Đà Nẵng: chos txir bưởi sâu tâu zuôr xar 200 triệu đêiv iz shông

Zơưv Nguyễn Văn Nhân, nhoz xar tox siêz Hòa Ninh, huyện Hòa Vang, thành phố Đà Nẵng li tsưr ziv chos txir bưởi tơưr njuôz tưz paz muôx phênhv sâu tâu lok nhiêx txiêx trâu chuôz zis. Zơưv Nhân puz pâuz, thâuv ntêx, chuôz zis chos tsoz ntông keo thiêz blêx; taz sik phênhv sâu tsik truôx, chuôz zis lok six txov nhêv. Tov kaz no, zơưv hlôngr chiê chos txir bưởi paz muôx phênhv tâu lok nhiêx txiêx siêz. Txix co, zơưv Nhân kriz đar thax tsav chos txir bưởi ndê muôx 15.000 ntâu yiv ndis. Lơưr zơưv Nguyễn Văn Nhân, txir bưởi txi txir yênhx shông, chor nênhs uô lax luôv tuôx zuôr ciês ntơưv qơư, đros gri 20.000 đêiv iz cir. Iz shông chos 2 chiv, đhâu thâuv yưx tas nhiêx txiêx, zơưv Nhân sâu tâu nhiêx liv txix 150 txos 200 triệu đêiv:

“Pov muôs tâu, kriz đar thax tsav chos nzir. Xar Hòa Ninh cxơưz cxiz chos txir bưởi, pêx xênhv tiv phaz no piz chos lok six ntâu. Chor txir bưởi no lok six hov. Thâuv ntêx, chor têx zav tsoz chos li ntông keo, blêx cux sâu tsik tâu ntâu. Txir bưởi mak tâu chos tsơưs taz sik iz tsoz cux sâu tâu xar muôx 3 txos 4 triệu đêiv lơưv. Khov uô huv đros, txix co luz nênhx kinh têr hlôngr yiêz yênhx shông”.

Nhiv no, zơưv Nhân ziv chuôz zis li tsưr ziv chor txir bưởi tơưr njuôz tưz tâu chôngz lênhx nênhs nhoz tiv phaz uô trơưk. Zơưv Nhân tưz tsik zos paz zuz nôngz mak tsênhv paz kỹ thuật chor txir bưởi trâu chôngz lênhx nênhs. Zơưv Lê Đức Thương, Chủ tịch UBND xar Hòa Ninh, huyện Hòa Vang, thành phố Đà Nẵng puz pâuz: Thâuv ntêx, pêx xênhv nhoz no chos jôngr, chos kok ntông, chôm chôm, txir mo môngk, txir mo mix thiêz blêx muôx chêx cur kik. Ntu jê lok no, pox nhuôs chos txir bưởi thiêz paz muôx tâu phênhv sâu siêz, ndê siêz đuô 6 txos 7 jiês pir li chos blêx thiêz chos jôngr. Zơưv Lê Đức Thương puz pâuz nzir, sâuv thax tsav xar nhiv no muôx 30 ziv chuôz zis  cxaz chuôz chos txir bưởi đros xar muôx 20 hec ta:

“Nhiv no mak sâuv thax tsav xar muôx ntâu ziv chuôz zis chos txir bưởi muôx tâu phênhv sâu, txos nhiv no luôs muôx tsar tov kinh têr uô nênhx nhoz muôx đuô, muôx nênhs tưz zuôr tâu yêz ô tô. Shông no xar tưz cxiv tsa tâu 10 ha thiêz zuôr chos ntâu sâuv thax tsav chiê zos yênhx iz thax tsav uô xênhz yar ntâu. Thâuv ntêx, lơưr chos ntông keo thiêz tràm đros chor tsoz chos txơưr đuô. Taz sik thâuv pov tsoz txir bưởi muôx tsiv gri kinh têr viv li lơưr tưz hlôngr chiê chos đros muôx têz qơưk paz lok zuz nôngz thiêz qir zuôv”.

Zơưv Nguyễn Đình Khánh Vân, Phưv chủ tịch hôiv nôngx mênhx thành phố Đà Nẵng puz pâuz: tsoz txir bưởi tơưr njuôz nhoz xar Hòa Ninh tưz zos yênhx tsoz chos chênhr nhoz tiv phaz. Hội nôngx mênhx thành phố Đà Nẵng tưz sik côngv đros chor nganhx muôx vax huôv tsưr tsix yax kriê kỹ thuật, paz qir zuôv, zuz nôngz thiêz paz pox nhuôs txêik pênhr kriz đar thax tsav chos txir bưởi tơưr njuôz:

“Hôiv nôngx mênhx thành phố cux paz pênhr chiê kriz đar thax tsav chos tsoz txir bươit no, viv txir bưởi tưz tâu côngz jênhv zos muôx chêx cur. Zuôr txos, hâux lưv kriz uô dự án co zuôr paz kriz uô đêz đar. Thauv tsưr tsix uô xênhz yar, njiz phiv liv, Hôiv nôngx mênhx sơưr đros pưk txux chiê hôiv viên nôngx mênhx sik đros doanh nghiệp, chor taz viv txơưr hâur vênhv thix tsưr tsix uô xênhz yar kỹ thuật sâu zuôr hax huv trâu pox nhuôs”.

(TTMT-Lik Thox cxêik nhênhv)

Cơưv shâuv Lâuk Hôx tsuv sưv jê tsôngv box, seiz hloz txos tsôngv box

Uô ntêx shông 2016, txix têx cêr zoz thôngz mul lok hâur xã Đàm Thủy, huyện Trùng Khánh, tỉnh Cao Bằng  tưz trâus puôk tsuôx, tsi jông tas. Tsuv uô  li chas chiê tsôngv box muôx cêr mul lok zôngx ziv, cux zos lênhx nênhs sơưr thơưx hâur Đảng bộ xã Đàm Thủy li cêr cxơưx hâur ntâu shông đhâu: Uô li chas chiê zaz zâuv, yax kriê tâu tsôngv box đros paz chuôz zênhx cxuô zav, hnuz côngk đas jos đros kriz cxiv uô cêr muk lok hâur ntu tsôngv px luz nênhx tsênhv yuôr ntâu txov nhêv. Thượng tá Mê Văn Đạt, canr bôv bôv đôiv pênhz phax tâu tso lok uô Bí thư Đảng ủy thiêz chủ tịch xã, xav tinhv, zuk tsuv sir tas đas jos tsưr ziv uô cov tâu tiêr cxuô luôs hâux lưv zok muôx chiê paz tsôngv box iz thênhv jux juk muk đhâu têx phiv liv hâur luz nênhx. “Ndâux heik, têk uô”, Bí thư Đạt tưz đros px đo suôz jêz thiêz yax kriê yênhx lênhx nênhs đros cxiv uô cêr mul lok..... Đros px uô, đros px nox, đros px nhoz, đros heik px nhoz suôv qơư ntus đriv Đàm Thủy têx luk, Thượng tá Mê Văn Đạt tưz tâu tsôngv box sđ njênhs njôngr, nhiêv txos. Li ntơư txos shông 2016, jiês xuz thơưx tsôngv box xã Đàm Thủy, huyện Trùng Khánh, tỉnh Cao Bằng cxiv uô tâu tiêr iz tuk qox lênhv suôz jêz txix pênhr nhiêx tsôngv box sđ siz chos côngv paz cxiv uô. Bí thư đảng bộ xã Mê Văn Đạt shir phaz heik:

“Nhoz kror tưs hâur niêx hnuz zos uô tâu hâux lưv, tâu tsôngv box sđ nhiêv txos mak ntơư zos cêr shir phaz, paz cxơưz đas jos trâu zuk sir jos uô tiêr jông têx hâux lưv zok muôz”.

Nhoz cxuô nro hâur thax tsav tox siêz, ziv hnuz ziv ntâu canr bôv hluôk pâuz tsênhz lok têx tsưr ziv, cêr uô nênhx jông li heik sâuv trơưk Lâuk Hôx thiêz  tsênhv tsênhv tâu tsôngv px njênhs, nhiêv txos xưk li Bí thư Mê Văn Đạt. Đảng bộ công ty cao su Dầu Tiếng tưz qênhz shuôs uô tsênhz mênhx têx công nhân lox tôngv tsưr ziv, siêz xar zos lok six jông; zos lưv lươngv chênhr paz trâu công ty uô tiêr cxuô luôs hâux lưv zok muôz lok huôv tsar uô lax luôv , muôx phênhv sâu tâu...... Chênhr viv li, niêx hli, Thường trực Đảng ủy, ban Tổng Giám đốc, Thường trực têx tsưr tsix đoanx thêv, hội, tsar têx phongx car uô đreiv têx hâux lưv uz no tsi so buôk ti chuôs njiz nênhs lox tôngv chiê mnôngs têx lênhx lox tôngv heik lơưr tsưr ziv, siêz xar thiêz đơưk uô têx nuv. Nông trường Cao su Trần Văn Lưu, nhoz Công ty Cao su Dầu Tiếng, nhiv no tsênhv seiz car 4 cxênhz 300 ntâu ha ntông cao su đros thiêz 900 ntâu lênhx công nhân. Bí thư Trần bá Lợi, Giám đốc nông trường Cao su Trần Văn Lưu heik pâuz:

“Zuk tsuv sưv jê, sik thav đros têx công nhân chiê sik pheiz kênh têx phiv liv đros công nhân lox tôngv. Chiê txix ntơư lơưr pov jông siêz lok zuk hâux lưv uô. Txix co zos tsưr ziv jông trâu nênhs lox tôngv uô tiêr zuk têx hâux lưv zok muôz”.

           Đôngx chir Nguyễn Thị Thanh, Ủy viên T.Ư Đảng, Bí thư Tỉnh ủy Ninh Bình heik pâuz, pâuz tâu tsênhz Lâuk Hôx cêr tsưr ziv kriê, cêr uô nênhx jông, cxuô cấp ủy Đảng thâuv tưs tưz seiz hloz txos xeir tsov têx tsưr ziv chiê têx canr bôv đảng viên hâur tỉnh uô lơưr hâur têx hâux lưv niêx hnuz. Iz chas ntơư, Tỉnh ủy Ninh Bình tsênhv tsưr tsix xênhz huôx chính trị hâur hnuz xuz thơưx hâur ciêz hur si cxuô cơ quan taz viv, txix tỉnh txos ntơưv qơư puôr lênhx uô li co. Đhâu 2 shông, tsưr ziv uô no tưz fuô uô txos trâu cấp chi bộ, jêx jok, muôz tsưr ziv txơưx jênhv trâu cxuô lênhx px sđ hâur uô lơưr têx hâux lưv thiêz uô trơưk Lâul Hôx. Qir txix shông no, tỉnh Ủy Ninh Bình cxaz nzir tsênhv njiêz zos, niêx hli zuôr kruôs txos têx Đảng bộ, chi bộ uô tâu jông lơưr tsưr ziv heiks âuv. Iz chas co, yênhx têx đảng bộ, chi bộ tsưr ziv, hâux lưv uô  jông lok cơưv shâuv thiêz uô trơưk Lâul Hôx. Đôngx chir Nguyễn Thị Thanh heik:

“Thôngz đhâu hâux lưv kruôs txos thiêz têx nuv uô hâur niêx hnuz, cxuô lênhx sđ pov tiêk, cơưv shâuv thiêz uô lơưr Lâuk Hôx lênhx tưs cux muôx uô tâu, zos tiêk pêz pâuz tsênhz txos têx tsưr ziv kriê thiêz nuv uô, muôx siêz uô trơưk Lâul Hôx. Đhâu ntâuk grê hâur 4 luz hlik shông 2018, tsôngv box sđ sâu jênhv hâux lưv cơưv shâuv thiêz uô lơưr Lâuk Hôx, kruôs txos têx lênhx uô tâu jông luôs hâux lưv no zos lok six jông thiêz tâu canr bôv đảng viên jông siêz, thôngx ziv uô trơưk”.

Iz thax tsav, suôv qơư, nhiêk txơưr nhiêk tsi siz thôngx, cxuô lênhx sđ, tập thể puôr lênhx nhiêk muôx nhiêk tsưr ziv cơưv shâuv, uô trơưk Lâul Hôx. Têx canr bôv thâuv tưs tưz njênhs njôngr trâu Đảng, khov lok tsôngv px, moz siêz lês uô jông têx hâux lưv zok muôz chiê sik đros cxiv tsa thiêz tsưx phưv truôx têz qơưk./.

(Nguyễn Hằng VOV1-Riê Lâux cxeik, nhênhv)