Lai Châu taz por ngaz tuk tênhv tênhz chêix ntux nas chuô

Zos thax tsav tox trôngz nxaz tox, chor hluô tênhv tâu chaz đhâu ntâu qơư phiv liv zôngx ziv trâus poz, trôngz jôngr muôx ntâu ntông njuôz lox thiêz têx hmaz uz no viv li thâuv txos chêix ntux nas, nganhx tênhv tênhz tỉnh Lai Châu tsênhv njiz ntâu kror txov nhêv hâur côngz xưv tso tênhv. Chiê taz por ngaz tuk cxiv luôs tênhv, taz viv tsik so chox kriê công nhân sir jos luôx cov hur si têx thax tsav chaz hluô tênhv muk đhâu, qênhz yuôx kho đuô têx chuôz zênhx thiêz hluô tênhv. Zơưv Kiều Thành Trung, Đôiv phưv đôiv sêiz car chor hluô tênhv siêz, Công ty Tênhv tênhz Lai Châu puz pâuz: Txơưv njiz ntâu phiv liv lok thax tsav, ntux yar ntux nas, taz sik công nhân hâur taz viv tsik so sêiz shuôk, chiê chơưv kho tâu ciês zos muôx yưv têx phiv liv tsik jông. Hla trâu chêix ntux nas chuô taz viv tưz bax cxuô nro têx chuôz zênhx thiêz lênhx nênhs chiê xưv lik cxuô kror muôx yưv thâuv txos chêix ntux nas chuô:“Hâur côngz xưv taz por ngaz tuk tênhv tênhz 110kv mak pêz tso tơưv tsưr ziv qênhz yuôx têx chuôz zênhx tênhv lơưr ciêz, hli thiêz shông. Tiv oz zos tsik so qênhz yuôx têx chuôz zênhx, chiê pov tâu nzor têx phiv liv muôx yưv sâuv têx chuôz zênhx co chiê muô tsưr ziv khưx phưx, tsik chiê muôx  yưv phiv liv lox. Tiv pêz zos xưv lik cov tiêr ciês têx phiv liv muôx yưv; muôx tsưr ziv hlôngr yiêz đuô têx chuôz zênhx kuz, ntêr shông. Đuô li yênhx shông pêz cux qênhz shuôk thiêz xưv lik truôx têx phiv liv thâuv uô ntêx txos chêix ntux nas chuô”.

Lơưr Công ty tênhv jos tỉnh Lai Châu, tsuôk xav ciês shông 2019, ntux nas chuô tưz uô hiêv muôx 17 tiv đêiv ntâu trâu cxiv luôs tênhv tênhz taz viv sêiz car. Chiê txo grêk tsơưs tiv zix têx trâus hiêv tiv ntux nas chuô, uô ntêx txos chêix ntux nas, taz viv tưz uô jông Ban chỉ huy phax tar ntux têz uô hiêv thiêz zok nriêr chơưv paz cxuô cấp. Đros co, yênhx lix tôv uô ntêx hlo chiê bax cxaz chuôz chơưv kho tâu ciês têx phiv liv tiv ntux nas chuô uô hiêv txos. Zơưv Hoàng Quang Trung, Phưv Giám đốc Công ty tênhv tênhz Lai Châu puz pâuz:“Công ty tưz chox kriê têx taz viv muk qênhz yuôx tas nro cxiv luôs tênhv, tiv zix zos têx taz viv nhoz ntơưv têx qơư zôngx ziv muôx yưv tsik ngaz tuk, têx qơư muôx ntông ntâu chiê khưx phưx ciês. Thiêz tiv zix zos công ty tsik so muk trâu têx taz viv chiê qênhz yuôx. Thiêz txos nhiv no mak taz por tâu tso tênhv ngaz tuk thiêz zuôr xưv lik tâu ciês têx phiv liv muôx yưv”.

Đros têx tsưr ziv uô jông, cxuô nro, nganhx tênhv tênhz Lai Châu tưz bax jông chiê phax tar ntux têz uô hiêv txos, taz por tso tênhv tâu ngaz tuk, tsik so, taz por ngaz tuk trâu têz qơưk li cxuô zav, lênhx nênhs thiêz cán bộ, nhân viên cux xưk côngv thôngx li đas jos./.

(Khắc Kiên-Lik Thox cxêik nhênhv)

Tir tar thôngz xor mông tsi trơưk cêr chei lok têx mênhx cxưx tsơưs nênhs li qênhx fênhx zav

Hiến pháp shông 2013, fâu ntơưr Hiến pháp tưz chuôz ndê chế định lok qênhx lênhx nênhs, qênhx tsôngv box, thâuv heik txos qênhx fênhx zav hâur têx mênhx cxưx tưz sâu tsênhz mênhx: “ Têz qơưk Cộng hòa xã hội chủ nghĩa Việt nam zos têx mênhx cxưx nhoz uô nênhx sâuv têz qơưk Việt Nam li têz qơưk thôngx ziv. Têx mênhx cxưx fênhx zav, sik côngv siêz, seiz tâus thiêz sik paz max sik đros huôv tsar; txưr têx hâux lưv seiz tsi tâus, uô ruôr hiêv txos cêr niêv côngv siêz mênhx cxưx. Lul heik zos luk Việt. Têz qơưk uô chinhr sách huôv tsar tas nro thiêz paz cxuô zav chiê tas nro têx mênhx cxưx tsơưs nênhs phuôx huiz jông pênhr jos, sik đros têz qơưk huôv tsar” (grê 5). “Cxuô lênhx nênhs puôr lênhx fênhx zav cxôngx pháp luật. Tsi muôx lênhx tưs trâus phênhz pêx hâur luz nênhx chinhr trị, dân sự, kinh têr, vênhx huôv, xã hội” (Grê 16).

          Xav txos kaz shôngk shông 2019, Côx hôiv tưz tso tơưv 108 chei, 30 ntâu nghị quyết muôx njiêz luv muôx lênhx coaz txos vênhv thix mênhx cxưx tsơưs nênhs. Cxix luôk chính sách mênhx cxưx zos Chinhr phuv thiêz têx bộ, nganhx cxiv uô muôx 118 ntâuz ntơưr, hâur co muôx 54 chính sách, đề án paz txưv huôv tsar KTXH thax tsav mênhx cxưx tsơưs nênhs, tox siêz.          Lơưr Chủ nhiệm UB mênhx cxưx Đỗ Xuân Chiến, mênhx cxưx tsơưs nênhs li qênhx zos lênhx nênhs li iz hâur têx qênhx zuôr trâus, nhoz hâur têx qênhx dân sự- chinhr trị tưz tâu luật pháp ntiêx têz côngz jênhv. Ntơưv Việt Nam, tsôngv box mênhx cxưx tsơưs nênhs ziv hnuz ziv muôx têx kror jông chiê sir jos huôv tsar lok cxuô zav, gôngr côngv ntâu đuô lok têz qơưk li huôv tsar. Têx shôngk đhâu, khov Đảng thiêz têz qơưk li têx chính sách thiêz chủ trương huv đros, qênhx shênhx KTXH nhoz têx thax tsav tsôngv box mênhx cxưx tsơưs nênhs thiêz tox siêz tâu hlôngr yiêz tsênhz mênhx. Yênhx tix co zos têx tso pov tsênhz mênhx hâur taz por thiêz cxơưz tiês mênhx cxưx tsơưs nênhs li qênhx heik taz thiêz qênhx lênhx nênhs heik cxuô ntơưv Việt Nam.“Shông 2019 Bộ chinhr trị tưz chox kriê ntâus grê 15 shông uô Nghị quyết 24. Ban chấp hành TW Đảng khóa 9 lok côngz xưv mênhx cxưx thiêz sâuv têx ntâus grê tas nro co seiz shuôk ntâu hâux lưv thiêz Bộ chinhr trị tưz thôngx ziv siêz tso tơưv kết luận số 65 tror uô Nghị quyết 24 lok côngz xưv mênhx cxưx hâur qênhx shênhx yiêz. Bộ chinhr trị thâuv tưs cux xav tênhv vênhv thix mênhx cxưx zos vênhv thix zov chênhr hâur cơưx mênhv Việt Nam, tiv zix zos têx mênhx cxưx fênhx zav sik côngv siêz, seiz tâus, sik paz max sik đros huôv tsar. Sâuv co thiêx muôx têx tsaz yênhx têz qơưk li qơư tsov txos huv đros”.

          Txơưv Đảng, pêz têz qơưk thâuv tưs cux seiz vênhv thix mênhx cxưx thiêz sik côngv siêz têx mênhx cxơx zos hâux lưv zov chênhr, lêx ntêr hâur cơưx mênhv, taz sik tiv muôx têx kror txơưr cxôngx nzor lok vênhx huôv, tsưr ziv nhoz uô nênhx thiêz qơư nhoz, nhiv no tsênhv muôx têx phênhz pêx đros nênhs mênhx cxưx tsơưs nênhs, njuôs xav uô zênhr shar txos têx mênhx cxưx li huôv tsar fênhx zav thiêz têz qơưk li huôv tsar cxuô.TS Nguyễn Công Thảo (viện mênhx cxưx học- Viện hàn lâm Khoa học xã hội Việt Nam) puz pâuz: “Têx luk heik tsi tâu huv đros lok mênhx cxưx tsơưs nênhs nhiv no phênhv ntâu zos sâuv iz cxiê phaz pênhv thôngz xor mông, tiv zix zos mạng xã hội. Qir tiv zos tsuôk njiê pov iz cxiê hâux lưv, lênhx nênhs tsi jông mak heik tas nro iz mênhx cxưx tsi jông, lok sik tsuôk njiê iz mênhx cxưx mak heik tas nro têx mênhx cxưx txơưr cux puôr lênhx xưk li ntơưv”. Thôngz xor mông tso mông tsi cxix cxuô, tsi thôngz lok côngv thôngx têx mênhx cxưx tsơưs nênhs zuôr uô trâu mênhx cxưx tsơưs nênhs co trâus zênhr shar. Co zos têx hâux lưv phênhz pêx, seiz tsi tâus, uô tsi huv đros thiêz têz qơưk li chủ trương.

          Cxôngx qênhx shênhx ntâu trang mạng xã hội muôx têx đuôz shav tsi jông, phênhz pêx nênhs mênhx cxưx tsơưs nênhs, hnuz 17/4, UB mênhx cxưx tưz tso tơưv ntâuz ntơưr heik mênhx, hâux lưv no tưz “Uô tuôr xuôv txos vênhx huôv têx mênhx cxưx” thiêz thix ziv Bộ thôngz xor mông yưr lir, tsi uô zênhr shar txos Đảng thiêz têz qơưk li chính sách sik côngv siêz mênhx cxưx. No tsi zos hâux lưv yiêz mak tưz muôx ntâu shông no. Pos Chu Thị Thu Hằng, Phưv Tổng biên tập phưv txơưx pov tsir Vênhx huôv muôx ziv chênhv: Tsuv muôz siêz nênhs sâu xor xưv li siêz xar txơưx jênhv thâuv sâu pov tsir. Cur pov nênhs sâu xor xưv tsuv muôx cxaz têx lớp kriê cxaz jông. Cur zos nênhs yax six cxiv sâu têx jax sâu thâuv nhênhv têx jax sâu cxôngx nênhs sâu xor xưv tưs txơưx njês mak lok six jông. Zos pêz tsuôk sâu lơưr hâux lưv muôx yưv, tsi nriêr pâuz tsênhz mênhx thiêz pêz uô tsi muôx txơưx jênhv mak jax sâu co cux xưk li têx jax sâu txơưr”./.

(VOV4-Txâur Vax cxeik nhênhv)