Sho Pí Lè- tsôngv box mênhx cxưx Giáy nhoz Lào Cai li chuôz lov vênhx huôv chax chês

          Nênhs Giáy nhoz no xar tiêk suôz trax sho pí lè zos iz zav paz lênhx nênhs thav đros nênhs tuôs, heik tơưv têx siêz xar trâu đaz xênhz têz xênhz qơư pâuz, tuz nhuôs li siêz ndo txiêx njik trâu niêv txir, zos hluôk tuz hluôk nxeik yuôz chiê heik tơưv cêr siz hluz. Zơưv Hoàng A Hủ nhoz jos Bản Vền puz pâuz: Fênhx yax mak iz luz jos nênhs Giáy muôx iz paz yuôz trax Pí Lè chiê phưx vưv tsôngv box li têx huôx tôngv vênhx huôv chinhz yênhx. Paz uô hâux lưv yuôz trax Pì lè muôx 4 lênhx yuôz têx chuôz lov li: sho pì lé, ntâus đruôs, yuôz trax njiê thiêz sập sèng. Tsi zos lênhx tưs xar cxaz chuôz tuêv Pì Lè cux tâu mak tsuv tâu xeir tsov jông thiêz tsuv zos lênhx nênhs muôx jông đas jos, tâu tsôngv box hâur jos seiz tâus thiêz nhiêv suôz trax pì lè. Sho pì lé zos iz chuôz lov ntêr muôx nhos 2 đok ntâu, yuôz muôx suôz lok six jông. Nênhs yuôz sho khênhr yuôz hâur têx jiês piêr kriê, uô ntênhs phêv, yuôz li chas cov huv đros, taz sik uô lênhx nênhs lok six jông mnôngs:“Cur lok six nhiêv shâuv yuôz trax sho thiêz ntâus đruôs, chiê tuôr tsês pêz tsôngv box Giáy li cêr vênhx huôv jông”.

          Sho Pì Lè yuôr tâu ntâu zav. Heik tơưv siêz xar shir phaz lov jêv hâur ntênhs nox yôngz, lok sik tâu yuôz hâur ntênhs txiêk muôx lênhx nênhs tâu tas siv nênhx....Nênhs Giáy xar tiêk luz sho zos chuôz lov paz nênhs tsênhv nhoz uô nênhx đros nênhs tâu tas siv nênhx thav, heik tơưv siêz xar trâu ntux têz pâuz, lok sik chiê têx hluôk tuz hluôk nxeik yuôz heik tơưv cêr gâux cêr đrâus...Tiv zix tsi zos thâuv tưs cux gra sho lol yuôz mak tsuv yuôz trơưk têx hnuz ntênhs xưz, viv li chuôz lov no ziv tâu seiz tsiv grê. Lênhx tưs xar shâuv yuôz trax sho Pí Lè mak đhâu hnuz xiêz 3 tsiêz tsuv nriêr tuôx ntơưv cưk kriê txơưx yuôz sho chiê thor nưs kriê trâu.

          Zơưv Nguyễn Văn Tâm, Phưv chủ tịch UB xã Bản Qua puz pâuz: Đros tsôngv box mênhx cxưx Giáy heik cxuô thiêz nênhs Giáy nhoz Bản Qua heik taz mak muôx têx vênhx huôv trâur lâus jông, hâur co muôx yuôz sho Pì Lé. Têx vênhx huôv no lok six coaz tsôngv hâur lơưr li luz nênhx, muôx cxôngx nzor lol thiêz tâu têx lâus tsês chiê trâu tuz nhuôs tov kaz no:        “Xã Bản Qua cux tưz cxơưz cxiz chor paz chor uô hauax lưv yuôz trax sho Pí Lè kriê trâu têx tuz nhuôs chiê tuôr tsês thiêz huôv tsar zav trax Pí Lè no”.

          Nhiv no luz nênhx muôx ntâu hlôngr yiêz, muôx ntâu zav chuôz lov yiêz, taz sik cxôngx ntâu cxênhx nênhs lol no, đros tsôngv box mênhx cxưx Giáy nhoz Bát Xát, Lào Cai, sho Pí Lè zos chuôz lov vênhx huôv chax chês tsuv muôx đros đrêiv hâur zuk mênhx cxưx li vênhx huôv chinhz yênhx mak cxuô lênhx nênhs tsuv sir jos tuôr tsês thiêz phuôx huiz./.

(Thanh Thủy- Txâur Vax cxeik nhênhv)

Iz lênhx cưk kriê chor hluôk khoz đruôk tôngx nxêz tôngx

          Cưk kriê KBe thav tiêk, nưk tưz zênhx cơưv shâuv khoz đruôk tôngx nxêz tôngx txix thâuv tsênhv zâu thiêz thâuv tưs muôx ntênhk hội hâur jos, zơưv KBe tưz zênhx đros khoz đruôk tôngx nxêz tôngx. Txos trâu thâuv muôx 12 shông, zơưv Kbe tưz zênhx pâuz khoz đruôk tôngx nxêz tôngx. Trơưk li zơưv Kbe hêik pâuz, đruôl tôngx nxêz tôngx, zos hêir nênhs K’ho iz zav vênhx huôv jông muôx đros đrêiv hâur hêir nênhs co li luz nênhx. “Luôs hâux lưv tuôr tsês chiê zuk hêir nênhs têx đruôk tôngx nxêz tôngx cov muôx đros đrêiv hâur luz nênhx, chor lâuk uô niêv uô txir tsuv kriê tsôngv tuz nxêik hluôk sđ cov pâuz tâu zuk hêir nênhx têx vênhx huôv jông cxôngx nzor”

          Huôv tsar truôx zuk hêir nênhs têx txux chi, vênhx huôv jông tsik chiê pôngz plox, zơưv Kbe tưz kriz ntâu lớp kriê chor hluôk cơưv shâuv khoz đruôk tôngx nxêz tôngx. Pâuz tâu têx muôx liv zơưv Kbe uô ntơư, cxuô chuôz zis hâur thax tsav tưz zaz zâuv tsôngv tuz nxêik hluôk sđ tuôx đros cơưv shâuv khoz đruôk tôngx nxêz tôngx. Tus niêv hluôk Kphen cux thav tiêk: Đhâu lớp cơưv shâuv khoz đruôk tôngx nxêz tôngx, niêv hluôk kphen tưz pâuz khoz cxuô jax đruôk tôngx nxêz tôngx nthuôr uô cêr lov jêv. “Cur khoz tâu cxuô zav thiêz cxuô jax đruôk tôngx nxêz tôngx. Cur xar tiêk, cxuô lênhx hluôk iz zav li cur no, tsuv muôx chôngz lênhx ntau tus pâuz thiêx tuôr tsês chiê tâu zuk hêir nênhs têx đruôk tôngx nxêz tôngx”

          Cux zos muôx zơưv Kbe kriê khoz đruôk tôngx nxêz tôngx mak xav txos trâu nhiv no, ntơưv jok Bồ Liêng muôx chôngz lênhx ntâu tus tuz nxêik hluôk pâuz khoz đruôk tôngx nxêz tôngx thiêz pâuz đhiê pax vuôs. Nhiv no hâur jok tưz cxiv tsa tâu iz paz nxêik khoz đruôk tôngx nxêz tôngx, oz paz đhiê pax vuôs, oz paz tuz hluôk khoz đruôk tôngx nxêz tôngx; xav  hur tiz si muôx 28 lênhx tsik so đros khoz đruôk tôngx nxêz tôngx, nthuôr uô cêr lov jêv hâur thax tsav. “Pêz tưz kriz tâu ntâu lớp kriê cơưv khoz đruôk tôngx nxêz tôngx, đhâu ntơư pov cxuô lênhx tuz nxêik hluôk cux cơưv tâu sêi thiêz cur cux xar njôngr tiêk: Cxuô lênhx tuz nxêik hluôk sđ tsuv sir jos tuôr tsês zuk pox côngz zơưv côngz têx txux chi, vênhx huôv jông tsik chiê pôngz plox”

          Iz chas luôs hâux lưv kriê cơưv shâuv khoz đruôk tôngx nxêz tôngx, cưk kriê Kbe, tsôngv px nhoz iz cxiê jok txơưr hâur thax tsav thiêz tsêr cơưv mênhx cxưx Lâm Hà cux tuôx hêik zơưv Kbê muk kriê txux chi khoz đruôk tôngx nxêz tôngx trâu cxuô lênhx shuv xênhz hâur tsêr cơưv thiêz xav txos trâu nhiv no, zơưv Kbê tưz kriê tâu 700 ntâu lênhx tuz nxêik hluôk nhoz hâur iz thax tsav ntơư pâuz khoz đruôk tôngx nxêz tôngx. “Cưk kriê Kbe, zos iz lênhx muôz siêz truôx bo chox kriê tsôngv tuz nxêik hluôk sđ cơưv shâuv khoz đruôk tôngx nxêz tôngx thiêz ntơư zos iz luôs hâux lưv uô muôx liv, tuôr tsês pox côngz zơưv côngz têx đruôk tôngx nxêz tôngx cov muôx đros đrêiv hâur luz nênhx”

          Chêix ntux yiêz, chêix ntênhk hội, hêir nênhs K’ho thiêz cxuô hêir nênhs txơưr đuô nhoz thax tsav Tây Nguyên, cux shir phaz lul nthuôr uô cêr lov jêv trâu cxuô luz jêx jok, chiê tsôngv kruô hâur pâuz txos./.

(Tsu cxêik-nhênhv-VOV Tây Nguyên)