Tsôngv box Yên Thế uô tsi tâus pa viv Tsênhv qơư y tế huyện hlơưr têx vuôz tsuôz kiês nênhs por tsês

          Pos Lê Thị Hương, nhoz uô nênhx ntơưv tuêv jênh phố 8, thị trấn Yên Thế puz pâuz: Tsênhv qơư y tế huyện Lục Yên li hâux lưv hlơưr por tsês têx vuôz tsuôz kiês nênhs tưz muôx yưv 2 shôngk no thiêz ntu jê ntơưv no uô zênhr shar zov chênhr txos tsôngv box li luz nênhx. Tsêr nhoz jê thax tsav hlơưr, pos Hương cux tsi pâuz tsênhz shor Tsênhv qơư y tế huyện hlơưr tul tsi mak lok six tsư cuz nhiêz thiêz nqo pa zov chênhr. Muk ciês ntơưv qơư seiz mak pov lơưr hlơưr têx traz côngz cxax yuôx, tsuôk lav hlơưr hâur têx luz kror txok xưz:

          “2 shôngk jê ntơưv no hlơưr mak cuz lok six tsư, nhiêx tsi tsưv ciês hlo. Muôx têx hnuz nqo pa tas hâur tsêr, nhoz tsi tsưv. Taz sik zos đruôz hnuz mak khiêr tơưv muk đrâuv jôngr tâu, hmo ntux mak tsi pâuz khiêr muk tưs. Tsi tâu heik txos hâux lưv đêr cưr têx vuôz tsuôz co muk cxuô qơư lok six tsư nxiêz...”

          Đrâuv nqo pa thiêz tsư cuz nhiêz, tsôngv box nhoz no cux puz pâuz, qơư por Tsênhv qơư y tế huyện li têx vuôz tsuôz kiês nênhs nhoz jê ciês co cux uô lok six tsư nxiêz. Nhiêx tsi tsưv thiêx muk pov cov chinhr quyênx, taz sik txos nhiv no tsi tâu pov car chêx. Tix lâuk Nguyễn Văn Vinh thiêz tix lâuk Nguyễn Văn Cường, tsôngv box nhoz tuêv jênh phố 8, thị trấn Yên Thế puz pâuz:

          “ Pêz hnor tơưs lox mak nyei zos tơưs têx hưx. Yuôr tsư nxiêz mak hniê tsi tsưv, xưk li hlơưr tsiêx cxu li. Fênhx yax thưr 5 thiêz thưr 6 mak hlơưr ntâu tiv zix”.

          “Muk thị trấn mak muôx giám đốc Tsênhv qơư y tế đros muk chiê uô hâux lưv đros tsôngv box, lơưr heik tiêk zuôr hlôngr yiêz chiê hlơưr taz sik hlơưr li no mak tsi tâu. Tsư uô tsi tâus pa hlo...”

          Lơưr nênhs sâu xor xưv njiê pov, Tsênhv qơư y tế huyện Lục Yên li kror txos hlơưr tsuôk kuôk tsôngv box li tsêr nhoz muôx nhos 1 faz nja, xưk li iz luz kror txos fênhx yax. Hâur kror txos đrâuv muôx ntâu têx vuôz tsuôz kiês nênhs, tsênhv muôx ntâu têx côngz cxax yuôx. Muôx qơư por têx vuôz tsuôz kiês nênhs txơưr tâu cxiv đar muôx nhos 1 yiv ndis. Cxôngx co thiêx tsư nxiêz, lênhx tưs muk đhâu cux lok six riêz nênhs.

          Pos Phạm Thị Khang, tuêv tsar tuêv jênh phố số 8, thị trấn Yên Thế puz pâuz, cxôngx shông 2019 tsôngv box tưz muôx ntơưr pov trâu chinhr quyênx; saz Tsênhv qơư y tế huyện cux heik zuôr car chêx, taz sik txos nhiv no tsi tâu muôx tul tsi hlôngr yiêz thiêz tsôngv box tsênhv tror muôx ziv chênhv thix ziv...

          “Thâuv tsênhv qơư y tế hlơưr têx vuôz tsuôz kiês nênhs mak tuêv jênh phố muôx 26,27 ziv chuôz zis trâus zênhr shar. Lơưr cur xar mak, côngz tsinhx yưr lir têx vuôz tsuôz kiês nênhs tsuv taz por, nhiv no pa tsênhv nqo uô pox nhuôs cor tsi tsưv, six fênhx li no mak tuêv jênh phố 8 pêz lok six lax...”

          Uô hâux lưv đros nênhs sâu xor xưv, zơưv Trần Trọng Lợi, Giám đốc Tsênhv qơư y tế huyện Lục Yên puz pâuz, côngz tsinhx yưr lir taz viv li têx vuôz tsuôz kiês nênhs nhiv no tsi tâu kho đuô viv ntâu lik zơưx. Hâux lưv yưr lir têx vuôz tsuôz kiês nênhs njiz ntâu phêv liv, tsôngv box heik cux zos tsênhz tiês, taz viv tsênhv sik côngv chiê nzor car chêx hâux lưv no./.

(Đinh Tuấn-Txâur Vax cxeik nhênhv)

Niêv tix  Xuân chos jâuz hur muôs, muôx phênhv sâu tâu

yênhx châuv triệu đêiv nhiêx

Niêv tix Đặng Thị Xuân piêr, thâuv nhiv kruôr zuôr txir, kinh têr chuôz zis njiz ntâu cêr txov thiêz phiv liv, tsênhv uô nox lơưr tsưr ziv kuz, txơưv sir jos khưr uô nox lok cêr pluôs fênhx six đros đrêiv niêv tix chuôz zis thiêz pêx xênhv hâur jok yênhx shông. Đros sir jos cov hla đhâu cêr pluôs, ntâu hmo xar thiêz nriêr tsưr ziv uô kinh têr, xuz thơưx niêv tix thav đros tuk txir thiêz têx tuz nhuôs chos txir khơưz đuz thiêz kok tsơưz taz sik cux sâu tâu kik, gri muôs ho tsik truôx. Shông 2018, pov chos jâuz huv đros trâu qiv hơưv, đêx ar, niêv tix đros chuôz zis tưz hlôngr đuô chiê uô tsưr ziv chos jâuz hur, ngaz tuk vêv xênhz zav nox. Niêv tix Xuân puz pâuz: Xuz thơưx, niêv tix tsuôk chos muôx 1.000 tsoz jâuz krưr, súp lơ, su hào muôx 2.500 thiêr ndis ar têz. Chiv xuz thơưx sâu tâu muôs trâu ciêz đrôngs mak muôx chôngz nênhs nhiêv zuôr. Pov chos jâuz uô tau đuô, niêv tix tưz sir jos cxaz chuôz cơưv ntâu lớp kruôz kriê zos huyện, xar kriz, ndis shuôk, cơưv shâuv đhâu ntâuz ntơưr, pov chir lok têx tsưr ziv chos jâuz hur huv đros trâu ntơưv zuk thax tsav qơư:

“Đhâu thâuv muk cơưv shâuv lok cur piz chos jâuz. Uô ntêx mak tsuv uô ar, uô đrox, vâuv qir, mfông hmôngr jêz siz chiê cov chor jâuz jông đuô. Phax tar caz hmoz mak zuk zôngv yuôx sinh học tsuôs trâu. Uô ntêx co xar muôx 10 hnuz uô ntêx thâuv sâu mak tsik tsuv tsuôs yuôx lơưv cov têx jâuz tâu uô ngaz tuk jông”.

Lơưr niêv tix Xuân, thâuv chos jâuz tsuv uô jông uô ar, cov têx ar muôs thiêz nxênhr, uô đrox cov hur, txo grêk tsơưs têx caz hmoz ruôr hiêv txos. Phênhv ntâu zos zôngv qir guôx trâu trâu chor jâuz thiêz trâu nzir qir NPK, qir đạm cov jâuz njuôz jông đuô, tsik tsuôs yuôx por vêv đrox tsuôs trâu jâuz mak zôngv yuôx sinh học chiê paz muôx tâu têx hax huv jâuz hur. Khov tu têx jâuz huv li tsưr ziv kỹ thuật viv li niêv tix chor jâuz tsơưr lươngv ziv hnuz ziv jông thiêz siêz đuô, tưz tsik zos muôs ntơưv thax tsav qơư xưz mak tsênhv tâu chox muk muôs trâu têx đrôngs lox li Hà Nội, siêu thị Big C… Iz shông pêz chiv, xav tas cxuô zav, niêv tix chuôz zis sâu tâu yênhx shông xar muôx 70 triệu đêiv txix chos jâuz, đros trâu tu zus kêiz, buô, niêv tix chuôz zis luz nênhx hax zav jông thiêz truôx tuk đuô. Têx tuz nhuôs tâu cơưv ntơưr cxix cxuô, zuôr tâu ntâu zav chuôz zênhx trâu chuôz zis sir zôngv.

Niêv tix li tsưr ziv chos jâuz tưz tsik zos paz trâu chuôz zis muôx tâu phênhv sâu truôx tuk, mak tsênhv zos qơư trâu ntâu ziv chuôz zis hâur jok cơưv shâuv, uô trơưk. Tix lâus Bàn Văn Thành, nhoz jok Suối Lìn puz pâuz:

“Pov niêv tix Xuân chuôz zis li tsưr ziv chos jâuz uô tâu nox jông, cur tưz muk cơưv shâuv thiêz uô trơưk. Tâu niêv tix Xuân uô jông kruôz kriê, cur tưz kriz uô trơưk chiê tov kaz no zuk chuôz zis cux muôx tâu phênhv sâu thiêz luz nênhx truôx tuk”.

Ntâuk gri lok niêv tix Xuân li tsưr ziv chos jâuz hur, zơưv Bàn Văn Liềm, Bí thư chi bộ jok Suối Lìn puz pâuz: niêv tix Xuân li tsưr ziv chos jâuz ngaz tuk tưz uô tâu nox jông. Hax huv tâu chôngz lênhx nênhs nhiêv, tiv zix zos têx qơư xar zuôr tâu têx hax huv kaz, jông, tsơưr lươngv siêz:

“Niêv tix Đặng Thị Xuân tsưr ziv chos jâuz shông nhiv kruôr đhâu chos tâu pêz chiv jâuz, muôx tâu phênhv sâu siêz, truôx tuk. No zos tsưr ziv uô lok six jông thiêz tsuv tâu kriz uô nox đêx đar. Ntu zuôr txos, pêz zuôr yax kriê trâu pox nhuôs hâur jok hlôngr yiêz đuô tsoz chos cov huv đros trâu đêx ar ntơưv thax tsav qơư, hâur co muôx têx jâuz tâuv, chiê paz trâu huôv tsar kinh têr ziv chuôz zis, paz gra siêz đuô luz nênhx trâu pox nhuôs”.

Niêv tix Đặng Thị Xuân puz pâuz zuôr tror kriz đar đuô thax tsav chos jâuz ndê  nzir 4.000 thiêr cov muôx ntâu jâuz muôs./.

(Triệu Biên-Lik Thox cxêik nhênhv)