Bắc Kạn: Tsưr ziv gra siêz HTX li têx hâux lưv uô

Shông 2016, Bắc Kạn tsuôk muôx 45 HTX muôx txâuk têx ntâuz ntơưr huôv tsar uô, taz sik txos nhiv no thax tsav qơư co tưz muôx txos 200 HTX, 1.800 lênhx  thiêz 125 qơư sik côngv uô. Li ntơư, taz sik têx li heik no ho uô tsi tâu kinh tế-XH chuôz ndê. Iz zav li hâur 6 luz hlik hâur shôngk shông 2020, muôx xar txos 50% HTX tâu seiz zos uô tâu hâux lưv truôx, taz sik phênhv sâu tâu xav kror đruôz đraz hâur 6 luz hlik đhâu, iz HTX cux tsuôk sâu tâu nhos 20 tsov đeiv. Ntâu HTX tsuv tso tsês tsi uô hâux lưv lok sik zôngx ziv trâul cơư trôngx.

Qir tiv mak ntâu taz sik phênhv ntâu cux zos huôv tsar uô sei chiê tok têx dưv anr paz max, thâuv tsi tâu muôx tsưr ziv huôv tsar uô lax luôv fiv đros, tsi pov kaz zok nriêr qơư sâu zuôr truôx tuk têx xiv huv. Zơưv Nguyễn Đình Tân, Giám đốc HTX uô chơưr txir tsơưz Tân Dân heik pâuz:

“Kror phiv liv yax têx HTX njiz trâul zos qơư sâu zuôr têx xiv huv. Uô tâu lơưv mak tsi pâuz muôs kror tưs, muôs li chas. Muôx iz cxiê xiv huv, lơưr têx ciêz lox tưz lênhk nhav zuôr ntâu, taz sik ho uô tsi txâuk trâu lơưr viv li tsi car uô, tsi car hux jos chiê tsiv uô”.

Tsik zôngx ziv hu zâuv tâu têx pênhr uô, cux zos iz phiv liv trâu têx HTX nhoz tỉnh Bắc Kạn. Ntâu HTX lơưr  muôx chuôz zênhx chiê ntâuk gri kêr txeik pênhr nhiêx, lok sik khov trâu iz cxiê lênhx nênhs uô hâux lưv co zos chênhr….viv li lok six phiv liv trâu lês uô têx hâux lưv uz no. Iz zav li iz HTX iz txưv muôx suôz bê đror nhoz huyện Pác Nặm tưz tso tsês tsi uô hâux lưv đhâu thâuv Giám đốc muk uô hâux lưv saz đrâuv luôs 2 chas têz qơưk; iz cxiê HTX cxaz chuôz têx dưv anr tu zus tsiêx cxu viv li hur tiz si cxuô zav puôr lênhx zos khov trâu fuô uô dưv anr. Iz cxiê qơư uô tâu mê njik hâux lưv, taz sik cux uô tsi tâu ntâu, tsi muôx cêr siz paz, sik đros uô…. Zơưv Dương Văn Huấn, Chủ tịch Liên minh HTX tỉnh Bắc Kạn heik:

“Đros thiêz têx HTX tsênhv uô hâux lưv mak tsuv kriê cxaz têx txux chi tsưr ziv yuôr trâul trâu chor nênhs uô hâux lưv hâur HTX, lar heik zos hâur seiz car. Tiv 2 zos tsuv cxiv uô tâu têx trâur nuv jông hâur têx nuv uô chiê luôs lưv tưs cơưv shâuv, uô trơưk. Tiv 3 zos tsuv muôx cêr siz paz, sik thôngx siêz nhoz ntâu ngênhx, tsi tiêk lol sâuv pênhr mak hur si lok sâuv gra siêz txux chi tsưr ziv seiz car, zok nriêr qơư sâu zuôr, uô lơưr têx tsưr ziv uô nox yiêz….”.

Tsênhz tiês tso pov, têx trâur nuv HTX uô tâu hâux lưv, phênhv ntâu puôr lênhx uô trơưk têx tsưr ziv yiêz hâur huôv tsar uô kôngz, zôngv têx zav nôngz kôngz yiêz, nôngz tsiêx cxu jông lok zus…. Tix lâus Lường Đình Hùng, lênhx nênhs xar thiêz cxiv uô tâu HTX hluôk nênhs Như Cố tsênhv xar li no: Têx HTX tsênhv tsuv muôx txos têx tsưr ziv uô fiv đros hâur seiz car, phênhz pheiz têx xiv huv muôs hâur ciêz đrôngs:

“Đhâu 2 shông yênhx lix, HTX cux uô tâu trơưk tsưr ziv, siêz xar, nthuôr uô đar, muôz jông six hơưv, têx txux chi jông thiêz yiêz trâu huôv tsar uô nox, txix uô tsơưs iz kro mê njik txos trâu uô ntâu, uô trơưk têx tsưr ziv yiêz. Txix tsưr ziv xar tâu lok uô, têx zav tsoz chos thiêz iz cxiê zav huv uô ndar txos cêr huôv tsar uô nox yiêz thiêz jông đuô, reik đros trâu tsiv uô đhâu sâu tas. Iz zav li têx điz iêz kuk, pêz tsi muôs nhôngk, mak muôz jiêz, muôz kra cov kruôr chiê râuz đêx hâuk, muôx têx tâu muôs hâur niêx shông, tsi trâul cxơưx lok sâuv por hưv tsês li chas….”.

Bắc Kạn zos tỉnh tox siêz tsênhv yuôr ntâu txov nhêv, chênhr viv li, trâur nuv HTX thiêz têx tổ hợp tác zos fiv đros, muôz six hơưv trâu lênhx nênhs, chuôz zis px hlôngr yiêz tsưr ziv huôv tsar uô nox uô hnar, gra lok phênhv sâu tâu trâu chor nênhs heik sâuv, thiêz paz zov chênhr trâu cxiv tsa jêx jok yiêz hâur thax tsav qơư./.

(VOVĐB-Riê Lâux cxeik, nhênhv)

Lênhx pox niêv công an lok uô hâux lưv ntơưv xar

Tsik so muk trâu tiv phaz “Đros px nhoz, đros px uô, đros hêik luk mênhx cxưx….” Trung tá Vũ Thị Thanh Thủy nhiv no tưz tâu pox nhuôs nhoz xar Yên Hợp, huyện Văn Yên, tỉnh Yên Bái sêiz xưk li zos nênhs hâur tsêr.

Tâu pêx xênhv sir jos paz, viv li qênhx shênhx ngaz tuk sâuv thax tsav mak Trung tá Thủy đros sơưr đơưk tâu phêiz côngz sêiz car tsik so tâu tuôr chiê truôx tuk. Txix hâur shôngk shông txos nhiv no, Công an xar Yên Hợp tưz sik côngv xưv lik 2 txuz tuz saz, xưv lik 4 txuz uô cxâuv hành chính, hlôngr đuô yiêz 130 ntâu fâu ntơưr hộ khẩu trâu pêx xênhv sâuv thax tsav. Pos Đoàn Thị Thanh Dung, Bí thư chi bộ jok Yên Dũng, xar Yên Hợp, huyện Văn Yên puz pâuz:

“Nhiv kruôr đhâu muôx Công an chính quy lok xar, tiv zix zos muôx iz lênhx zos pox niêv. Cur pov lênhx pox niêv công an no mak lok six sưv jê thiêz phêiz kênh đros pêx xênhv sơưr đơưk”.

Shông 2019, thâuv pâuz muôx tsưr ziv chiê cán bộ chính quy lok tiv phaz, Trung tá Vũ Thị Thanh Thủy thâuv co tsênhv uô côngz xưv ntơưv Công an huyện Văn Yên tưz hêik ciês trâu lênhx tov cơ quan thiêz jênhv lok uô côngz xưv ntơưv xar Yên Hợp, xar tox siêz tsênhv yuôr ntâu txov nhev nhoz huyện Văn Yên.

Thax tsav yiêz, qơư thiêz têx hâux lưv uô cux yiêz, viv li niêv tix tsuv tas ntâu six hơưv hnuz nhôngs chiê muk trâu cxuô thax tsav nriêr pâuz lok qênhx shênhx thiêz tas nro cxuô lênhx nênhs, ziv chuôz zis li luz nênhx…đros co zos chiv chir cơưv shâuv nzir txux chi uô hâux lưv chiê uô tiêr jông têx hâux lưv tâu choz… Trung tá Vũ Thị Thanh Thủy hêik:

“Thâuv lok uô phưv Công an xar Yên Hợp mak cux njiz iz cxiê kror phiv liv. No zos iz luz xar muôx cêr muk lok phiv liv, zos iz kror qơư yiêz, hâux lưv uô yiêz viv li cur tsuv sir jos cơưv shâuv nzir txix sơưr đơưk chiê uô tâu jông đuô têx hâux lưv tâu choz…).

Hêik kriê, zoz zux, nus, hêv chor nênhs fêv…zos têx hâux lưv thâuv ntêx no tsuôk tâu chor công an zos txir nênhx uô, nhiv no Trung tá Vũ Thị Thanh Thủy cux tưz sir jos đros uô. Chênhr đros têx sir jos, thiêz txơưx uô hâux lưv, lênhx pox niêv Trung tá no tưz hêik tâu chôngz lênhx nênhs hlôngr đuô cêr uô nênhx, paz ngaz tuk qênhx shênhx sâuv thax tsav. Zơưv Bùi Xuân Thành, Chủ tịch UBND xar Yên Hợp, huyện Văn Yên hêik:

“Xar Yên Hợp cux tưz muôx iz lênhx Công an pox niêv lok uô côngz xưv ntơưv tiv phaz, lênhx pox niêv no tưz uô jông zos iz lênhx chiến sỹ Công an sir jos, tsik cxơưx txos têx phiv liv, cêr txov chiê uô cov tiêr jông têx hâux lưv tâu choz zok”./.

(Đinh Tuấn-Lik Thox cxêik nhênhv)