Lai Châu sir jos phax tar ntux têz uô ruôr hiêv

Jiês ar poz riêz nênhs muôx yưv têis cik sơưr nzor hnuz 27/6/2018 cux tsênhv tâu pêx xênhv jok Sán Tùng, xar Tà Ngảo, huyện ntus đriv Sìn Hồ, tỉnh Lai Châu ndo njôngr txos tsik plox. Tsuôk đhâu oz pêz six hơưv txar nênhs nhoz muk đhâu jok, tas nro iz saz trôngz tưz poz xưz lok, cxuz tas nro xar muôx 30 luz tsêr đros tas nro cxuô zav uô tâu hâur ntâu shông. Ciês iz pliês xưz, xar muôx 200 lênhx nênhs nhoz ntơưv no tưz tsik muôx vax tsêr nhoz. Zơưv Dông Xênhv Lâux, nhoz jok Sán Tùng tror ndo txos: Đhâu oz pêz hnuz ntux lok nas lox, pox nhuôs hâur jok pov saz kâuv jok muôx iz caz xưz poz trơưk trôngz. Caz xưz poz co lox jux juk thiêz ziv hnuz ziv ntêr đuô uô trâu pêx xênhv lok six cxơưx. Đhâu thâuv tso nênhs muk qênhz yuôx thiêz cơưv sêiz lax, pox nhuôs sơưr đơưk tưz hêik trâu chính quyền pâuz, đhâu co sêi đrơưv txar sơưr đơưk muk nhoz trâu têx qơư ngaz tuk:“Hnuz 26 pox nhuôs hâur jok pov trôngz trâus xưz poz, lơưr co hmo 27 chêk trâus poz. Pox nhuôs sơưr đơưk tưz nzor tâu txar qơư nhoz, cux hmôngr jông tsik phiv liv li chak txos lênhx nênhs, taz sik cxuô zav đros tsiêx cxu cux trâus tuôs tas tiv ar poz lok cxuz. Đhâu co tâu têz qơưk moz siêz paz, txar pox nhuôs lok nhoz trâu kror qơư yiêz, nhiv no pox nhuôs luz nênhx cux  tưz truôx tuk đuô lơưv”.

Tsar jok Sán Tùng Binh Xênhv Hav puz pâuz: Pox nhuôs tsôngv box Hmôngz luz nênhx mak tsik so nhoz trâu têx tox trôngz siêz, thâuv thax tsav phênhv ntâu zos têx tox trôngz nxaz tox, viv li hâux lưv zok nriêr qơư nhoz yiêz cux lok six phiv liv. Tsuv iz hli ntâu tov kaz, chính quyền thiêx nriêr tâu qơư nhoz yiêz kuôk ntơưv qơư nhoz kuz muôx 2 cêik cêr ntâu chiê trâu pox nhuôs nhoz. Nhiv no ntơưv jok yiêz, cxuô kror puôr lênhx jông đuô thiêz pox nhuôs sơưr đơưk cux moz siêz sêiz shuôk jông đuô thâuv txos chêix ntux nas:“Txos trâu chêix ntux nas mak pox nhuôs sơưr đơưk cux lok six moz siêz txos têx qơư nox nhoz cov ngaz tuk. Nhiv no pox nhuôs sơưr đơưk cux pâuz tâu ntâu kror lơưv, zos tiêk pov têx qơư nhoz no tsik ngaz tuk mak cux pâuz chiê txar qơư nhoz muk txos trâu têx qơư ngaz tuk đuô. Pox nhuôs cux pâuz tâu tiêk tsuv tsik so chos têx ntông njuôz chiê por vêv iz ndis vax tsêr, tir tar tâu ar xưz poz”.

Thôngz sâu 5 shông tror lok no, huyện Sìn Hồ, tỉnh Lai Châu sâu jênhv muôx 30 ntâu lênhx nênhs trâus tuôs, tsik pov thiêz trâus saz tiv ntux nas chuô. Đrâuv trâus hiêv lok lênhx nênhs, thax tsav qơư cux trâus ruôr hiêv txos cxuô zav tas xar muôx 200 tiv đêiv, hâur co muôx 4.600 ntâu ziv chuôz zis trâus ruôr hiêv têx vax tsêr. Taz sik, khov chính quyền ntơưv qơư thiêz pêx xênhv sir jos bax uô jông, têx trâus hiêv lok lênhx nênhs thiêz cxuô zav hâur têx shông jê lok no tâu txo grêk tsơưs ntâu. Tsênhv tsênhz, shông 2018 tas nro huyện muôx 25 lênhx nênhs trâus tuôs, tsik pov thiêz trâus saz, đros trâus ruôr hiêv lok vax tsêr cxuô zav tas muôx 113 tiv đêiv ntâu, mak tas nro shông 2019 thiêz 2020 ntơưv thax tsav qơư tsuôk muôx iz lênhx nênhs tuôs thiêz tas nro têx trâus hiêv lok vax tsêr cxuô zav tas muôx 43 tiv đêiv ntâu. Zơưv Nguyễn Quốc Vương, Phưv Chủ tịch UBND huyện Sìn Hồ, tỉnh Lai Châu puz pâu: Uô nênhx nhoz đros thax tsav qơư, qiv hơưv zos kror tsuv muôx đros thiêz tsôngv box tox siêz thiêz no cux zos tsôngv box li cêr uô nênhx nhoz. Taz sik chiê txo grêk tsơưs tiv zix têx trâus ntux têz ruôr hiêv, mak khov ntâu trâu chính quyền ntơưv qơư thiêz pêx xênhv li têx sir jos. Viv tox siêz txos chêix ntux nas chuô mak cêr muk lok njiz ntâu phiv liv, thâuv muôx yưv ntux nas chuô ruôr hiêv zos muôx chor lưx lươngv ntơưv qơư chơưv paz tâu sêi mak zuôr paz tso grêk tsơưs ntâu têx trâus hiêv:“Phuôx huiz tâu côngv thôngx li đas jos thiêz pox nhuôs sơưr đơưk moz siêz txos, thâuv muôx ntux nas chuô ruôr hiêv txix têx tsưr ziv li yax kriê txis loa nta suôz, khoz đruôk hêik pâuz chiê pêx xênhv pâuz tâu thiêz txar qơư nhoz nzor. Iz kror thiêz zos tsuv uô truôx jông tsưr ziv “4 ntơưv qơư”./.

(Khắc Kiên-Lik Thox cxêik nhênhv)

Tsôngv px Yên Bái jông siêz paz trâu cuiv yuôx vắc xin

Đros trâu 220 ntâu lênhx uô hâux lưv hâur công ty Hòa Bình, tix lâus Trần Đức Bằng, seiz car chor nênhs tsar yêz lox nhiv kuôr paz iz tsov đeiv trâu hâux lưv phax tir thêir moz Covid-19 trơưk li Công ty luk hu sđ siz chos paz:“Thâuv txeik tâu têx luk hu co, cur cux iz zav li têx lênhx uô hâux lưv uô cê lok six jông siêz thiêz gôngr paz trâu cuiv nhiêx zuôr yuôx vắc xin cux li têx chuôz zênhx zuôr trâul txos txơưr đuô chiê phưx vưv luôs hâux lưv phax tir thêir moz Covid-19”.

Pos Bùi Thị Sửu, Giám đốc Công ty Hòa Bình heik pâuz: Taz viv tưz muôz 300 tsov đeiv paz trâu cuiv nhiêx vắc xin, iz chas co tsênhv tsês nhiêx txiêx paz trâu luôs hâux lưv uô phax tar moz Covid-19 hâur TP Yên Bái thiêz:“Tas nro têz qơưk tsênhv sik côngv têk đros phax tir thêir moz Covid-19, zos iz doanh nghiệp nhoz hâur thax tsav tỉnh Yên Bái, pêz cux xar gôngr paz trâu têx cuiv nhiêx txiêx, lar heik zos cuiv nhiêx yuôx vắc xin”.

Txơưv hâur ntu uô lax luôv lok six phiv liv, taz sik tsuôk đhâu 3 hnuz phuôx tôngv, chor nênhs uô hâux lưv zuôr muôs têx hax huv, lax luôv hâur Yên Bái tưz siz chos paz tâu 100 tsov đeiv trâu cuiv nhiêx vắc xin. Pos Đào Thị Thiệp, Phưv Chủ tịch Hôiv doanh nhân tỉnh Yên Bái heik pâuz: Nhiv no đhâu zalo, hâux lưv gôngr paz cux tsênhv tror tâu uô đros trâu têx tsưr ziv, siêz xar paz tâu ntâu têx nhiêx txiêx trâu cuiv nhiêx vắc xin thiêz hâux lưv phax tar moz Covid-19:“Xav tinhv, luôs hâux lưv phax tir thêir moz Covid-19 tsi muôx faz tsưr ziv tưs txơưr, zos pêz tsuv cxax yuôx vắc xin, pêz 70% jênh sôr tâu cxax yuôx phax phôngz moz, thâuv co cxuô zav hâux lưv zuôr truôx tuk, viv li hôiv pêz têx lênhx doanh nhân puôr lênhx jông siêz, thôngx ziv gôngr paz”.

Txos nhiv no, tas nro tỉnh Yên Bái tưz lênhk txeik tâu xar muôx 1,2 tyv đeiv paz trâu hâux lưv phax tar moz Covid-19. Tsôngv px cxuô heir nênhs hâur tỉnh cux tsênhv tror siz chos gôngr paz đros trâu têx tsưr ziv, siêz xar txo grêk tsơưs têx moz gênhk, luz nênhx, lar heik zos hâux lưv uô lax luôv, zuôr muôs huv zuôr tror truôx tuk li kuz./.

                                             (Đinh Tuấn-Riê Lâux cxeik, nhênhv)