Nênhs pluôs paz nênhs muôx-pov muôx yưv nhoz jos tox siêz Sông Mã

          Tix lâuk Vưx Xênhv Zax chuôz zis nhoz jos Huổi Lếch 2, xã Đứa Mòn, huyện Sông Mã zos iz chuôz zis pluôs. Tix lâuk qơư nhoz pêv tox trôngz, tas nro khov txos huôv tsar tsêz chos poz cưk, shông tưs muôx ntux yar ntux nas paz, cux sâu tâu mê njik kôngz, têx shông tsik muôx ntux yar ntux nas paz, sâu tsik tâu kôngz, tix lâus chuôz zis tsuv nox jâuz, nox kok ntông đhâu hnuz. Luz nênhx lok six txov nhêv, viv li zos chuôz zis tâu sơưv nhiêx txiêx paz txưv lơưr Chinhr phuv li nghị quyết 42, tix lâuk Vưx chuôz zis lok six jông siêz. Taz sik, thâuv muk gra phênhv nhiêx Chính phủ muôz paz ntơưv tsêr vênhx huôv jos, tix lâuk thiêz têx lênhx nênhs  puôr lênhx tsuv khiêz trâu cán bộ jos iz lênhx 30 cxênhz chiê pheiz kênh trâu 5 ziv chuôz zis hâur jos tưz hla đhâu cêr pluôs, tsi tâu sơưv nhiêx txiêx paz txưv. Hâux lưv no uô trâu chôngz lênhx ntâu tus pêx xênhv tsi jông siêz. Tix lâuk Vưx Xênhv Zax heik:

          “Hâur tsêr vênhx huôv mak cán bộ xã muôz nhiêx txiêx, cán bộ jos sơưr ntơưv kror sâu nhiêx txiêx. Iz chuôz zis pluôs lênhx tưs gra tâu nhiêx txiêx Covid mak yưx iz lênhx nênhs 30 cxênhz chiê pheiz trâu chuôz zis bluô nux”

          Đros nhoz jos Huổi Lếch 2, tix lâuk Lò Văn Xuân chuôz zis cux zos iz chuôz zis zuôr xar pluôs. Thâuv gra tâu chor nhiêx txiêx chinhr phuv muôz paz hâur jiês moz Covid huôv xênhz, tix lâuk cux tâu muôz 100 cxênhz ntâu chiê paz têx chuôz zis bluô nux:

          “Cur chuôz zis muôx 4 lênhx nênhs, tâu têz qơưs paz 3 tsov đeiv. Cán bộ jos heik iz lênhxớtuv tâu chưx 30 cxênhz đeiv. Cur chuôz zis muôx 4 lênhx mak pôngz lơưv 120 cxênhz đeiv, côngv cxaz 10 cxênhz iz chuôz zis gôngr paz phax tar Covid mak tas lơưv 130 cxênhz đeiv”.

          Jos Huổi Lếch  2 muôx 37 ziv chuôz zis mak muôx 32 ziv chuôz zis pluôs, ziv chuôz zis zuôr xar pluôs đros 181 lênhx nênhs tâu sơưv paz txưv tiv moz Covid 19 huôv xênhz. Hâux lưv iz lênhx nênhs tâu jênhv paz txưv tsuv muôz 30 cxênhz pheiz kênh paz trâu 5 ziv chuôz zis tưz hla đhâu cêr pluôs thiêz iz chuôz zis tâu muôz 10 cxênhz đeiv paz trâu chor uô hâux lưv phax tar moz Covid 19. Zơưv Lường Văn Toan, Chủ tịch UB xã Đứa Mòn, huyện Sông Mã heik:

          “Thâuv pâuz tâu qênhx shênhx no pêz cux zuôr hu tuêv côngz xưv thiêz ban coar lik jos tuôx chiê uô tsênhz mênhx. Pêz cux zuôr chox kriê tror sâu chor nhiêx txiêx co thêv trâu pox nhuôs”.

          Zơưv Nguyễn Văn Phương, Phưv Chủ tịch UB huyện Sông Mã cux puz pâuz:

          “Nhiv no huyện tưz chox kriê xã yênhx lix tuêv côngz xưv muk qênhz yuôx xav tênhv xor mông no. Zos muôx mak choz trâu chiz coaz taz viv sik côngv đros seiz shuôk thix ziv yưr lir têx lênhx nênhs muôx lênhx coaz uô cxâuv Chinhr phuv li chính sách thiêz tỉnh li chox kriê lơưr trơưk cui tênhv”.

          Đảng, chinhr phuv li têx tsênhv chêi, zos chor nhiêx txiêx paz txưv tiv moz Covid 19 huôv xênhz, tsuv tâu muôz txos ciês lênhx nênhs sơưv. Qênhx shênhx “nênhs pluôs paz nênhs muôx” nhoz jos Huổi Lếch 2, xã Đứa Mòn zos jax cơưv trâu huyện Sông Mã, cux xưk li têx tiv phaz txơưr hâur hâux lưv chox kriê, seiz car chiê muôz Đảng, chinhr phuv li têx phênhv paz txưv trơưk lênhx nênhs pluôs cov zos huv đros./.

(Việt Anh- Txâur Vax cxeik nhênhv)

Nênhs Hmôngz Sà Dề Phìn cxiv uô luz nênhx yiêz

Jok Mao Sa Phìn nhoz kuôk nro hâur vuôk har, đêz tsênhv qơư xã Sà Dề Phìn muôx 5 cêik ntâu, zos suôv qơư muôx 70 ntâu chuôz zis px huôv tsar cêr uô nênhx nhoz, phênhv ntâu zos tsôngv box Hmôngz. Thâuv ntêx, Mao Sa Phìn tưz muôx jiês tâu seiz zos thax tsav cuz nxor lok zax zênhz nhoz Sìn Hồ. Muôx zax zênhz zôngv, phênhv ntâu têx hluôk nênhs, txir nênhx nhoz hnuz nhôngs muôx đas jos huôv tsar uô nox tưz trâul muôx zênhk zax zênhz, tsi xar đros têx pox niêv, mê nhuôv khưr uô têx liêx têz.

Pos Zax Páo Thìn-nhoz jok Mao Sa Phìn tror ndo txos: Thâuv ntêx ntơư, chor txir nênhx hâur jok, chuôs li lênhx tưs cux muôz zax zênhz seiz hloz, niêx hnuz hmo nhoz đros zax zênhz. Thâuv lơưr tsi hâuk zênhz mak ho hâuk chơưr, viv li cxuô luôs hâux lưv lox, zâu hâur vax tsêr puôr lênhx zos têx pox niêv  uô tas hur si. Thâuv tsi muôx zax zênhz hâuk, lơưr ho khênhr muk nhiês têx chuôz zênhx uz no hâur tsêr thiêz luôs lưv tus hâur jok têx chuôz zênhx chuôz tav chox muk muôs, viv li hâur jêx jok thâuv tưs cux nxor hnho, tsi truôx tuk. Tov kaz no tâu canr bôv yax kriê, chox muk chiv zênhk zax zênhz, muôz têx zuz nôngz kôngz yiêz sâu tâu nju kôngz, hlôngr tsoz zax zênhz, txix ntơư tưz pov njôngr luz nênhx tưz hlôngr yiêz ntâu:

“Canr bôv Công an, hâu nov, hâur 2, 3 shông lok no lok six moz siêz uô côngz xưv, yax kriê zax zênhz têx tsi jông, uô hiêv trâu lênhx nênhs, px hâur jok cux tưz uô trơưk, chor nênhs trâul muôx zênhk zax zênhz mak mul chiv zênhk zax zênhz, nox hâuk têx yuôx chiv zênhk zax zênhz uz no, iz ntuk jê lok no pêz px sđ cux nox nhoz njiês to, tsi muôx têx cuz nxor li thâuv ntêx lơưv”.

  Chiê txo grêk tsơưs têx tsi jông li heik sâuv, paz px hlôngr yiêz txux chi tsưr ziv jênhv pâuz, jux juk txo grêk tâu cêr yêiz pluôs, têx côngz đas jos lox tsuv heik txos zos canr bôv đoanx thêv đros trâu công an hâur xã, công an jok. Đhâu thâuv xã muôx tsưr ziv, iz lênhx canr bôv Công an zos iz lênhx muk yênhx jêx jok yax kriê, yênhx chuôz zis vênhv tôngv px cir ntơưr chos luk: tsi hâuk, tsi đros luôs lưv tus sir zôngv zax zênhz. Trung tá Lò Văn Xương, Tsar Công an xã Sà Dề Phìn, huyện Sìn Hồ heik pâuz:

“Pêz tưz muk yênhx chuôz zis chiê yax kriê vênhv tôngv tsôngv box gra siêz txux chi tsưr ziv jênhv pâuz, chênhr phax, đros yơưz phơưz têx nênhs fêv uô cxâuv chei. Tsôngv box sđ chiv chir por hưv zuk têx chuôz zênhx chuôz tas thiêz đros phax tar zax zênhz chiê qênhz pov chor nênhs tâu xav tiêk nhiês zuôr muôs, uô luôv zax zênhz.... nhoz thiêz mul lok đhâu hâur hâur thax tsav. Đhâu fuô uô têx hâux lưv li heik co, mak têx nênhs fêv uô cxâuv, nênhs zuôr muôs zax zênhz cux tâu txo grêk tsơưs, chor nênhs trâul muôx zênhk zax zênhz cux jux juk tâu chox muk chiv zênhk zax zênhz tas”.

Txix iz xã cuz nxor lok zax zênhz thiêz jêx jok tsi truôx tuk, khov muôx tas nro txix luôs chính trị li têx sir jos sik đros uô hâux lưv phax tar têx tsi jông li heik sâuv, 3 shông tror lok no, xã Sà Dề Phìn tưz tsi pov muôx nzir lênhx nênhs tưs muôx zênhk zax zênhz. Nhiv no ntơưv qơư tsuôk yuôr 5 lênhx nênhs muôx zênhk zax zênhz thiêz phênhv ntâu zos têx lâuk nênhs. Hâur thax tsav tsi pov zuôr muôs, uô luôv zax zênhz li thâuv ntêx.

Zơưv Nzơưs Xênhv Shôngx, Bí thư Đảng ủy xã Sà Dề Phìn, huyện Sìn Hồ shir phaz heik: Đhâu thâuv muôx lưv lươngv Công an lok paz uô têx hâux lưv phax tar zax zênhz, hâu nov xã lok six sir jos chiê txo grêk tsơưs chor nênhs muôx zênhk zax zênhz thiêz nhiês zuôr muôs, uô luôv zax zênhz. Canr bôv công an xã zos têx lênhx uô ntêx nyuôs, muk seiz car têx jêx jok chiê đros têx đoanx thêv hâur jok mul trâu chor chuôz zis muôx lênhx nênhs hâuk zax zênhz thiêz paz max chox lơưr muk chiv zênhk zax zênhz. Iz chas ntơư, lưv lươngv công an cux qênhz shuôs, sir jos sơưr tơưv txênhz, phax tar têx lênhx nênhs zuôr muôs, uô luôv zax zênhz tsi trơưk chei:

“Đhâu ntu muôx  công an lok paz hâur xã uô hâux lưv phax tar têx nênhs fêv, nênhs uô cxâuv chei, mak kror tưs muôx cuz nxor, muôx têx hâux lưv đaz tsi phênhv ntâu cux zos chor công an co uô ntêx nyuôs. Lơưr tưz nhênhz chơưv tâu trâu cấp ủy cxiv tsa tsưr ziv, hux jos đros yax kriê lok zax zênhz têx uô hiêv thiêz tsi jông txos trâu px sđ pâuz. Đhâu têx hâux lưv uô li no cux txo grêk tsơưs tâu qênhx shênhx zuôr muôs, uô luôv zax zênhz”.

Khov tas nro cxix luôs chính trị sik đros côngv têk paz uô hâux lưv phax tar, đhâu ntâu shông muôx têx cuz nxor lok zax zênhz tsi truôx tuk, nhiv no tsôngv box cxuô heir nênhs nhoz Sà Dề Phìn tưz tso siêz huôv tsar uô nox uô hnar thiêz jux juk hla đhâu cêr yeiz pluôs truôx vênhk, cxiv tsa têz qơưk./.

(An Kiên-Riê Lâux cxeik-Lik Thox nhênhv)