Jax sâu thưr 7, hnuz 18/3/2017:

Pax lâus tơưs yiêz jông jav nhoz đreiv tsôngv box Điện Biên li đruôz siêz

(......suôz trax đror zos zơưv Mào Văn Ết ntâuk yuôz....Cur têz qơưk nhoz Điện Biên, suôv qơư muôx pax lâus tơưs nja iêz, muôx đêx Nậm Rốm ntưk sik, muôx qox Mường Thanh lịch sử, muôx jêx jok nhoz lov jêv ntưk.........)

   Hâur yênhx tas cik, zơưv Mào Văn Ết, heir nênhs Thêir nhoz jok 6, phương Thanh Trường, TP Điện Biên Phủ cux tsês mê njik six hơưv lok ntâuk trax, heik gâux trâu têx lênhx nênhs hâur chuôz zis thiêz tsôngv cưr tix nênhx tsa sơưr đơưk hâur jok mnôngs têx suôz cưr cxiêx, suôz gâux heik lok pax lâus. Viv hâur luz nênhx, tsưr ziv, siêz xar, zơưv thâuv tưs tưz xar kriê trâu zuk têx tuz nhuôs pâuz tsênhz lok zav pax jông jav no thiêz zov chênhr đros zuk heir nênhs, ndo njôngr hâur đruôz siêz lok têx jax pêv heik txos têx pax lâus tơưs yiêz thiêz jông jav nhoz faz Bắc.

   Viv zav pax ntơư, nênhs Thêir tưz muôx tâu lok six ntâu phôngz cxưx cêr nênhx xênhz huôx, ntênhs hội, suôz gâux sênhr heik nthuôr uô lov jêv đros trâu têx zav nox kaz.... huôv tsar uô txos trâu hnuz no. Txix ntơư tsês chiê iz txux chi di sản vênhx huôv jông đhâu têx suôz sênhr heik gâux, 36 jax sênhr chêr đhiê pax vuôs thiêz lok six ntâu têx ntâuz ntơưr, pax huôv, đaz nênhs heik lok zav pax tơưs yiêz thiêz jông co:

   "Nênhs Thêir seiz têx pax lâus zov chênhr xưk li tsoz ntông lâuk thiêz lox. Lênhx nênhs nox tâu, hloz lox zuôr txir zuôr pox niêv, xênhz tuz ci thiêz huôv tsar. Mak kror jông heik kriê trâu têx tuz nhuôs ntơư cux lok six jông. tsênhv tsênhz zos, uô nênhx nhoz tsuv siz hluz, tuôs muk uô đaz lok cux tsuv siz hluz, siz paz, paz por hưv trâu têx lênhx tsênhv uô nênhx nhoz, têx tuz nhuôs cov lơưr muôx luz nênhx vav mênhx, tsâu sor....".

   Tuôx txos Điện Biên Phủ iz jiês no, txơưv txos kror tưs lok cux zôngx ziv tâu mnôngs têx jax pêv piêr li ntơư, chiê pâuz tsênhz thiêz viv li chas nênhs Thêir Điện Biên ho seiz hloz txos zav pax no bâuv li ntơư. Thiêz thâuv pax lâus qir tâu muôz nthuôr uô ntênhs hội lov jêv hâur niêx shông mak tsi tiêk zos tsôngv box heir nênhs Thêir shir phaz, mak hur si sơưr đơưk puôr lênhx jông siêz, shir phaz lus. Zơưv Mào Văn Ết heik:

    "Đrav ntêx uô tsi tâu têx li heik sâuv taz sik nhiv no Đảng thiêz têz qơưk pêz tưz muôz six hơưv, hnuz nhôngs krêz uô iz ntênhs hội lov jêv, ntơư zos ntênhs hội pax lâus niêx shông. Uô tsâus lok six ntâu, tsôngv box cxuô heir nênhs uô tsâus txos Đảng, têz qơưk, no tsi zos nênhs Thêir li, mak zos tas nro cxuô heir nênhs thiêz sâuv ntiêx têz li hnuz ntênhs côngv cêr lov jêv, piêr kriê têx đuôz shav hâur têz qơưk, lênhx nênhs Tây bắc heik cxuô thiêz Điện Biên heik taz chiê sơưr đơưk pâuz txos vênhx huôv Thêir, pâuz txos têx pax lâus tơưs yiêz".

    Pax lâus tsi tiêk tâu sơưr đơưk nhiêv thiêz pâuz ntâu txos, muôx đros đreiv hâur tsôngv box nênhs Thêir luz nênhx vênhx huôv, mak hâur cxiv tsav tir ntâuk trok châuz Điện Biên Phủ, zav pax no tsênhv paz cxơưz gra tsưr ziv, đas jos trâu têx tuz lênhv, tsôngv box nhoz co muôx cêr thôngx siêz sir jos tir ntâuk trok châuz, tsưx phưv qơư nhoz. Chênhr viv li, thâuv tưs tror txos luz cheix pax lâus tơưs, têx lênhx bôv đôiv lâuk Điện Biên Phủ cux shir phaz, tror ndo txos têx chiv nhênhv sơưr đơưk sik đros tir ntâuk trok châuz đrav ntêx.

Zơưv Nguyễn Hữu Chấp, nhoz jok 20, phường Him Lam, TP Điện Biên Phủ, lênhx bôv đôiv lâuk sư đoanx 312, sư đoanx chênhr hâur cxiv tsav trok Điện Biên Phủ tir ntâuk trok châuz ntơưv trôngz Him Lam thiêz ntêk tâu lênhx thơưx tuz trok Đờ cát tơ ri tror ndo đuô:

    "Pêz têx tuz lênhv seiz njiê têx pax lâus tơưs lok six jông, đơưz pâus li ntơư yênhx faz trôngz, sơưr đơưk cux tiêk chas têx pax no tơưs yiêz thiêz jông uô luôx li. Chênhr li ntơư, pêz thiêx heik tiêk cheix pax lâus tơưs zos cheix tir ntâuk zênhx trok châuz".

    Têx hnuz no, nhoz cxuô txox cêr mul lok hâur TP Điện Biên Phủ, xưk li: Võ Nguyên Giáp, Nguyễn Hữu Thọ, Hoàng Văn Thái....lok sik têx tơư tox, ntar trôngz hâur cxuô huyện hâur tỉnh, kror tưs cux pov pax lâus tơưs yiêz đơưz vok, xưk li tok tsôngv kruô sơưr đơưk tuôx đros côngv cêr lov jêv hâur ntênhs hội pax lâus Điện Biên shông 2017, krêz uô lok hmo 12/3. Zơưv Phạm Việt Dũng, Giám đốc sở vênhx huôv, thêv thao thiêz ju lix tỉnh Điện Biên, Ban tsưr tsix ntênhs hội pax lâus heik:

    "Ban tsưr tsix ntênhs hội cux tưz vênhv tôngv tsôngv box sơưr đơưk, lar heik zos têx tuz nxeik nhuôs shux xênhz hâur cxuô tsêr cơưv sik đros chos, por hưv, tu têx ntông pax lâus. Fuô kriê tsưr ziv txiêr, nyuô têx chês ntông, xeir zuôr chor ntông  jông. Uô li chas chiê tsôngv kruô tuôx Điện Biên, iz chas seiz pov tox trôngz hâur pêk jông tsênhv tâu seiz têx pax lâus tơưs nja iêz".

     Txos nhiv no, iz chas Điện Biên, têx ntông pax lâus tưz muôx nhoz trâu ntâu  tỉnh, thành phố hâur hur si têz qơưk, muôx nhoz Hà Nội, muôx nhoz iz saz nza Võ Nguyên Giáp ntơưv Quảng Bình. Khov li ntơư, tsôngv box Điện Biên thâuv tưs tưz shir phaz lok têx pax lâus, cux li tsôngv box cxuô heir nênhs nhoz no li têx txux chi vênhx huôv jông  muôx thâuv nzor lok./.

(Vũ Lợi-Riê Lâux cxeik, nhênhv)  

Phênhv thưr 7, hnuz 18/3/2017:

Hêir nênhs poz ziz têx grêix njêk cxiêz

   Pos Lường Thị Ngọc Anh, nhoz tsêr tsês cxuô zav chuôz zênhx tỉnh Sơn La cux xav tiêk:ốTik pâuz shor hêir nênhs pơz ziz zav grêix njêk cxiêz muôx txix thâuv tưs lok, txix thâuv hloz lox cux zênhx pov zav nox ntơư muôx đros đrêiv hêir nênhs poz ziz nhoz thax tsav faz Bắc li pluôk nox. Thiêz hâur pluôk nox, thâuv tưs cux muôx zav grêix njêk cxiêz ntơư chiê  tsôngv kruô tuôx sêiz shuôk ziv chuôz zis đros nox.

   Phênhv ntâu, hêir nênhs poz ziz xêir têx zav njêk li: Njêk pok nêiz, njêk nox jâuz, chox lok fêik thiêz muôz shaz txoz, đok đros trâu cxuô zav txux lov, cuô txoz chox lok shơư tsês ntêr 30 phênhz cov têx txux lov co thơưv trâu tus njêk ntơư li  muôz chox lok cxiêz. Thiêz hêir nênhs poz ziz cux xêir têx njêk lox chox lok fêik thiêz muôz têx plaz hnhur uô đuô iz zav txơưr đuô shơư  txux lov chox lok nox cux kaz cơưs thiêz.

   Pos Lò Thị Phương, nhoz jos Cọ, thành phố Sơn La cux thav tiêk: Zos muôx plaz hnhur njêk đros trâu kê njêk chox lok uô nox cux kaz cơưs thiêz; taz sik tsuv pâuz muôz txux lov chox lok uô shơư nox thiêx kaz.

   Njêk nox jâuz, tsuv muôz chor muôx 1-2 chiêz, chor plaz hnhur ntơư thiêx txâuk uô đuô zav nox. Lar hêik zos, thâuv uô chor njêk ntơư, tsuv muôx shaz txoz chox lok shơư thiêz thâuv cxiêz tâu siêr co, nox thiêx kaz. Chênhr zos li hêik ntơư, thâuv tsôngv kruô muôx jiês tuôx ndis ntux sêiz shuôk têz qơưs txos faz Bắc, tsuv nox siv hêir nênhs poz ziz zav grêix njêk cxiêz hêik ntơư, têx jiês cux zuôr nhoz trơưr tsôngv kruô siêz tsik plox./.

                                               (Tsuv cxêik nhênhv-VOV4)