Pênhz phax Lai Châu nhoz ntơưv têx jêx jok hêik pox nhuôs tuôx muk bâux xêir

Lok trâu xar ntux đriv Huổi Luông, huyện Phong Thổ, tỉnh Lai Châu têx hnuz no, cxuô jêx jok, iz lênhx nênhs puôr lênhx vav zuôr côngv paz zuk mê njil đas jos trâu hnuz bâux xêir tâu uô tiêr jông. Niêv tix Lò Thị Tưởng, nhoz jok Pô Tô, xar Huổi Luông hêik: “Hâur iz hli đhâu, cur thiêz pêx xênhv hâur jok cux tưz tâu cán bộ yax kriê lok hâux lưv bâux xêir; chiê xêir tsov tâu chor nênhs muôx txux chi, moz siêz thiêz sir jos uô hâux lưv paz trâu pêx xênhv txo grêk cêr yêiz pluôs chiê pêx xênhv hâur jok ziv hnuz ziv huôv tsar”.

Chiê tsôngv box cxuô mênhx cxưx pâuz tâu txos tsênhv njiêz jiês bâux xêir, txix cxiv luôs loa nta suôz xar, tsưr ziv “Suôz loa pênhz phax” tưz tâu kriz uô. Txix co, cxuô nro 21 jêx jok sâuv thax tsav, tsôngv box Cho, Hà Nhì, Hmôngz puôr lênhx mnôngs tâu têx xor mông lok jiês bâux xêir hâur yênhx hnuz.

Đại úy Phạm Tuân, Chính trị viên Zênhx Pênhz phax Huổi Luông hêik pâuz: hâux lưv yax kriê lok jiês bâux xêir thiêz phax, tar caz moz Covid-19 tưz tâu taz viv sir jos yax kriê trâu pox nhuôs txix oz zav luk zos luk tsoz tsiz thiêz luk mênhx cxưx. Cán bộ, chiến sĩ tsênhv chox loa muk txos trâu ntơưv têx qơư pêx xênhv nhoz tsơưs lok sik muk ciês pêv têx têz chiê yax kriê trâu pox nhuôs pâuz: “Zênhx Pênhz phax Huổi Luông tưz sik côngv đros đoanx thể xar Huổi Luông tsưr tsix yax kriê txos yênhx jêx jok, chiê hêik pêx xênhv tuôx tso ntơưr bâux xêir cov siêz tiv zix. Thôngx cxix, kruôz kriê trâu pêx xênhv pâuz tsênhz lok têx tsưr ziv hâur côngz xưv bâux xêir, cux xưk li xêir tsov chor nênhs zuk bâux xêir cov zos chor nênhs muôx txux chi, sir jos hâur uô hâux lưv; khov lơưr co chiê pêx xênhv xêir tsov tâu têx lênhx nênhs zuk xar bâux xêircov huv zos  li siêz xar”.

Txos nhiv no, xar  Huổi Luông, huyện Phong Thổ, tỉnh Lai Châu tưz yênhx lix 5 tov bâux xêir, đros muôx 4.500 ntâu cử tri. Hâux lưv lo bê ntơưr cử tri, bê ntơưr têiv plor ứng cử cux tưz tâu Hôiv đôngx bâux xêir xar thiêz cán bộ, chiến sĩ pênhz phax uô tiêr. Txơưv zos thax tsav nhoz đêz, txov nhêv, taz sik đros chor lưx lươngv pênhz phax li sir jos, txos nhiv no 100% cử tri nhoz ntơưv qơư tưz pâuz tâu tsênhz têx xor mông lok jiês bâux xêir thiêz 99% ntâu cử tri jênhv zuôr tuôx tso ntơưr bâux xêir huv six hơưv.

Trung tá Lê Văn Quyết, Zênhx Tsar Zênhx Pênhz phax Huổi Luông, huyện Phong Thổ puz pâuz: Chiê taz por ngaz tuk sâuv thax tsav ntus đriv thâuv uô ntêx, hâur thiêz đhâu bâux xêir, nhiv no taz viv tưz uô jông 6 qơư sêiz jor truôx qơư thiêz 2 qơư sêiz jor muk lok trâu cxuô qơư. Tiv zix, lưx lươngv trinh sát cux tưz tâu chiê muk trâu cxuô thax tsav qơư chiê sik côngv đros lưx lươngv Công an sir jos phax tar chor nênhs fêv, uô cxâuv txos cêr chêi têz qơưk, txiêz nanv xar hôiv: “Pêz tưz sik côngv đros cấp ủy chính quyền ntơưv qơư sir jos uô côngz xưv nriêr pâuz qênhx shênhx, tiv zix zos lok ngaz tuk tôn giáo, ngaz tuk jêx jok. Khov co, pêz tso tơưv têx tsưr ziv uô chiê phax tar tsik ngaz tuk muôx yưv sâuv thax tsav hâur ntu kriz uô bâux xêir. Choz jênhv vưv trâu cán bộ, chiến sĩ uô hâux lưv ntơưv têx tôv bâux xêir, chiê xưv lik tâu jông têx phiv liv muôx yưv, taz por ngaz tuk trâu jiês bâux xêir”.

Huyện Phong Thổ xar muôx 100 cêik cêr ntus đriv buôs ti đros têz qơưk Trung Quốc, muk đhâu 13 xar thiêz tsôngv box luz nênhx tsênhv yuôr ntâu txov nhêv. Chiê pêx xênhv pâuz tâu lok jiês bâux xêir, chor lưx lươngv nhoz ntơưv thax tsav qơư tưz yax kriê txix ntâu tsưr ziv li loa nta suôz. Tiv zix, chor bôv đôiv Pênhz phax thiêz chor tôv yax kriê bâux xêir nhoz ntơưv qơư tsênhv muk trâu yênhx jêx jok, ziv chuôz zis, hêik yênhx lênhx nênhs pâuz txos six hơưv, qơư tso ntơưr bâux xêir. Zơưv Vương Thế Mẫn, Chủ tịch UBND huyện Phong Thổ, tỉnh Lai Châu puz pâuz: “Pêz tưz đros chor bôv đôiv Pênhz phax sir jos uô côngz xưv qênhz yuôx qênhx shênhx muk lok đhâu ntus đriv tsik zos chêi. Chox kriê tas nro chor lưx lươngv sâuv thax tsav bax trâu jiês bâux xêir, tiv zix zos tuôr truôx ngaz tuk. Lưx lươngv Pênhz phax thiêz chor lưx lươngv txơưr sâuv thax tsav tưz kriz uô nriêr pâuz tsênhv tsênhz ntơưv cxuô thax tsav qơư, tsưr tsix yax kriê trâu pox nhuôs cxuô mênhx cxưx sâuv thax tsav pâuz lok jiês bâux xêir têiv plor Côx hôiv thiêz HĐND cxuô cấp”.

Nhoz ntơưv jêx jok chiê yax kriê, kruôz kriê pox nhuôs tuôx muk bâux xêir, lưx lươngv bôv đôiv Pênhz phax tsênhv đros chính quyền cxuô  thax tsav qơư sêi đrơưv uô cov tiêr têx hâux lưv tsênhv yuôr trâu jiês bâux xêir. Chor jêx jok ntus đriv huyện Phong Thổ, tỉnh Lai châu tsênhv sir jos bax jông trâu têz qơưk li hnuz hôiv lox no, đros siêz xar chor têiv plor tâu bâux xêir zuôr sir jos paz trâu pox nhuôs sơưr đơưk cov hla tâu đhâu cêr pluôs./.

(Khắc Kiên-Lik  Thox cxêik nhênhv)