Mường Men hâur cheix ntux yiêz 

Xã Mường Men muôx 430 ziv chuôz zis mak muôx txos 68% zos ziv chuôz zis pluôs, 11% ntâu zos ziv chuôz zis zuôr xar pluôs. Ar têz, qiv hơưv nhoz no tsi jông, đros co zos txox cêr cxôngx huyện mul txos xã txơưv cheix ntux lok nas lok sik cheix ntux kruôr cux lok six lax mul lok tâu đhâu, uô trâu xã li luz nênhx thiêz kinh têr huôv tsar kênhz. Jiês đêx nas cuôr yôngz zov chênhr hâur đraz shông nhiv kruôr đhâu, zuôr xar 50 ziv chuôz zis trâus ruôr hiêv lok tsêr nhoz, côngz tsinhx cungz đêx xênhz huôx. Zơưv Vì Văn Triền, Phưv Chủ tịch UB xã Mường Men heik:

          “ Đros thiêz têx cấp chinhr quyênx tiv phaz li lênhs tov, chox kriê mak hâur shông 2018 cux xưk li têx shông nhiv kruôr đhâu mak cux chox têx nôngz tsoz chos yiêz lok chiê pox nhuôs tsêz chos, taz sik viv pox nhuôs li jênhv pâuz kis viv li xã huôv tsar tsênhv muôx njik kênhz”.

          Đros siêz xar paz txưv têx chuôz zis txov nhêv tos Tsiêz yiêz sor si, cxix cxuô đuô, Đeix nta suôz VN chiz coaz nhoz thax tsav Tây Bắc tưz sik côngv đros Công ty Bảo hiểm bưu điện Tây Bắc khơưk muôz 50 phênhv huv trâu 30 ziv chuôz zis muôx luz nênhx txov nhêv thiêz 20 lênhx mê nhuôs shux xênhz pluôs sir jos cơưv ntơưr hênhr, iz phênhv tsiv grê 500 cxênhz đeiv. Pos Hà Thị Máy, nhoz jos Cóm, zos chuôz zis tâu jênhv huv shir phaz heik:

          “Cur chuôz zis mak lok six txov nhêv. Hnuz no, tâu đoanx côngz xưv tuôx khơưk muôz huv tsiêz, muôx thax nduôr, mix chênhr...Shông yiêz, cur chuôz zis zuôr sir jos đuô uô nox uô hâuk chiê hla đhâu cêr pluôs, kruôz kriê mê nhuôs sir jos cơưv ntơưr”.

          Zơưv Trần Mạnh Hùng, Giám đốc Công ty Bảo Hiểm Bưu điện Tây Bắc nhoz Tổng công ty cổ phần Bảo hiểm Bưu điện- PTI puz pâuz: Shông 2018, PTI jông siêz tâu jênhv 2 giải thưởng ntiêx têz coaz tsôngv co zos: Doanh nghiệp muôx ntâu xar tơưv jông hâur huôx tôngv viv côngv thôngx zos tạp chí Châu Á- Thái Bình Dương khơưk muôz thiêz giải thưởng luz bê jông sâuv ntiêx têz zos tsưr tsix Laurete khơưk muôz. Huôx tôngv ntơưv têx thax tsav tsênhv txov nhêv li Hòa Bình, Sơn La, Điện Biên, Công ty thâuv tưs cux xav tênhv, đros thiêz chuôz tsar phênhv sâu thiêz krêz đar niêv ciêz bảo hiểm, zuôr tsưr tsix ntâu huôx tôngv jông siêz, paz max têx xã pluôs, tsôngv box txov nhêv muôx cxaz đas jos chiê huôv tsar đuô:

          “ Hâur ntu zuôr txos pêz cux đros Đeix nta suôz VN nhoz thax tsav Tây Bắc uô ntâu tsaz yênhx jông siêz đuô thiêz, chiê paz max tsôngv box têx mênhx cxưx tox siêz”.

          Đros thiêz paz txưv xã pluôs Mường Men, têx shông tov ntêx, VOV Tây Bắc tưz jênhv paz max xã Chiềng Yên, huyện Vân Hồ. No zos têx xã txov nhêv tiv zix tỉnh Sơn La. Lơưr co, VOV Tây Bắc tưz hu lơưs doanh nghiệp paz txưv cxiv tsêr cơưv mê nhuôs zâu Nà Bai nhoz ciês hâur jos trâu xã Chiềng Yên paz mê nhuôs tâu mul cơưv ntơưr. Thiêz têx hnuz xar txos tsiêz yiêz 2019, têx phênhv huv muôx ziz njiêz ho tâu khơưk muôz txos tsôngv box xã Mường Men. Cheix ntux yiêz no tsuôk li ziv sir siêz đuô cxôngx têx cêr pheiz kênh co./.

(Trấn Long- Txâur Vax cxeik nhênhv)

Piêr kriê lênhx nênhs pâuz lok têx jông thiêz tsi jông hâur kêr txeik nhiêx ntơưv tsêr nhiêx

1. Kêr txeik pênhr nhiêx tsi zuôr đaz tsi ntâuk gri zos li chas?

Kêr txeik pênhr nhiêx zos kêr txeik tsêr nhiêx têx nhiêx txiêx tsi tas zuôr iz zav chuôz zênhx đaz tsi lol ntâuk gri, iz chas co khov hur si trâu lênhx nênhs ntơư tsưr ziv, pênhr xưv thêv têx nux grik chiê phưx vưv uô lênhx nênhs no têx tsưr ziv, hâux lưv li: Zuôr têx chuôz zênhx, muk ndis shuôs ntux uô si, huôv tsar uô nox uô hâuk, nox yôngz cok..... Txix ntơư, têx tsưr tsix nhiêx txiêx lok sik tsêr nhiêx zuôr tso txeik pênhr khov lok sâuv lênhx kruô co li pênhr sâu tâu hâur niêx hli. Xav kror đruôz đraz têx tsưr tsix nhiêx txiêx lok sik tsêr nhiêx zuôr muôz trâu kêr txeik txix 10-500 tsov đeiv, hâur six hơưv txeik txix iz shông txos 5 luz shông.

2. Têx jông lok sâuv kêr txeik pênhr nhiêx li no

Thâuv kêr txeik nhiêx txiêx, lênhx nênhs tsi tas muôz iz zav chuôz zênhx đaz tsi tsiv grê li: Ntơưr côngz jênhv sir zôngv ar, yêz lox lok sik têx chuôz zênhx muôx grik txơưr đuô.... lok ntâul gri.

          Têx ntâuz ntơưr uô kêr txeik nhiêx lok six zôngx ziv thiêz sei đuô pir li txeik nhiêx txiêx tsuv muôx têx chuôz zênhx uz no tsiv gri lok ntâuk grê. Tsôngv kruô muôz cxix cxuô têx ntâuz ntơưr cik txos zuk lênhx tiz nênhs trơưk li tsêr nhiêx lok sik tsưr tsix nhiêx txiêx cui tinhv xưz.

Tsi tas nhiêx uô têx ntâuz ntơưr kêr txeik pênhr.

Tsưr ziv kêr txeik, tsôngv kruô muôx têx tsi tas tuôx gra nhiêx ntơưv iz qơư uô têx nuv co mak sđ muôx têx đas cir kêr txeik pênhr thiêz buôk ti txeik nhiêx ciês ntơưv tsêr nhiêx lok sik txeil đhâu bưu điện....tưz tâu.

Tsôngv kruô muôx têx zôngv chor nhiêx txeik co uô cxuô zav hâux lưv trơưk chei, cui tinhv mak tsi tas heik tsênhz mênhx lok zul tsưr ziv zuôr zôngv têx nhiêx ntơư uô đaz tsi, viv têx tsưr tsix nhiêx txiêx lơưr tsuôk tsưv ziv ntâu txos tsôngv kruô thêv têx nhiêx txeik co li chas xưz.

  Muôz nhiêx tâu sei trâu tsôngv kruô, tsuôk đhâu txix 1-5 hnuz uô hâux lưv.

Chor nhiêx muôz kêr txeik ntâu, muôx têx txos 500 tsov đeiv, seiz yênhx lênhx nênhs.

3. Têx tsi jông lok sâuv kêr txeik nhiêx li heik sâuv

Chiê txo grêk tsơưs têx tsi jông trâu chor nhiêx muôz trâu lênhx nênhs kêr txeik thiêz pâux nzir trâu têx nhiêx txiêx lok sâuv qênhz shuôs têx ntâuz ntơưr, pênhr nhiêx.....viv li lơưr khênhr xav nhiêx nju siêz đuô pir li kêr txeik fênhx yax. No cux zos iz kro lar heik txos hâur kêr txeik pênhr nhiêx trơưk tsưr ziv no.

Zos lênhx tưs xar thêv uô ntêx six hơưv, hnuz nhôngs cui tinhv, mak lênhx kruô ntơư zuôr tsuv thêv nzir 2-5% chor nhiêx thêv uô ntêx tsi trơưk cui tinhv. Chênhr viv li, thâuv quyết tinhv uô ntâuz ntơưr kêr txeik nhiêx xưk li heik sâuv, tsôngv kruô sđ tsuv tiz jông seiz tsênhz têx cui tinhv heik txos têx muôx yưv hâur six hơưv, hnuz nhôngs kêr txeik li: Đhâu six hơưv, hnuz nhôngs thêv thiêz thêv uô ntêx tsi trơưk cui tinhv.....

Li ntơư, đhâu phênhz têx jông thiêz tsi jông heik sâuv, lênhx nênhs tsuv tsưv ziv: Uô ntêx thâuv zuôr kêr txeik pênhr sđ tsuv tiz jông seiz tsênhz têx tsêr nhiêx tsưr ziv, cui tinhv tso kêr txeik nhiêx chiê zok nriêr tâu têx jông thiêz muôx liv đuô . Iz chas co,  tsuv pâuz tsênhz thiêz tiz jông seiz shuôs têx cui tinhv hâur hux thôngx thâuv cir têx ntâuz ntơưr thor kêr txeik pênhr nhiêx chiê txar jav tâu têx tsi jông zar tov kaz no./.

(Hồng Việt-Riê Lâux cxeik, nhênhv)