Tsôngv box Hmôngz Mù Cang Chải li têx tsêr cxôngx nzor

   Tsôngv box Hmôngz nhoz Mù Cang Chải li têx tsêr cxôngx nzor tâu zôngv ntông chiêz lok sik iz cxiê zav ntông txơưr cxiv uô. Seiz mak zôngx ziv taz sik chiê uô tâu iz luz tsêr li ntơưv, thâuv ntêx tsôngv box tsuv pôngz lok six ntâu đas jos muk pêv har jôngr ntor ntông lok uô. Zơưv Njuôz Cuôv Xênhv Thox nhoz jos Đêx tsas tsuô A, xã Púng Luông, iz lênhx nênhs muôx ntâu chênhz zênhv uô tsêr ntông puz pâuz:

          “Hmôngz li têx tsêr cxôngx nzor tsuv muôx 4 tus ndêx trur, 4 tus ndêx câuv, 4 tus zênhk, 8 tus phôngr cuv, grax, kaz, puôv, tsơưs tiv zix zos 700 đeiv txiêk ntông, zuôr ntâu li ntơưv thiêx li txâuk uô iz luz tsêr”.

          Púng Luông zos iz xã tox siêz nhoz huyện Mù Cang Chải, nhoz no qiv hơưv txơưr txar phêv liv, tsôngv box phênhv ntâu nhoz uô nênhx sâuv têx tox trôngz siêz. Viv li chiê tir tar tâu qiv hơưv, tsôngv box Hmôngz nhoz no tưz njuôs xav tsuv uô têx tsêr muôx trur kis chiê tsi trâus chuô njơưx. Zơưv Kháy Phà Xênhv Thox nhoz jos Đêx tsas tsuô A, xã Púng Luông puz pâuz, thâuv xeir tâu qơư uô mak uô ntêx tsuv muk pêv har jôngr chiê ntor ntông lok uô tsêr:

          “ Thâuv ntor tâu ntông pêv har jôngr lok tsuv njuôs xav thiêz cơư. Zos uô trur tsêr mak cơư uô txiêk ntông. Thâuv cơư tsuv zôngv iz zar tos ntông mê njiê trâu tus ntông zuk fuô co, zôngv tâuk fuô thiêx tâu txiêk ntông jông”.

          Đros tsôngv box Hmôngz nhoz Mù Cang Chải li têx luz tsêr zôngv txiêk ntông chiêz vor, têx lênhx nênhs uô tsuv lok six txơưx uô thiêz muôx chênhz zênhv. Zos iz lênhx nênhs khênhr muk paz pox nhuôs hâur jos thiêz đrâuv xã uô tsêr, zơưv Lù A Chu nhoz jos Đêx tsas tsuô A puz pâuz:

          “Muôz txiêk ntông chiêz chox lok vor tsêr, mak đeiv txiêk xuz thơưx tso vor iz đêiv jux juk cov huv đros, đeiv tiv oz mak tso lơưr đeiv txiêk đar lok sik greiv tso siz muôx nhos iz đok, đêiv tiv pêz tso puôz trâu saz hâur cov ntov thiêx tsik yâu nas )

          Luz tsêr vor txiês ntông chiêz tưz reik đros đreiv tsôngv box Hmôngz nhoz Mù Cang Chải cxôngx nzor lok. Lơưr six hơưv, nhiv no ntâu chuôz zis tsênhv tuôr tsês tâu têx luz tsêr chax chês no. Luz tsêr tso pov tsôngv box Hmôngz nhoz co li tsưr ziv uô tsêr jông cxôngx nzor./.

(Giàng Seo Pùa- Txâur Vax cxeik nhênhv)

Lò thị Ban zos iz lênhx moz siêz txos hêir nênhs poz ziz têx suôz sênhr cưr cxiêx

          Ntơư zos hêir nênhs poz ziz têx suôz sênhr cưr cxiêx ndo txos zơưv hloz Hôx têx luk hêik kriê, zos zơưv Cầm Hùng xar tơưv,  pos Lò thị Ban tus sênhr suôz hêik (oz lênhx hêik ntơư puôr lênhx nhoz đrôngl Sơn La). Suôz sênhr cưr cxiêx no tâu hêik thiêz cơưv hâur jiês chiv nhênhv 110 shông cxiv tsa tâu tỉnh Sơn La thiêz ntơư cux zos iz jax cưr cxiêx tâu chôngz lênhx ntâu tus nhiêv mnôngs, viv njiêz luk suôz sênhr cưr cxiêx co hêik txos hêir nênhs poz ziz luz nênhx nox nhoz muk lok hâur niêx hnuz. Zơưv Cầm Văn Phong, nhoz jos Na Ngua, xã Mường Lựm, huyện Yên Châu, tỉnh Sơn La hêik pâuz:

          “Suôz sênhr cưr cxiêx hêik txos têx tuz nxêik hluôk têx cêr siz hluz, ndo yuô. Nhiv no tror mnôngs suôz sênhr cưr cxiêx ntơư, zos pos Ban zos tus sênhr suôz hêik cux jông cơưs thiêz chor lâuk xar mnôngs têx suôz sênhr cưr cxiêx ntơư”

          Lò Thị Ban xênhz zus thiêz lox hloz hâur chuôz zis, niêv txir zênhx nhiêv zuk hêir nênhs poz ziz têx txux chi, vênhx huôv jông cxôngx nzor. Txix thâuv tsênhv zâu, pos Ban hnor chor lâuk, pos zơưs, niêv thiêz txir têx suôz sênhr cưr cxiêx cux uô trâu pos Ban nhiêv cơưs nhoz trơưr siêz tsik plox. Txix muôx 12 shông, pos Ban tưz đros nưk niêv muk hêikcưr cxiêx hâur têx hnuz kriz ntênhk hội hâur thax tsav qơư nhoz. Đhâu ntâu shông cơưv shâuv thiêz nthuôr uô cêr lov jêv hêik cưr cxiêx hâur têx hnuz kriz ntênhk hội hâur huyện, tỉnh thiêz uô trâu chôngz lênhx ntâu tus nhiêv txos pos Ban luz suôz sênhr hêik cưr cxiêx. Pos Ban hêik pâuz:

          “Hêir nênhs poz ziz têx suôz sênhr cưr cxiêx muôx ntâu zav hêik txơưr tsik siz thôngx thiêz muôx iz cxiê jax hêik đros trax thiêz yuôz kênhx đros. Phênhv ntâu nhiv no zos yuôz trax, yuôz kênhx đros suôz sênhr cưr cxiêx”

Lò Thị Ban zos iz lênhx nhiêv thiêz moz siêz txos zuk hêir nênhs poz ziz têx txux chi, vênhx huôv jông thiêz hâur ntâu shông đhâu lok no tâu tsôngv tuz nxêik hluôk poz ziz nhoz jos Hìn xêir uô tus sêiz car chor tuz nxêik nthuôr uô cêr lov jêv, hêik cưr cxiêx hâur jos. Pos Tòng Thị Mai, Bí thư chi bộ, tsar jos Hìn, Phường Chiềng An, đrôngl Sơn La hêik pâuz:

“Txix thâuv cxiv tsa tâu qơư khơưk tsês thiêz huôv tsar hêir nênhs poz ziz têx txux chi, vênhx huôv jông; hâur ntơư, cux paz trâu pos Lò thị Ban, zaz zâuv tâu chôngz lênhx ntâu tus đros cơưv shâuv zuk hêir nênhs poz ziz têx txux chi, đhiê pax vuôs, suôz sênhr cưr cxiêx cov muôx đros đrêiv hâur luz nênhx tsik chiê pôngz plox”

Sir tas đas jos tsưr ziv cơưv shâuv thiêz khơưk tsês-huôv tsar hêir nênhs poz ziz têx txux chi, vênhx huôv jông cxôngx nzor, pos Lò Thị Ban tưz muk đros tưr nthuôr uô cêr lov jêv, hêik cưr cxiêx trâu ntâu thax tsav qơư, tâu tỉnh Sơn La thiêz iz cxiê tỉnh txơưr muôz ntâu ntơưr kruôk thiêz nhiv no, pos Ban cux tsênhv niêx hnuz kriê zuk hêir nênhs têx txux chi, vênhx huôv jông trâu têx tuz nxêik cơưv shâuv tsik chiê zuk hêir nênhs têx txux chi, vênhx huôv jông trâus pôngz plox.

“Cur tsênhv zuôr tror sir jos kriê zuk hêir nênhs poz ziz têx txux chi, suôz sênhr hêik cưr cxiêx trâu chor tuz nxêik hluôk; hâur ntơư, muôx hur si chor nhoz hâur qơư khơưk tsês chiê hêir nênhs poz ziz têx vênhx huôv jông hâur jos tsik chiê zuk hêir nênhs têx vênhx huôv jông trâus pôngz plox”./.                 

Tsu cxêik-nhênhv-Lường Hạnh