Truôx đrênhk hâur thax tsav ntus đriv faz Bắc

Jok Pá Khoang, xar Mường Lèo nhiv no tưz muôx têx hlôngr yiêz ntâu. Zos luz jok ntus đriv nhoz đez tsênhv qơư huyện muôx 90 cêik cêr, taz sik txox cêr muk hâur jos tưz jông muk đuô lơưv, yêz lox, yêz mêir cux muk txos ntuô hâur jok thâuv chêix ntux kruôr lơưv, hâur chor yêz ntông 3 qar nhoz plox pliês hâur têx har ntông zos pox nhuôs chos mak pov tâu pox nhuôs sơưr đơưk têx cêr shir phaz thâuv njiz lơưr. 46 ziv chuôz zis nhoz ntơưv no luz nênhx tsênhv truôx tuk jux juk.Taz sik, thâuv thav txos ntu nênhx đrav ntêx, Dua Xênhv Shôngx, tsar jok Pá Khoang cux jêik tsik tâu cêr pôngz siêz. Têx muôx thâuv shông 2015-2016 tâu Dua Xênhv Shôngx hêik muk hêik lok xưk li hêik cov zuk thiêz sơưr đơưk pâuz thiêz ndo njôngr txos chor nênhs tsik pov tror lok:“Tiv môngs trơưk chor nênhs fêv, 7 chuôz zis hâur jok tưz nhiês cêr muk saz đrâuv têz qơưk chiê uô nox, taz sik luz nênhx tsik tâu hlôngr yiêz mak tưz ho njiz trâus têx phiv liv, tsik jông, trâus luôs ntâuk, nziêk đas jos khưr trâu luôs nox thiêz nhiv no iz cxiê lênhx mak tsik hnor mông shor uô nênhx nhoz li chak lơưv”.

Viv li, Hụ Xênhv Shôngx, iz hâur chor chuôz zis tưz tsir qơư nhoz ntu đrav ntêx, nhiv no tưz pâuz tâu tiêk: Tsik sir jos khưr uô nox mak luz nênhx zênhx zuôr txov nhêv xưz:“Tsir qơư nhoz mak zuk luz nênhx zuôr txov nhêv hênhr, viv cxuô zav hâur zuk vax tsêr zuôr pôngz plox tas hur si. Pox nhuôs sơưr đơưk tsik tsuv tsir qơư nhoz lơưv, tsuv nhoz truôx qơư khưr uô nox mak zuk thiêz tsik txov nhêv”.

Sir jos uô nênhx nhoz đros pêx xênhv, txơưv ntux yar, ntux nas, cêr muk lok phiv liv, yênhx lênhx cán bộ, đảng viên, chiến sỹ đoanx kinh têr-Côx phax 326 tâu phiêz côngz sêiz shuôk thax tsav tsik so muk trâu têx jêx jok chiê nriêr pâuz lok qênhx shênhx thiêz pêx xênhv luz nênhx. Lơưr tưz muk txos ciês jok Pá Khoang chiê kruôz kriê trâu pêx xênhv chos ntông xoan, txir tuôz ziz, paz ciês trâu pêx xênhv chos 1.000 tsoz ntông nox txir thiêz paz nhux đas nôngz trâu pox nhuôs zus chiê huov tsar luz nênhx. Tix lâus Tộng Xênhv Muôk, iz chuôz zis nhoz hâur jok tâu paz nhux đas zus shir phaz hêik:“Nhux đas nôngz Đảng, têz qơưk tưz paz trâu zuk mak zuk tsuv uô jông tu zus. Zus tâu jông cov huôv tsar mak thiêx zuôr paz trâu zuk txo grêk cêr yêiz pluôs thiêz uô bluô nux”.

Lơưr Thượng tá Nguyễn Hữu Cảnh, Phưv Chánh ủy Đoanx kinh têr-Côx phax 326: hâur côngz xưv yax kriê, taz viv chiê chor cán bộ, chiến sỹ, đảng viên, chor hluôk nênhs zos chor đôiv uô xênhz yar thiêz cxiv tsa chính trị nhoz ciês ntơưv têx xar, jêx jok kriz uô.“Đoanx sik côngv truôx đros cấp ủy, chính quyền tiv phaz. Đros nriêr pâuz, ntâuk gri pov kror tưs tsik tâu tâu mak sir jos paz trâu têx kror hâux lưv co cov truôx jông”.

Trung tá Lò Hữu Chiến, đội trưởng độ 3 Nậm Lạnh hêik: yênhx lênhx cán bộ, đảng viên li têx tsưr ziv uô kinh têr choz zok paz trâu pêx xênhv zos têx hâux lưv, tsưr ziv uô tâu jông:“Đros chi bộ, pêz tưz muôx Nghị quyết chiê kriz uô cov tâu jông. Tưz kriz uô trâu yênhx lênhx cán bộ, đảng viên, iz lênhx tsuv muôx iz tsưr ziv uô. Thiêz nhiv no cxuô lênhx nênhs hâur taz viv puôr lênhx uô tâu lok six jông”.

Tưz zênhx zos qơư phiv liv lok vax tsưr, taz sik nhiv no, xar Nậm Lạnh, huyện Sốp Cộp tưz hlôngr yiêz ntâu, xưk li kruôz kriê pox nhuôs sir jos khưr uô nox, huôv tsar kinh têr txos têx tsưr ziv chos jôngr, chos ntông nox txir, zus ol ntês kê, huôv tsar tu zus njêl. Taz viv cux sik côngv đros têx doanh nghiệp nhoz têx tỉnh qơư kik chiê chox chor hluôk nênhs muk uô hâux lưv, cê paz muôx hâux lưv uô, cê paz muôx phênhv sâu trâu pox nhuôs. Bí thư Đảng ủy xar Nậm Lạnh Lê Đức Trường ntâuk gri:Txix têx uô tâu co puz pov, pox nhuôs tưz njênhs njôngr theiez uô trơưk bôv đôiv lơưv:“Đội uô nox số 3 tưz đros đrêiv tiv phaz, uô truôx jông chính trị ntơưv têx jêx jok. Đhâu co, tưz paz trâ iz cxiê cho hôiv, đoax thêv ntơưv têx jêx jok uô tâu jông hâux lưv, paz uô jông têx phongz yaox ntơưv têx jêx jok. Taz viv cux tsik so sik côngv đros chor tsưr tsix đoax thêv nhoz xar hâur uô jênhv vưv chính trị, huôv tsar kinh têr-xar hôiv, taz por ngaz tuk ntơư tiv phaz”.

Têx hâux lưv uô tâu tsênhv tsênhz co tưz paz trâu pêx xênhv njênhs njôngr đuô trâu chor bôv đôiv lâul Hôx thiêz pêx xênhv sơưr đơưk hax zav njênhs trâu Đảng, bôv đôiv đua, tsik trâus chor nênhs fêv nziêk đas. Zâuv sơưr đơưk tok mnôngs nzir jax oz hêik lok chor bôv đôiv lâul Hôx no li têx hâux lưv uo jông paz trâu pêx xênhv nonhz thax tsav ntus đriv Tây Bắc hâur tsaz yênhx tov kaz./.

(Bích Thủy-Đức Anh-Thào Ly-Lik Thox cxêik nhênhv)