Têx pox niêv sir jos huôv tsar uô nox

Đhâu cơưv tiêr đại học, niêv tix Nguyễn Thị Khuyên, xênhz zus shông 1983, nhoz đrôngl Yên Bình, huyện Yên Bình, Tỉnh Yên Bái lok uô hâux lưv trâu iz luz tsêr mêir xi măng sâuv thax tsav.

Hâur shôngk shông 2018, pov tâu chôngz lênhx nênhs sir zôngv têx vuôk vor tsêr nhoz Yên Bái thiêz têx tỉnh iz ndis ziv hnuz ziv ntâu, đros têx txux chi cơưv tâu thâuv uô hâux lưv hâur tsêr mêir xi măng, thiêz đros muôx Đề án “paz trâu pox niêv uô nox”, “hluôk nênhs uô nox”, niêv tix tưz txêik tâu 3 tiv đêiv kriz uô vuôk tsik hlơưr Nasaki lơưr công nghệ Nhật Bản, uô tâu 2 triệu ntâu đêiv iz shông đros muôx 3.000 ntâu zav. Taz sik, nhiv kruôr kriz uô tâu muôx iz đraz shông, qơư muôs tsik tâu muôx, kriz uô tsik truôx tuk…chor nênhs đros uô, chor công nhân txơưx uô hâux lưv puôr lênhx tso tsês. Tsuôk đhâu 2 shông ntâu, chor hax huv vuôk tsik hlơưr Nasaki tưz tâu muôs trâu ntâu tỉnh thành. Txix co, paz muôx hâux lưv uô tsik so trâu 14 lênhx nênhs đros phênhv sâu zos 6 triệu đêiv iz lênhx nênhs iz hli, hâur co muôx 9 lênhx lox tôngv zos pox niêv. “Cur zênhx xar njôngr tiêk tsik muôx kror tưs zos kror cơưs thiêz lênhx nênhs li tsưr ziv, siêz xar mak muôx ntâu, zos zuk sir jos uô mak uô chak cux zuôr uô tâu. Cur cux lok six nhiêv tsưr ziv huôv tsar kinh têr, taz sik tsuv huôv tsar uô truôx đros trâu por vêv tênhv qơư”.

Txơưr niêv tix Khuyên, niêv tix Hoàng Kim Liên, nhoz phường Đồng Tâm, thành phố Yên Bái piz uô nox tsuôk txix 300 cxênhz đêiv tsês chiê hâur ntâu shông chiê kriz uô qơư muôs têx hax huv uz no. đhâu 20 ntâu shông huôv tsar, txix iz kror qơư muôs huv zâu đros muôx oz pêz poz njêl, nduôr thax, txos nhiv no niêv tix Liên tưz muôx iz kror qơư muôs huv muôx cxuô zav lox đar tsiv gri muôx 10 tiv đêiv thiêz tas nro cxuô zav xav gri ndê muôx yênhx châuv tiv đêiv. Đros co, niêv tix qơư muôs huv no tsênhv paz muôx hâux lưv uô trâu 11 lênhx pox niêv đros phênhv sâu zos 6 triệu đêiv ntâu iz lênhx nênhs iz hli thiêz thêv trâu nhiêx txiêx tiv phaz muôx 600 triệu đêiv iz shông. “Zuôr txos no mak muôx tsưr ziv kriz đar nzir qơư muôs huv, co zos sâuv yôngx pêz kriz uô iz kror qơư uô si trâu chor nhuôs zâu; yôngx 4 kriz uô iz kror qơư yoga chiê thâuv tưs chor kruô chôngz đuô mak chor nênhs uô hâux lưv hâur qơư muôs huv no li phênhv sâu cux ndê siêz đuô. Tiv oz zos paz muôx nzir hâux lưv uô trâu chor nênhs txơưr đuô sâuv thax tsav tỉnh”.

Niêv tix Nguyễn Thị Khuyên thiêz Hoàng Kim Liên tsuôk zos oz lênhx nênhs hâur yênhx châuv kror tsưr ziv uô nox truôx jông zos pox niêv uô tsưr, paz muôx hâux lưv uô thiêz phênhv sâu truôx trâu chor pox niêv sâuv thax tsav tỉnh Yên Bái. Pos Hà Thị Đóa, Phưv chủ tịch Hôiv liên hiệp pox niêv tỉnh Yên Bái puz pâuz: “Hôiv Liên hiệp pox niêv tỉnh Yên Bái tưz tso tơưv tsưr ziv paz trâu pox niêv huôv tsar kinh têr, tiv zix zos têx tsưr ziv uô kinh têr tập thể thiêz tsưr tsix yax kriê txos trâu têx hôiv viên, tiv zix zos chor hôiv viên muôx nhiêx txiêx chiê cxiv uô têx tsưr ziv uô kinh têr tập thể. Đros co, sik côngv đros têx Sở, nganhx, chor tsêr cơưv đại học, học viện kruôz kriê trâu chor pox niêv sơưr đơưk xar sơưr lok uô doanh nghiệp, tổ sik côngv, HTX…”

Pâuz phuôx huiv kror liv muôx ntơưv tiv phaz thiêz têx sir jos, zok nriêr tsưr ziv uô nox ciês sâuv zuk qơư nhoz, pox niêv Yên Bái tưz sir jos hla đhâu têx phiv liv chiê uô nox tâu truôx jông, paz kha tênhv tâu zuk hâur ntu uô nox yiêz nhiv no./.

(Thừa Xuân-Lik Thox cxêik nhênhv)

Cheix thiêz tsưr ziv chos ntông txir lưv tsiz

Six hơưv ntông txir lưv tsiz li hloz lox:

Nhoz pêz têz qơưk, ntông txir lưv tsiz tâu chos txix kâuv têz qơưk txos trâu kaz têz qơưk nhoz ntâu têx liêx têz nhiêk txơưr nhiêk tsi siz thôngx li: Chos sâuv têx ar têz nxaz, ar shơư xuôz jêz..... Taz sik jông đuô hur si zos chos ntâu trâu têx ar têz jông, nông, lax nziês, tsi trâus đêx ngaz. Têx ntông nox txir no tir tâuk ntux kruôr, đêx ngaz, muôx têx tir tâuk đêx ngaz hâur 2-3 hnuz. Six hơưv chiê têx ntông nox txir heik sâuv hloz lox jông zos tsi yuô cuz sor hênhr, lax nziês.

Têx zuz ntông lưv tsiz, cheix thiêz tsưr ziv chos:

Têx zuz ntông:

Nhiv no sâuv ciêz đrôngs muôx ntâu zav zuz ntông lưv tsiz nhiêk txơưr nhiêk, iz zav zuz ntông puôr lênhx nưk muôx nưk têx jông. Lar heik zos têx ntông txir lưv tsiz fênhx yax mak iz zav nưk zuôr jông thiêz nziv chos trâu iz thax tsav qơư thiêz yênhx suôv qơư co zav xiv huv jông. Muôx têx heik txos iz cxiê zav txir lưv tsiz to bê li: Txir lưv tsiz Hưng Yên, txir lưv tsiz thax tsav niêv đêx Đáy nhoz Hà Tây kuz, txir lưv tsiz Bà Rịa-Vũng Tàu...... Iz chas ntơư tsênhv muôx iz cxiê zav zuz nôngz txir lưv tsiz jông li: Txir lưv tsiz Super, txir lưv tsiz siêr lis....

Six hơưv chos:

Cux seiz yênhx thax tsav, suôv qơư mak tsôngv px muôx têx chos nhiêk txơưr nhiêk. Iz zav li nhoz thax tsav tiêx đras niêv đêx Cửu Long, Tây Nguyên, Đông Nam Bộ mak lơưr khênhr chos lok hli 6, 7.

Hok đros thiêz thax tsav Duyên Hải Nam trung Bộ ma chos lok hli 9. Thax tsav tox siêz faz Bắc mak khênhr chos lok cheix ntux yiêz (thâuv hli 2-3) lok sik chos thâuv cheix ntux tsâus (hli 9-10).

Tsưr ziv chos:

Thâuv chos cux seiz thax tsav, qơư co nxaz lok tiêx. Iz zav li nhoz têx thax tsav tiêx đras mak tsôngv px chos iz tsoz kuôk iz tsoz muôx 8-10 thiêr (tsênhz đuô zos chos 125 tsoz iz ha). Hok têx ar têz nxaz, tox siêz mak muôx têx chos iz tsoz kuôk iz tsoz 8 thiêr (muôx nhos 156 tsoz iz ha)./.

(KT-Riê Lâux cxeik, nhênhv)