ax sâu thưr 7, hnuz 17/12/2016:

Tuôx trâu Mường Lò-Thax tsav muôx têx txux chi vênhx huôv pax vuôs

      Nhạc xòe……dẫn trên nền nhạc……..

     Mường Lò tâu seiz zos nênhs Thêir faz Tây Bắc li qơư nhoz. Thax tsav no cux tsênhv tuôr tsês chiê nênhs Thêir ntâu txux chi vênhx huôv jông, hâur ntơư muôx têx jax đhiê pax vuôs xòe. Pax vuôs xòe thâuv tưs cux tâu chor nxeik heir nênhs Thêir por hưv tsês, siz kriê shâuv đhiê trâu sđ seiz hâur đhâu ntâu tiêv. Lò Văn Biến, phường Trung Tâm, thị xã Nghĩa Lộ, tỉnh Yên Bái heik:

     “Têx txux chi vênhx huôv mak tâu ntâu lênhx txix têx hloz txos têx zâu, lâuk hluôk  lênhx tưs cux xar đros nthuôr uô lov jêv, đhiê uô si, ntơư zos pax vuôs xòe xưz, viv txux chi vênhx huôv no zos sđ puôr lênhx muôx vax huôv siz luôs, chênhr li ntơư thâuv nênhs Thêir muôx cêr lov jêv li: Nox yôngz cok lok sik ndê tsêr yiêz…..zos tsi đhiê pax vuôs xòe mak tsi lov jêv”.

      Trơưk li têx lâuk, pax vuôs xòe muôx 36 zav đhiê taz sik cux puôr lênhx zos nthuôr uô txix 6 zav đrav ntêx. 6 zav đhiê no tsi tiêk chiê nthuôr uô trâu sđ seiz, mak ntơư tsênhv zos côngv thôngx nênhs Thêir li cêr uô nênhx, tsưr ziv xar txix ntâu tiêv lok no. Têx zav đhiê pax vuôs xòe heik sâuv, iz zav nhiêk muôx nhiêk iz kro jông heik lok luz nênhx li: đhiê lok sâuv sđ cêr sik thôngx siêz, uô cưr uô tix, cêr nênhx cêr tsar; đhiê lok sâuv hu zâuv tsôngv kruô hâuk chơưr, nox kaz hâuk luôs, đhiê heik lok têx cêr lov jêv, shir phaz hâur nox yôngz cok, ndê tsêr yiêz….. Pos Nhung Thị Tiên, nhoz xã Sơn A, huyện Văn Chấn heik:

      “Têx jax đhiê pax vuôs xòe zos heik lok sâuv nênhs Thêir luz nênhx vênhx huôv hâur niêx hnuz muôx li chas mak uô li ntơư. Chênhr viv li đhiê pax vuôs xòe zos uô trâu sđ muôx cêr thôngx siêz, siz sưv jê đuô….”.

      Têx pax vuôs xòe lâuk đrav ntêx tưz muôx kênh ntu trâus pôngz plox jux juk, tsi yuô muôx lênhx tưs pâuz txos, taz sik tưz tâu thị xã Nghĩa Lộ tror cxiv sâu, shâuv uô đuô kuôk no xar muôx 10 shông, đhâu ntơư tâu têx lênhx txơưx sênhr chêr, đhiê uô tâu jông kriê trâu têx tuz nhuôs cơưv shâuv. Nhiv no ntơưv thị xã Nghĩa Lộ thiêz huyện Văn Chấn muôx yênhx cxênhz lênhx nênhs txơưx sênhr chêr đhiê uô tâu jông. Hli 9 shông 2015, 6 zav đhiê pax vuôs xòe trâur lâuk đrav ntêx ntơưv thị xã Nghĩa Lộ tưz tâu côngz jênhv zos têz qơưs txux chi vênhx huôv trâur lâuk jông. Têx côngz jênhv ntơư tưz gra cêr shir phaz chiê trâu côngv thôngx nênhs Thêir nhoz Mường Lò tror tuôr truôx, por hưv chiê têx txux chi đhiê pax vuôs xòe. Pos Hoàng Thị Hồng Hạnh, Phưv chủ tịch UBND thị xã Nghĩa Lộ heik pâuz:

     “Hâur tuôr truôx, por hưv chiê thiêz huôv tsar nthuôr uô tsôngv box heir nênhs tsơưs nhoz no têx txux chi vênhx huôv jông thâuv nzor mak pêz moz siêz txos por hưv chiê tsôngv box Thêir 6 zav đhiê pax vuôs xòe đrav ntêx. Hâur têx shông đhâu mak pêz tưz hu zâuv tâu chor nênhs nhênhz chơưv vênhx huôv Thêir đros cxaz chuôz kriê đuô têx zav sênhr chêr đhiê pax vuôs xòe ntơư trâu têx tuz nxeik hluôk, txix ntơư huôv tsar đhiê uô tâu jông trâu sđ seiz. Nhiv no hâur hur si têx cêr lov jêv mak thâuv tưs pêz tsôngv box nhoz no tưz tsuv muôx đhiê pax vuôs xòe, viv đhiê uô si, lov jêv li ntơư zos uô trâu sđ muôx cêr thôngx siêz thiêz heik lok pêz tsôngv box nhoz no li cêr nhiêv kruô thâuv tsôngv kruô sđ tuôx ndis seiz, uô si txos ntơưv qơư”.

       Nhạc xòe….dẫn trên nền nhạc…..

     Txux chi cêr lov jêv pax vuôs xòe zos tiêk tâu côngz jênhv zos txux chi vênhx huôv jông, zuôr paz cxơưz gra siêz zav txux chi no trâu hâur têz qơưs thiêz sâuv ntiêx têz; đhâu ntơư gra siêz côngv thôngx sđ ntơưv qơư tsưr ziv jênhv pâuz tror sik đros por hưv, tuôr tsês chiê jông côngv thôngx nênhs Thêir têx cêr nênhx vênhx huôv thâuv nzor heik taz thiêz VN têx txux chi vênhx huôv jông heik cxuô. Iz chas ntơư, co cux chênhr zos six hơưv chiê pax vuôs xòe Thêir yênhx iz zav xiv huv ju lix jông, ziv hnuz ziv hu zâuv tâu ntâu lênhx tsôngv kruô tuôx ndis shuôs uô si txos Yên Bái thiêz thax tsav Tây Bắc./.

Đinh Tuấn-Riê Lâux cxeik, nhênhv