Nênhs Cho nhoz Vân Hồ txux chi đhiê pax vuôs cho tsưz

Đros trâu tsôngv box Cho nhoz Vân Hồ, Sơn La, đhiê pax vuôs cho tsưz zos tsôngv box iz hâur têx txux chi chênhr nthuôr uô cêr lov jêv đhiê pax vuôs hâur têx hnuz kriz ntênhs hội li. Tsiêz thanh minh, chei đơưk bê trâu chor tuz, txi thor ntux yar ntux nas..... puôr lênhx nthuôr uô lov jêv đhiê pax vuôs cho tsưz. Lar heik, đhiê pax vuôs cho tsưz hâur nênhs Cho luz tsiêz tâu seiz zos iz txux chi, chei đaz kruôs chiê ndo txiêx njis txos pos zơưs, têx lâuk tâu tas siv nênhx, pox sâuz zơưv sâuz  tưz paz por hưv, por zơưv tsôngv lax px uô tâu nox tâu hnar iz tiêv đhâu iz tiêv, iz cxênhx đhâu iz cxênhx. Đhiê cho tsưz chiê por hưv chuôz zis luz nênhx, chuôz xênhv, thor têx lâuk, pos zơưs đros por hưv, cxơưz paz trâu cxuô lênhx nênhs hâur tsêr, iz chuôz cưr tix muôx đas jos, khưr uô tâu nox, muôx luz nênhx vav mênhx.

Pos Bàn Thị Vinh, heir nênhs Cho, nhoz jok Suối Lìn heik pâuz: Txix thâuv tsênhv zâu, pos tưz pov, pâuz txos zuk heir nênhs txux chi đhiê cho tsưz thiêz  tâu pos zơưs, chor uô niêv uô txir kriê têx txux chi no. Tưz zos nênhs Cho, lênhx tưs cux pâuz đhiê cho tsưz. Thâuv đhiê uô lov jêv li heik co, khênhr zos đhiê uô têx paz, muôx têx zos iz paz pox niêv lok sik txir nênhx muôx 8 lênhx li ntơư; lok sik 8 lênhx txir nênhx, 8 lênhx pox niêv. Heik lol sâuv txux chi đhiê cho tsưz, pos Vinh heik pâuz: Têk xik tuôr tsưz cho, muk iz ndis 3 truôv txix saz lâus trâu saz xik, hok tror tis lol muk li co tror lok txos kror qơư kuz thiêz six đhiê cho li no tsi so tax thâuv tưs jax cưr cxiêx, suôz gâux heik tas. Thâuv zuôr suôx câuv jax đhiê tsưz co, cxuô lênhx hâur paz đhiê pax vuôs nthuôr uô lov jêv ntơư zuôr lok sơưr uô têx hax thiêz sik đros hu iz suôz đror lox thâuv xâuk ciês jax cưr cxiêx. Pos Vinh heik:

“Đhiê cho tsưz zos nênhs Cho li iz txux chi vênhx huôv jông, tâu tuôr tsês thiêz uô đreiv txix tiêv no đhâu tiêv tov. Cur lok six jông siêz thiêz shir phaz, lơưr chor lâuk thâuv ntêx tưz muôx têx txux chi jông no thiêz kriê trâu cxênhx tuz nhuôs tov kaz, iz fâuv đhâu iz fâuv tror tuôr chiê, uô đreiv txux chi lov jêv no, paz por hưv tsês zuk heir nênhs txux chi vênhx huôv tsi chiê pôngz plox”.

Txux chi đhiê cho tsưz zos jông thiêz muôx liv li co, viv li txix tiêv no đhâu tiêv tov, tsôngv box lênhx tưs cux moz siêz sik đros tuôr tsês, khơưk đreiv chiê chor lâuk têx txux chi thâuv nzor.

Zos iz hâur têx lênhx xuz thơưx hâur nênhs Cho nhoz jok Suối Lìn paz tuz nxeik đhiê cho tsưz uô si lov jêv txix thâuv yênhx lix shông 2017 lok txos nhiv no thiêz zos lênhx kriê têx txux chi đhiê cho tsưz trâu chor tuz nxeik, sđ hâur jok, zơưv Bàn Văn Sênh, nênhs Cho nhoz jok Suối Lìn, xã Vân Hồ, huyện Vân Hồ, tỉnh Sơn La heik pâuz: Hâur jok muôx ntâu paz đhiê uô si lov jêv, đros trâu ntâu lênhx nênhs txix lâul hluôk, hloz zâu txos trâu têx lâuk hnuz nhôngs siêz puôr lênhx nhiêk muôx nhiêk iz paz. Têx paz đhiê uô lov jêv, zơưv Sênh kriê txux chi ntơư muôx txix 10-12 lênhx, puôr lênhx zos pox niêv hur si, hnuz nhống txix 55-60 shông. Thâuv zơưv Sênh lơưr paz lâuk co tâu hu muk nthuôr uô lov jêv đhiê cho tsưz hâur xã, huyện thiêz TP, txơưv muôx ntâu hâux lưv, max uô têx liêx têz, lok lơưr cux huôk njôngr six hơưv thâuv zar tsâuk ntux, zơưv thiêz chor nênhs hâur paz đhiê uô si co ho siz zâuv tuôx trâu ntơưv tsêr vênhx huôv hâur jok chiê sik đros shâuv đhiê cov têk tơư muôs, đhiê tâu jông. Tuôr tsês thiêz nthuôr uô đreiv txux chi đhiê cho tsưz co zos chiê sik đros por hưv nênhs Cho têx txux chi vênhx huôv jông tsi chiê pôngz plox:

“Tâu tsôngv box njênhs njôngr thiêz choz hâux lưv seiz car têx lênhx lâuk đhiê uô si lov jêv cho tsưz hâur jok Suối Lìn, cur lok six jông siêz thiêz shir phaz. Cur tưz huôk njôngr six hơưv, hnuz nhôngs sir jos cxaz chuôz, kriê nênhs Cho têx txux chi đhiê cho tsưz trâu têx lênhx hâur paz đhiê uô lov jêv. Cur thâuv tưs tưz kriê têx tuz nhuôs hâur chuôz zis tsuv khơưk tsês, por hưv chiê zuk heir nênhs têx txux chi vênhx huôv jông, lar heik zos txux chi đhiê cho tsưz”.

Txos nhiv no, tsôngv box Cho nhoz Vân Hồ txux chi đhiê cho tsưz tsi tiêk nthuôr uô phưx vưv tsôngv cưr tix nênhx tsa sđ hâur jok, hâur xã seiz, tsênhv muk nthuôr uô lov jêv hur si trâu têx hnuz hội vênhx huôv cxuô heir nênhs; sik đros lưv paz, lưv heir nênhs siz tưr đhiê uô si lov jêv hâur huyện, hâur tỉnh......, tâu ntâu tus chôngz px nhiêv seiz txos. Tix lâus Bàn Văn Toàn, thơưx car seiz têx lênhx nthuôr uô si lov jêv jok Suối Lìn heik pâuz: Đros trâu hâu nov cxuô cấp cêr paz max, côngv thôngx nênhs Cho tsênhv sir jos por hưv, tuôr tsês zuk heir nênhs têx txux chi vênhx huôv jông tsi chiê pôngz plox, hâur co muôx jax txux chi đhiê cho tsưz. Tix lâus thiêz chor tuz nxeik hluôk hâur jok ziv sir jos moz siêz cơưv shâuv, tuôr tsês zuk hêir nênhs têx txux chi, vênhx huôv jông cxôngx nzor tsik chiê pôngz plox:

“Tâu chor lâuk kriê tsês têx txux chi đhiê cho tsưz thiêz cux zos iz lênhx thơưx car seiz têx tuz nxeik hluôk hâur jok Suối Lìn nthuôr uô lov jêv, cur thiêz chor tuz nxeik hluôk sir jos cơưv shâuv đhiê uô têx txux chi co, nhiv no pêz tưz đhiê uô tâu jông, cur pov jax txux chi nor lok six jông thiêz muôx liv, tsi tiêk paz têx tuz nxeik hluôk iz zav li pêz pâuz thôngz, cxix cxuô lol zuk heir nênhs têx txux chi vênhx huôv, tsênhv paz por hưv tsês chor lâuk thâuv ntêx li txux chi cêr nênhx jông tsi chiê pôngz plox”.

Nhoz cxuô nro têx jêx jok nênhs Cho ntơưv Suối Lìn, thâuv tưs nthuôr uô lov jêv đhiê pax vuôs cho tsưz-jax txux chi jông uô trâu côngv thôngx sđ muôx cêr sik thôngx siêz, xưk iz zav li kriê, heik têx tuz nxeik hluôk hêir nênhs Cho tsuv ndo njôngr txos pos zơưs, chor lâuk li têx côngz txiêx njis, tsiv tâu zuk hêir nênhs têx txux chi vênhx huôv jông , tsênhv muôx đros đrêiv hâur luz nênhx niêx hnuz./.

(Triệu Biên-Riê Lâux cxeik, nhênhv)