Jax sâu thưr 2, hnuz 17/4/2017:

Tsuv  phax tir thêir luôs hâux lưv khơưz têx chas, hâur pâuk ndêiv tox  nhoz Điện Biên

     Huyện Mường Ảng, tỉnh Điện Biên, 2, 3 shông đrav ntêx kror tưs cux zôngx ziv seiz pov têx plas ndêiv tox njuôz xiêz, tơưs pax nja iêz thâuv txos luz cheix tơưs pax. Taz sik, nhiv no tsôngv box hâur thax tsav cux lok six phiv liv thiêx zok nriêr tâu 2, 3 tsoz ndêiv tox. Txix thâuv têx ndêiv tox tâu chor tuz luôv sâu zuôr đros thiêz grê siêz, tsôngv box hâur thax tsav tưz siz zâuv mul zok khơưz lok muôs, ziv hnuz ziv tas jux juk.

    Niêv lâuk Lù Thị Định, nhoz jok Kéo Nánh, xã Búng  Lao, huyện Mường Ảng heik pâuz, niêv lâuk 2 niêv txir tưz zok khơưz têx ndêiv tox no muôs tâu 3 shông lok. Thâuv xuz thơưx, tsi yuô muôx lênhx nênhs zok khơưz, iz hnuz, niêv lâuk iz lênhs muôx têx khơưz tâu puô cir têx hâur pâuk ndêiv tox. Taz sik, nhiv no xar khơưz tâu têx ndêiv tox li heik sâuv mak tsuv muk đêz thiêz lok six phiv liv zok nriêr, muôx têx muk lơưv yênhx hnuz cux tsuôk zok nriêr tâu 2, 3 luz hâur pâuk khơưz, xav hur si muôx nhos 4-5 cir li gra lok tsês, muôs jux juk. Niêv lâuk Lù Thị Định heik:

    "Iz chov lok zos 10 cir  mak muôs 15 cxênhz đeiv, viv li tsuôk mul zok khơưz pêv têx trôngz xưz. Thâuv xuz thơưx tsi yuô  muôx lênhx nênhs khơưz cux muôx ntâu, nhiv no lênhx tưs cux mul zok nriêr, muk khơưz viv li zok khơưz tsi tâu ntâu. Tsôngv box nhoz no lênhx tưs cux lok six khưr, muôx đaz tsi zuk cux mul zok nriêr pêv têx xuz tsuôs, har khâuz, har jôngr xưz".

    Têx hâur pâuk ndêiv tox zok khơưz  tâu lok, zuôr muôz tsuôr cov têx đeiv mê, muôs nhôngk trâu têx lênhx sâu zuôr, lơưr  mav jiêz. Trơưk li têx tuz sâu xor xưv seiz pov, nhoz 2 saz cêr mul lok đhâu iz cxiê huyện li: Mường Ảng, Tuần Giáo, Điện Biên.....tưz muôx yênhx châuv thax qơư lox đar, mê sâu zuôr têx ndêiv tox kruôr nhoz cxuô nro. Iz cxiê lênhx tsưr têx qơư heik sâuv heik pâuz, lơưr tâu chor tuz luôv đrav tiêx đras muôz nhiêx tsês uô ntêx chiê zuôr huv, yênhx hli zuôr tso yêz lox tuôx thâux muk. Lênhx tưs lok cux hnor tiêk, lơưr sâu zuôr chiê muôs trâu saz Trung Quốc uô yuôx, taz sik tsênhz tiês chiê uô đaz tsi mak tsi muôx lênhx tiz nênhs tưs pâuz mênhx. Niêv lâuk Lò Thị Tâm, tsưr iz qơư sâu zuôr têx hâur pâuk ndêiv tox ntơưv Mường Ảng heik:

    "Nhiv kruôr zuôr shông no xưz, zuôr txix thâuv luz 3 hlik lok jiêz kruôr muôs tâu 3 tênhr. Lơưr heik tiêk, zuôr muk uô yuôx, pêz cux tsuôk pâuz li ntơư xưz, tsi pâuz shor uô yuôx đaz tsi. Zuk tsuôr tâu lox mak lơưr tiêk cov tsuôr mê , tsuôr lox lox, tsêr meir jov tsi tâu".

    Trơưk bác sỹ  Vũ Đình Việt, Phưv Chủ tịch Thường trực Hội cưk yuôx njuôz tỉnh Điện Biên, luôs hâux lưv  zok khơưz têx hâur pâuk ndêiv tox muôs ntâu zuôr uô trâu têx ndêiv tox iz hnuz tas jux juk thiêz lok zar tov kaz ntêr no zuôr uô hiêv txos tênhx qơư. Iz chas ntơư, luôs hâux lưv tsôngv box sơưr đơưk zok khơưz chuôs tsi muôs tsi trơưk cui tinhv, tsiv uô thiêz jiêz, por hưv tso hâur têx pêv têz, lok sik muôz vâuv uô yênhx pơưs ntơưv têx qơư tsi hur zos uô tsi trơưk li tsưr ziv thiêz muôx têx uô tsi jông txos têx yuôx.

    "Tsôngv box sơưr đơưk tsưr ziv tsuôr thiêz jiêz têx yuôx heik sâuv ntơưv têx ntus cêr, yar tiêx mak tsi taz por vêv xênhz. Viv têx yuôx tsi zos têx xiv huv fênhx yax, mak zos yuôx chiê kho moz. Chênhr viv li, zos tiêk thâuv zok khơưz tâu lok, muôz tsuôr, jiêz cux li por hưv chor yuôx mak tsi uô trơưk li cui tinhv, têx yuôx zuôr tsi jông, muôx têx tsi jông zôngv kho moz".

    Luôs hâux lưv zok khơưz têx hâur pâuk ndêiv tox ntơưv Điện Biên muôs cux tsênhv muôx yưv phiv liv hâur niêx hnuz. Viv li, iz jiês no tưz txos six hơưv, têx cơ quan lês car uô têx nuv li heik sâuv tsuv seiz car truôx jông tsi chiê tsôngv box sơưr đơưk zok khơưz têx ndêiv tox muôs chiê paz por hưv tsês chiê zav yuôx jông no hâur tỉnh. Iz chas ntơư cux tsuv fuô kriê tsưr ziv krêz sâu thiêz tsiv uô li chas cov trơưk cui tinhv, tsi uô hiêv txos têx yuôx; iz chas co tso tsês têx uô tsi jông txos tênhx qơư./.

                               (Vũ Lợi-Riê Lâux cxeik, nhênhv)

Phênhv thưr 2 hnuz 17/4/2017

Âu Lâu cxiv tsa Đảng đros trâu huôv tsar kinh tế

   Đảng bộ xã Âu Lâu, thành phố Yên Bái nhiv no muôx 16 chi bộ, 194 lênhx đảng viên. Hâur têx shông đhâu, Đảng bộ xã lok six tsov cưv txos côngz xưv cxiv tsa Đảng: Ntơư zos siêz xar, chính trị thiêz tsưr tsix. Đảng bộ tưz cxiv tsa thiêz uô truôx jông tsưr ziv uô cxuô luôs hâux lưv; phêiz cungz cấp ủy sêiz car têx hâux lưv uô hâur yênhx thax tsav tsênhv tsênhz…Zơưv Lê Toàn Thắng-Bí thư Đảng bộ xã xav tênhv: “Côngz xưv cxiv tsa Đảng tâu tsov cưv txos thiêz paz phênhv trâu tsưr tsix Đảng luôs hâux lưv sêiz car thiêz tsav txênhz; uô truôx jông pêx xênhv njênhs njôngr trâu Đảng; paz uô trâu pêx xênhv sik côngv siêz, sik paz huôv tsar kinh tế, uô bluô nux trâu chuôz zis thiêz tiv phaz”.Xav jênhv côngz xưv cxiv tsa Đảng zos tsênhv njiêz, huôv tsar kinh tế zos kror chênhr, Đảng bộ xã tưz lênhx tov pêx xênhv phuôx huiz đas jos, sir jos kriz uô têx kror liv nhoz tiv phaz.

     Xar uô truôx jông thax tsav chos kôngz lôngk zuôr xar 200 hec ta; tas nro têx kôngz krâur tax tâu muôx 1.500 ntâu tấn. Nhiv no, pêx xênhv hâur xã tsênhv cxaz chuôz dự án chos jâuz ngaz tuk muôx 2,3 ha sâu tâu 12 tấn ntâu jâuz, txir, kok hâur chiv ntux tsâus nhiv kruôr đhâu, đros gri muôs truôx 10.000 đêiv iz cir, paz trâu nênhs chos jâuz tso siêz uô xênhz yar. Pêx xênhv tsênhz chos 2 ha tâuv huôz xênhz, xar muôx 60 ha jâuz, tâuv cxuô zav. Nhiv no sâuv thax tsav xã muôx 11 doanh nghiệp thiêz 98 chuôz zis kinh doanh. Tas nro phênhv sâu sâuv thax tsav shông 2016 muôx 27 tiv đêiv ntâu. Shông 2016, tas nro xã muôx 145 lox tôngv muôx hâux lưv uô yiêz. Tsiv gri uô xênhz yar công nghiệp, tiểu thủ công nghiệp sâuv thax tsav zuôr xar 67 tiv đêiv.

    Zơưv Nguyễn minh Hải-Chủ tịch Ủy ban xã Âu Lâu puz pâuz nzir: “Zos xã nhoz jê ntus thành phố Yên Bái, pêx xênhv luz nênhx phênhv ntâu zos uô xênhz yar kôngz, jôngr nuv thiêz tiểu thủ công nghiệp, viv li chính quyền xã tsov cưv txos uô xênhz yar kôngz nuv, tiểu thủ công nghiệp, thương mại dịch vụ. Phênhv sâu lênhx nênhs hâur xã shông 2012 zos 12 triệu đêiv ntâu iz shông mak txos shông 2016 tưz ndê 23 triệu đêiv thiêz xã sir jos txos six cxiv 2015-2020 tâu 35 triệu đêiv iz shông”. Chiê paz trâu pêx xênhv txêik tâu pênhr huôv tsar kinh tế, xã tưz chox kriê chor hội, đoanx thể sơưr bê paz hội viên txêik pênhr txix zênhx hangx tsênhv chêi xã hội chiê huôv tsar kinh tế. shông 2016, tưz muôx 576 chuôz zis txêik đros nhiêx muôx 8,8 tiv đêiv. Sâuv thax tsav xã Âu Lâu muôx chôngz lênhx đảng viên sir jos hâur huôv tsar kinh tế xưk đảng viên Hồ Thị Thạch; Nguyễn Long Giang  nhoz jok Đồng Đình, đros tsưr ziv chos txir caz nzưr, chos táo txuôv đros phênhv sâu muôx 100 triệu đêiv. Sâuv thax tsav xã tsênhv muôx ntâu tsưr ziv uô kinh tế vax pak guôx jôngr tâu chính quyền xã lok six tsov cưv txos, kriz uô đêz đar chiê phuôx huiz tiv phaz li kror liv, paz muôx chêx cur kinh tế hâur uô xênhz yar…/.

(Báo YBĐT-Lik Thox cxêik nhênhv)