Jax sâu thưr 5 hnuz 18/2/2016:

Lào Cai tuôr chiê thiêz huôv tsar nôngz ol Sín Chéng

 

 

Zơưv Lủng Xênhv Zax chuôz zis tưz ntâu fâuv nênhs tu zus zav ol Sín Chéng. Nhiv no zơưv ziv chuôz zis paz ol muôx zuôr xar 100 tul. Zơưv Lủng puz pâuz, tsoz phưz tu zus zav ol no mak tsik lax, zav nox chênhr zos njiêr poz cưk thiêz tu zus ntơưv têx qơư muôx đêx. Trungz fênhx iz têik cik sơưr nzor, zơưv Lủng ziv chuôz zis sâu tâu 25 luz kê ol:

 “Cur chuôz zis tu zus chor ol no ntêr lơưv, lok six muôx chêx cur trâu chuôz zis. Xav tas nro kê thiêz grêix ol chuôz zis sâu tâu 30-40 triệu đêiv iz shông”.

Jok Bản Giáng, xã Sín Chéng muôx 50 ziv chuôz zis mak chuôz zis tưs cux zus ol. Muôx iz cxiê chuôz zis zus ntâu muôx iz puôk tul. Đros chêx cur lok kinh tế, ol Sín Chéng tsênhv paz pêx xênhv tho nox chor kưx đax chiê por vêv blêx. Nhiv no iz huôv huyện Si Ma Cai li chor paz ol muôx zuôr xar 6.000 tul. Đros gri muôs truôx tuk 120 cxênhz đêiv iz cir thiêz 6.000 txos 7.000 đêiv iz luz kê, tưz paz trâu ntâu ziv chuôz zis hla đhâu cêr pluôs txix zus ol.

Lơưr Viện nhênhz chơưv têz qơưk li ntâuk gri, ol Sín Chéng lox hnhar, kaz grêix, kê lox, muôx hlưx kê ntâu viv li tâu chôngz nênhs nhiêv. Taz sik, nênhs zuôr chôngz hok muôs ho tsik txâuk, viv têx phiv liv hâur tu zus thiêz huôv tsar chor ol no. Zơưv Lương Văn Dũng, phưv chủ tịch UBND xã Sín Chéng, huyện Si Ma Cai puz pâuz:

 “Chor ol mak tsênhv oz muôx nzir phênhv sâu trâu pox nhuôs. Nhiv no chuôs li tas nro chor jêx jok puôr lênhx tu zus ol, tsêx tsung ntâu tiv zix muôx ntâu đêx zos jok Bản Giáng thiêz jok Sín Chải. Tsiv gri kinh tế chor ol Sín Chéng tưz tâu khav tênhv, ciês gri kê cux siêz đuô chor zav ol txơưr đuô txix 2-3.000 đêiv iz luz”.

Shông 2012, Viện tu zus têz qơưk tưz cuêz tênhv muôz chor nôngz ol Sín Chéng tso hâur bê ntơưr tsuv tâu tuôr tsês chiê paz huô tsar chor kêiz ol têz qơưk. Shông 2013 ol Sín Chéng tâu côngz jênhv zos zav nox kaz nhoz thax tsav tox siêz no. Chiê tuôr chiê thiêz huôv tsar zav ol no, huyện SI Ma Cai tưz sir jos uô cov chuôz ndê chor ol tâu tu zus, paz muôx qơư sâu zuôr truôx trâu chor ol Sín Chéng. Zơưv Viên Đình Hiệp, trưởng phongx kôngz nuv thiêz huôv tsar jêx jok, tox siêz huyện Si Ma Cai, tỉnh Lào Cai puz pâuz:

 “Cxiv tsa kror nto bê trâu ol Sín Chéng mak nhiv no tưz tâu tỉnh côngz jênhv thiêz nhiv no tưz zos yênhx hax huv chiê mos trau sâuv ciêz đrôngs”.

Hâux lưv tuôr chiê thiêz huôv tsar ol Sín Chéng zos iz hâur têx kror paz trâu pox nhuôs tox siêz Si Ma Cai muôx phênhv sâu tâu truôx tuk, cxuôv yêiz thiv pluôs. Chiê uô tâu kror no, lok six khov vav txos muôx qơư sâu zuôr truôx tuk muk ntêr trâu pox nhuôs./.

(Thanh Thủy sâu-Lik Thox cxêik nhênhv)

 

 

 

 

 

 

 

Phênhv “Nênhs gruôs uô tâu hâux lưv jông” hnuz 18/2/2016:

Iz lênhx bí thư Đoanx xã, tu zus tsiêx cxu, chos ntông txi txir uô bluô nux

 

 

Lênhx hluôk Nguyễn Văn Sang xênhz zus shông 1983, nhoz xã tự Nhiên, hâur ntu đrav ntêx khưr hâur yênhx shông cux tsik bluô nux. Shông 2005, đhâu muk uô tuz lênhv tror lok, lênhx tuz hluôk Nguyễn Văn Sang, tưz tâu bâux xêir uô phó bí thư đoanx xã Tự Nhiên thiêz shông 2013 ho tâu bâux xêir uô bí thư đoax xã. Thâuv ntơư, Sang cux xar tiêk: Zos huôv tsar tu zus tsiêx cxu li ntơư, tsuôk zos txâuk nox thiêz cux zênhx uô tsik tâu bluô nux trâu ziv chuôz zis; tsuv hlôngr yiêz tsưr ziv uô nox. Txix ntơư, Sang tưz muk cơưv shâuv tsưr ziv hlôngr yiêz tu zus tsiêx cxu, chos ntông txi txir trâu thax tsav Hưng Yên chiê lok yax kriê trâu tsôngv hluôk sđ hâur xã. Shông 2007, lênhx hluôk bí thư đoanx xã tưz muôz 2ha ar tsêz chos cxuô zav kôngz lôngk đros trâu huôv tsar tu zus tsiêx cxu, chos ntông txi txir thiêz đhâu iz shông tov kaz, ntâu ziv chuôz zis hâur xã thiêz lênhx hluôk ntơư tưz uô siêz truôx bo kir txêik tâu pênhr nhiêx chiê ntiêr 6ha ar chos ntông  txi txir, zuôr kêiz thiêz zuôr nôngz nhux, zuôr nôngz mok lưx chox lok huôv tsar tu zus chiê txiêr cuz zus jôngx muôs. Nguyễn Văn Sang hêik pâuz:

 “Thauav nhiv kruôr huôv tsar uô cux njiz ntâu phiv liv; taz sik, zos iz lênhx hluôk, tsuv truôx siêz bo sir jos huôv tsar uô. Uô ntêx tsuv uô tsâus txos têx fôngx zưs nhoz Hưng Yên paz kriê tsưr ziv tu zus tsiêx cxu thiêz paz zuz ntông chox lok chos hâur 3 shông  uô ntêx. Đhâu ntơư, niêv txir pov huôv tsar tâu truôx thiêx muôz pênhr nhiêx đros huôv tsar uô”.

Đhâu 10 shông muôz siêz truôx bo sir jos huôv tsar tu zus tsiêx cxu, chos ntông txi txir, lênhx hluôk Nguyễn Văn Sang tưz chos tâu 3 cxênhz tsoz ntông txir lưv tsiz; 6 cxênhz tsoz txir quất uô jav; uô zuz tau 4 vạn tsoz chos cxuô zav; tu zus 10 tus nhux; 1 cxênhz ntâu tus kêiz chiê muôs trâu tuz luôv ciêz đrôngl; hâur iz shông sâu tâu 2 tỷ ntâu nhiêx thiêz muôx hâux lưv trâu px iz thax tsav ntơư uô.

Iz chas huôv tsar uô nox hauar ziv chuôz zis, Nguyễn Văn Sang, tsênhv zos iz lênhx hluôk bí thư đoanx xã, uô ntêx nyuôk trâu cxuô luôs hâux lưv, zaz zâuv, yax kriê tsôngv hluôk sđ  uô tiêr cxuô luôs hâux lưv hâur xã thiêz yax kriê  cxuô lênhx hluôk sđ huôv tsar cêr uô nox. Nguyễn Hoàng Việt, phó bí thư Thường trực xã Tự Nhiên hêik pâuz:

 “Sang zos iz lênhx bí thư Đoanx xã, thâuv tưs cux uô tiêr cxuô luôs hâux lưv zok muôz thiêz zos iz lênhx gruôs huôv tsar cêr uô nox. Chênhr zos Sang uô ntêx nyuôk trâu cxuô luôs hâux lưv; muôx têx jiês, cur cux nus chor hluôk tiêk: nêx chor hluôk muk uô saz đrâu, sâu tâu pês tsơưs châuv triệu thiêz sâu pok tâu puô triệu. Nêx sđ tsênhv hluôk, muôx đas jos, uô zav tưs cux huôv tsar tâu sêi thiêz truôx”.

          Trơưk li Nguyễn Văn Sang, hâur ntu zuôr txos no, iz chas huôv tsar tu zus tsiêx cxu, chos ntông txi txir, nưs tsênhv zuôr cxiv uô iz kror qơư chiê kriz đar huôv tsar tu zus nhux thiêz zus kêiz ntês kê chiê muôs trâu tuz luôv ciêz đrôngl; taz sik zuôr tas nhiêx txiêx ntâu. Chênhr zos li hêik ntơư, Sang cux xar njôngr, tsưr tsix Đoanx tsuv muôz nhiêx kir txêik chiê huôv tsar tu zus tsiêx cxu cov tâu trơưk li tsưr ziv njuôk xav, cov muôx luz nênhx bluô nux jux juk./.

                                                                                                (TTT)