fuô kriê chei têz qơưs trâu tsôngv px thax tsav ntus đriv poz hiêr faz Baz

Hâur 3 shôngk ntâu đhâu, Bộ côx phax li Ban sêiz car tưz fuô yax kriê chêi têz qơưs trâu cán bộ, tsôngv box thax tsav ntus đriv, poz hiêr ntu 2017-2021 tưz sik côngv đros 10 tiv phaz tsưr tsix zuôr chênhz zênhv, nhênhz chơưv, cxiv sâu thiêz muôz yênhx cxênhz zav ntâuz ntơưr, chuôz zênhx trâu 1 cxênhz 100 ntâu xã phường, thị trấn hâur thax tsav ntus đriv, poz hiêr, taz viv quân đội. Nhoz cấp tỉnh, têx lớp kriê cơưv cxaz nzir lok chêi têz qơưs, tas nro tsôngv box đros por vêv tsưr qênhx têz qơưk, txiv ngaz ntus đriv têz qơưk hâur qênhx shênhx yiêz tâu krêz uô đêz đar.

          Hâux lưv yax mông tâu têx taz viv quân đội, công an, hải quan, kiểm ngư, têx CLB heik kriê phuôx lix nhoz ntơưv qơư hlôngr yiêz uô uô cê đhâu ntâu tsaz yênhx, huôx tôngv nghệ thuật, tso phim, ntơưv têx jiês thik nriêr pâuz lok chei têz qơưs. Têx taz viv tưz sik côngv tsưr tsix zuôr xar 600 jiês yax mông đros 370 cxênhz ntâu lênhx mnôngs, cxiv tsa 3 cxênhz ntâu tuêv fuôx gox taz por, 530 ntâu qơư tsav yêz gox đêx chiv chir coar lik, 110 ntâu tuêv HTX sik côngv siêz. Zơưv Lê Văn Sáng, tsôngv box xã poz hiêr Vĩnh Thực, TP Móng Cái, tỉnh Quảng Ninh puz pâuz:

          “Bộ đội pênhz phax thâuv tưs cux tsov cưv đros qênhz yuôx, sik côngv tuêv chiv chir coar lik jêx jos, dân quân, công an tiv phaz yax mông txos yênhx tiv phaz. Tsôngv box lok six sir jos gôngr côngv, viv pâuz cêr chei lơưv mak, yax six gôngr côngv hu grus têx cuiv, cxiv tsa cxuô zav trâu tiv phaz”.

Đhâu 3 shôngk ntâu krêz uô hâux lưv yax mông, fuô kriê chêi têz qơưs trâu cán bộ, tsôngv box thax tsav ntus đriv thiêz cán bộ, tsôngv box thax tsav ntus đriv poz hiêr; đhâu co, cán bộ thiêz tsôngv box thax tsav ntus đriv poz hiêr tưz huôv tsar cêr uô nênhx trơưk li têz qơưs têx chêi kriê, têx txuz uô cxâuv chei tưz txu grês, qênhx shênhx phamv cxâuv muôx lênhx coaz txos nhiês muôv muôs hax huv chuôr, nênhs phamv cxâuv zax zênhz muôx têx hlôngr yiêz tsênhz mênhx. Tsôngv box sir jos đros lưx lươngv muôx txơưx jênhv coar lik, por vêv truôx tul tsưr qênhx têz qơưk.

          Xav tênhv têx phêv liv muôx lênhx coaz txos tsôngv box thax tsav ntus đriv poz hiêr li hâux lưv xênhz huôx, hâux lưv hlôngr yiêz jênhv pâuz tsênhv kênhz thiêz tsi tâu truôx, Ban chox kriê Đề án tsưr tsix zuôr chênhz zênhv, tso tơưv têx tsưr ziv chuôz tsar sik côngv đros têx lưx lươngv, uô ntâu tsưr ziv yax mông li “Iz lênhx tsôngv box zos iz lênhx yax mông lok chêi têz qơưs”. Thiếu tướng Nguyễn Anh Tuấn, Chủ nhiệm chính trị Bộ tư lệnh Bộ đội pênhz phax puz pâuz:

          “Tsưr ziv zuôr txos zos tror trơưk Ban bí thư Trung ương Đangv li Chỉ thị 32, phuôx huiz Mặt trận tổ quốc, têx Sở ban nganhx đoanx thêv tỉnh, huyện, xã li pưs txux. Qơư tsov txos zos muôz siêz jênhv pâuz lok chei têz qơưs. Thâuv tsôngv box tưz pâuz thôngz chei têz qơưs, tsôngv box cux zuôr uô tâu trơưk têz qơưs têx chêi quy tênhv muôx lênhx coaz txos thax tsav ntus đriv, poz hiêr”./.

(VOV4-Txâur Vax cxeik nhênhv)

Zơưv Zax Seo Giáo tsưr ziv huôv tsar uô nox

Tsôngv box….! Zơưv Zax Seo Giáo, 54 shông, heir nênhs Hmôngz nhoz jok Lả Gì Thàng, xã Tả Văn Chư zos lênhx uô ntêx nyuôs hâur phongz yaox huôv tsar uô nox uô hâuk coz ntơưv huyện Bắc Hà (Lào Cai). Đros trâu tsưr ziv huôv tsar tu zus tsiêx cxu, chos ntông nox txir, jôngr ntông tưz uô tâu trơưk tsưr ziv xar, gra lok phênhv sâu tâu ntâu trâu chuôz zis.

Hlôngr suôz: Chox pêz muk ndis seiz têx liêx têz, qơư tu zus tsiêx cxu, zơưv Zax Seo Giáo kriê lok chuôz zis tsưr ziv huôv tsar uô nox, tu zus têx tsiêx cxu. 10 ntâu shông uô ntêx, zơưv chuôz zis cux pluôs thiêz txov nhêv iz zav li cxuô chuôz zis nênhs Hmôngz nhoz xã tox siêz Tả Văn Chư. Zơưv Giáo seiz njiê zuk chuôz zis muôx ar liêx têz, taz sik zos chos poz cưk, uô blêx xưz mak zuôr tsi tâu pêk tsơưs.

Đros trâu têx sir jos khưr huôv tsar uô nox, moz siêz cơưv shâuv, cơưv cxaz têx tsưr ziv uô kôngz, tu zus tsiêx cxu zos xã, huyện tsưr tsix. Zơưv huôk njôngr six hơưv, hnuz nhôngs muk ndis seiz, cơưv shâuv luôs lưv tus txơưx huôv tsar uô nox hâur thax tsav qơư li tsưr ziv chiê tror lok uô trơưk. Thâuv qir têk hlôngr yiêz zuz nôngz tsoz chos, tsiêx tu zus, zơưv Giáo sir jos huôv tsar têx tsiêx cxu, chos têx yuôx đrox njuôz, tsoz chos ntông nox txir li: Txir khơưz, txir juôx….. Zơưv Giáo tsênhv moz siêz yưv pênhr huôv tsar tu zus têx nhux tưv chiê muôs thiêz. Zơưv cxiv uô qơư zus, bax chos têx tâux, zôngv têx kuôr cưk, kuôr blêx , hmôngr cưk….puz tsiêx cxu; bax tsưr ziv pahxx tir thêir moz ơưk thiêz no trâu têx tsiêx cxu tu zus. Khov li co 10 ntâu shông lok no, zơưv Giáo chuôz zis zos chuôz zis uô ntêx nyuôs tu zus ntâu têx tsiêx lox nhoz Tả Văn Chư, muôx 20 ntâu tus nhux tưv. Hâur shôngk shông no, zơưv Giáo chuôz zis nhiv kruôr muôs 2 tus nhuôv tưv, tâu zuôr xar 50 tsov đeiv.

Nhạc cắt

Heik kriê lok têx tsưr ziv tu zus nhux tưv tâu trơưk tsưr ziv, zơưv Giáo heik pâuz: “Niêx shông, puôr lênhx zuôr yuôx lok cxax phax phôngz moz ơưk trâu nhux tưv. Nhoz thax tsav tox siêz, lax iz kro zos hâur cheix ntux no njiv khênhr uô ruôr hiêv txos têx tsiêx, chênhr viv li, zuk tsuv uô qơư ntov jông, khor kho thêir chuô txiêk. Uô ntêx ntơư, tsuv bax tsês têx kuôr blêx, chos tâux uô jâuz nox trâu tsiêx hâur têx hnuz ntux no njiv; muôz đêx sor tor shơư njêr trâu nhux tưv hâuk, uô cuô đik, hâu krâur cưk….trâu tsiêx nox nzir chiê muôx đas jos pahxx tir no thiêz moz ơưk. Tiz jông tu li ntơư, viv li têx shông đhâu, chuôz zis paz nhux tưv tưz tsi muôx tus tưs trâul tuôs yeiz, tuôs no thiêz moz hlo”.

Nhạc cắt

Txix shông 2017 txos nhiv no, zơưv Giáo chuôz zis zos chuôz zis uô ntêx nyuôs hâur chos têx yuôx đrox njuôz hâur thax tsav qơư. Shông 2020, txix txiêr sâu 0,5 ha têz yuôx đrox njuôz, đê têx txir khơưz, txir juôx muôs, chuôz zis tâu xar 170 tsov đeiv. Shông 2021, zơưv Giáo chuôz zis krêz uô nzir iz ha liêx têz, chos têx yuôx đrox njuôz thiêz.

Tsi tiêk huôv tsar chos têx yuôx đrox njuôz, tu zus tsiêx cxu, zơưv Giáo tsênhv krêz nzir qơư uô trôngx tos, muôx phênhv sâu tâu tsi tsơưs trâu chuôz zis. Xav hur si têx phênhv sâu tâu txix uô kôngz, tu zus tsiêx cxu, uô trôngx tos muôs, iz shông zơưv Giáo muôx phênhv sâu tâu xar 200 tsov đeiv.

Zơưv Giáo tsưr ziv huôv tsar uô nox, zov chênhr zos chos têx yuôx đrox njuôz, ntông nox txir thiêz tu zus tsiêx cxu zos huv đros trâu uô kôngz, tu zus têx tsiêx cxu nhoz thax tsav tox siêz. Tsưr ziv uô no tưz tâu ntâu lênhx px tuôx ndis seiz, cơưv shâuv thiêz uô trơưk.

Nhạc cắt

Tsôngv box….! Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đeix TNVN iz suôv faz  Bắc đros Tsênhv qơư cxiz kôngz têz qơưk uô./.

 (Lầu Chia BT-Riê Lâux cxeik, nhênhv)