Sơn La: Qơư uô jâuz hur trơưk li Viêt Gap

          Hêik txos qơư uô jâuz hur ntơưv xã Đông Sang, huyện Mộc Châu, tỉnh Sơn la, cux tâu hêik txos pos Nguyễn Thị Luyến, thơưx sêiz car qơư uô jâuz thiêz cux zos iz hâur yênhx puô lênhx pox niêv hâur hur si têz qơưs pâuz huôv tsar cêr uô nox nhiv kruôr tâu têz qơưs kruôk hâur hli 3 đhâu. Shông 1980, pos Luyến nhoz Hà Nội đros chuôz zis tuôx huôv tsar cêr uô nox trâu Mộc Châu. Hâur ntu ntơư, tsôngv px nhoz thax tsav huyện Mộc Châu tsênhv yuôr ntâu cêr txov nhêv. Chênhr zos li hêik ntơư, pos Luyến truôx siêz bo tuôr xav cxuô faz tsưr ziv huôv tsar cêr uô nox yiêz cov chuôz zis muôx luz nênhx truôx tuk, tsâu sor jux juk. Pâuz tâu thax tsav qơư no zôngx ziv huôv tsar tsêz chos cxuô zav jâuz, cxuô tsoz chos thiêz tâu cơưv lok tsưr ziv huôv tsar cêr uô nox. Txos trâu shông 2011, Pos Luyến tưz đros iz cxiê ziv chuôz zis hâur jos cxiv tsa tâu qơư chos jâuz hur. Txix ntơư, cê huôv tsar uô, cê cơưv shâuv thiêz txos shông 2013, tưz muôx 40 ziv chuôz zis px đros uô. Pos Nguyễn Thị Luyến hêik pâuz: “Cur tưz muk đhâu têx phiv liv, cur thiêx cxiv tsa tâu qơư  chos jâuz hur. Thâuv chos tâu jâuz hur, tsuv uô li chas cov muôx chôngz lênhx nênhs tuôx zuôr  chox muk muôs trâu ciêz đrôngl, px thiêx muôx luz nênhx truôx tuk”.

          Chiê tsêz chos cov tâu jâuz hur, cxuô qơư tsêz chos jâuz tsuv huôv tsar uô cov zos đrêiv luôs hâux lưv tso tơưv Việt Gáp. Tsuv sâu cxix cxuô hâur ntu tsêz chos txos trau thâuv sâu muôs thiêz zok nriêr tsưr ziv yiêz huôv tsar uô cov ziv hnuz ziv huôv tsar tau truôx, huv đros cxuô tsênhv qơư, ciêz đrôngl.

          Xav txos trâu nhiv no, thax tsav qơư ntơư tưz chos tax tâu 15 ha jâuz hur, chox muk muôs trâu ciêz đrôngl Hà Nội thiêz muôx hâux lưv trâu 80-100 lênhx uô. Pos Nguyễn Thị Thuý, zos iz lênhx tsêz chos jâuz hur hêik pâuz: “Cur uô hâux lưv ntơưv no txix shông 2015 thiêz ntơưv no, hnuz tưs cux muôx hâux lưv uô, 4 triệu iz luz hli”

          Trơưk li pos Nguyễn Thị Luyến, sêiz car qơư uô jâuz hur, qơư uô jâuz no tsênhv yuôr ntâu luôs hâux lưv tsuv huôv tsar uô cov tâu truôx đuô. Taz sik, kror tiv  1, tsuv huôv tsar tsêz chos cxuo0o zav jâuz hur cov muôx chôngz lênhx ntâu tus tuôx zuôr txos”. “Pêz tsênhv zuôr tsêz chos nzir cxuô zav jâuz hur, nhiv no pêz tưz cxiv tsa tâu 3 kror qơư huôv tsar tsêz chos jâuz trâu ntơưv jos Búa, jos Áng 1, jos Áng 2 thiêz đros huyện yax kriê tsôngv px hâur thax tsav tsuv chos jâuz hur cov muôx liv trâu sđ luz nênhx”.

          Luôs hâux lưv tsêz chos jâuz hur ntơưv xã Đông Sang, huyện Mộc Châu, tỉnh Sơn La, zos iz thax tsav qơư jông huôv tsar uô bluô nux trâu thax tsav qơư nhoz./.

                                                                                                                                                        (Tsu cxêik nhênhv-TTTB)

NÔNGX MÊNHX ZUÔR TSUV PÂUZ

Tsôngv pox nhuôs sơưr đơưk hmor yuô. Hlôngr đuô tsoz chos, xêir têx zav tsoz chos huv đros qiv hơưv, đêx ar nhoz tiv phaz, thiêz tiv zix zos tsiv gri kinh tế siêz, truôx tuk zos pêx xênhv nhoz jok Bản Lầu, Mường Khương, Lào Cai li tsưr ziv hla đhâu cêr pluôs. Lơưr no zâuv sơưr đơưk đros nriêr pâuz đhâu jax sâu đrav kaz.

Tsưr ziv tu zus ntâu kror uô cê

Vax Seo Dìn nhoz jok Na Lốc, xã Bản Lầu, Mường Khương, Lào Cai piêr: 10 shông ntâu tror uô ntêx chuôz zis tsuôk chos poz cưk, kok ntông, viv li yêiz pluôs tsik so đros đrêiv. Tix lâus sir jos muk trâu cxiê qơư chiê cơưv shâuv tsưr ziv hlôngr đuô tsoz chos lok txêik pênhr hâur zênhx hangx chiê chos txir pôngr lux. Nhiv no, iz shông, tix lâus chuôz zis cux sâu tâu muôx 300 triệu đêiv.

Chiv txir thênhx caz nhiv kruor đhâu, tix lâus Sền Pờ Diu li chuôz zis nhoz jok Chúng Chải B sâu tâu 100 triệu đêiv ntâu txix muôs txir thênhx caz. No tsik tâu zos ntâu, viv tsuôk shông tov kaz xưz thâuv chor txir thênhx caz tưz txi txir cix cxuô, chor nhiêx no zuôr ntâu đuô oz jiês, têx thâuv tsênhv ntâu đuô pêz jiês thiêz. Uô ntêx shông 2010, tix lâus Diu cux xưk li chor chuôz zis txơưr đuô hâur jok, tsuôk chos poz cưk thiêz blêx viv li sâu tâu tsik txâuk nox. Tâu cán bộ cxơưz cxiz uô kôngz hêik kriê, tix lâus Diu thiêz ntâu ziv chuôz zis txơưr đuô đăngk cir chos txir thênhx caz. Chuôz zis tưs muôx ntâu ar mak chos ntâu, muôx ar tsơưs mak cux 300-400 tsoz. Nhiv no, đhâu 6 shông chos, tsoz txir thênhx caz tưz paz muôx phênhv ntâu trâu sơưr đơưk.

Nhạc ngắn

Tix lâus Diu, tix lâus Dìn tsuôk zos oz hâur lok six ntâu ziv chuôz zis nhoz tox siêz Mường Khương hla đhâu cêr pluôs khov sir jos hlôngr yiêz tsoz chos. Chiê paz pêx xênhv cxuôv pluôs sêiz thiêz truôx đrênhk, huyện Mường Khương lok six tsov cưv muôz chor tsoz chos, tsiêx zus tsiv gri kinh tế siêz lok chss thiêz tu zus; tsov cưv txos uo xênhz yar kôngz nuv, hâur co tsêx trung uô chor thax tsav chos zos yênhx hax huv. Chor tsoz chos Mường Khương xêir tsov tsuv taz por: huv đros qiv hơưv, đêx ar nhoz tiv phaz, huv đros pêx xênhv tsưr ziv uô nox thiêz zov chênhr tiv zix zos tsiv gri kinh tế siêz, truôx tuk.

Nhiv no, Mường Khương tưz uô tiêr ntâu thax tsav chos tsoz chos nto bê li txir pôngr lux, txir tsơưz, tsêx trung ntơưv chor xã Bản Lầu, Lùng Vai, Nậm Chảy. Đuô li, tsêhv huôv star iz cxiê zav tsoz chos tsiv gri kinh tế siêz li: Caz tsiz, txir hơưk, cuô txoz, jâuz cxuô zav. Chor tsoz chos no paz muôx phênhv sâu siêz trâu tsôngv box cxuô mênhx cxưx ntơưv chor xã tox siêz no.

Phênhv “Nôngx mênhx zuôr tsuv pâuz” ciêz no tsuôk xâuk li no xưz. Phênhv no zos Đaix TNVN côngv đros tsênhv qơư cxơưz cxiz têz qơưk uô./.

                                                                                                                              (Lik thox cxêik nhênhv