Sơn La: Txir khơưz siêr liêz vos sâuv têx ntông, pêx xênhv cxơưx tsav trâus nziz cêr yêiz

Niêv tix Tòng Thị Hoàn nhoz jok Hùn, xar Chiềng Cọ, thành phố Sơn La puz pâuz, shông no tiv ntux kruôr truz ntêr viv li txir khơưz zâu, txir ho siêr ndax trâu thâuv chor yêz kruô, yêz buýt sâuv thax tsav tsuv so viv li tsik muôx nênhs zuôr. Muôx nênhs zuôr lok tiv têx txir zâu viv li gri cux loz six kik. Xưk shông uô ntêx, txir cux jông li co taz sik yêz lox tuôx ti gâuk tsêr zuôr đros gri zos 10.000 đêiv iz cir, tas nro vax txir ntông cux sâu tâu xar muôx 70 triệu đêiv, hok shông no mak tưz sâu tsik tâu muôx oz pêz triệu đêiv.

“Nênhs zuôr mak tuôx zuôr tsơưs xưz. Têx thâuv thâux muk muôs mak lơưr zuôr txâuk lơưv viv li tsuv thâux tror lok tsêr, tsuôk pâuz muôz nquôr uô qir, lok sik muôz puz trâu nhux, tưv nox. Cux vav tiêk Đảng, têz qơưk zuôr tsov cưv txos paz trâu pêx xênhv thiêz”.

Tix lâus Tòng Văn Inh nhoz xar Chiềng Cọ puz pâuz, cxiê shông mak txos kaz hli 4 txir khơưz tam hoa thiêx siêr liêz, shông no nhiv kruôr txos thâuv hâur hli xưz lok chor txir tưz siêr pôngz tas hâur hâur pâuk ntông lơưv. Hok moz Covid-19 lok tsênhv loz six phiv liv, têx yêz tsik tâu muk lok, phiv liv zos kror njiêz pov tâu ciês nhiv no. Chiê paz kinh têr trâu chuôz zis, tix lâus Inh tsênhv ntiêr nênhs paz xêir đê têx txir ntông lox, jông, hok kror tưs txir zâu hênhr mak chiê xix nưk li co xưz.

“Têx txir jông mak nhiv no tsuôk muôs tâu 6.000-7.000 đêiv xưz, cxiê shông mak tâu 12.000 đêiv iz cir, viv muôx yêz muk lok. Nhiv no zos xar xa têx txir no muk Lào Cai mak tsuv xa muk trâu đrav Hà Nội thiêz li zuôr muôx yêz thâux tror lok muk trâu Lào Cai. Xa txir muk trâu têx tỉnh txơưr phiv liv li co, hok xa muk têx huyện hâur tỉnh mak yêz buýt tsik muk hok sơưr đơưk lok cux tsik tơưv ntâu đrâuv jôngr viv li cux nox tsik ntâu”.

Xar Chiềng Cọ muôx thax tsav chos txir khơưz ntâu tiv zix hâur  thành phố Sơn La đros xar muôx 300 hec ta, yênhx shông sâu tâu muôx 1.200 tấn. Zơưv Cà Văn Danh, Chủ tịch xar Chiềng Cọ puz pâuz: cxiê shông txir khơưz tam hoa mak muôx chôngz nênhs zuôr, gri cux txix 10.000-15.000 đêiv iz cir. Shông no tiv ntux kruôr ntêr viv li txir zâu, đros muôx ntux lok lơưs viv li chor txir khơưz hâur thax tsav xar tsuôk tâu muôx 600 tấn, gri muôs ho kik, nênhs zuôr lok cux muôx tsơưs xưz.

“Li co mak phiv liv lok six ntâu txos pêx xênhv li phênhv sâu, luz nênhx, viv li pox nhuôs lok six vav tiêk cxuô cấp, cxuô nganhx cux xưk li Chính phủ tsov cưv txos paz trâu pox nhuôs thâuv uô kôngz lôngk njiz phiv liv li no, hok gri têx hax huv txơưr mak cux siêz, têx txir ntông, kôngz lôngk uô tâu lok ho muôs tsik tâu”.

Đros nênhs chos txir khơưz, zos muôs tâu gri 6.000 đêiv iz cir mak cux sâu tsik tâu liv.

Txir khơưz siêr liês sâuv têx ntông, taz sik pox nhuôs ho cxơưx tsav trâus njiz cêr yêiz ! Chor nênhs chos txir khơưz nhoz Sơn La li têx phiv liv njiz trâus no lok six khov txos cxuô cấp, cxuô nganhx tỉnh thiêz Chính Phủ tsov cưv txos paz lok ngaz tuk luz nênhx chiê pox nhuôs hla đhâu hâur  ntu phiv liv tiv muôx yưv moz covid-19./.

(Thủy, Thanh-Lik Thox cxêik nhênhv)

PHÊNHV CHÊI TÊZ QƠƯS THIÊZ LUZ NÊNHX

Têx lênhx nênhs tâu muôz nhiêx hli so lâus, paz txưv BHXH

 ntơưv tsêr

Nam: BHXH Việt Nam nhiv kruôr hêik trâu cơ quan Bưu điện tsưr tsix muôz nhiêx hli so lâus, paz txưv BHXH ntơưv tsêr trâu têx lênhx nênhs: Nênhs sơưv nhiêx hli so lâus, nênhs sơưv phênhv paz txưv BHXH cxôngx 80 shông ndê mul; nênhs sơưv tsi tâu nto 80 shông trâus moz gênhs, muk gra tsik tâu nhiêx hli lok sik tsi muôx lênhx tưs paz mul gra nhiêx hli; nênhs trâus moz tsênhv kho moz. Taz por lênhx nênhs, Tsuv gra têx nhiêx hli muk cov ciês ntơưv tsêr trâu lênhx nênhs tâu sơưv.

          Nữ: Têx lênhx nênhs sơưv nhiêx hli, paz txưv BHXH nhoz thax tsav trâus cêv kuôk tiv moz huôv xênhz, BHXH Việt Nam hêik Bưu điện sik côngv đros chinhr quyênx tiv phaz, Ban chox kriê phax tar moz Covid-19 thiêz chiz coaz BHXH muôx tsưr ziv muôz têx nhiêx hli cov txos trâu lênhx nênhs tâu sơưv, huv đros yênhx thax tsav li têx muôx ntơưv qơư...

          Nam: Iz chas co, BHXH Việt Nam cux hêik BHXH têx tỉnh, thành phố chuv tôngv sik côngv đros Bưu điện pov cov UB têx tỉnh, thành phố lok tsưr ziv muôz nhiêx hli so lâus, paz txưv BHXH txix hli 4/2020 thiêz têx luz hlik lơưr co hâur six hơưv phax tar moz Covid-19 lơưr tsưr ziv heik kriê.

          Nữ: Cxaz nzir lênhx nênhs muôz nhiêx hli paz txưv BHXH chiê txu gris nênhs tâu sơưv li six hơưv tos, jav tâu qênhx shênhx chêx chôngk chôngz lênhx nênhs, huv đros lênhx nênhs tâu sơưv lơưr Chinhr phuv, Thủ tướng Chính phủ li chox kriê./.

(Thanh Thủy-Txâur Vax cxeik nhênhv)