs kinh têr truôx tuk đuô, huôv tsar đuô”.

jok mênhx cxưx Si La nhoz Lai Châu nhiv no tưz muôx luz nênhx hlôngr yiêz. Ndo Đảng, ndo Chính phủ li têx paz pox nhuôs tsênhv đros cxuô mênhx cxưx sâuv thax tsav sik côngv siêz, cxiv tsa jêx jok  hâur thax tsav Lai Châu-zos qơư nhoz faz Bắc pêz têz qơưk ziv hnuz ziv huôv tsar truôx jông./.

(Khắc Kiên-Lik Thox cxêik nhênhv)

Têx phênhv khênhr xưv bluô hành chính cik txos chơưr bia ntơưv

Chính phủ Nghị định 100

Chor nênhs tsar cxuô zav yêz ô tô, zos uô cxâuv têx muôx li đrav kaz:

Tsar cxuô zav yêz ô tô muk lol tâus cêr, hâur nyar lok sik pa muôx chơưr bia, taz sik tsi tâu đhâu 50miligam hâur 100 mililir nyar. (Điểm c ntu 6 Grê 5), tsuv trâus bluô nhiêx txix 6 tsov đeiv txos 8 tsov đeiv.

Têx bluô nzir đros zos tuôr tsês ntơưr tsar yêz txix 10 luz hlik txos 12 luz hlik.

Tsar yêz muk lol sâuv cêr, hâur nyar lok sik têx pa muôx chơưr bia ntâu đuô 50miligam txos 80miligam hâur 100 mililir nyar. (Điểm c ntu 8 Grê 5), tsuv trâus bluô nhiêx txix 16 tsov đeiv txos 18 tsov đeiv.

Têx trâul bluô nzir đros zos: Tuôr tsês ntơưr tsar yêz txix 16 luz hlik txos 18 luz hlik.

Tsar yêz muk lol sâuv cêr, hâur nyar lok sik têx pa muôx chơưr bia ntâu đuô 80miligam hâur 100mililir nyar; tsi uô trơưk cảnh sát zoz thôngz têx lul heik lok qênhz yuôx, shuôs chơưr bia. (Điểm a, b ntu 10, Grê 5), tsuv trâus bluô nhiêx txix 30 tsov đeiv txos 40 tsov đeiv.

Têx trâul bluô nzir đros zos: Tuôr tsês ntơưr tsar yêz txix 22 luz hlik txos 24 luz hlik.

Lênhx nênhs tsar yêz meir, yêz muôx meir (hur si chor yêz meir tênhv), zos uô cxâuv têx muôx li đrav kaz:

Tsar yêz muk lol tâus cêr, hâur nyar lok sik têx pa muôx chơưr bia ntâu đuô 50miligam txos 80miligam hâur 100 mililir nyar. (Điểm c ntu 7 Grê 6), tsuv trâu bluô nhiêx txix 4 tsov đeiv txos 5 tsov đeiv.

Têx trâul bluô nzir zos: Tuôr tsês ntơưr tsar yêz meir txix 16 luz hlik txos 18 luz hlik.

Tsar yêz muk sâuv cêr, hâur nyar lok sik têx pa muôx chơưr bia ntâu đuô 80miligam hâur 100mililir nyar, tsi uô trơưk li cảnh sát zoz thôngz têx lul heik lok qênhz yuôx, shuôs chơưr bia. (Điểm e, g ntu 8 Grê 6), tsuv trâus bluô nhiêx txix 6 tsov đeiv txos 8 tsov đeiv.

Têx trâul bluô nzir đros zos: Tuôr tsês ntơưr tsar yêz txix 22 luz hlik txos 24 luz hlik./.

(Bích Thủy biên soạn-Riê Lâux cxeik, nhênhv)