Jax sâu thưr 3.18.10.2016:

LÀO CAI: TRÂUR NUV TSÊR CƠƯV TSÊZ CHOS, TU ZUS: “ HÂUX LƯV JÔNG” HÂUR ZAOZ ZUX HUYỆN PLUÔS

          Nhoz ntơưv tsênhv qơư xã, huyện 30a Mường Khương, tsêr cơưv cấp 1 Bản Xen zos iz hâur têx trâur nuv tsêr cơưv tsêz chos, tu zus xuz thơưx thiêz jông nhoz tỉnh Lào cai. Đrâuv taz por theox chênhv tuôv zênhv hâux lưv kriê thiêz cơưv ntơưr, tsêr cơưv tsênhv muôx iz qơư tsêz chos, tu zus jông. Cxôngx pas zus njês, vax chos jâuz, ntông nox txir, qơư tu zus buô, yik, keiz, zax zuôv....Iz kror mê njik, taz sik tsoz chos tưs, tul tsiêx tưs cux muôx, paz shux xênhz hâur tsêr cơưv cơưv ntơưr thiêz lox tôngv.

          Lơưr phóng viên li sâu jênhv, đrâuv six hơưv cơưv ntơưr, shux xênhz hâur tsêr cơưv yax six tâu kriê uô têx trâur nuv tsêz chos, tu zus no. Cưk kriê heik kriê, shux xênhz pheiz uô yênhx paz chiê uô: Paz uô vax chos jâuz, ntês caz, đoz đrox; paz tsoz phưz tsiêx tu zus thiêz uô vêv xênhz guôx cơư... Têx shux xênhz lớp 1, lớp 2 tsênhv zâu mak seiz thiêz shâuv uô lơưr; têx shux xênhz lớp siêz đuô mak uô lơưr hâux lưv tâu pheiz côngz uô. Muôx têx lênhx tưz lok six txơưx uô. Thâuv tâu mul seiz thiêz uô têx shux xênhz puôr lênhx lok six nhiêv. Shux xênhz Bùi Phương Thảo, cơưv lớp 5A2, tsêr cơưv cấp 1 Bản Xen heik:

          “ Đrâuv six hơưv cơưv ntơưr, pêz tsênhv tsoz phưz têx tsiêx tu zus thiêz chos jâuz, viv li lok six lov jêv. Đrâuv co, pêz cux jông siêz viv thâuv lol tsêr paz max tâu trâu niêv txir lok six ntâu”.

          Cưk kriê Trần Thị Bình, Hiệu trưởng tsêr cơưv cấp 1 Bản Xen puz pâuz, tsêr cơưv nhiv no muôx 17 lớp cơưv đros 306 lênhx shux xênhz, zos iz hâur têx tsêr cơưv muôx yênhx tix kriê thiêz cơưv ntơưr jông hâur huyện. Kuôk nor 3 shôngk, trâur nuv tsêz chos tu zus tâu uô ntơưv tsêr cơưv. Qir thơưx cxuô hâux lưv puôr lênhx lok six phêv liv, cxôngx nhiêx txiêx, chuôz zênhx txos nôngz tsoz chos, tsiêx tu zus, tul tsi cux tsi muôx. Taz sik, tâu chính quyênx tiv phaz thôngx ziv paz max, tập thể cán bộ cưk kriê, chuôz zis thiêz têx shux xênhz, tsêr cơưv tưz truôx siêz qir tês uô. Đros thiêz tsêr cơưv nhoz huyện pluôs, viv li shux xênhz niêv txir nhoz no tsi muôx nhiêx txiêx paz, mak paz chuôz zênhx cxiv tsa thiêz hnuz côngz. Đrâuv co, chiê uô têx hâux lưv lox li luôv plas ar, khơưz pas njês cux zuôr trâus txos nhiêx txiêx mak têx cưk kriê, cán bộ hâur tsêr cơưv, lênhs tov xã txưv zênhv paz iz lênhx mê njik. Thâuv cxiv uô tâu qơư tsêz chos, tu zus lơưv, têx nôngz tsoz chos, tsiêx tu zus cux zos iz phêv liv thiêz. Cxôngx muôx 2,3 tsoz chos, tul tsiêx cxu, txos nhiv no tsêr cơưv tưz muôx iz qơư tsêz chos tu zus mak lênhx tưs tuôx seiz cux lok six jông siêz. Cưk kriê Trần Thị BÌnh heik:

          “ Tsêr cơưv cxiv tsa trâur nuv chiê kriê têx shux xênhz tsưr ziv nhoz uô nênhx; shâuv trâu shux xênhz pâuz moz siêz txos jôngr ntông, tsiêx cxu thiêz muôx tsưr ziv uô nênhx tov kaz no. Trâur nuv no cux tưz tâu têx shux xênhz li niêv txir thiêz têx cấp lênhs tov lok six tsov cưv, thôngx ziv”.

          Viv qơư tsêz chos, tu zus tsi zos chiê tsiv uô kinh tế, viv li tsêr cơưv tsi krêz uô đêz đar; taz sik cux muôx ntâu zav tsiêx tu zus, ntâu zav tsoz chos chiê shux xênhz tâu pâuz txos ntâu đuô. Cxôngx thâuv phuôv tsar uô trâur nuv, shux xênhz li chinhz yênhx cơưv shâuv tâu hlôngr yiêz tsênhz mênhx, têx thâuv mul tsoz phưz tsoz chos, tsiêx tu zus, shux xênhz ho pov chinhz yênhx jông đuô tuôx. Đrâuv co, têx shux xênhz tâu jenhv pâuz tsênhz mênhx đuô têx mak tâu cơưv hâur ntâuz ntơưr...Đrâuv hâux lưv tsoz phưz tsoz chos, tsiêx tu zus cux paz shux xênhz pâuz hluz tsiêx cxu, por vêv tênhx qơư. Tiv zix, thâuv so ntơưr tror lol tsêr, têx shux xênhz pâuz paz max niêv txir cxôngx têx hâux lưv uô tsênhv tsênhz. Niêv lâuk Mờ Thị Nhung, shux xênhz li txir heik:

          “ Cur lok six jông siêz viv tsaz yênhx no tưz paz mê nhuôs muôx cxaz yênhx tưv. Đhâu co, mê nhuôs txơưx vênhv zôngv lol hâur luz nênhx; thâuv lol tsêr, chiv chir pâuz uô hâux lưv. Cur xar njôngr, tsaz yênhx no zuôr tror krêz đar, phuôv tsar”.

          Chiê muôx tâu têx chêx cuk co, tsêr cơưv cux lok six phêv liv, đrâuv hâux lưv kriê ntơưr sâuv lớp cơưv, thâuv so ntơưr, cưk kriê ho kriê tsoz phưz tsoz chos, tsiêx tu zus. Iz jiês jiês so têx hnuz ntênhs, mak cux tsuv pheiz côngz cxaz hâux lưv hâur qơư tu zus, tsêz chos, chiê shux xênhz uô. Đrâuv co, chiê muôx txâuk yênhx tưv kriê ntơưr, tuôv zênhv shux xênhz li têx lul nus, têx cưk kriê cux tsuv cơưv shâuv tsi so têx yênhx tưv hâur ntâuz ntơưr, mạng internet, cxiv sâu giáo trình... Txơưv tiêk txov nhêv, têx cưk kriê tưs cux moz siêz đros trâur nuv tsêr cơưv yiêz no, tas nro viv tsơưr lươngv kriê thiêz cơưv ntơưr, viv shux xênhz tox siêz./.

                                                                       (An Kiên- Txâur Vax cxeik nhênhv)

Phênhv thưr 3, hnuz 18/10/2016:

NÔNGX MÊNHX ZUÔR TSUV PÂUZ

                                 Luk Hmôngz (Số 24)

Tso hnuz….hli….shông 2016

                                 Uô: VOV4

Nhạc hiệu chuyên mục “Nôngx mênhx zuôr tsuv pâuz”

Tsôngv….!Niêv hluôk Giàu x Zax ziv chuôz zis nhoz jos Sáng Pao, xã Xà Hồ (Trạm Tấu-Yên Bái), zos iz lênhx đảng viên hluôk nhiv kruôr tsa nhoz Đảng. Hâur ntu đrav ntêx, niêv hluôk Giàu cux zos iz ziv chuôz zis pluôs hâur jos, taz sik tâu chi uỷ jos paz max txos, niêv hluôk Giàu ziv chuôz zis tưz hla đhâu cêr yêiz pluôs.

Qơư huôv tsar cêr uô nox hâur ziv chuôz zis

Hlôngr suôz…

Muôz siêz truôx bo huôv tsar cêr uô nox, hla đhâu cêr yêiz pluôs, niêv hluôk Giàu ziv chuôz zis tưz ký ntơưr đros Hội nôngx mênhx huyện chiê muk sêiz shuôk, cơưv shâuv chor ziv chuôz bluô nux têx tsưr ziv huôv tsar uô nox. Txix shông 2010, niêv hluôk Giàu ziv chuôz zis tưz muôz cxuô zav nôngz blêx, nôngz poz cưk sâu tâu nju kôngz lok tsêz chos, hlôngr zav nôngz kôngz kuz, sâu tsik tâu nju kôngz.

Chênhr zos muôz zav nôngz blêx txuôv chox lok tsêz chos, ziv chuôz zis tưz sâu tâu nju 4 tấn hâur iz shông, tsar ndê 1 tấn pir li cxuô zav nôngz kuz. Đros ntơư, hauar iz shông, niêv hluôk Giàu ziv chuôz zis tsênhv sâu tâu 5 tân ntâu poz cưk njiêr; ntơư zos chos zav nôngz poz cưk: 9698 thiêz zav nôngz DK 888. Txix sâu tâu nju kôngz; niêv hluôk Giàu ziv chuôz zis tưz huôv tsar tu zus tsiêx cxu. Niêv hluôk Giàu thav tiêk: Thax tsav ntơư, ar ntâu, zôngx ziv huôv tsar tu zus tsiêx cxu kêiz buô thiêz đhâu cxuô lớp cơưv shâuv tsưr ziv huôv tsar tu zus tsiêx cxu, niêv hluôk Giàu thiêx pâuz tsưr ziv uô guôx, tu zus tsiêx cxu lox zâu thiêz tsưr ziv tir thêir no njiv trâu tsiêx cxu. Nhiv no, niêv hluôk Giàu ziv chuôz zis tưz muôx 4 tus tưv, 10 ntaua tus buô, 15 tus yik đros trâu kriz uô  nzir blêx liêx tơư ntêir; txix ntơư, ziv chuôz zis tưz muôx txâuk nox txâuk hnar, hla đhâu cêr yêiz Pluôs.

Đros ntơư, niêv hluôk Giàu tsênhv nhav chos 5ha txir ntông tuôz ziz, nhiv no tsênhv taz tov hloz jông thiêz cux zuôr tâu sâu hâur têx shông tsik ntêr sâuv no.

          Iz chas ntơư, niêv hluôk Giàu cux tsik so yax kriê tsưr ziv trâu chor ziv chuôz zis pluôs hâur jos đros huôv tsar tsêz chos kôngz lôngk, tu zus tsiêx cxu…cov sđ muôx luz nênhx tsâu sor jux juk.

          Sáng Páo zos iz luz jos px tsênhv txov nhêv ntơưv xã Xà Hồ, hur si jos muôx 144 ziv chuôz zis, muôx txos 104 ziv chuôz zis pluôs thiêz 100% puôr lênhx zos Hmôngz. Thax tsav ntơư, ar têz cxaz, tox trôngz câuv har siêz, cêr muk lok phiv liv, px hâur thax tsav ntơư tsênhv khưr tsêz chos cxuô zav nôngz kôngz kuz, sâu tsik tâu nju kôngz, px hâur thax tsav no luz nênhx tsênhv njiz ntâu cêr txov nhêv. Chênhr zos li hêik ntơư, niêv hluôk Giàu ziv chuôz zis têx tsưr ziv huôv tsar cêr uô nox, hla đhâu cêr yêiz pluôs, muôx luz nênhx truôx tuk, tsâu sor, cux chênhr zos uô trâu tsôngv px ntơưv no cơưv shâuv uô trơưk./.

          Phênhv “Nôngx mênhx zuôr tsuv pâuz” ciêz no, zos Đêix nta suôz VN đros tsênhv qơư cxiz kôngz têz qơưs uô./.

                                                                                                           (Tsu cxêik, nhênhv-VOV4)