Hluôk nênhs Sơn La: Sir jos uô ntêx hlo viv luz nênhx côngv thôngx

         Chor hluôk nênhs nhoz qơư txưv zênhv Sơn La, zos 70 lênhx, thâuv tưs cux uô ntêx nyuôk trâu cxuô luôs hâux lưv; chor hluôk co hnuz nhôngs muôx txix 20-30 shông thiêz zos chor hluôk sir tas đas jos tsưr ziv uô tâu tiêr cxuô luôs hâux lưv tso tơưv. Ciês txix hâur shôngk shông txos nhiv no, txix ntâu tsaz yênhx jông siêz, tsênhv tsênhz li: muôz 20 tấn điz cuô paz trâu pêx xênhv Quảng Ngãi; paz 1,5 tấn cxur đros 50 thungz mỳ tôm trâu shux xênhz pluôs 4 luz tsêr cơưv ntơưr huyện Phù Yên; hêik sơưr đơưk sik côngv paz tâu 100 triệu ntâu nhiêx trâu nhuôs Hồng Phúc, zos chuôz zis trâus poz jêz poz lok trâus tsêr hâur ntu nhiv kruôr đhâu; tso muôx 30 taz viv nyar paz trâu tsêr kho moz tỉnh Sơn La…đros ntâu huôx tôngv txơưr đuô. Chor hluôk hêik ntơư, tưz phênhv tưs phêiz kênh đros pox nhuôs têx phiv liv hâur luz nênhx, cux xưk li paz trâu chor hluôk nhoz qơư txưv zênhv muôx luz nênhx truôx tuk đuô. Hoàng Thanh Tùng, thành viên câu lạc bộ hluôk nênhs uô ntêx hlo Sơn La hêik:

       “Đhâu uô cxuô luôs hâux lưv muôx liv ntơư, cux paz tâu iz phênhv tưs trâu pox nhuôs, txơưv tas ntâu đas jos taz sik zuk njiê pov, pâuz tâu chor nhuôs li suôz luôs thiêz chor chuôz zis tsuv tâu paz li cêr shir phaz. Cur xar paz tâu iz phênhv tưs zuk đas jos trâu nhuôs, tiv zix zos têx qơư njiz trâus ntux têz uô hiêv, nhoz thax tsav tox siêz đêz đrôngl”.

        Hâur ntu nhiv kruôr no ciês, chor hluôk nênhs hâur qơư txưv zênhv, tưz uô ntêx hlo huiz tôngv tas nro đas jos yax kriê sơưr đơưk paz trâu pêx xênhv trâus hiêv hâur jiês đêx ngaz cuôr nhoz huyện Mường La. Iz chas muôz ciês txos trâu pox nhuôs trâus đêx nas uô ruôr hiêv 200 thungz ntâu mỳ tôm, 30 hnaz trik yo cxuô zav, chor hluôk nênhs co tsênhv hêik thiêz gra huv muk trâu pox nhuôs nhoz xã Nặm Păm, hâur co muôx cxuô zav li: cxur, mì, njêr, tênhz, pav, vix tsav…Quàng Thị Xuâ, xã Nặm Păm, huyện Mường La zos nênhs njiz trâus phiv liv hâur jiês đêx ngaz cuôr nhiv kruôr đhâu hêik:

         “Hnuz no đros thiêz chuôz zis li têx pôngz plox, cêr pôngz siêz mak muôx lok six chôngz nênhs tuôx paz cur lok six jông siêz thiêz uô tsâus lơưr ntâu hênhr. Thiêz nhiv no cur cux xar cov nriêr tâu cur txir thiêz cur tuk tix lâus, chiê cur chuôz zis tâu nhoz uô cê”.

Hâur têx jiês muk uô hâux lưv siêz jông, chor hluôk hâur qơư txưv zênhv cux tsik so sik côngv, sik paz hla đhâu têx phiv liv, txar đêz têx txiêz nanv xã hội. Chiê tror uô nzir ntâu tsaz yênhx siêz jông tsiv gri, niêv tix Trịnh Thị Việt Hà, sêiz car câu lạc bộ hluôk nênhs uô ntêx hlo Sơn La puz pâuz:

          “Hâur ntu zuôr txos Câu lạc bộ hluôk nênhs uô ntêx hlo Sơn La zuôr sir jos thiêz tror sir jos uô chor huôx tôngv siêz jông đuô thiêz. Thiêz cux lok six vav hâur ntu co zuôr jênhv tâu chôngz nênhs siêz jông, chor hluôk nênhs paz thiêz tuôx đros cxaz chuôz tsaz yênhz chiê pêz uô tâu tsik so thiêz muôx tsiv gri đuô”.

          Chor hluôk hâur qơư txưv zênhv, thâuv tưs cux uô ntêx hlo uô tâu tiêr cxuô luôs hâux lưv tsiv gri tsênhv tsênhz, zos kror paz lok six ntâu trâu chor nênhs njiz trâus têx cêr phiv liv, cov iz thênhv jux juk đros côngv thôngx sđ muôx luz nênhx truôx tuk, tsâu sor./.

(Hoàng Long-Lik Thox cxêik nhênhv)

Lênhx bộ đội lâus muôz 1,8 tỷ cxiv tsa jêx jos

          Lênhx bộ đội lâus Nguyễn Tứ Hùng pheiz kênh zơưv li hâux lưv uô tsi cxôngx zuk li siêz jông, mak coaz tsôngv đuô zos cơưv shâuv uô lơưr Hloz Hôx li cêr uô nênhx jông:

          “Uô lơưr Hloz Hôx mak muôx ntâu vênhv thix tsuv cơưv shâuv uô lơưr, cơưv tas iz tiêv nênhx cux tsi tas. Hloz muôx ntâu hâux lưv uô jông mak nhiv no zuk sir jos uô tâu 2,3 hâux lưv jông zos tưz jông hênhr ... Nhiv no zuk sir jos cơưv shâuv tâu 2,3 hâux lưv uô jông chiê uô hâur luz nênhx cov hlôngr yiêz luz nênhx, uô trâu zuk chuôz zis, jêx jos, têz qơưk, gôngr côngv zuk iz phênhv đas jos uô têz qơưk ziv hnuz ziv jông đuô”.

          Lênhx bộ đội lâus Nguyễn Tứ Hùng môngr jông đuô ntâu lênhx fôngx zưs bộ đội thâuv tâu tror lol tsêr đhâu jiês tsav txênhz tir ntâus tros châuz Mỹ, cxiv kho têz qơưs thiêz tsav txênhz por vêv ntus đriv faz Bắc shông 1979. Phuôx huiz cêr chax chês “Bộ đội zơưv Hloz Hôx”, zơưv Hùng tưz sir jos đros chuôz zis huôv tsar kinh têr, txưv zênhv paz đas jos cxiv tsa têz qơưk. Txơưv tưz lâuk, hnuz nhôngs siêz, taz sik pov luz pas đêx nhoz buôk zuk tsêr, yênhx qơư por têx khâuz vuôz tsuôz kiês nênhs uô kiês nênhs tênhx qơư, tiv phaz mak tsi muôx nhiêx txiêx chiê cxiv tsa, kho đuô, tsik chiê uô vuôz tsuôz kiêk nênhs tênhx qơư, zơưv Hùng tưz heik chuôz zis thix ziv muôz 1,8 tỷ đeiv nhiêx đros Đảng ủy, chinhr quyênx xã Tân Lập cxiv tsa puôz njưs tar thiêz hlôngr yiêz tênhx qơư luz pas đêx đar 300 hecta ntâu. Đhâu 3 luz hlik cxiv uô, cheix ntux sor shông no, côngz tsinhx tưz uô tiêr thiêz chox lol sir zôngv ndaz ndơưv hnuz chiv nhênhv Hloz Hôx lol seiz tsôngv box thiêz cán bộ xã Tân Lập ( 22/5/2017). Sik côngv đas jos đros tsôngv box thiêz zơưv Hùng chuôz zis, luz pas tsi huv vêv xênhz uô kiês nênhs tênhx qơư nhiv no tưz yênhx qơư uô si trâu tas nro jêx jos. Zơưv Nguyễn Tứ Hùng puz pâuz:

          “ Cur xar tơưv tsưr ziv cxiv tsa côngz tsinhx no cxôngx shông 2016. Viv no zos tênhx qơư jêx jos, thâuv cxiv tsa tâu qơư uô si no, tsâus ntux muôx lok six chôngz lênhx nênhs tuôx tâus cêr uô si. Tas cik sơưr nzor mak tsôngv box tuôx shâuv thiv thao. Côngz tsinhx no huôx tôngv cxôngx hnuz 22/5, trơưk hnuz chiv nhênhv Hloz Hôx lol seiz jos shông 1917. Cur xar tiêk thax tsav no tâu cxiv tsa tâu zuôr tuôr truôx, por vêv tâu tênhx qơư, tsi zos qơư por têx vuôz tsuôz kiês nênhs thiêz”.

          Zơưv Hùng puz pâuz, zơưv xar gôngr côngv cxiv tsa iz txox cêr txuôk qơư di tích Hloz Hôx sâuv thax tsav xã đros txox niêv cêr 422, chor txiêx cxiv uô njuôs xav zos 3 tỷ đeiv ntâu. Zơưv li hâux lưv uô tsi taz tâu tsôngv box mak tas nro chinhr quyênx tiv phaz sâu jênhv. Zơuv Bùi Ngọc Luân, Phưv bí thư thường trực Đảng ủy xã Tân Lập, huyện Đan Phượng, Hà Nội puz pâuz:

          “ Ntu 2016-2020 uô Đảng ủy xã, UB xã li tsưr ziv tuôr truôx têx ploz tsênhr nôngx cxênhz yiêz thâuv phuôx tôngv reik đros hâux lưv uô Bộ chinhr trị li chỉ thị 05 lok “ cxơưz tiês cơưv shâuv thiêz uô lơưr hloz Hôx li cêr uô nênhx jông”, tưz mjuôx ntâu lênhx nênhs, tập thể cxaz chuôz gôngr côngv. Cxôngx shông 2015 txos nhiv no, xã tưz huiz tôngv tâu 5 tỷ đeiv, hâur co muôx chuôz zis zơưv Nguyễn Tứ Hùng gôngr côngv 1,8 tỷ đeiv hâur cxiv tsa pas tênhx qơư. No zos hâux lưv uô zơưv HÙng chuôz zis xar cxiv tsa têz qơưk, gôngr phênhv uô têz qơưk ziv hnuz ziv hlôngr yiêz”.

          Heik lok hâux lưv uô muôx ziz njiêz viv côngv thôngx luz nênhx, bộ đội lâuk Nguyễn Tứ Hùng xar tiêk “uô hâux lưv jông cxôngx zuk li siêz xar, tsuv truôx siêz bo cxiv uô thiêx uô tâu tiêr”. Đros zơưv Hùng, hâux lưv tul tsi zơưv uô cux zos cxôngx zuk li tsưr ziv, siêz xar. Hnuz tưs, zơưv cux kruôz kriê tuz nhuôs sir jos nhoz uô nênhx jông, zos muôx pênhr xưv, tsuv sik côngv tsưr ziv đas jos cxiv kho thax tsav qơư nhoz cov ziv hnuz ziv jông jav thiêz hlôngr yiêz./.

(TTT-Txâur Vax cxeik nhênhv)