Kon Tum: Uô tâu jông txix tsênhv chêi pâux nzir

dịch vụ tênhv qơư jôngr

Jok Đắk Kroong, xar Đắk Pxi, huyện Đắk Hà, tỉnh Kon Tum muôx 73 ziv chuôz zis, 400 ntâu lênhx nênhs đros 100% zos hêir nênhs tsơưs Xơ đăng. Txix shông 2016 chor ziv chuôz zis hâur jok siz saz lax jênhv sêiz car por vêv Ban sêiz car jôngr phax phưv Đắk Hà li zuôr xar 1.200 ha jôngr. Shông 2018 nhiv kruôr đhâu, khov sêiz car por vêv jông thax tsav jôngr tâu choz zok, tas nro chor nhiêx mak jok Đắk Kroong txêik tâu hâur oz jiês zos 615 triệu đêiv. Tix lâus A Lê Mi Ô, tsar jok puz pâuz:

“Txix thâuv muôx dịch vụ tênhv qơư jôngr pox nhuôs luz nênhx tưz hlôngr yiêz đuô. Chor nhiêx co zos chiê cxơưx trâu têx tuz nhuôs hâur chuôz zis luz nênhx. Tsênhv muôx nzir phênhv sâu txix jôngr thiêz. Iz jiês muk qênhz yuôx jôngr mak jok sâu bê chor ziv chuôz zis cxaz chuôz chiê thêv pâux nzir lơưr hnuz côngz. Nhiêx dịch vụ tênhv qơư jôngr zôngv chiê kho đuô tsêr rông, jêx jok têx xênhz huôx, li ntênhk nduôr txâuv puôz njuôz, ntêhk kho car đêx. Hâur jok cux zuôr tâu iz bôv đruôk thiêz tsôngv yo”.

Txix jôngr li chêx cur kinh têr muôx tâu trâu yênhx ziv chuôz zis cux li côngv thôngx luz nênhx, pox nhuôs Đắk Kroong siz hêik sik đros tuôr chiê jôngr. Chor ziv chuôz zis hâur jok phêiz uô 4 tôv chiv chir sik hlôngr chiê qênhz yuôx por vêv jôngr. Khov co, 1.200 ha jôngr mak jok Đắk Kroong jênhv sêiz jor tâu por vêv jông. Txix shông 2016 txos nhiv no tsuôk muôx oz txuz uô cxâuv thiêz puôr lênhx tâu nênhs hâur jok pov thiêz tir tar tâu. Zơưv A Gong, iz lênhx pêx xênhv puz pâuz:

“Thâuv ntêx muôx tsik txâuk cxuô zav viv li tsuv muk nriêr hâur jôngr. Tiv iz zos muk chuôz tsiêx. Oz mak txiêr ntông uô tsêr. Nhiv no txix thâuv pâux nzir dịch vụ tênhv qơư jôngr muôz chor nhiêx co lok paz trâu chuôz zis, nhiv no iz cxiê chuôz zis tưz chos tâu ntông, blêx liêx. Viv li nhiv no tsik txiêr ntông, ruôr hiêv jôngr lơưv”.

Đắk Pxi zos xar txov nhêv tiv zix nhoz huyện Đắk Hà, tỉnh Kon Tum. Tas nro xar muôx 9 jêx jok, 4.000 ntâu lênhx nênhs zos tsôngv box Xơ Đăng tsav muôx 99%. Cux iz zav li Đắk Kroong, 8 jêx jok hâur xar puôr lênhx jênhv sêiz jor, por vêv jôngr txix Ban sêiz car jôngr phax phưv Đắk Hà. Zơưv Nguyễn Phúc Đoan, chủ tịch UBND xar Đắk Pxi hêik lok chêx cur mak tsênhv chêi pâux nzir dịch vụ tênhv qơư jôngr paz muôx tâu trâu pêx xênhv luz nênhx thiêz côngz xưv sêiz car por vêv jôngr sâuv thax tsav xar.

“Choz jôngr trâu côngv thôngx mak paz muôx tâu têx chêx cur lok six jông. Côngv thôngx pêx xênhv tưz tsưr tsix tâu hâux lưvqênhz yuôx, sêiz car, por vêv jôngr tsik so, txix co txo grêk tsơưs tâu têx txuz uô hiêv txos jôngr. Pox nhuôs tâu pâux nzir dịch vụ tênhv qơư jôngr muôx nzir phênhv sâu hlôngr yiêz luz nênhx. Iz phênhv hâur chor nhiêx co zos jêx jok sir zôngv trâu têx hâux lưv hâur jok”.

Hâur 8 shông ntâu đhâu, muôx 1.000 tiv đêiv ntâu nhiêx pâux nzir dịch vụ tênhv qơư jôngr tâu Cuiv Por vêv thiêz Huôv tsar jôngr tỉnh Kon Tum muôz trâu pêx xênhv, côngv thôngx thiêz chor taz viv tsưr jôngr. Tsênhv chêi pâux nzir dịch vụ tênhv qơư jôngr tsênhv paz muôx kror hlôngr yiêz jông hâur côngz xưv sêiz car, por vêv jôngr ntơưv tiv phaz. Đros thiêz uô cov hlôngr yiêz, gra siêz luz nênhx trâu pêx xênhv uô nênhx đros jôngr, mak chor nhiêx pâux nzir trâu dịch vụ tênhv qơư jôngr cux tưz taz por trâu côngz xưv sêiz car, por vêv muôx 361.000 ntâu ha jôngr, muôx nhos 63% ntâu thax tsav jôngr nhiv no nhoz tỉnh Kon Tum./.

(TTTN-Lik Thox cxêik nhênhv)

Chính phủ xav tinhv shông 2019 zos shông sir jos cov tiêr cxuô luôs hâux lưv

Jiês cơưv hâur six hơưv qênhx shênhx sâuv thax tsav thiêz sâuv ntiêx têz tror muôx ntâu phiv liv; kinh tế ntiêx têz tâu njuôk xav huôv tsar kênhz thiêz muôx ntâu phiv liv; nhoz iz cxiê têz qơưk lox kinh tế, chính trị tsi truôx uô tuôr thênhv txos kinh tế ntâu têz qơưk, hâur co muôx VN. Hâur têz qơưk, têx phiv liv, uô tsi tâu tsi tiêr, lar heik zos ntux têz txơưr txar, moz gênhs tsênhv uô tsi jông txos huôv tsar kinh tế-XH thiêz tsôngv box luz nênhx. Hâur jiês cơưv, hlôngr njêx muôs trâu Thủ tướng Chính phủ, Phưv Thủ tướng Trương Hòa Bình khav tinhv, Chính phủ xav tinhv shông 2019 zos shông sir jos chiê uô cov tiêr cxuô luôs hâux lưv trơưk li tsưr ziv 5 shông 2016-2020 thiêz chiv nhênhv 50 shông uô lơưr zơưv hloz Hôx tsưr ziv, têx lul tưz heik tsês. Iz chas ntơư, Chính phủ zuôr sir jos fuô kriê, uô uô cê têx tsưr ziv phax tir thêir têx tsi jông, uô tuôr xuôv têz qơưk têx nhiêx txiêx. Lar heik zuôr muôz tik cêv cxâuv cov txos qơư têx lênhx nênhs muôz nhiêx xiêz chiê tâu uô hâu nov, tiv zix zos hâur têx hâux lưv li: Ar têz, đêx ar, yưv pênhr côngz, hâux lưv njuôk hov, xeir zuôr canr bôv thiêz qênhx shênhx “têz qơưk têx nhiêx txiêx” hâur lês uô têx luôs hâux lưv. Đros trâu têx heik li co, Chính phủ zuôr cxơưz sei six hơưv qênhz yuôx, yơưz phơưz, tu têx txuz nox nhiêx têz qơưk lox, sâu tsês têx chuôz zênhx chuôz tas uô tuôr xuôv, trâus pôngz.....

Iz chas ntơư, ntâu hâux lưv zov chênhr, muôx hur si hâux lưv têz qơưk thiêz cux muôx têx nuv tsênhv tsênhz, buôk ti cik txos tsôngv box luz nênhx cux tâu chor đại biểu Côx hôiv seiz lax, tso ziv chênhv. Iz zav li hâux lưv tsar ndê grê tênhv tênhz, thiêz Tập đoanx tênhv tênhz VN, Bộ Công thương têx luk phênhz trâu Côx hôiv.

Đhâu têx jiês seiz lax ntơưv jiês cơưv thiêz ntơưv tổ, cử tri pov, Côx hôiv tưz seiz njiê pov tsênhz lok têz qơưk cêr huôv tsar kinh tế-XH thiêz sir jos chiê hla đhâu têx phiv liv nhiv no, chox têz qơưk huôv tsar, vav mênhx. Côx hôiv tưz tsês six hơưv seiz lax thiêz tso ziv chênhv lok têx Dưv anr chêi, zuôr muôs bảo hiểm thiêz chêi sir zôngv txux chi; dưv anr chêi Zoz zux (cxiv kho đuô); Dưv anr chêi cxiv uô vax tsêr; chêi hình sự(cxiv kho đuô); chêi cxiv kho đuô, cxaz nzir iz cxiê grê hâur chêi qênhz têx nhiêx têz qơưk; chêi phax tar chơưr, bia têx tsi jông, chêi tsưr tsix Chính phủ thiêz chêi tsưr tsix hâu nov ntơưv qơư đros trâu Dưv anr chêi cxiv kho đuô, cxaz nzir iz cxiê grê hâur chêi canr bôv công chức, viên chức.../.

(VOV1-Riê Lâux cxeik, nhênhv)