Kênhx Mường Lò jông jav

Kênhx tâu uô txix 14 zar car shôngz, taz sik tsuv zos chor shông nhiêk, zâuv, muôx poz tsơưs. Kênhx tâu phiêz uô oz saz, iz saz 7 zar car shôngz. Tâuz kênhx mak xuôk ntông uô. Iz hâur têx kror lax uô tiv zix zos uô chor blêiv kênhx. Thiêz kênhx mak zuôr zôngv yuôz tâu têx suôz txix thâuv ntêx txos nhiv no thiêz zôngv yuôz trâu đhiê pax vuôs. Viv li, kênhz zênhx muôx đrêiv hâur tsôngv box Thái luz nênhx thiêz têx qơư uô vênhx nghệ, đhiê pax vuôs.

Tsôngv box Thái traz kênhx xưk li zos iz vênhx huôv jông, zos kror hêik tơưv tâu têx chiv xênhz thiêz chor nênhs uô, yuôz kênhx li siêz nhiêv zuk mênhx cxưx. Co zos kror hêik tơưv tâu huôv tsar hâur chor zav sênhr suôz, hêik tơưv tâu tsôngv box Thái li têx cêr nênhx vênhx huôv jông. Zơưv Lò Văn Chính nhoz phường Tân An, thị xã Nghĩa Lộ puz pâuz:

“Đros tsôngv box Thái nhoz Mường Lò Nghĩa Lộ mak thâuv tưs cux tsuv muôx traz kênhzz no”.

Njiê traz kênhx mak chuôs li zôngx ziv, taz sik thâuv yuôx mak uô trâu sơưr đơưk lok six nhiêv mnôngs, têx thâuv mak yuôz chiê hêik tơưv lênhx hluôk tuz siêz nhiêv xa trâu lênhx hluôk nxêik, têx thâuv ho xưk li têx suôz chuô đror jông mnôngs…kror tiv zix zos suôz tsôngv box Thái traz kênhx mak muôx oz suôz uô cê hêik tơưv tâu têx kror huôv tsar hâur luz nênhx. Lò Văn Biến nhoz jok Cang Nà, phường Trung Tâm, thị xã Nghĩa Lộ hêik:

“Suôz kênhx mak tâu yuôz hâur tas nro chor jiês đhiê pax vuôs, muôx cêr lov jêv, shir phaz li txênhv tsêr, yôngz cok. No cux zos zav sênhr suôz zôngv trâu tas nro mênhx cxưx Thái li cxuô zav đhiê pax vuôs. Txix nênhs lâul txos hluôk nênhs lênhx tưs cux nhiêv mnôngs suôz kênhx no”.

Chiê hênhr kruôk traz kênhx, nhiv kruôr đhâu thị xã Nghĩa Lộ tưz uô traz kênhx lox siêz 2 yiv, đar 5 yiv chiê sơưr đơưk sêiz, nriêr pâuz ntơưv ntênhk ciêz vênhx huôv-Du lịch Mường Lò shông 2017. Kror tiv zix zos traz kênhx tsik zos uô trâu luôs sêiz xưz mak traz kênhx lox no cux yuôz tâu iz zav li cxiê traz hur si, tâu 5 lênhx nênhs yuôx uô cê; chiê trâu yênhx cxênhz lênhx nênhs đhiê pax vuôs xòe. Pos Hoàng Thị Hồng Hạnh, phưv chủ tịch UBND thị xã Nghĩa Lộ puz pâuz:

“Shông no pêz tsêx trung piêr pâuz lok tsôngv box Thái Mường Lò traz kênhx, zos iz zav sênhr suôz zov chênhr muôx haur tsôngv box Thái luz nênhx. Thâuv ntêx no mak cux tsik tâu piêr pâuz, phuôx huiz. No zos kror mak Nghĩa Lộ lok six tsov cưv txos…”

Đros thị xã Nghĩa Lộ li traz kênhx nhiv kruôr tâu côngz jênhv Guinnes Việt Nam tưz paz trâu tsôngv box Thái Mường Lò njênhs thiêz tso siêz đuô tror tuôr chiê, phuôx huiz zuk têx vênhx huôv jông tsik chiê pôngz plox/.

(Đinh Tuấn-Lik Thox cxêik nhênhv)