Yên Bái: Chuv tôngv phax tar ntux no trâu tsiêx cxu nhoz tox siêz

          Bản Mù zos xã muôx tsiêx cxu chôngz tiv zix nhoz huyện Trạm Tấu, đros thiêz 6 cxênhz ntâu tul. Tsi taz chiê leix têz, phưx vưv uô xênhz yar kôngz nuv, chor tsiêx cxu tsênhv zos tsôngv box tox siêz li têx tsiv gri hâur chuôz zis. Chênhr viv li, pox nhuôs lok six tsưv zưv hâur hâux lưv por vêv paz tsiêx cxu. Tix lâuk Tsu Xênhv Zax nhoz jos Khấu Ly, xã Bản Mù puz pâuz:

          “Mông”

          Tix lâuk Thắng Xênhv Zax nhoz jos Khấu Chu, xã Bản Công cux puz pâuz, chuôz zis li 5 tul tưv tưz tâu cxax yuôx phax moz cxix cxuô, hâur 2,3 hnuz ntux no njiv no puôr lênhx tâu cơư hâur guôx chiê tsoz phưz:

          “ Mông”

          Xã Bản Công, huyện Trạm Tấu muôx 1 cxênhz 300 ntâu tul tsiêx cxu. Tiv nhoz têx jêx jos tsi muôx qar tso nhux chiê seiz viv li hnuz tưs, iz cxiê chuôz zis cux tso nhux mul pêv har jôngr chiê nos jâuz. Zơưv Hồ Xênhv Tsaz, Chủ tịch UB xã puz pâuz, lok têx hnuz ntux no njiv, xã vênhv tôngv thiêz heik kriê pox nhuôs lơưr tas nhux lol cơư hâur guôx:

          “Hâur six hơưv ntux no njiv, pêz chox kriê pox nhuôs tsi tso nhux mak tsuv cơư hâur guôx. Pêz pheiz côngz jênhv vưv trâu cán bộ xã mul têx jêx jos yax mông pox nhuôs their guôx thiêz cxênhx tsês jâuz trâu chuôz zis li paz tsiêx cxu”.

          Nhiv no, huyện Trạm Tấu muôx 32 cxênhz ntâu tul tsiêx cxu, chuôz ndê 1 cxênhz 300 tul pir đros tsêz no; hâur co, paz nhux tưv nhux đas muôx 13 cxênhz tul. Uô tsưr ziv phax tar ntux no shông no, tưz muôx 87% chor chuôz zis tu zus cxiv guôx jông chiê cơư tsiêx cxu. Hâur têx hnuz ntux no njiv, 100% têx chuôz zis zôngv ntâuz tax their guôx, zôngv nhaz blês lok sik têx chuôz zênhx txơưr chiê their guôx cov sor si. Phênhv ntâu têx ziv chuôz zis puôr lênhx cxênhx tsês jâuz krâur trâu tsiêx cxu li: nhaz blês, jâuz tâux kruôr, njêr, krâur....Tiv zix, ntơưv têx xã, thị trấn tưz cxênhx tsês zuôr xar 2 cxênhz 500 pơưs nhaz blês trâu tsiêx cxu nox hâur cheix ntux no./.

                     (Đinh Tuấn- Txâur Vax cxeik nhênhv)

Đắk Lắk: Ntâu ziv chênhv nus lok uô chor tsênhv chêi trâu tsôngv box mênhx cxưx tsơưs nênhs

Nus zơưv Giám đốc Sở Nội vụ lok hâux lưv uô kênhz hâur côngz xưv xêir zuôr đros thiêz chor mênhx cxưx tsơưs nênhs tưz cơưv tiêr đại học zos nênhs tâu cử tuyển muk cơưv uô trâu chor nênhs no tsik tâu paz lok hâux lưv uô, têiv plor H’Blă Mlô, tổ têiv plor thị xar Buôn Hồ hêik ziv chênhv:

“Đros thiêz chor nhuôs mak lơưr siêz xar nhiv no lok six cxơưx thiêz hâux ưv lok six hnhar taz sik tsik tâu qênhx liv đaz tsi. Tiv oz chiê xêir tsov muk cơưv nzir chor lớp lý luận chính trị mak chor nhuôs cux tâu muk viv li nhiv no, pêz vav tiêk uô chak cov têx tsênhv chêi nzor xêir zuôr chor nênhs co cov muôx tâu hâux lưv uô truôx hâur ntu zuôr txos”.

Têz lok tsênhv njiêz no, zơưv Miên Klơng, Giám đốc Sở Nội vụ Đăk Lăk puz pâuz: Shux xênhz cơưv tiêr Đại học zos hệ cử tuyển tsuv cxaz chuôz xêir zuôr côngz chức, viên chức lơưr Luật cán bộ, công chức thiêz Luật viên chức li cuiz tênhv, tsik zos uô lơưr txêik jênhv thiêz chiê uô hâux lưv đhâu thâuv cơưv tiêr ntơưr li thâuv ntêx.

“Txix thâuv muôx Chính phủ li cuêz tênhv 134, đhâu co Chính phủ tso tơưv nghị định 49, cuiz tênhv kho đuô iz cxiê grê nghị định 134 muôx cuiz tênhv: đros thiêz nênhs cử tuyển zos tsôngv box mênhx cxưx tsơưs nênhs cơưv tiêr ntơưr tsuv tâu uô lơưr tsưr ziv xêir zuôr lok sik thik tưr. Viv li đros zuk li txơưx jênhv, Sở Nội vụ tưz hêik trâu Ủy ban tỉnh qênhz shuôk đuô tsik chiê tsênhv yuôr lênhx tưs hlo. Nhiv no pêz tsênhv hêik trâu ủy ban tỉnh bax yênhx lix Hôiv đôngx xêir zuôr chor shux xênhz no. Hâur ntu zuôr txos, pêz zuôr kriz uô. Nhiv no đros tỉnh Đắk Lắk yuôx 6 lênhx nênhs”.

Cik txos vênhv thix cêir chêx ar nhoz, ar uô xênhz yar trâu tsôngv box mênhx cxưx tsơưs nênhs ntơưv qơư sâuv thax tsav tỉnh, têiv plor Y Sy Thắt Ksơr, huyện Buôn Đôn hêik:

“Nhiv no tiv qênhx shênhx phêiz chuôz hâur thax tsav tsôngv box mênhx cxưx tsơưs nênhs tsênhv chuoz ndê yênhx shông, viv li zoz qơưx lok ar nhoz ar uô xênhz yar cux zos kror sêi đrơưv tsuv tâu uô đros. Sâuv thax tsav huyện Buôn Đôn hêik taz, têx thax tsav txơưr đuô sâuv tas nro tỉnh hêik cxuô cux njiz trâus vênhv thix cêir chêx ar nhoz, ar uô xênhz yar trâu tsôngv box mênhx cxưx tsơưs nênhs, đros qênhx shênhx no mak pêz cux tsik tâu muôx iz tsênhv chêi cxuô, tsênhv tsênhz tưs lok vênhv thix no. Đros muôx pưk txux zos cơ quan paz hêik pâuz trâu UBND tỉnh, Sở Tài nguyên-Tênhv qơư tưz muox tsưr ziv li chak chiê cêir chêx qênhx shênhx no”.

Têz têiv plor Y Sy Thắt Ksơr, zơưv Bùi Thanh Lam-Giám đốc Sở Tài nguyên thiêz Tênhv qơư puz pâuz, uô tsênhv chêi cêir chêx ar nhoz, ar uô xênhz yar trâu tsôngv box mênhx cxưx tsơưs nênhs, tỉnh Đắk Lắk tưz cêir chêx ar nhoz trâu zuôr xar 5.500 ziv chuôz zis đros thax tsav xar muôx 145 ha, ar uô xênhz yar trâu 7.700 ziv chuôz zis đros dar muôx 2.700 ntâu ha. Đros co UBND tỉnh tưz tso tơưv ntâu Quyết định uô têx tsênhv chêi paz huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz ntu 2017-2020 đros tas nro chor chuôz zis tsôngv box mênhx cxưx nhoz ntơưv qơư tsik muôx ar nhoz, ar uô xênhz yar zos 17.400 ntâu ziv chuôz zis, zoz qơưx ar tsuv muôx zos 5.700 ntâu ha.

Suôv câuv jiês nus, zơưv Y Biêr Niê, Chủ tịch Hôiv đôngx sâu jênhv thiêz ntâuk gri siêz chor têiv plor hôiv đôngx tỉnh li têx ziv chênhv. Thôngx cxix, hêik UBND tỉnh thiêz têx Sở, ban nganhx cik txos tsuv sâu jênhv, cêir chêx thiêz qênhz yuôx hâux lưv cêir chêx chor têiv plor têx luk nus co./.

(TTTN-Lik Thox cxêik nhênhv)