Jax thưr 3, hnuz 17/5/2016:

Lào Cai: Sir jos hlôngr yiêz tênhx qơư yưv pênhr uô

Lào Cai muôx zuôr xar 200 cêik cêr đriv têz buôk Trung Quốc đros trâu têx trôngx đriv, cêr lus muk lok zuôr muôs têx xiv huv; trôngz fansipan siêz 3.143 thiêr; txox cêr muk chênhr 245 cêik, ntêr đuô cxuô txox cêr hâur VN txuôk txix qơư kinh tế Côn Minh-Lào Cai-Hà Nội-Hải Phòng; 150 qơư krêz sâu têx khoar cxax, hâur ntơư muôx ntâu đuô hur si zos apatit thiêz tôngx, sơưr tiv iz hâur thax tsav Đông Nam Á. Đros têx muôx liv ntơư, Lào Cai tsênhv tâu xav zos iz hâur têx tỉnh hâur hur si têz qơưs muôx jông qơư yưv pênhr uô. Lar heik, hâur ntâu shông đhâu, Lào Cai thâuv tưs tưz zos tỉnh uô ntêx nyuôs hâur thôngz têz qơưs lok têx luôs hâux lưv uô tâu li heik sâuv, ntơư zos iz kro tso pov ntơưv qơư têx sir jos uô hlôngr yiêz tênhx qơư yưv pênhr uô. Zơưv Dương Hùng, Phưv Tổng Giám đốc Công ty Bitis heik:

“ Pêz yưv pênhr uô ntơưv Lào Cai tưz tâu 22 shông, tsuv heik zos cxuô cấp hâu nov cux li tsôngv box ntơưv no lok six moz siêz, sir jos paz têx doanh nghiệp yưv pênhr uô hâur têz qơưs cux li đrâuv luôs 2 chas têz qơưs. Cur njênhs tiêk, ntơư paz trâu Lào Cai tror khav tinhv tâu zuk qơư sơưr truôx, iz chas công nghiệp khoar cxax mak têx nuv li: Ju lix, muôv muôs, vênhv têiv cux zuôr huôv tsar jông”.

Lơưr zơưv Đăng Xuân Phong, Chủ tịch ủy ban tỉnh Lào Cai, nhiv no Lào Cai tsênhv muôx 500 ntâu dưv anr yưv pênhr uô, đros trâu têx pênhr yưv uô siz chos cir ntơưr thôngx ziv zos xar muôx 80 cxênhz tỷ đeiv. Xav txos tas hli 4/2016, tas nro tỉnh tưz muôx 3 cxênhz ntâu doanh nghiệp tâu côngz ntơưr tso chei uô. Chiê uô tâu trơưk tsưr ziv thiêz yênhx iz luz tỉnh huôv tsar tâu truôx  nhoz thax tsav Tây Bắc, hâu nov tỉnh zuôr tror krêz đar, muôz jông six hơưv trâu têx doanh nghiệp tuôx no yưv pênhr huôv tsar uô cxuô luôs hâux lưv:

“ Lào Cai zuôr sir jos trâu hâux lưv gra siêz tsơưr lươngv yưv pênhr uô thiêz huôv tsar hâur thax tsav. Pêz lênhk jênhv zuôr uô sei thiêz zôngx ziv têx ntâuz ntơưr, phênhz tỉnh iz cxiê lênhx nênhs car uô đreiv luôs hâux lưv no chiê đros paz têx dưv anr uô tiêr sei hâux lưv zuôr ar luôv plas, cir ntơưr thôngx ziv muôz txâuk tênhv tênhz, đêx, taz por txiv ngaz chiê trâu têx doanh nghiệp tuôx no yưv pênhr uô. Iz chas ntơư, chủ tịch UBND tỉnh zuôr buôk ti sâu jênhv têx ziv chênhv, luk heik chiê đơưk uô jông têx hâux lưv li heik sâuv”.

Zơưv Đặng Xuân phong cux khav tinhv, txơưv Lào Cai tênhx qơưx yưv pênhr uô tsênhv yuôr ntâu kror uô tsik tâu tiêr, tsuv uô cov tâu truôx; taz sik, doanh nghiệp Lào cai cux sir jos uô jông luôs hâux lưv chox car, cux li hâu nov hâur hur si tỉnh luôs hâux lưv uô./.

                                    (An Kiên-Riê lâux cxeik, nhênhv)

Phênhv hnuz 17/5/2016:

Phênhv : NÔNGX MÊNHX ZUÔR TSUV PÂUZ

Lul Hmôngz: ( số 3)

Hnuz tso: 17/5/2016

Uô : VOV4

Nhạc hiệu phênhv “ Nôngx mênhx zuôr tsuv pâuz”

Tsôngv box thiêz cưr tix fôngx zưs hmor yuô! Qiv hơưv txơưr txar tsi so uô keiz, ok, zax zuôv zôngx ziv trâus cik caz moz ơưk. Zos muôx yưv caz moz ơưk keiz ok, thâuv tưs cux uô  tsôngv box tu zus li cêr cxơưx...Uô li chas chiê phax tar tâu caz  moz ơưk keiz, ok?

Phax tar caz moz ơưk keiz, ok

Hlôngr suôz

          +Muôx yưv li chas thiêx pâuz tus kêiz ok ntơư trâus cik caz moz ơưk?

          -Keiz, ok trâus cik moz ơưk hâur luz chêr cxôngx 2 txos 3 ciêz thiêx pov kêiz ok njôngk.

          +Uô li chas thiêx jênhv pâuz tâu keiz, ok trâus cik caz moz ơưk?

          -Zos keiz, ok trâus cik caz moz ơưk hnhar, uô trâu kêiz tuôs ntâu tuk. Zos keiz, ok trâus moz tsi tuôs, keiz ok tsi nox, lol cuô njưk, iz fmoz, kror muôs o, mul tsi tâus cêr, thox plaz; zos chor pox keiz tsênhv ntês kê mak tsi pov ntês kê nzir.

          +Puk muôx tsưr ziv tưs phax tar tâu caz  moz ơưk kêiz ok?

          Uô ntêx, pox nhuôs tsuv zuôr nôngz keiz, ok; zuôr têx krâur nox, cxôngx têx qơư tsênhz mênhx, tsi tso keiz, ok thiêz tsik uô têx qơư tu zus vuôk tsuôz kiêk nênhs. Ziv chuôz zis tu zus tsuv muôz têx keiz ok, nhiês cơư nhiês iz kror qơư, tsi cơư jê qơư tu zus buô, nhux tưv nhux đas thiêz tsuv cxax yuôx phax moz cxix cxuô trâu keiz ok.

          +Zos li thâuv keiz, ok trâus cik caz  moz ơưk tsuv uô li chas?

          Pox nhuôs tsuv hêik ciês trâu cán bộ thú y thiêz hâu nov ntơưv qơư đros chơưv paz thiêz muôz têx kêiz ok trâus cik caz moz ơưk chox muk hlơưr por tsês. Pox nhuôs tsuv ndo njôngr tsi cxoz nox nyar chiêx, tsik nox grêix keiz, ok moz ơưk.

Tsưr huôv tsar tu zus, tsi zuôr muôs keiz ok trâus cik caz moz ơưk, tsik muôz têx kêiz têx kêiz ok moz ơưk trâus tuôs por tsês trâu cxuô qơư; tsi nox greix keiz ok trâus cik caz moz ơưk

          Phênhv “nôngx mênhx zuôr tsuv pâuz” ciêz no, zos Đeix nta suôz VN côngv đros tsênhv qơư cxiz kôngz têz qơưk uô./.

                                                  (Txâur Vax cxeik nhênhv)